Von Ngari Monastery

05/07/2024

༄༅། །སྙིང་རྗེ་ཆེན་པོའི་སྟོབས་ཀྱིས་འཚེ་མེད་ལམ། །
རྒྱ་ཆེར་སྤེལ་ལས་ཞི་བདེའི་གཟེངས་རྟགས་ཕུལ། །
འཛམ་གླིང་ཀུན་གྱིས་བཀུར་ཞིང་དུས་འཁོར་དངོས། །
བསྟན་འཛིན་རྒྱ་མཚོའི་ནོར་བུར་གསོལ་བ་འདེབས། །
སྤྱི་ནོར་༧གོང་ས་༧སྐྱབས་མགོན་༧རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག །དགུང་གྲངས་༨༩ ལ་ཕེབས་པའི་སྐུའི་འཁྲུངས་སྐར་གྱི་དུས་བཟང་ལ་བཀའ་དྲིན་རྗེས་སུ་དྲན་བཞིན། གུས་ཕྱག་སྔོན་དུ་ཕུལ་ཏེ་དཔལ་ལྡན་འོན་མངའ་རིས་གྲྭ་ཚང་འདུས་མང་ཡོངས་ནས་དད་གུས་སྤྲོ་གསུམ་གྱི་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ།། 🙏🙏🙏

26/06/2024

༄༅། །བོད་མིའི་བླ་ན་མེད་པའི་དབུ་ཁྲིད་འཛམ་གླིང་ཞི་བདེའི་དེད་དཔོན་སྤྱི་ནོར་ྋགོང་ས་ྋསྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ཟླ་འདིའི་ཚེས་ ༢༢ ནས་སྐུའི་འཕྲོད་བཞེས་སླད་ཨ་རིར་ཆིབས་བསྒྱུར་བསྐྱངས་ཏེ་སྨན་བཅོས་སོགས་ཀྱི་ཞུ་སྒོ་གང་ཡོད་གེགས་མེད་བདེ་བླག་ཏུ་གྲུབ་ནས་སྐུའི་གསང་བ་གསུམ་ལ་ཚུལ་བསྟན་འགལ་རྐྱེན་གྱི་ཆ་ཕྲ་མོ་ཙམ་ཡང་མི་བཞེས་ཆེད་དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ནས་རྒྱལ་བའི་སྐུ་ཕྱྭའི་སླད་གནས་ཆུང་ཆོས་རྒྱལ་ཆེན་པོ་སྤྱན་འདྲེན་ཞུས་སྐབས་བཀའ་ལུང་དུ་རང་ཅག་རྒྱལ་བའི་ཐུགས་རྗེའི་དཀྱིལ་འཁོར་འོག་འཚོ་བཞུགས་མཆོག་དམན་ཀུན་གྱི་རྒྱལ་བའི་ཞབས་རིམ་དུ་སངས་རྒྱས་སྨན་བླའི་གཟུངས་སྔགས་འགྲོ་གང་ཆེ་གྲངས་གསོག་དགོས་པ་བཀའ་ཕེབས་ཡོད་པ་ལྟར་འདི་ག་གྲྭ་ཚང་གི་འདུས་མང་ཡོངས་ནས་ཀྱང་དེ་བཞིན་ཟླ་འདིའི་ཕྱི་ཚེས་ ༢༠ ནས་བཟུང་སྨན་བླ་མཆོག་བདེན་མ་དང་འབྲེལ་སྨན་བླའི་གཟུངས་སྔགས་གྲངས་གསོག་དང་། སྒྲོལ་མ་མཎྜལ་བཞི་པའི་ཆོ་ག་དང་འབྲེལ་སྒྲོལ་མ་གྲངས་གསོག་གནད་སྨིན་ཞུ་བཞིན་པ་ལགས་ན་ང་ཚོའི་དཔྲལ་བའི་མིག་དང་། ཁོག་པའི་སྙིང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་གེགས་མཚན་མ་ཅི་མཆིས་རང་སར་ཞི་ཞིང་ཞབས་པུས་སྨན་བཅོས་ལེགས་འགྲུབ་ཐོག་བདག་ཅག་གུས་འབངས་ཡོངས་ཀྱི་མགོན་སྐྱབས་དམ་པར་སྐུ་ཚེ་བསྐལ་བརྒྱར་བཞུགས་པའི་གསོལ་འདེབས་ཤུགས་དྲག་ཞུ་བཞིན་པ་ལགས་ན་གོང་གསལ་རེ་འབྲས་རྣམས་དེ་དེ་བཞིན་དུ་འགྲུབ་པའི་རྒྱུར་གྱུར་ཅིག
སྨན་བླའི་གཟུངས་སྔགས་རྒྱས་པ་ནི།
ཐུགས་རྗེས་ཀུན་ལ་སྙོམས་པའི་བཅོམ་ལྡན་འདས།།
མཚན་ཙམ་ཐོས་པས་ངན་འགྲོའི་སྡུག་བསྔལ་སེལ།།
དུག་གསུམ་ནད་སེལ་སངས་རྒྱས་སྨན་གྱི་བླ།།
བཻཌཱུརྱའི་འོད་ལ་ཕྱག་འཚལ་ལོ།།

ཨོཾ་ ནམོ་ བྷགཝཏེ་ བྷཻཥཛྱེ་ གུརུ་ བཻཌཱུརྱ་ པྲབྷ་ རཱཛཱཡ་ ཏཐཱགཏཱཡ་ ཨརྷཏེ་ སམྱཀ་ སཾབུདྡྷཱཡ། ཏདྱཐཱ། ཨོཾ་ བྷཻཥཛྱེ་ བྷཻཥཛྱེ་ མཧཱ་ བྷཻཥཛྱེ་ བྷཻཥཛྱེ་ རཱཇཱཡ་ སམུདྒཏེ་ སྭཱཧཱ།
ओं नमो भगवते भैषज्ये गुरु वैडूर्य प्रभ राजाय तथागताय अर्हते सम्यक संबुद्धाय तद्यथा ओम् भैषज्ये भैषज्ये महा भैषज्ये भैषज्ये राजाय समुद्गते स्वाहा।
Om Namo Bhagvate Bhaishajaye Guru Vaidurya Prabha Rajaya Tatha-Gataya Arhate Samyak Sam Buddhaya Tad-Yatha Om Bhaishajaye Bhaishajaye Maha Bhaishajaye Bhaishajaye Rajaya Samudgate Svaha

སྨན་བླའི་གཟུངས་སྔགས་བསྡུས་པ་ནི།
ཏདྱཐཱ། ཨོཾ་ བྷཻཥཛྱེ་ བྷཻཥཛྱེ་ མཧཱ་ བྷཻཥཛྱེ་ བྷཻཥཛྱེ་ རཱཇཱཡ་ སམུདྒཏེ་ སྭཱཧཱ།
तद्यथा ओम् भैषज्ये भैषज्ये महा भैषज्ये भैषज्ये राजाय समुद्गते स्वाहा।
Tad-Yatha Om Bhaishajaye Bhaishajaye Maha Bhaishajaye Bhaishajaye Rajaya Samudgate Svaha
མཚན་ལེགས་རིན་ཆེན་གསེར་བཟང་མྱ་ངན་མེད།།
ཆོས་གྲགས་མངོན་མཁྱེན་སྨན་བླ་ཤཱཀྱ་ཐུབ།།
སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི།།
བདེ་བར་གཤེགས་པ་བརྒྱད་ལ་ཕྱག་འཚལ་ལོ།། །།
གངས་རི་རྭ་བས་བསྐོར་བའི་ཞིང་ཁམས་སུ། །
ཕན་དང་བདེ་བ་མ་ལུས་འབྱུང་བའི་གནས། །
སྤྱན་རས་གཟིགས་དབང་བསྟན༵་འཛི༵ན་རྒྱ༵་མཚོ༵་ཡི། །
ཞབས་པད་བསྐལ་བརྒྱའི་བར་དུ་བརྟན་གྱུར་ཅིག །

25/05/2021