29/10/2021
BAHAAR-E-RAHMAT || PAYAAM-E-WAHDAT (2021/1443H)
Topic : Ittehad ke liye raahe hal Kya Hai?
Date : 20th Oct, 2021
Venue: Golden Palace
Oganized By: AIN-UL-HAYAT TRUST (https://www.facebook.com/Ainul-ul-Hayat-104259181150253/)
Tilawat e Quran-e-majeed se program ka Aghaz hua ,Qari Husain Abbas sb ne Tilawat e Quran ke faraez anjam diye.
Nizamat: Maulana Hasnain Baqri sb aur Maulana Arshad Husain sb ne Nizamat ke faraez anjam diye
Muqarrereen : Janab Kalbe Sibtain Noori, H.I. Maulana Haider Abbas Rizvi , Maulana faizan Warsi sb (Allahabad) , H.I. Maulana Mushahid Aalam Rizvi sb, Maulana Kausar Nadvi, H.I. Maulana Akhtar Abbas Jaun sb, Janab Sarwar Chishti sb (Ajmer), Maulana Jahangir Alam Qasmi , H.I. Maulana Raza Haider sb.
Aakhir Mein H.I. Maulana Ali Abbas Khan sb ne Mehmaano ka Shukria Ada Kiya
Summary:
------------
Janab Kalbe Sibtain Nooor Sb. :
o Hum Mohammad Mustafa s.a.w. ki Ummat hain aur unko maante hain lekin humko unko manne ke saath saath unke Mission jo ki tha musalmano me wahdat qayam ho pr bhi amal karna hoga , lekin badqismati se is ummat me wahdat ki jagah firqe hi bante chale ja rahe hain.
o Hume Paighamber ki Sunnat aur paighmataat ki pairwi karne ki koshish karna chahiye
o Tamam ummat ki 90 feesad ideologies common hain aur unme ittefaq paya jata hai to phir hum 10 feesad pe kyun lad rahae hain
o Jab isaaiyon se sir kalma e wahdat pr ittehad ho sakta hai to phir hamare to 90 feesad usool eik hain
2. Maulana Haider Abbas Rizvi Sb:
o Istemari aur istekbari agents ka mansooba hai ki musalmano me aapas mein ikhtilaf paida kiya jae, woh apas mein hi uljhe rahein, Lehaza hume Ilm ke maidan me aage badhna hoga yehi who rasta hai jiske zariye Ittehad ki rahen hamwar ho sakti hain
3. Maulana Faizan Warsi sb :
o Awam ki Qayadat Olema ke haath me hai, to agar Olema chahenge aur apni zimmedari banaenge tabhi ittehad mumkin hai , Aur awam ko aise olema ka boycott karna hoga jo ikhtelaf ki baat karte hain warna ittehad mumkin nahi hai.
o Ummat ke Masael ki Liye firqawariyat ko pase pusht daale Saamne aana hoga
o Ye Mat kahen Ittehad hona hai ye sochen abtak Ittehad kyun nahi ho paya, Jabki Iran Aur Iraq ke buzurg Maraje keh rahe hain Sunni hamare bhai nahi jaan hai, Sunni Shia haath baandhne aur kholne pe lad rahe hain aur dushman haath kaatne pe laga hua hai
o Mai chahta hun Mai Shia ke peeche namaz padhun aur Shia mere peeche namaz padhen, Dewabandi barelwi ke peeche padhe
4. Maulana Mushahid Aalam sb.:
o Fahem ko Olem pe chor diya jae aur ilmi Baaton ko khawas ke darmiyan rakha jae , Public level pe ye baaten na aaen to Ittehad me koi rukawat hai hi nahi, Hazrat Imam Khomeini ne ye karke dikhaya, Abul kalam Azaad ne karke dikhaya.
o Dr. Kalbe Sadiq Ittehad ki alamat the kyunki who Islam ke daai the , aur unke ander khuloos tha.
o Hamare ikhtelaf se Mushtaraka Islami Dushman ko Faeda Pahonchta hai
o Hamare Madarson me taleem hai lekin Tarbiyat nahi hai
o Aaj ke naujawan is cheez (ikhtelaf) ko olema se qubool karne ko taiyyar nahi hai
o Tafraqa Qaum ke liye Nasoor hai, Waqti taur pe gumrahi ho lekin ittehad rahe to isse nuqsan nahi
o Paighamber in Ikhtelaf se bachne ke liye 2 cheezen chori hain
5. Maulana Kausar Nadvi sb:
o Yahan aake mere ander mayoosi kam hui , Aur umeed badhi hai, ye dekh ke Sunni aur Shia Naujawanon ne milke is program ka ineqad kiya
o Saikdon Baras ki Olema ki Mehnate woh kaam na kar sakin jo Is Hukumat ne apni chand barson ki hukumat me ki g*i sakhtiyon se karwa diya
o Raat se jeet to Sakta Nahi Nannha sa Chiragh han magar raat ka nuqsan bahot karta hai
o Apasi ikhtelaf se Duniya me jo nuqsan hua Who to hai , Hume ghaur karna chahiye hume is mulk kitna nuqsan pahoncha
o Apasi ikhtelaf ko Ittehad se badalna hoga
o Arabon mein hazaron saal ke Ikhtelaf the jise Rasool e Kareem ne ittehad se badal diya, To us Rasool girami ki zaat ko paymana banak e hume bhi Muttahid ho jana chahiye
o Quran ko Buniyad banak e hum jama ho sakte hain
o Tajweez hai : Ahle tashiyyo Ke Akabir Olema ne Jo Fatwe Ahle Sunnat ki Muqaddas Shaqsiyat ke liye diye hain unko Publish karake Awam me baata jae un tak pahonchaya jae.
o Eik Musalamaan ko Fikr Karni Un Sawalon ki Jo usse Qabr me kiye jaenge aur wohi amal kiye jaenge , Un Cheezon se waasta nahi rakha jaega jinke baare me sawal nahi hona hai to ….Ikhtelafat nahi honge.
6. Maulana Akhtar Abbas Jaun sb :
o Tama fareeqon ke Olema Agar faqat Dastarkhwan pe hi Saath baithen to kaafi ikhtelafat wahin khat mho jaenge
o Shayad 95% cheezen hamare darmiyan milti julti hain, Lekin badgumaniyon ki wajah se apas me dooriyan badhi hain.
o Hamare Supreme Leader ne kaha hai ki Muqaddesat e Ahle Sunnat ki Tauheen karna haram Hai
o Aise Cheezen dhoondhni chahiye jiske zariye aapas me maujood badgumaniyan door ho saken
o Aise program Saal mein Kai martaba hone ki zaroorat hai
o Dono taraf shayad 1% log aise hain jo logon mein sooe zan paida karte hain
o Koi Bhi Insaan Shia nahi ho Sakta Jab Tak Sunni Na ho (Rasool Ki Sunnat pe amal na kare) Aur Koi Bhi Shaqs us waqt tak Sunni Nahi Ho Sakta Jabtak Ahlebait Se Mohabbat Na Karta ho.
o Aise Olema ki fehrist Banai Jo Dardmand hon, Ummat ka dard rakhte hon
o Faqat Ittehad ke program mein Dono Taraf ke olem Ikaththa na hon balki aur apasi programs mein bhi eik doosre taraf ke logon ko bulaen
o Aaj ke Zamane ki Zaban me aur behtar se behtar shakl mein Logo ke darmiyan Quran ko Pehchanwaen aur pahonchaen.
7. Janab Sarwar Chishti sb:
o Humko chahiye apne aqeede pe rehte hue Millat ko eik karne ki Koshish karen
o Waqt bahot Tezi se badal raha hai bahot tezi se aage badh raha hai, Agar Hum apne Muamelat ko sahi nahi karenge to aane wali naslen Olema se door ho jaengi , aur deen se badzan ho jaengi.
o Hamse bada Ghafil aur gunahgar kaun hoga ke ab jabki istekbari taqaten khul ke keh rahi hain ke Shia Sunni ko Ladake hum apna maqsad hasil karte hain, aur hum lad rahe hain
o Conference ke alawa Olema ko apni awam ke darmiyan bhi ittehad ki baat karni hogi.
8. Maulana Jahangir Alam Qasmi Sb.:
o Dono Taraf Kuch Dukandar Maulvi hain ki Agar apas mein Ittehad ho jae to unki Dukane band ho jaengi.
o 98% Shia aur Sunni Olema nahi chahte hain ki aapas mein ittehad ho
o 2% kaise 98% be bhaari pad jaate hain ye sochna hoga
o Ikhtelaaf phailane waalon ki nishandehi karni hogi aur unke khilaf action lena hoga, ye bhi jihad hai
o Aisi Nashistein baar baar hona hongi , kyunki agar churi pe eik baar dhaar lagake chor diya jae thode waqt baad who
o zangalood ho jati hai, dhardar rakhne ke liye baar baar dhar lagana padti hai
o taqareer ka majmua literature ki shak me saamne aana chaiye aur awam me jaana chahiye, taaki awam dekhe olema eik plateform pe hain.
9. Maulana Raza Haider sb. :
o Koi bhi kaam marefat ke baghair hoga to nuqsan hoga
o To Junbish karne se pehle marefat ki Zaroorat Hai
o Hume Qaum ko ye samjhana hoga ki Marefat ke baghair kaam ka koi faeda nahi
o Mayoosi ka Shikar nahi hona chahiye , ye Jo Shama Raushan ki hai Inshallah iski raushni duniya ke kone kone mein pahonchegi
o Hum Us nabi ke manne waale hain jo Kainaat ke liye Rehmat banke aaya tha.
10. Maulana Ali Abbas Khan Sb. :
o Abtak ye baat hoti aai hai kya kiya jae, Lekin aainda saal Inshallah Shamil hone waali tanzeemen aur olema ye bayan karenge ki Saal bhar mein Ittehad ke liye kiya kaam kiya
o Is Program mein pesh ki g*i Ulema ki tajaweez ko kitab ki shakl me murattab karke nashr kiya jaega.
