Jai Durga Mata Mandir, Khaila Kalan - Mansa, Punjab

11/08/2026

10/08/2026

ਜੈ ਦੁਰਗਾ ਮਾਤਾ ਮੰਦਰ ਖਿਆਲਾ ਕਲਾਂ ਵਿਖੇ 41ਵਾਂ ਸਲਾਨਾ ਮੇਲਾ, ਝੰਡਾ ਸਮਾਰੋਹ ਅਤੇ ਵਿਸ਼ੇਸ਼ ਖੂਨਦਾਨ ਕੈਂਪ ਧੂਮਧਾਮ ਨਾਲ ਆਯੋਜਿਤ ਕੀਤਾ ਗਿਆ (ਮਾਨਸਾ), 9 ਅਗਸਤ 2026:
ਜੈ ਦੁਰਗਾ ਮਾਤਾ ਮੰਦਰ ਕਮੇਟੀ (ਰਜਿ.), ਖਿਆਲਾ ਕਲਾਂ (ਮਾਨਸਾ) ਵੱਲੋਂ ਅੱਜ 41ਵਾਂ ਸਲਾਨਾ ਮੇਲਾ ਅਤੇ ਝੰਡਾ ਸਮਾਰੋਹ ਬੜੀ ਸ਼ਰਧਾ ਅਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਪਵਨ ਅਵਸਰ 'ਤੇ ਧਾਰਮਿਕ ਸਮਾਗਮਾਂ ਦੇ ਨਾਲ-ਨਾਲ ਮਾਨਵਤਾ ਦੀ ਸੇਵਾ ਨੂੰ ਮੁੱਖ ਰੱਖਦਿਆਂ ਮੰਦਰ ਪਰਿਸਰ ਵਿਖੇ ਇੱਕ ਵਿਸ਼ਾਲ ਖੂਨਦਾਨ ਕੈਂਪ ਵੀ ਆਯੋਜਿਤ ਕੀਤਾ ਗਿਆ।
ਸਮਾਗਮ ਦੀ ਸ਼ੁਰੂਆਤ ਸਵੇਰੇ 5:00 ਵਜੇ ਰੇਲਵੇ ਫਾਟਕ, ਮਾਨਸਾ ਤੋਂ ਮਾਤਾ ਜੀ ਦੇ ਪਾਵਨ ਝੰਡੇ ਖਿਆਲਾ ਮੰਦਰ ਲਈ ਰਵਾਨਾ ਕਰਕੇ ਕੀਤੀ ਗਈ। ਸ਼੍ਰੀ ਖਿਆਲਾ ਕੀਰਤਨ ਮੰਡਲ (ਮਾਨਸਾ) ਅਤੇ ਸਮੂਹ ਸੰਗਤ ਨੇ ਮਹਾਮਾਈ ਦਾ ਗੁਣਗਾਨ ਕਰਦੇ ਹੋਏ ਪੈਦਲ ਯਾਤਰਾ ਰਾਹੀਂ ਮੰਦਰ ਦਰਬਾਰ ਵਿਖੇ ਹਾਜ਼ਰੀ ਭਰੀ, ਜਿੱਥੇ ਭਜਨ-ਕੀਰਤਨ ਨਾਲ ਪੂਰਾ ਮਾਹੌਲ ਭਗਤੀਮਈ ਹੋ ਗਿਆ।
ਇਸ ਮੁਬਾਰਕ ਮੌਕੇ 'ਤੇ ਲਗਾਏ ਗਏ ਖੂਨਦਾਨ ਕੈਂਪ ਵਿੱਚ ਇਲਾਕੇ ਦੇ ਨੌਜਵਾਨਾਂ ਅਤੇ ਦਾਨੀ ਸੱਜਣਾਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਵੱਡੀ ਗਿਣਤੀ ਵਿੱਚ ਖੂਨਦਾਨ ਕੀਤਾ। ਡਾਕਟਰਾਂ ਦੀ ਵਿਸ਼ੇਸ਼ ਟੀਮ ਵੱਲੋਂ ਖੂਨਦਾਨੀਆਂ ਦੀ ਸਿਹਤ ਜਾਂਚ ਤੋਂ ਬਾਅਦ ਖੂਨ ਇਕੱਤਰ ਕੀਤਾ ਗਿਆ। ਮੰਦਰ ਕਮੇਟੀ ਵੱਲੋਂ ਸਾਰੇ ਖੂਨਦਾਨੀਆਂ ਨੂੰ ਪ੍ਰਸ਼ੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਸਮਾਗਮ ਦੌਰਾਨ ਮਾਤਾ ਜੀ ਦਾ ਭੰਡਾਰਾ ਸਾਰਾ ਦਿਨ ਅੱਤੁਟ ਵਰਤਿਆ। ਇਸ ਮੌਕੇ ਮਾਨਸਾ ਦੇ ਐਮ ਐਲ ਏ ਡਾਕਟਰ ਵਿਜੇ ਸਿੰਗਲਾ ਜੀ ਆਪਣੀ ਟੀਮ ਨਾਲ ਵਿਸ਼ੇਸ਼ ਤੌਰ ਤੇ ਪੋਹਚੇ ਅਤੇ ਮੰਦਿਰ ਕਮੇਟੀ ਵੱਲੋ ਉਹਨਾ ਦਾ ਸਨਮਾਨ ਕੀਤਾ ਗਿਆ । ਮਾਨਸਾ ਤੋਂ ਵੱਖ ਵੱਖ ਧਾਰਮਿਕ ਅਤੇ ਸਮਾਜਿਕ ਅਤੇ ਰਾਜਨੀਤਿਕ ਸੰਸਥਾਵਾਂ ਦੇ ਆਗੂ ਸਹਿਬਾਨ ਅਤੇ ਖਿਆਲਾ ਕਲਾਂ ਦੀ ਪੰਚਾਇਤ ਮੰਦਿਰ ਵਿਚ ਦੁਰਗਾ ਮਾਤਾ ਤੋਂ ਅਸ਼ੀਰਵਾਦ ਲੈਣ ਲਈ ਪੁਹੰਚੇ ।
ਇਸ ਸਮਾਗਮ ਨੂੰ ਸਫਲ ਬਣਾਉਣ ਵਿੱਚ ਮੰਦਰ ਕਮੇਟੀ ਦੇ ਪ੍ਰਧਾਨ ਆਤਮਾ ਸਿੰਘ ਮੌਂਗਾ ਅਤੇ ਉਣਾਂਦੇ ਪੁੱਤਰ ਸੋਹਣ ਸਿੰਘ , ਜਨਰਲ ਸੈਕਟਰੀ ਪ੍ਰਵੀਨ ਕੁਮਾਰ ਜਿੰਦਲ, ਪ੍ਰੋਜੈਕਟ ਚੇਅਰਮੈਨ ਸੰਜੀਵ ਕੁਮਾਰ ਜਿੰਦਲ, ਕੈਸ਼ੀਅਰ ਸੁਰੇਸ਼ ਕੁਮਾਰ ਜਿੰਦਲ, ਮੀਤ ਪ੍ਰਧਾਨ ਰਾਜਕੁਮਾਰ ਮਾਲਵਾ, ਸਰਪ੍ਰਸਤ ਲੋਕ ਰਾਮ ਜਿੰਦਲ ਤੇ ਓਮਕਾਰ ਜਿੰਦਲ, ਸੈਕਟਰੀ ਰਾਜਕੁਮਾਰ ਜਿੰਦਲ ਤੇ ਸੈਕਟਰੀ ਇੰਜ ਅੰਕੁਸ਼ ਜਿੰਦਲ (ਸ਼ਿਵ ਸੈਨਾ) , ਜੀਵਨ ਕੁਮਾਰ ਅਰੋੜਾ , ਦਰਸ਼ਨ ਕੁਮਾਰ ਜਿੰਦਲ , ਰਾਜਿੰਦਰ ਕੁਮਾਰ ਬਿੱਟੂ , ਜਿੰਦਲ , ਅਰੁਣ ਜਿੰਦਲ , ਪਵਨ ਕੁਮਾਰ , ਅੰਮ੍ਰਿਤ ਪਾਲ , ਦਿਨੇਸ਼ ਕੁਮਾਰ , ਸ਼ੈਰੀ ਜਿੰਦਲ , ਰਾਕੇਸ਼ ਜਿੰਦਲ , ਮੰਦਿਰ ਦੇ ਪੁਜਾਰੀ ਪੰਡਿਤ ਸਤੀਸ਼ ਕੁਮਾਰ ਅਤੇ ਮਨੇਜਰ ਧਰਮਿੰਦਰ ਸ਼ਰਮਾ ਅਤੇ ਪ੍ਰਬੰਧਕ ਕਮੇਟੀ ਦੇ ਅਧਿਕਾਰੀ ਸਮੂਹ ਮੈਂਬਰਾਂ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ।
ਵੱਲੋਂ: ਜੈ ਦੁਰਗਾ ਮਾਤਾ ਮੰਦਰ ਕਮੇਟੀ, ਖਿਆਲਾ ਕਲਾਂ (ਮਾਨਸਾ)

10/08/2026

10/08/2026

09/08/2026

LIVE | 41ਵਾਂ ਸਲਾਨਾ ਮੇਲਾ ਅਤੇ ਭਵਿਆ ਜਾਗਰਣ 🙏🚩 | ਜੈ ਦੁਰਗਾ ਮਾਤਾ ਮੰਦਰ | ਖਿ...