Lairam Isua Krista Baptist Kohhran (LIKBK=LJCBC)

08/12/2025

Missionary Tirhchhuhna & Valedictory Service neih a ni

LIKBK Assembly Media
The 7th December, 2025 (Sunday)

Vawiin December 7, 2025 Pathianni chhun khan LIKBK Mission hnuaia Missionary Training mi Sawm leh Pali (14) te Valedictory Service leh Mission 2 trihchhuahna neih niin inkhawm hi Upa LH
Mawia, Assembly Chiarman kaihhruainain Council Veng Kohhran Biak Inah neih a ni.

Missionary Tirhchhuhna & Valedictory Service ah hian Rev. Vanlaldinpuia Aineh, Mission Coordinator hnen atangin Missionary Mamawhna ngaihthlak a ni a, Rev. Dr. L.H. Lalpekhlua, Gen. Secretary in Missionary training te Certificate hlanna leh tirhchhuahna a nei a, Rev. K. Lalchamliana Lai, Principal, Lairam Bible School hnen atangin Missionary Training report ngaihthlak a ni.

Missionary Tirhchhuhna & Valedictory Service ah hian Rev. F. Lallawmzauva, AGS i/c Mission hnen atangin thuchah ngaihthlak a ni a, Rev. Zion Varmawia Fanchun in Mawlsawmna tawngtaina hun a hmang thung a ni. Missionary tirhchhuah te hi
1. David Laltlana S/o Khuaicheua, Bungtlang (S) - West Bengal ah thawk ang
2. J. Vanrosiama S/0 Upa J Sukromony, Saibawh - JOA, Comprehensive Home Mission Higher Secondary School, Nghalimlui ah athawk ang

08/12/2025

Mising Field tlawh

LIKBK Assembly Media
The 7th December, 2025 (Sunday)

South Lungpher Unit Hmeichhe Pawl te chuan Dec 3, 2025 khan Mising Mission Field tlawhin an kal. He hunah hian Rev. Lalropeka Chinzah, Lungpher Bialtu Pastor-in a kalpui a, Mising Mission Field tlawha kalte hi Mi 11 niin Vawiin December 7, 2025 Pathianni hi hmanpui a, Mising Mission Field a Tualchhung Kohhran hrang hrangte leh an hmalakna hmun hrang hrangte tlawhin hun an hmanpui an ni. December 10, 2025 (Nilaini) khian an lo let ang.

25/03/2025

LIKBK Assembly hnuaia Department hrang hrangte hetiang hian an hna chanpual pawh tihdanglam a ni.

25/03/2025

LIKBK Assembly Media Ministry
The 25th March, 2025 (Tuesday)

Assembly Vawi 26-na tluang taka zawhfel a ni:
- Lairam Isua Krista Baptist Kohhran, Assembly Vawi 26-na chu tahrik ni 19th – 23rd March, 2025 chhung khan Peniel Tualchhung Kohhran Biak In, Chandmary, Lawngtlai-ah neih a ni. K*m 2025 Assembly ah hian Department hrang hrang atangin Reports 245 leh thurel tur Agenda 20 chhawp chhuah a ni. March 19, 2025 (Nilaini) zan atang khan Vantlang inkhawm tan a ni. K*m 2024-2025 Assembly k*m thupui “Rorelna chu Lalpa ta a ni” Deut. 1:17 then hrang hrang hmangin Sermon ngaihthlak thin a ni. March 20, 2025 (Ningani) khan Rorelna tan a ni. March 23, 2025 (Pathianni Zing) khan Probationary Pastor Pathum (3) Pro. Pastor C. Rohmingliana, Pro. Pastor HC. Malsawmsanga leh Pro. Pastor Victor Lalrinsanga te Rev. B. Zazawna Lai, General Secretary in nemnghehna (Ordained) a neih rualin AEC Vawi 86-na inlak thar mi pahnih Lalruatpuia, College Veng, Lawngtlai leh Lalhlimawma, Ngengpuitlang te Probationary Pastor ni turin lakluhna neihnghal a ni. Tin, Pathianni zan khan LIKBK Assembly hruaitu thlantharte Rev. Dr. L.H. Lalpekhlua, General Secretary, Rev. F. Lallawmzauva leh Zion Varmawia Fanchun, Associate General Secretary te Upa LH. Mawia, Assembly Chairman in lakluhna a nei bawk.

K*m 2025-2026 Assembly budget atan `. 3569,00,000/- (Vaibelchhe Sawmthum Panga leh Nuai sawmruk leh Pakua) chu lungrual taka pawm a ni. K*m 2025-2026 Assembly K*m thupui a tan “Rinawmna” tih thlan a ni. K*m 2026 Assembly neihna hmun atan College Veng Tualchhung Kohhran Biak In, Lawngtlaiah neih a ni ang.

25/03/2025

LIKBK Assembly Media Ministry
The 25th March, 2025 (Tuesday)

AEC Vawi 87-na neih a ni:

- LIKBK Assembly Executive Committee Vawi 87– na Upa LH. Mawia, Chairman kaihhruaina in March 24, 2025 khan Peniel Tualchhung Kohhran Biak In, Chandmary, Lawngtlai-ah neih a ni. AEC vawi 87-naah hian Assembly hnuaia Department hrang hrangte, Administrative Secretary Pathuam (3) te bakah Coordinators te Nomination Committee in alo ruahmante reports ngaihthlakna leh pawmpuina neih a nih bakah k*m 2025-2028 Assembly hruaitute chanpual (Portfolio) semna neih nghal a ni a, hetiang hian ruahman a ni.
Rev Dr. L.H. Lalpekhlua, General Secretary
a) Assembly Committee
b) General Administrative Department
c) Pastoral Department
d) Finance Department
e) Medical Department
f) Pension Department

Rev. Zion Varmawia Fanchun, Associate General Secretary i/c Service
a) Lairam Social Mission
b) Communication Department
c) Christian Education

Rev. F. Lallawmzauva, Associate General Secretary i/c Mission
a) Mission Department
b) Chin Refugee Ministry

04/02/2025

KOHHRAN HOTE KAN TAWNGTAINA RAH LEH KAN LAWMNA BER RINGTHAR REPORT 2024- 2025

K*m 2024 April atanga K*m 2025 January thlenga Mission Field hrang hranga RINGTHAR kan neih dan.

1. Odhisa Field : 33
2. Mising Field : 38
3. Santal Field : 76
4. Myanmar Field : 31
5. Chakma Mission : 7
6. Christian Milan Sanghati : 26
7. A vaiin : 211.

Bangladesh Field- ah hian Native worker 4 kan nei a. K*m 2024 chhungah ringthar mi 38 kan nei a.

Acts Evangelical Mission. N. Delhi- ah hian mi 4 kan sponsor bawk a. An ni hian a pumpuia an rawngbawlnaah September 2024 atanga November 2024 chhungin ringthar 149 an nei bawk a ni.

Thlaraubo heti zat Lalpan min pe hi Kohhranhote tawngtaina leh thilpek hlu tak vang a ni a. Thawktute (Missionary) thawhrim rah pawh a ni a. Pathian khawngaihna kan dawn a ni bawk. Kan Pathian chu chawimawiin awm rawh se.

Kohhranhote thilpek leh tawngtaiah thahnem i ngai lehzual sauh ang u.

Rev. C. Lalthangzuala
Mission Coordinator
LIBKB Assembly

04/02/2025

LCMC Building thar FJ R***r Building hawnna neih a ni

LIKBK Media Ministry
The 3rd February, 2025

Lairam Christian Medical Centre (LCMC) Lawngtlai Building thar Rev. FJ. R***r Building chu vawiin February 3, 2025 (Thawhtanni) khan Rev. B. Zazawna Lai, General Secretary in a hawng.

He Building hi 600lakhs seng sak a ni. A dung 85fts, a vang 75fts niin chhawng thum (3) a sanga sak a ni. Building-ah hian Cabin Room 24 awm tura ruahman a ni a, Cabin Room piah lamah hian first floor-ah ICU, Operation Theater, Doctor Room leh OPD room te awm tura ruahman a ni bawk. Hawnna inkhawm hi Rev. C. Hrangzuala, Assembly Chairman in akaihruaia, Dr. B. Zonunsanga, Medical Superintendent in lawmthu sawina neiin Building sak hna thawktu Pu C. Hmingthantluanga, TT. Construction hnen atangin Technical reports ngaihthlak a ni bawk. Tin, Pu C. Lalmuanthanga, CEM, LADC in thusawina neiin a telpui bawk.

12/09/2024

September 11, 2024 ( Nilaini) khan Church Unity & ICCYC 2024 inbuatsaihna kalpui mekah Information & Publicity Sub- Committee te chuan T-Shirt leh Brooch te siamin zawrh chhuah mek a ni a, hengah te hian thawn tur in pack fel a ni.
Sangau East, Lungtian, Cheural, Rawlbuk, Lungpher bial, Bualpui NG bial, Lungzarhtum bial, Bungtlang South leh Aizawl bial ah te.

12/09/2024

Beirual thuzir 2024, "Bible leh a Thuneihna" Rbt. Rebecca Lalhmangaihzuali ziak chuan zir mek a ni a, zirlai 12-na zir tur a ni e.

Ziaktu : Rebecca Lalhmangaihzuali

01/05/2024

BIAK INSAK THAR HAWNG

April 30, 2024 (Thawhlehni) khan Peniel Tualchhung Kohhran Biak In sak thar chu Rev. Tc. Lalhunropuia, Bialtu Pastor, College Veng Pastor Bial in a hawng. Peniel Tualchhung Kohhran hi July 24, 1978 khan khan adin tan a ni. K*m 46-na a hmang mek a ni. Tunah hian members 732 an lawi mek a, In 163 an awm a ni. Biak In hi April 15, 2019 atang khan sak tan a ni a, a dung 94ft, avang 41ft leh 10inch a lian in sak a ni. hetah han Biak Hall, Chokidar Quarterte peih fel vek nghal a ni. Biak In sakna atan a senso zawng zawng hi Rs. 181,74, 042/- hman ral a ni. Biakin hawnnni hian ruai nen ropui taka hawnna neih a ni.

01/05/2024

CT-SCAN PATHIAN HNEN A HLANNA NEIH A NI .

Vawiin May 1, 2024 (Nilaini) chhun khan Lairam Christian Medical Centre (LCMC) a hman tur CT- Scan chu Pathian hnenah hlanna neih a ni. He CT-Scan hlanna inkhawmah hian Rev. C. Hrangzuala, Assembly Chairman in a kaihruai. Rbt. Dr. B. Zonunsanga, Medical Superintendent, LCMC in technical report a pe. CT- Scan hi Rev. Dr. Ceu Lian Thang, General Secretary, CBCUSA in Pathian hnenah hlanna a nei a, Rev. B. Zazawna Lai, General Secretary, lawmthu sawina a nei. Khawl hi Sawrkar lamah License te dil mek a ni a, License hmun a nih hunah mipuite hman theih tura ruahman a ni.