మల్లవోలు మాత శ్రీ అంబా భవాని దేవస్థానం

02/10/2025

𝐃𝐀𝐘 11 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐑𝐀𝐉𝐀 𝐑𝐀𝐉𝐄𝐒𝐇𝐖𝐀𝐑𝐈 𝐃𝐄𝐕𝐈

శ్రీరాజరాజేశ్వరీ దేవి గా దర్శనమిస్తున్న మల్లవోలు మాత శ్రీ అంబా భవాని అమ్మవారు

"అంబా శాంభవి చంద్రమౌళీ రబలాః పర్ణా ఉమా పార్వతీ
కాళీ హైమవతీ శివా త్రినయనీ కాత్యాయనీ భైరవీ
సావిత్రీ నవయౌవనా శుభకరీ సామ్రాజ్యలక్ష్మీప్రదా
చిద్రూపీ పరదేవతా భగవతీ శ్రీరాజరాజేశ్వరీ ||"

శ్రీ రాజరాజేశ్వరీ దేవి జ్ఞానస్వరూపిణి. అమ్మవారు చక్కని చిరునవ్వుతో, అపారమైన కరుణతో భక్తులను ఆకర్షిస్తూ, ఒక చేతిలో ఇక్షుకాండ (చక్కర చెక్కు) పట్టుకుని, మరో చేతితో అభయ ముద్రలో ఆశీర్వదిస్తూ కూర్చుంటారు. చక్కరరసం పరమానందానికి, ఆత్మజ్ఞానానికి ప్రతీక. దుర్మార్గులను, దుష్టులను దండించే మహాశక్తి. శ్రీ రాజరాజేశ్వరీ దేవి మన జీవితాలకు జ్ఞానాన్ని, శాంతిని ప్రసాదిస్తారు.

*మీకు, మీ కుటుంబ సభ్యులకు విజయదశమి శుభాకాంక్షలు!*

ఇట్లు,
మాత శ్రీ అంబా భవాని దేవస్థానం &
మల్లవోలు భావసార్ క్షత్రియ సమాజం
మల్లవోలు గ్రామం,
గూడూరు మండలం,
కృష్ణా జిల్లా, ఆంధ్ర ప్రదేశ్ 521162.

01/10/2025

𝐃𝐀𝐘 10 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐌𝐀𝐇𝐈𝐒𝐇𝐀𝐒𝐔𝐑𝐀 𝐌𝐀𝐑𝐃𝐈𝐍𝐈 𝐃𝐄𝐕𝐈

శ్రీ మహిషాసురమర్దిని దేవి గా దర్శనమిస్తున్న మల్లవోలు మాత శ్రీ అంబా భవాని అమ్మవారు

మహిష మస్తక నృత్త వినోదిని
స్ఫుట రణన్మణి నూపుర మేఖలా
జనన రక్షణ మోక్ష విధాయిని
జయతి శుంభ నిశుంభ నిషూదని

నవరాత్రుల్లో మహర్నవమి రోజున అమ్మవారు మహిషాసుర మర్దనిగా అవతారం దాల్చి, దుష్ట శిక్షణ, శిష్ట రక్షణ చేసి లోకం సుఖశాంతులతో కాపాడుతుంది. మహిషుడిని సంహరించిన అమ్మను పూజించడంవల్ల భయాలు తొలగి సకల విజయములు కలుగుతాయి. ఈ రోజు అమ్మను సేవించేవారికి ఆపదలు తొలగి, కటాక్షం దక్కుతుంది.

The most UGRA avataram
అమ్మను ఈ రోజు సింహంపై సవారీ చేస్తూ, పదిహేను భుజాలు కలిగి, ఆయుధాలను ధరించి, అందమైన ముఖంపై మృదు ముస్కానంతో దర్శించవచ్చు. భక్తులు మహిషాసుర మర్ధిని స్తోత్రం పఠిస్తూ పులిహోర, గారెలు, పానకం, వడపప్పు నైవేద్యంగా సమర్పిస్తారు.

శ్రీ మహిషాసురమర్ధినీ దేవిని పూజిస్తే శత్రుభయాలు తొలగిపోతాయి. సకల దేవతలను పూజించిన ఫలితము లభిస్తుంది.

ఇట్లు
మాత శ్రీ అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం
గూడూరు మండలం, కృష్ణా జిల్లా
ఆంధ్ర ప్రదేశ్ 521162

30/09/2025

𝐃𝐀𝐘 9 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐃𝐔𝐑𝐆𝐀 𝐃𝐄𝐕𝐈

శ్రీ దుర్గాదేవి గా దర్శనమిచ్చే మల్లవోలు మాత శ్రీ అంబా భవాని అమ్మవారు

దుర్గాదేవి, విశ్వానికి తల్లి, సృష్టి, స్థితి, లయ కర్తగా వేదాల్లో కూడా పరమ శక్తిగా నిలిచిన అమ్మవారు.
దుర్గతులను తొలగించే పరాశక్తి శ్రీ దుర్గాదేవి. ఈ అవతారంలో దుర్గముడనే రాక్షసుడిని అమ్మవారు సంహరించారని పురాణాలు చెబుతున్నాయి.
దుర్గాదేవి పంచ ప్రకృతిమహా స్వరూపాల్లో ప్రథమ రూపం. భవబంధాల్లో చిక్కుకున్న మానవుడిని అనుగ్రహించి మోక్షాన్ని ప్రసాదించే మాత. కోటి సూర్యుడులా వెలుగొందే అమ్మవారిని పూజిస్తే శత్రు బాధలు తొలగిపోతాయి, సర్వత్ర విజయం కలుగుతుంది.

దుర్గే స్మృతా హరసి భీతిమశేషజంతోః
స్వస్థైః స్మృతా మతిమతీవ శుభాందదాసి
దారిద్ర్యదుఃఖభయహారిణి కా త్వదన్యా
సర్వోపకారకరణాయ సదార్ద్రచిత్తా ||

దుర్గాష్టమి రోజున అమ్మవారిని ఎర్రటి పుష్పాలు, వస్త్రాలతో పూజించడం శ్రేయస్కరం.
దుర్గ సప్తశతి లేదా దేవీ మహాత్మ్యం పారాయణ చేసి, పులగం లేదా కడంబం అన్నం నైవేద్యంగా సమర్పిస్తారు.

ఇట్లు
మాత శ్రీ అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం, గూడూరు మండలం,
కృష్ణా జిల్లా, ఆంధ్ర ప్రదేశ్ - 521162

29/09/2025

𝑫𝑨𝒀 8 𝑨𝒍𝒂𝒏𝒌𝒂𝒓𝒂𝒎: 𝑺𝑹𝑰 𝑺𝑨𝑹𝑨𝑺𝑾𝑨𝑻𝑯𝑰 𝑫𝑬𝑽𝑰 (𝑴𝒐𝒐𝒍𝒂 𝑵𝒂𝒌𝒔𝒉𝒂𝒕𝒓𝒂𝒎)

మల్లవోలు గ్రామంలోని శ్రీ అంబా భవాని అమ్మవారు ఈ రోజు శ్రీ సరస్వతి దేవి రూపంలో మనకు దర్శనమిస్తున్నారు. సరస్వతి దేవి జ్ఞానం, సంగీతం, కళల దేవతగా పూజించబడుతూ, వాణి, ధ్వని, చైతన్యం మరియు జ్ఞానం కలిగిన వాగ్దేవి గా కూడా ప్రసిద్ధి చెందారు.

అమ్మవారు తెల్లని వస్త్రాలధారణలో, తెల్లని కమలంపై ఆసీనమై, నాలుగు చేతులతో ప్రత్యక్షమవుతారు. ఒక చేతిలో గ్రంథం, మరొక చేతిలో వీణను వాయిస్తూ, మరో చేతిలో జపమాల ధరించి ఉన్నారు, ఇది ధ్యానం మరియు ఆధ్యాత్మిక శక్తిని సూచిస్తుంది. అలాగే నాలుగో చేతిలో కమండలం (పవిత్రజలంతో కూడిన పాత్ర) ఉంటుంది, ఇది సృష్టి మరియు పవిత్రతను సూచిస్తుంది.

మల్లవోలు మాత శ్రీ అంబా భవాని ఆలయానికి ప్రత్యేకత, పవిత్రత నిత్యం భక్తుల హృదయాల్లో నిలిచేలా చేస్తుంది. అమ్మవారి కరుణ మరియు కృప అనేక తరాలుగా గ్రామ ప్రజలపై చిరస్థాయిగా నిలిచివుంది. అమ్మవారిని కొలిచే ప్రతి ఒక్కరికీ ఆధ్యాత్మిక దారిలో దిశా నిర్దేశం కలిగించడమే కాక, కష్టనాశనంగా, మనోపూర్తిగా ఆమెను భావిస్తారు.

ఇక్కడ అమ్మవారి అనేక విశిష్ట అలంకారాలతో పూజలు, నిత్య సర్వస్వ రూపాలతో జరుగుతుంటాయి. భక్తులు దూరదూర ప్రాంతాల నుంచి అమ్మవారిని దర్శించుకోవడానికి వస్తూ, తమ కష్టాలు తీరాలని ఆరాధిస్తారు. అమ్మవారి *దివ్య రూపం, అద్భుత శక్తి, గ్రామానికి రక్షణ కవచంలా భావించబడుతుంది.
సరస్వతి స్తోత్రం:

యా కుందేందు తుషారహారధవళా యా శుభ్రవస్త్రావృతా
యా వీణావరదండమండితకరా యా శ్వేతపద్మాసనా
యా బ్రహ్మాచ్యుత శంకరప్రభృతిభిర్దేవైస్సదా పూజితా
సా మాం పాతు సరస్వతీ భగవతీ నిశ్శేషజాడ్యాపహా ||

ఈ పుణ్యక్షణంలో శ్రీ సరస్వతి దేవి అనుగ్రహం అందరిపై నిలవాలని, అమ్మవారి ఆశీస్సులు ప్రతి ఒక్కరికీ సమృద్ధి, జ్ఞానం, మరియు సత్య మార్గంలో నడిపించాలని మనసారా కోరుకుందాం.

ఇట్లు
శ్రీ మాత అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం, గూడూరు మండలం,
కృష్ణా జిల్లా, ఆంధ్ర ప్రదేశ్ 521162

28/09/2025

🌸 𝐃𝐀𝐘 7 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐏𝐀𝐑𝐀𝐒𝐀𝐊𝐓𝐇𝐈 𝐃𝐄𝐕𝐈 🌸

🙏🏼 మల్లవోలు మాత శ్రీ అంబా భవాని అమ్మవారు ఈ రోజు శ్రీ పరాశక్తి దేవి అలంకారంలో భక్తులకు దర్శనమిస్తున్నారు. 🙏🏼

📜 పురాణాల ప్రకారం, పరాశక్తి దేవి సర్వశక్తిమంతురాలు మరియు పరబ్రహ్మ స్వరూపం. ఆమెనే శ్రీ చరాచర జగత్కర్త*,సృష్టి, పరిరక్షణ, వినాశనం చేసే శక్తి అని భావిస్తారు.

✨ ఆది పరాశక్తి అనగా ఈ సమస్త విశ్వాన్ని నడిపించే ఆది మూలశక్తి. *భాగవత పురాణం* ప్రకారం, ఆమెనే ఇతర దేవతల మూలంగా చెప్పబడింది. సమస్త దివ్య శక్తులు పరాశక్తి నుండే ఉద్భవించాయి.

ఆమె భక్తుల రక్షణకోసం సర్వదా ఉన్నది, అందుకే మనం ఆమెను పరమశక్తి, ఆది పరాశక్తి అని ఆరాధిస్తాం.

🌺 Amba Parameshwari Akhilandeswari, Aadhi Parashakthi Palayamam
Shri Bhuvaneshwari Raja Rajeshwari, Ananda Roopini Palayamam 🌺

🙏🏼 ఇట్లు:
మాత శ్రీ అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం, గూడూరు మండలం,కృష్ణా జిల్లా, ఆంధ్రప్రదేశ్ - 521162

27/09/2025

𝐃𝐀𝐘 6 𝐀𝐥𝐚𝐧𝐤𝐚𝐫𝐚𝐦 : 𝐒𝐑𝐈 𝐋𝐀𝐋𝐈𝐓𝐇𝐀 𝐓𝐑𝐈𝐏𝐔𝐑𝐀 𝐒𝐔𝐍𝐃𝐀𝐑𝐈 𝐃𝐄𝐕𝐈

🙏🌸 శ్రీ లలితా త్రిపురసుందరీ దేవిగా అలంకారంలో దర్శనమిస్తున్న మల్లవోలు మాత శ్రీ అంబా భవాని అమ్మవారు.

'' స్మరామి లలితావదనారవిందం
బింబాధరం పృధుల మౌక్తిక శోభినాశమ్ |
ఆకర్ణ దీర్ఘ నయనం మణికుండలాడ్యం
మందస్మితం మృగమదోజ్జ్వల ఫాలదేశమ్ || ''

🌺 శ్రీ లలితా త్రిపురసుందరీ దేవి త్రిపురాత్రయంలో రెండో శక్తిగా ప్రసిద్ధి చెందింది. దేవీ ఉపాసకులకు ఈమె అత్యంత ముఖ్యమైన దేవత. త్రిగుణాతీతమైన కామేశ్వర స్వరూపమై ఈమె భక్తులను అనుగ్రహిస్తుంది.

🌿 పంచదశాక్షరీ మహామంత్రం అధిష్టాన దేవతగా, అమ్మవారిని ఆరాధించడం ద్వారా మనస్సుకు శాంతి, ఐశ్వర్యం, సకల శుభాలను పొందవచ్చు. సకల లోకాతీతమైన, అమోఘమైన కోమలత్వం కలిగిన మాతృమూర్తిగా అమ్మవారు పూజించబడుతుంది.

🌸 చెరకుగడ, విల్లు, పాశాంకుశాలను ధరించి, లలితాదేవి భక్తులను కటాక్షిస్తారు. దారిద్య్రం, దుఃఖాలను తొలగించి, సకల ఐశ్వర్యాలను సిద్ధింప చేస్తుంది. ఈ అమ్మవారి అనుగ్రహం కోసం నిత్యం ప్రార్థన చేయండి.

_🌹 మల్లవోలు మాత శ్రీ అంబా భవాని అమ్మవారి దివ్య కృపతో, కష్టాలు తొలగిపోవడం, సుఖశాంతులు ప్రసాదించడం జగతికి మనవలమైన ఆలోచనలుగా మారతాయి._

ఇట్లు,
మాత శ్రీ అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం
గూడూరు మండలం, కృష్ణా జిల్లా, ఆంధ్ర ప్రదేశ్ 521162.

26/09/2025

𝗗𝗔𝗬 5 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝗚𝗔𝐉𝐀𝐋𝐀𝐊𝐒𝐇𝐌𝐈 𝐃𝐄𝐕𝐈

శ్రీ గజలక్ష్మి దేవి అలంకారంలో దర్శనమిస్తున్న మల్లవోలు మాత శ్రీ అంబా భవాని అమ్మవారు 🙏🏼

🌸 గజలక్ష్మి దేవి 🌸

గజలక్ష్మి దేవి సంపద, శ్రేయస్సు, జ్ఞానం మరియు భాగ్యానికి ప్రతీక. ధన, ఐశ్వర్య సంబంధిత కష్టాలను తొలగించి, ఆమె భక్తులను కాపాడతారని నమ్మకం. ఆమె నాలుగు చేతులతో, పద్మపుష్పంపై ఆసీనులై, అందమైన వజ్రభూషిత వస్త్రాలను ధరించి ఉంటారు. ఆమెను అష్టలక్ష్ములలో ఒకరిగా పూజిస్తారు. ప్రత్యేకంగా శుక్రవారం మరియు దీపావళి రోజున గజలక్ష్మి అమ్మవారిని క్షీరన్నం, పూర్ణాలు వంటి ప్రసాదాలతో పూజించడం విశేషం.

🪷 శ్లోకం:

జయ జయ దుర్గతి నాశిని కామిని, సర్వఫలప్రద శాస్త్రమయే |
రధగజ తురగపదాతిసమావృత, పరిజన మండిత లోకనుతే ||
హరిహర బ్రహ్మ సుపూజిత సేవిత,తాప నివారిణి పాదయుతే |
జయ జయహేమధుసూదన కామిని, గజలక్ష్మీ రూపేణ పాలయ మామ్ || 4 ||

🙏🏼 అందరికీ శ్రీ అమ్మవారి ఆశీస్సులు కలగాలని కోరుకుంటూ...
🌹 శుభాకాంక్షలు 🌹

మాత శ్రీ అంబా భవాని దేవస్థానం
మల్లవోలు భావసార్ క్షత్రియ సమాజ్
మల్లవోలు గ్రామం, గూడూరు మండలం,
కృష్ణా జిల్లా, ఆంధ్రప్రదేశ్ - 521162.

25/09/2025

𝐃𝐀𝐘 4 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐊𝐀𝐓𝐇𝐘𝐀𝐍𝐈 𝐃𝐄𝐕𝐈

శ్రీకాత్యాయనీ దేవిగా దర్శనమిస్తున్న మల్లవోలు మాత శ్రీ అంబా భవాని అమ్మవారు 🙏

"యా దేవీ సర్వభూతేషు మాతృరూపేణ సంస్థితా |
నమస్తస్యైనమస్తస్యై నమస్తస్యై నమో నమః ||"

"దుర్గతి నాశిని, పాప సంహారిణి, శుభంకరి అయిన ఆది శక్తి స్వరూపిణి శ్రీ కాత్యాయనీ దేవి. ఈ రోజు అమ్మవారు పీతాంబరం ధరించి, అపూర్వ అలంకారంతో కాత్యాయనీ స్వరూపంలో భక్తులకు దర్శనమిస్తున్నారు. మహిషాసుర మర్దని అయిన ఈ స్వరూపం భక్తుల హృదయంలోని అజ్ఞానం, అహంకారం అనే రాక్షసులను నాశనం చేసి జ్ఞానపథాన్ని ప్రకాశింపజేస్తుంది.

ఆధ్యాత్మికంగా, కాత్యాయనీ దేవిని ధ్యానిస్తే ధైర్యం, సాహసం, విజయం, మానసిక శక్తి మరియు ఆత్మవిశ్వాసం కలుగుతాయి. ఈ అమ్మ యొక్క అనుగ్రహం భక్తుని జీవితాన్ని సమస్త శత్రువుల నుండి, భయాల నుండి రక్షించి విజయవంతంగా చేస్తుంది.

🌸 మాత శ్రీ అంబా భవాని దేవస్థానం
🌸మల్లవోలు భావసార్ క్షత్రియ సమాజ్
🌸మల్లవోలు గ్రామం, గూడూరు మండలం, కృష్ణా జిల్లా, ఆంధ్ర ప్రదేశ్ - 521162

🙏 శ్రీ కాత్యాయనీ దేవి అనుగ్రహం సర్వులకు కలగాలని ప్రార్థిస్తూ... 🙏

24/09/2025

24/09/2025

𝐃𝐀𝐘 3 𝐀𝐥𝐚𝐧𝐤𝐚𝐫𝐚𝐦: 𝐒𝐑𝐈 𝐀𝐍𝐍𝐀𝐏𝐔𝐑𝐍𝐀 𝐃𝐄𝐕𝐈
శ్రీ అన్నపూర్ణ దేవిగా దర్శనమిస్తున్న మల్లవోలు మాత శ్రీ అంబా భవాని అమ్మవారు 🙏

"నిత్యానందకరీ వరాభయకరీ సౌందర్య రత్నాకరీ
నిర్ధూతాఘిల ఘోర పావనకరీ ప్రత్యక్ష మాహేశ్వరీ |
ప్రాలేయాచల వంశ పావనకర కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ||"

అన్నం సకల ప్రాణికోటికి జీవనాధారం, అందుకే దానిని పరబ్రహ్మ స్వరూపంగా పూజిస్తాం. ఈ రోజు అమ్మ వారు రసపాత్రను ధరించి శ్రీ అన్నపూర్ణాదేవి రూపంలో దర్శనమిస్తున్నారు. ఆధ్యాత్మికంగా, సకల సంపదలను ప్రసాదించే దేవత అన్నపూర్ణాదేవి. ఈమెను ధ్యానిస్తే మేధాశక్తి, మధుర భాషణం, సమయస్ఫూర్తి, వాక్ సిద్ధి, భక్తి, ఐశ్వర్యం అన్నీ కలుగుతాయి.

ఈ దేవి అనుగ్రహం మానవుణ్ణి సంపూర్ణంగా ఆశీర్వదిస్తుంది. అమ్మ ధరించిన రసపాత్ర అక్షయ శుభాలను ప్రసాదిస్తుంది. బుద్ధి, జ్ఞానాలను ఈ తల్లి వరంగా అందిస్తుంది.

🌸 మాత శ్రీ అంబా భవాని దేవస్థానం
🌸 మల్లవోలు భావసార్ క్షత్రియ సమాజ్
🌸 మల్లవోలు గ్రామం, గూడూరు మండలం, కృష్ణా జిల్లా, ఆంధ్ర ప్రదేశ్ - 521162

🙏 శ్రీ అన్నపూర్ణాదేవి అనుగ్రహం సర్వులకు కలగాలని ప్రార్థిస్తూ... 🙏