29/08/2025
🌿 గణపతి నిమజ్జన విశేషములు 🌿
🦣🦣🦣🦣🦣🦣
నిమజ్జన కాల నిర్ణయం:
చతుర్థ్యామ్ భాద్రపదస్య పూజా గణపతేర్మతా I చతుర్దస్యాం విసర్జన్తి నిత్యకర్మణి మానవాః ॥ (ముద్గల పురాణం)
ముద్గల పురాణం ప్రకారం, భాద్రపద మాసంలో వచ్చే చతుర్థి రోజున గణపతిని పూజిస్తారు. ఆ తర్వాత, నిత్యకర్మలో భాగంగా చతుర్దశి రోజున నిమజ్జనం చేస్తారు. దీనిని బట్టి చతుర్దశి రోజు నిమజ్జనం ఒక ముఖ్యమైన నియమమని చెప్పవచ్చు.
🐘🐘🐘🐘🐘🐘
నవరాత్రుల నిర్ణయం:
ఏకారాత్రాత్ త్రిరాత్రాంతం పంచరాత్రం సప్తరాత్రకం | నవరాత్రం చ ఏకాదశీ పౌర్ణమ్యాంతం విసర్జనమ్ ||( ముద్గల పురాణం)
సాధారణంగా గణపతి ఉత్సవాలు 10 రోజులు జరుపుకుంటారు.
ముద్గలపురాణంలో, గణపతిని ఒక రాత్రి నుండి మూడు, ఐదు, ఏడు, తొమ్మిది, పదకొండు రాత్రులు, లేదా పౌర్ణమి వరకు నిమజ్జనం చేయవచ్చని చెప్పబడింది. తొమ్మిది రాత్రుల తరువాత, అంటే పదవ రోజున నిమజ్జనం చేయాలి.
🌿🌿🌿 ఇక్కడ రాత్రులు అని చెప్పారు. రోజులు అని కాదు. ఇది బాగా గుర్తు పెట్టుకోవాలి. 🌿🌿🌿
2025 వినాయక చవితి ఆగస్టు 27, బుధవారం రాత్రి నుండి వరుసగా 9 రాత్రులు మరియు వాటికి సంబంధించిన తేదీలు, రోజులు కింద పట్టికలో ఇవ్వబడ్డాయి.
రాత్రిసంఖ్య తేదీ రోజు
1వ రాత్రి 27-08-2025 బుధవారం
2వ రాత్రి 28-08-2025 గురువారం
3వ రాత్రి 29-08-2025 శుక్రవారం
4వ రాత్రి 30-08-2025 శనివారం
5వ రాత్రి 31-08-2025 ఆదివారం
6వ రాత్రి 01-09-2025 సోమవారం
7వ రాత్రి 02-09-2025మంగళవారం
8వ రాత్రి 03-09-2025 బుధవారం
9వ రాత్రి 04-09-2025 గురువారం
తొమ్మిది రాత్రులు పూర్తయ్యేసరికి 2025లో సెప్టెంబర్ 5వ తేదీ, శుక్రవారం వస్తుంది.
🐁🐁🐁🐁🐁🐁
శుక్రవార నిమజ్జనం:
శుక్రవారం రోజున గణపతిని నిమజ్జనం చేయకూడదని ఏ శాస్త్రంలోనూ స్పష్టంగా చెప్పలేదు. కానీ, ఈ ఆచారం లోకంలో బాగా ప్రచారంలో ఉంది. అందువల్ల, చాలామంది ఈ ఆచారాన్ని పాటిస్తుంటారు.
🌼🌼🌼🌼🌼🌼🌼
గ్రహణ నిమజ్జన వివరములు
ఆదిత్యే గ్రహణే ప్రాప్తే త్రియామం సూతకం భవేత్ | చంద్రస్య గ్రహణే పూర్వం యామం ద్విత్రిం చ సూతకం | ఆబ్దికం సూతకే నైవ కర్తవ్యం విధివత్ భవేత్ ( ధర్మసింధు)
ధర్మసింధు గ్రంథం ప్రకారం, సూర్య గ్రహణం సమయంలో తొమ్మిది గంటల ముందు, చంద్ర గ్రహణం సమయంలో ఆరు గంటల ముందు సూతకం పాటించాలి. ఈ సూతక కాలంలో ఎలాంటి శుభకార్యాలు, పూజలు చేయకూడదు.
☘️☘️☘️ ఈ నియమం ప్రకారం 2025లో సెప్టెంబర్ 7వ తేదీన వచ్చే చంద్ర గ్రహణానికి ఆరు గంటల ముందు నుండే సూతకం వర్తిస్తుంది. ☘️☘️☘️
🌽🌽🌽🌽🌽🌽🌽
కనుక పై విషయాల ఆధారంగా 2025 సెప్టెంబర్ 5వ తేదీ, శుక్రవారం అనంత చతుర్దశి అయినప్పటికీ, గ్రహణం మరియు శుక్రవారం నిమజ్జనం చేయకూడదనే ఆచారాల కారణంగా, సెప్టెంబర్ 6, శనివారం నాడు నిమజ్జనం చేసుకోవడం మంచిది. ముఖ్యంగా, చంద్ర గ్రహణం సెప్టెంబర్ 7న కాబట్టి, సెప్టెంబర్ 6, శనివారం నాడు నిమజ్జనం చేయడం అనుకూలంగా ఉంటుంది.
🌹🌹 మంగళం మహాత్ 🌹🌹
