24/07/2024
लातुर तालुक्यातील श्री निळकंठेश्वर देवस्थान, तीर्थस्थळांस ग्रामीण तीर्थक्षेत्र विकास योजनेअंतर्गत नुकतेच राज्यशासनाकडून ‘ब’ दर्जा प्राप्त झाल्याचे जाहिर करण्यात आले आहे. तीर्थक्षेत्र विकास झालेल्या बैठकीत हा निर्णय जाहिर करण्यात आला आहे. श्री निळकंठेश्वर देवस्थान येथे स्वयंभू शिव व शक्ती दोन पिंड विराजमान आहेत. हे खूप दुर्मिळ आहे.
महाराष्ट्राभरातून भाविकभक्त याठिकाणी श्रद्धेने येत असतात. शासनाने ग्रामीण तीर्थक्षेत्र विकास योजनेअंतर्गत श्री क्षेत्र निळकंठेश्वर देवस्थानाला ‘ब’ दर्जा द्यावा यासाठी अनेक वर्षांपासून भाविकांसह परिसरातील नागरीकांची मागणी होती. जिल्ह्याच्यादृष्टीने धार्मिक, ऐतिहासिक आणि पर्यटनाचे महत्त्व असलेल्या निळकंठेश्वर देवस्थानाचा विकास तीर्थस्थळाच्या ‘ब’ दर्जामुळे करता येईल.
सदर देवस्थानास ‘ब’ दर्जा मिळावा यासाठी सर्वपरीने प्रयत्न सुरू होते. आणि त्यास अखेर यश येऊन ‘ब’ दर्जा प्राप्त झाला आहे. याकामी, जिल्ह्याचे पालकमंत्री व ग्रामविकास व पंचायतराज मंत्री गिरीष महाजन, विधान परिषदेचे आमदार श्री रमेशआप्पा कराड साहेब यांनी सातत्याने पाठपुरावा केल्याने त्यांचा ‘ब’ दर्जा प्राप्त होण्यास अत्यंत मोलाचा वाटा व सहभाग आहे, ‘ब’ दर्जा प्राप्त होण्यासाठी आवश्यक ती कागदपत्र पुर्तता करण्यासाठी अदृश्य शक्तीने खूप खूप परिश्रम घेतले आहे. त्यासाठी त्यांचे निळकंठेश्वर देवस्थान व सर्व भाविकांच्या वतीने मी मनापासून खूप खूप आभार मानतो🙏
