20/05/2026
सुनौलो सिक्किम भरि छरिएर बस्नुभएका सम्पूर्णलाई सेवारो भन्दै, आगमी तारिख 30 May 2026 शनिबारको दिन उत्तर सिक्किमको माङ्सिलामा स्थित मुकुमलुङ पाथिभरा मन्दिरमा हामी मङ्सिलाका युमा माङहिम समिति साथै सम्पूर्ण मंगसिलाबासी द्वारा (ईक्सा खाम्बे सेप्सिङ सेवा) अर्थात् विश्व भूमि शान्तिको पूजा लगाउन गइरहेका छौं। यसर्थ यस पूजामा हजुरहरू सम्पूर्णलाई हामी मङ्सिला युमा माङहिमका समिति तथा सम्पूर्ण मङ्सिलाका गाउँलेहरु द्वारा हजुरहरुलाई निमन्त्रण गर्न चाहन्छौं। साथै यस पूजाको मुख्य उद्देश्य भनेको के हो भने, यो विश्वको तिनै लोकमा साथै चारै सुर दशौँ दिशामा भएका जलथर होस,थलथर होस, नौचर होस, अभ्याचर होस, सबैलाई सदा सुख शान्ति रहोस्। साथै तपाईँ हाम्रो आफ्नो गाउँघर सहर बजारमा सदा सुख शान्ति बनीरहोस्। तपाईँ हामी सबैलाई कुनै दुःख कष्ट रोग बिमार चोटपटक घाउ खटिरा रूढी मार्गी कोरोना भाइरस जस्ता बिमारीहरू कहिल्यै नलागोस्। कुनै झै झगडा वाद विवादमा नपरोस, आपत विपत मनमटाउ कहिल्यै हुन नपरोस , तपाईँ हामीलाई कुनै भूत प्रेत सिहे सिन्डी जागित्रहरुले दुःख नदियोस् ,तपाई हाम्रो मन विचार भावनाभित्र पवित्र सोच पवित्र विचार पवित्र भावनाले बास गरोस्, ईश्वरले तपाई हामी सबैलाई सदा सुख शान्ति राखिदियोस् तपाईं हाम्रो सबैको घरमा ईश्वर तथा युमा माङले बास गरिदियोस् तपाईं हाम्रो घरको मूल खाम्बोमा बासुकी देवताले बास गरिदियोस् , तपाईं हाम्रो घरमा लक्ष्मी माताले बास गरिदियोस् , सरस्वती माताले बास गरिदियोस् , अन्नदेवी माताले बास गरिदियोस् साथै देवी देउराली देवताहरूको शक्ति र आशीर्वाद तपाई हामी सबै माथि बनिरहोस् साथै राजा बादशाह गुरुदेव गुरु माता तथा महान पुरुषहरूको आशीर्वाद शक्ति मार्गदर्शन सहयोग तपाई हामीमाथि सदा बनिरहोस् , तपाईं हामी सबैको घरमा प्रेम माया ममता सुख शान्तिले बास गरिदियोस्। साथै यो धरती यो भूमि यो माटो यो संसारमा अन्नपानी फलफुल फुलोस् फलोस्। जडीबुटी दबाई पानी तितो अमिलो टर्रो खट्टो मिठो, वनस्पति फलफुल सबै राम्रो फुलोस राम्रो फलोस्। सबैको साथ बनी रहोस्। यस धर्तीमा तपाई हामी जहाँसम्म हिँड्छौ टेक्छौ, जान्छौं, जहाँसम्म तपाईं हाम्रो पैला जान्छ त्यहाँसम्म तपाई हामी सबैलाई ईश्वरले शान्ति र सुरक्षित राखिदियोस्, तपाईं हामीले चिताइएको हाँकेको कार्यहरू पूरा गरिदियोस् ,सबैसँग प्रेम माया ममताले बाँधेर राखिदियोस्। आकाशको तेत्तीस कोटी देवीदेवता, पतालको सिमेभूमे नाक नागेनी, धर्तीको जिमी भूमि जगत जननी देवी देउराली, देव देवताहरुको कृपा आशीर्वाद र शक्ति तपाईँ हामीमाथि सधैँ बनिरहोस् साथै तिनै लोकको जलथर थलथर नौचर अभ्याचर, सबैको आशीर्वाद शक्ति कृपा दयामया बनिरहोस् ।भनी यो अति महत्वपूर्ण पूजा पाठ तथा सेवा लगाउन गइरहेका छौं। यसर्थ अन्तमा फेरि पनि हजुरहरू सम्पूर्णलाई यसै सन्देश पत्र द्वारा नै निम्तो गर्दछौँ, कि यो अति महत्वपूर्ण पूजामा उपस्थित भई आफ्नो र आफ्नो परिवारको निम्ति सुख शान्ति र समृद्धिको निम्ति ईश्वर तथा पाथिभरा माता सित, कृपा तथा आशीर्वाद शक्ति ग्रहण गर्नु हुने छ भनी हामी विश्वस्त छौं।
धन्यवाद।।
मिती:- 30 May 2026 शनिबार
स्थान :- पाथिभरा मन्दिर मुकुमलुङ माङहिम
समय :- 9 बजे बिहान
