25/11/2023
https://youtube.com/playlist?list=PL2cbVfZpWX2PQSBvL6djmRhPMDvRJn4C2
🍃🍂🍃🍂🍃🍂🍃🍂
*നൂറുൻ അലാ നൂർ (ﷺ): 19*
--------------------------------------------
*രാവേറെ കഴിഞ്ഞിട്ടും ഒന്നുറങ്ങാൻ കഴിഞ്ഞില്ല. തിരുമേനി (ﷺ) യുടെ ഓർമ്മകൾ, ഇഴപിരിയാതെ ആത്മാവിൽ പറ്റിച്ചേർന്നു തന്നെ നിന്നു.*
*വിശുദ്ധ മദീനയിലെ, തിരുമേനി (ﷺ) യുടെ മസ്ജിദിലെ കാഴ്ചകൾ മുന്നിലങ്ങിനെ തെളിഞ്ഞു വരുന്നു. ആ ഓർമ്മകൾ പോലും എത്രമാത്രം കുളിരേകുന്നതാണ്.*
*രാവും പകലുമില്ലാതെ, എപ്പോഴും പ്രകാശം നിറഞ്ഞൊഴുകുന്നൊരു ലോകം. അവിടെ തിരക്ക് തീരുന്നൊരു നേരവില്ല. എല്ലാവർക്കും കൊതിയാണ് ആ വിശുദ്ധ നാടിനോട്.*
*വിശുദ്ധ റസൂലിന്റെ (ﷺ) മസ്ജിദിന്റെ ചാരെ ചെന്നണയാൻ മാത്രമാണ് ജീവിതം.*
*ആൾക്കൂട്ടമങ്ങിനെ ഒഴുകി വരുന്നത് കാണാം.*
*മദീനയിൽ ചെന്നെത്തുകയെന്നത്, ചിലർക്കതൊരു ചടങ്ങ് തീർക്കൽ മാത്രമാണ്.*
*മറ്റു ചിലർക്കാകട്ടെ, ആ വിശുദ്ധ മസ്ജിദിൽ നിസ്ക്കരിക്കലും, മറ്റു അമലുകൾ പോലെ, കൂലി കിട്ടാനുള്ളൊരു മാർഗ്ഗം മാത്രം.*
*അങ്ങനെ എന്തൊക്കെ തരം ആളുകൾ.*
*പിന്നെയും ഒരു വിഭാഗമുണ്ട്. അവർ ജീവിച്ചിരിക്കുന്നത് തന്നെ, ഒരു വട്ടമെങ്കിലും, ആ വിശുദ്ധ മണ്ണിൽ ചെന്നണയാനാണ്.*
*വിശുദ്ധ മദീനയിലേക്കുള്ള വഴിയിലേക്ക് പ്രവേശിക്കുമ്പോഴേക്കും, അവർക്ക് ഒന്നിരിക്കാൻ പോലും വയ്യാതെയാകും.*
*വാഹനത്തിന് പുറത്തേക്ക് തലയിട്ട് എത്തി നോക്കാൻ തുടങ്ങും.*
*എത്തിയോ, വിശുദ്ധരിൽ വിശുദ്ധർ (ﷺ) ജീവിച്ചിരിക്കുന്നയിടം എത്തിയോ എന്ന്, ചുറ്റുപാടും കണ്ണ് പായിക്കുന്നത് കാണാം.*
*ആ മണ്ണൊന്ന് കണ്ടെങ്കിൽ എന്റെ തമ്പുരാനേ എന്ന് കൊതിയോടെ മന്ത്രിക്കുന്നത് കേൾക്കാം.*
*ഈ വിശുദ്ധ മണ്ണിൽ വെച്ച്, എന്റെ റൂഹ് പിടിക്കണേയെന്ന്, അവർ മനസ്സിൽ എത്ര മേൽ മോഹിക്കുന്നുണ്ടാകും.*
*ഒടുവിൽ, വിശുദ്ധ റൗദയിലേക്ക് ദൃതിയിൽ അവർ നടന്ന് വരുന്നത് കാണുമ്പോൾ നമുക്കും പറയണമെന്ന് തോന്നിപ്പോകും.*
*കണ്ടോളൂ സഹോദരാ... കൊതി തീരുവോളം കണ്ടോളൂ. ഭൂമിയിലെ കണ്ണു കൊണ്ട് ഇനി മറ്റൊന്നും കാണാനില്ലല്ലോ.*
*മതിയാവോളം പൊട്ടിക്കരഞ്ഞോളൂ. ചോദിക്കാനും പറയാനുമുള്ളത് മുഴുവൻ പറഞ്ഞോളൂ.*
*ഈ കൊട്ടാരത്തിന്റെ വാതിൽ ആഷിഖീങ്ങൾക്കായി മലർക്കെ തുറന്നിട്ടിരിക്കുന്നു.*
*എല്ലാം കേൾക്കാൻ രാജാവ് (ﷺ), കൊതിയോടെ കാത്ത് നിൽപ്പുണ്ട്. ഈ ദർബാറിൽ വെച്ച് തീരാത്ത ഒരു ആവലാതിയുമില്ല സഹോദരാ.*
*ആത്മാവ് വിശുദ്ധ മദീനയിലൂടെയങ്ങിനെ, ചുറ്റിക്കറങ്ങവെ, സമയം പാതിരാത്രി കഴിഞ്ഞിരിക്കുന്നു.*
*ഇനി ഞാനുറങ്ങട്ടെ.*
*രാത്രിയുടെ അന്ത്യയാമങ്ങളിൽ ഉറങ്ങിയെണീറ്റ്, ഉടയ തമ്പുരാന്റെ മുമ്പിൽ, സാഷ്ടാഗം ചെയ്യണമെന്നും, ആ പ്രാർത്ഥന കേൾക്കാൻ അവൻ ഒന്നാം ആകാശത്തേക്ക് ഇറങ്ങി വരുമെന്നും ആത്മനായകർ (ﷺ) സുവിശേഷമറിയിച്ചിരിക്കുന്നു.*
*അവിടുത്തെ (ﷺ) ഒരു തിരു വചനവും തെറ്റിക്കാൻ, ഈ ആയുസ്സിൽ എന്നെക്കൊണ്ടാകില്ലയെന്ന് തീർച്ചപ്പെടുത്തി ജീവിക്കുന്നൊരു ജീവിതകാലം ഔദാര്യമായി തന്ന്, നീയെന്നെ അനുഗ്രഹിക്കേണമേ തമ്പുരാനേ...*
🍃🍂🍃🍂🍃🍂🍃🍂🍃🍂
അബ്ദു റഹ്മാൻ
മുതുപറമ്പ്
9947355331
Share your videos with friends, family, and the world
