Mizoram Thalai Kristian Pawl

Home
India
Lawngtlai
Mizoram Thalai Kristian Pawl

An official page of Mizoram Thalai Kristian Pawl (MTKP), Baptist Church of Mizoram

23/05/2026

MṬKP MEDIA CELL COMMITTEE ONLINE MEETING NEIH A NI

23rd May 2026 : MṬKP Media Cell Committee chuan kan hma lawk a, ṬKP Platinum Jubilee puala Group Zai Intihsiak, June Ni 10 & 11, 2026-a BCM Hall, Serkawna kan neihna tûrah, an hmalakna tûr hrang hrangte sawihoin, Google Meet hmangin an inhmukhawm.

17/05/2026

ṬKP MADANRTING UNIT, TEN GOLDEN JUBILEE LAWMNA HUN AN HMANG

ṬKP Madanrting Unit, Shillong chuan May Ni 13-14, 2026 (Nilaini) zan aṭanga ṭanin, May Ni 14, 2026 (Ningani) zan thlengin Golden Jubilee lawmna hun BCM Biak In, Madanrting Shillong-ah an hmang.

Thupui atan 'Min hruaitu Lalpa' Sam 48:14 thu thlan a ni. MṬKP President, Upa. R. Lalbiakzuala, Rev. PC. Lalropuia (Bialtu Pastor) leh Rbt. Lalhmunsiama Pautu Chairman, Aizawl Area ṬKP Co-ordination Committee te hnen aṭangin thuchah ngaihthlak a ni.

President hi Tv R. Lalruatfela leh Rbt. Joseph Lalhnehzova Executive Committee Member MṬKP te'n an ṭawiawm.

Aizawl Area ṬKP Co-ordination committee hruaituten he hun hi an hmanpui bawk. Guest Artist Nl. Lalhmangaihsangi Hnialum(Angaihi) hnen aṭangin zai mawi tak ngaihthlak ṭhin a ni bawk.

Ningani zan inkhawm Shillong khawpui chhûnga Kohhran Ṭhalai pawl hrang hrang ten an hmanpui a, hun hlimawm tâk hman ni.

ṬKP Madanrting Unit hi May 14, 1976 khan din a ni a. Tun dinhmunah member 102 (Hmeichhia - 58, Mipa - 44) an awm mek a ni.

15/05/2026

ṬKP TLABUNG PASTOR BIAL TEN THILPEK AN HLAN

15th May 2026 : Vawiin hian ṬKP Tlabung Pastor Bial te chuan Baptist Mission School Chawnpui, Tlabunga an CCA Period-a Music an zirna tûr atân, Keyboard pahnih (2) an pe a, Baptist Mission School a thawktuten an lo dawngsawng a ni.

11/05/2026

ṬKP PHAWNGPUI NORTH PASTOR BIAL SPORTS MEET NEIH A NI

May Ni 8 - 10, 2026 chhûng khan ṬKP Phawngpui North Pastor Bial te chuan BCM Biak In, Cheural ah Sports Meet an nei.

Zirtawp zanah Variety Programme (ṬHIN ZAN) hman a ni a, Leadership Training neih nghal a ni. Fellowship Department Inkaihhruaina leh BCM Inrelbawlna (Organizational Structure leh Administrative Structure) aṭangin Quiz neih a nih bakah intihsiakna hlimawm tak neih a ni.

Inrinni chhunah Outdoor Games hrang hrang hmanga intihhlimna neih niin, Inrinni zan aṭangin inkhawmna neih a ni a, Rev. H. Lalduhzuala, Bialtu Pastor, Phawngpui North Pastor Bial Speaker a hmangin a hnen aṭang hian *"Kan nun hi i fimkhur pui hle teh ang u"* tih thupui hmangin thuchah ropui leh ṭha tak tak ngaihthlak a ni.

He Sports Meet hi LAṬKPCC hruaitute'n hmanpuiin, Soloist ṭha tak an lo hruai bakah ṬKP Platinum Jubilee pual Group zai intihsiak a Lawngtlai Area aṭanga pakhatna ṬKP Nazareth Unit Group Zai te rawn kal puiin, an ni hnen aṭangin Pathian fakna hla ngaihthlak a ni.

He Sports Meet ah hian mikhual (A dawltu Unit te tel lovin) 109 lai an riak lut a ni.

10/05/2026

ṬKP WEST PHAILENG PASTOR BIAL TEN BIAL ṬKP MEET AN HMANG

Ṭhalai Kristian Pawl : West Phaileng Pastor Bial te chuan May Ni 8 – 10, 2026 chhûng khan BCM Biak In, Immanuel-ah Bial ṬKP Meet - 2026 hlim takin an hmang.

He Meetah hian Zirtawpni zan aṭangin Pathian Biak Inkhawm ṭan a ni a, Inrinni chhun khan Sports neih niin, intihhlimna hun hlimawm tak hman a ni. Bial chhûng ṬKP member ten tisa leh thlarauah hlawkna tam tak changin, Meet hlawkthlak tak an hmang thei a ni.

Speaker ah MṬKP Secretary, Rev. F. Zorinkhuma hman niin, *_"Duhthlanna dik"_* tih thupui hmangin Sermon ngaihthlak ṭhin a ni a. Speaker hi MṬKP Vice President, Pu Jeffrey Lalremruata leh Tv. C. Lalbiaknunga, ECM, MṬKP leh Nl. Rebek Lallawmzuali (Soloist) te'n an ṭawiawm a ni.

09/05/2026

*ṬKP CHAWNGTE 'L' PASTOR BIAL TEN THISEN AN PE*

MṬKP Blood Donation Calendar bawhzuiin, ṬKP Chawngte 'L' Pastor Bial te chuan May Ni 9, 2026 (Inrinni) khan Civil Hospital Lunglei-a dah tûrin thisen an pe a.

He hun hi Bial ṬKP Asst. Secretary, Rbt. F. Vanlalpekhlua'n kaihruaiin, Pathian hnena in kawl tirna hun a hmang a; BCM Centenary Hall, Zion Chawngte 'L' ah Civil Hospital Lunglei a hman atân hian Thisen Unit - 36 (33 Mipa - 33, Hmeichhia - 3) an pe a ni.

Blood Bank aṭangin mi 7 an kal a, Bial ṬKP Member ten ngaipawimawh in pêk tum pawh an ṭhahnem hlê a, chhan hrang hrang avânga pe remchang thei lo an awm nual a ni.

09/05/2026

MIZORAM ṬHALAI KRISTIAN PAWL MEDIA CELL COMMITTEE MEETING (2026 - 2027) HMASA BER NEIH A NI

9th May 2026 (Inrinni) : Vawiin hian MṬKP Media Cell (2026 - 2027) Committee Meeting hmasa ber chu Meeting Room No.1, BCM Headquarters Office, Serkawn-ah neih a ni.

Meeting-ah hian Plan & Budget siam a nih bakah Media kaltlanga hmalakna tûr hrang hrangte, MṬKP Executive Committee a thu thlen tûrte leh thu pawimawh dang tam tak ngaihtuah a ni a. Tin, Platinum Jubilee pual Group Zai Intihsiak Final-a hmalak dân tûr chungchangte sawiho a ni.

04/05/2026

ṬKP Platinum Jubilee Group Zai Intihsiakna || First Round Result

02/05/2026

ṬKP PLATINUM JUBILEE PUAL GROUP ZAI INTIHSIAKNA AIZAWL AREA AH NEIH A NI.

May 1, 2026 (Zirtawpni) zan khan BCM Ramhlun North Kohhran Hall ah ṬKP Platinum jubilee pual Group zai intihsiak neih a ni a, Unit pakua (9) in intihsiakna hi an nei a ni.

He hun hi Rev. F. Zorinkhuma, Secretary MṬKP in hmanpui in Bible chhiara Pathian hnena inkawltirna hun a hman hnu ah Host Ishanika Chawngzikpuii'n intihsiakna a kaihruai a, Kristian Hlabu No. 570/490-na aṭang leh hla sak tûr duhthlan pakhat hmangin intihsiakna neih a ni. Endiktu atan Upa PC. Lalmalsawma, Adviser Aizawl Area ṬKP, Pu David S. Malsawmtluanga, Conductor Aizawl Area Baptist Choir leh Dr. C. Vanlalmalsawma te hman an ni.

MṬKP chuan ṬKP Platinum Jubilee pual Group zai Intihsiak ngaihlua intihsiakna a tel Unit te hnena hlan tur ngaihhruaina thil pek a buatsaih chu Aizawl Area atanga tel Unit pakhua (9) hnenah pawh hlan an ni.

Intihsiakna hi BCM hnuaia Area Pathum - Headquarters Area, Lawngtlai Area leh Aizawl Area ah te neih niin Area tina ti ṭha pathum thlan chhuah te result hi May 4, 2026 (Thawhtanni) zan hian Mizoram Ṭhalai Kristian Pawl Youtube Channel ah puan a ni ang.

01/05/2026

ṬKP PLATINUM JUBILEE PUALA GROUP ZAI INTIHSIAKNA NEIH A NI

May Ni 1, 2026 (Zirtawpni) : ṬKP Platinum Jubillee puala Group zai intihsiakna chu Headquarters Area a Unit hrang hrang 20 (sawmhnih) ten April Ni 29 & 30, 2026 zan khan BCM Hall, Serkawnah an nei.

Intihsiakna hi Kristian Hlabu No. 570/490-na aṭang leh hla sak tûr duhthlan pakhat hmangin neih a ni a; Intihsiakna hi Tv. Ramnunpuia’n kaihruaiin, endiktu atân hian Upa David Lalremruata, Upa C. Lalnunpuia leh Pu Lalrinawma Ralte te hman an ni.

BCM hnuaia Area Pathum – Headquarters Area, Aizawl leh Lawngtlai Area ah te Group zai intihsiakna hi neih fel anih hnuah, Area tina a ti ṭha pathum ten June thla, 2026 ah hian intihsiakna an nei leh dâwn a ni.

25/04/2026

ṬKP TUIPHAI PASTOR BIAL TEN THISEN AN PE

25th April 2026 : Vawiin hian ṬKP Tuiphai Pastor Bial te chuan MṬKP Blood Donation Calendar bawhzuiin, BCM S. Chawngtui ah Christian Hospital Serkawn a hman tûrin thisen an pe a.

Bial ṬKP Secretary, MC. Lalpianpuia'n hun kaihruaiin, Bial ṬKP Senior Adviser, Upa F. Lalnunsanga'n hunserh a hmang a. Damdawi In lam aṭang hian thawktu mi paruk (6) kalin, thisen hi Unit - 29 (Mipa - 23 & Hmeichhia - 6) an pe thei a ni.

Address

Lawngtlai

Website

https://youtube.com/channel/UCrikw7yhTmprrU9i08JHtwQ

Alerts

Be the first to know and let us send you an email when Mizoram Thalai Kristian Pawl posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Mizoram Thalai Kristian Pawl:

Shortcuts

Want your place of worship to be the top-listed Place Of Worship in Lawngtlai?

Mizoram Thalai Kristian Pawl

23/05/2026

17/05/2026

15/05/2026

11/05/2026

10/05/2026

09/05/2026

09/05/2026

04/05/2026

02/05/2026

01/05/2026

25/04/2026

Address

Website

Alerts

Contact The Place Of Worship

Shortcuts

Share

Category