28/11/2025
*വിളയിലെ കൊക്കർണി തീത്ഥം. *
വിളിച്ചാൽ വിളികേൾക്കും വിളയിൽ ഭഗവതി. ഏറനാട്ടിലെ പ്രസിദ്ധമായ ദേവീക്ഷേത്രം. ശംഖചക്രാഭയവരദയുടെ അപൂർവ്വപ്രതിഷ്ഠ. സമീപം പതിനെട്ടരക്കാവിലെ അരക്കാവായ കരിങ്കാളി പ്രതിഷ്ഠ. നാഗത്താൻ കോട്ട. ഗണപതിയും ദക്ഷിണാമൂർത്തിയും അയ്യപ്പനും തേവാരശിവനും ഉപദേവതമാർ . സമീപം തുല്യ ശക്തിയോടെ വിരാജിക്കുന്ന പതിനെട്ടരക്കാവിലെ അരക്കാവെന്ന് കേളികേട്ട കരിങ്കാളികാവ്. എല്ലാ ചൊവ്വയും വെള്ളിയും കരിങ്കാളിയമ്മയ്ക്ക് കൊടുക്കുന്ന മഹാഗുരുതി പൂജയിൽ ഉദ്ദിഷ്ടകാര്യത്തിന് 100% ഫലസിദ്ധിയെന്ന് ഭക്തജനസാക്ഷ്യം. എല്ലാ അമാവാസി നാളിലും തർപ്പണത്തോട് കൂടിയ ഗുരുതി . ക്ഷേത്രത്തിന്റെ അതി പ്രാചീനത വിളിച്ചോതുന്ന ആലും, കുളവും, കാവും നാലമ്പലത്തിനുള്ളിലെ മണിക്കിണർ അടക്കം അഞ്ച് ജലാശയങ്ങൾ. ഏറ്റവും പ്രധാനം കന്നിമൂലയിലുള്ള കൊക്കർണി തീർത്ഥം. ഉതിരാണിഗിരിയിൽ നിന്ന് ഉത്ഭവിക്കുന്ന അന്തർധാരയാണ് ഇത്. ശ്രീകോവിലിന് അടിയിൽ കൂടിയും ഈ തീർത്ഥപ്രവാഹം ഉണ്ട്. പരിശുദ്ധമായി ഈ തീർത്ഥത്തെ പരിപാലിക്കണമെന്ന് ദേവീഹിതം എല്ലാ ദേവപ്രശ്നങ്ങളിലും വെളിപ്പെട്ടതാണ്. കൊക്കർണി തീർത്ഥം സേവിക്കുന്നത് സർവ്വരോഗഹരമാണ്. അമ്മേ ശരണം.
