22/05/2026
Assalamualaikum Warehmatullahi Wabarakatahu
Zam-Zam jaisa koi pani nahi.
Namaz jaisi koi ibadat nahi.
Hajj jaisi koi ziyarat nahi.
Islam jaisa koi mazhab nahi.
Quran jaisi koi kitab nahi.
Madina jaisa koi sheher nahi.
Kalme jaisi koi daulat nahi.
Durood Pak jaisa koi khazana nahi.
Ramzan jaisa koi mahina nahi.
Jumma jaisa koi din nahi.
JUMMA-MUBARAK
JUME Ke Din ke Aamaal :
1.> Gusal Karna.
2.> Saaf Kapde Pahen'na Aur Khushboo Lagaana.
3.> Jume Ke Liye Jaldi Jaana.
4.> Masjid Ki Taraf Paidal Jaana.
5.> Imaam Ke Kareeb Yaani Pehli Saff Me Baithna.
6.> Khutba Khaamoshi Ke Saath Gaur Se Sunna.
7.> Khutba Ke Dauraan Koi Fizool Kaam Ya Behuda Baat Na Karna.
[Tirmizi Sharif, Abu Dawood]
Aye Imaan Walo! Jab Juma Ke Din Ki Namaz Ke Liye Pukaara Jaye To ALLAH TA'ALA Ki Yaad Ki Taraf Chal Pado, Aur Khareed-O-Farokht Chhor Do, Ye Tumhare Liye Behtar Hai.
Agar Tum Jaano Phir Jab Namaz Puri Ho Jaye To Zameen Me Fail Jao Aur ALLAH TA'ALA Ka Fazal (Rozi) Talash Karo, Aur ALLAH TA'ALA Ko Kasrat Se Yaad Karo, Taaki Tum Kamyabi Pao. [Al-QUR`AN]
Abu Hurairah (Radi Allahu Anhu) se rivayat hai ki RASOOL ALLAH (Sallallahu Alayhi Wasallam) ne farmaya jab Jumaa ka din aata hai to farishte masjid ke darwaze par aane walon ka naam likhte hain sabse pehle aaney wala oont (camel) ki qurbani dene wale ki tarah likha jata hai, uske baad aane wala gaay (cow) ki Qurbani dene wale ki tarah phir mende (sheep) ki Qurbani ka sawab milta hai , uske baad murghi (chicken) ka, uske baad andey (egg) ka lekin jab imam (khutba dene ke liye) bahar aa jata hai to ye farishte apney daftar band kar dete hain aur khutba sunne mein mashghul ho jate hain.
Sahih Bukhari, Vol 2, #929
Hazrat Abdullah bin Umar (Radi Allahu Anhu) se rivayat hai ki RASOOL ALLAH (Sallallahu Alayhi Wasallam) ne apne minbar par se irshaad farmaya Logon ko Namaz jumaa tark karne (chorh dene) se baaz rahna chahiye nahi to ALLAH Ta'ala unke Dilon par Muhar laga dega phir wo Ghafeeleen mein ho jayenge
Sunan An Nasai, Vol 1, # 1373 (Sahih)
Jumma Mubarak
Duaoon Me Yaad Rakhiye
