Parayil sree durga bhagavathy devikshethram-puliyoorsala

17/07/2021

29/09/2019

🕉 സരസ്വതി സ്തുതി

സരസ്വതീ നമസ്തുഭ്യം
വരദേ കാമരൂപിണീ
വിദ്യാരംഭം കരിഷ്യാമി
സിദ്ധിർ ഭവതു മേ സദാ

പത്മപത്ര വിശാലാക്ഷീ
പത്മകേസര വർണ്ണിനീ
നിത്യം പത്മാലയാം ദേവീ
സാമാം പാതു സരസ്വതീ

അപർണ്ണാ നാമരൂപേണ
ത്രിവർണ്ണാ പ്രണവാത്മികേ
ലിപ്യാത്മ നൈകപഞ്ചാക്ഷ
ദ്വർണ്ണാം വന്ദേ സരസ്വതീം

മുദ്രാപുസ്തക ഹസ്താഭ്യാം
ഭദ്രാസന ഹൃദിസ്ഥിതേ
പുരസ്സരേ സദാ ദേവീം
സരസ്വതി നമോസ്തുതേ

വന്ദേ സരസ്വതീം ദേവീം
ഭുവനത്രയമാതരേ
യൽപ്രസാദാ തഥേ 🔥

29/01/2019

01/11/2018

Warm and heartfelt wishes this Diwali

28/09/2017

ശ്രീ സരസ്വതീ സ്തോത്രം

സരസ്വതീ നമസ്തുഭ്യം
വരദേ കാമരൂപിണി
വിദ്യാരംഭം കരിഷ്യാമി
സിദ്ധിര്‍ഭവതു മേ സദാ.

പദ്മപത്ര വിശാലാക്ഷീ
പദ്മകേസര വര്‍ണ്ണിനീ
നിത്യം പത്മാലയാ ദേവീ
സാ മാം പാതു സരസ്വതീം

സരസ്വതീം സത്യവാസാം
സുധാംശുസമവിഗ്രഹാം
സ്ഫടികാക്ഷരം പദ്മം
പുസ്തകം ച ശുകം കരൈ:

ചതുര്‍ഭിര്‍ധതീം ദേവീം
ചന്ദ്രബിംബസമാനനാം
വല്ലഭാമഖിലാര്‍ത്ഥാനാം
വല്ലകീവാദനപ്രിയാം

ഭാരതീം ഭാവയേ ദേവീം
ഭാഷാണാമധിദേവതാം
ഭാവിതാം ഹൃദയേ സദ്ഭി:
ഭാമിനീം പരമേഷ്ടിന:

ചതുര്‍ഭുജാം ചന്ദ്രവര്‍ണ്ണാം
ചതുരാനനവല്ലഭാം
ആരാധയാമി വാനീം താം
ആശ്രിതാര്‍ത്ഥപ്രദായിനീം.

കുന്ദപ്രസൂനരദനാം
മന്ദസ്മിതശുഭാനനാം
ഗന്ധര്‍വ്വപൂജിതാം വന്ദേ
നീരജാസനവല്ലഭാം.

യാ കുന്ദേന്ദുതുഷാരഹാരധവളാ
യാ ശുഭ്രവസ്ത്രാവൃതാ
യാ വീണാവരദണ്ഡമണ്ഡിതകരാ
യാ ശ്വേതപദ്മാസനാ.

യാ ബ്രഹ്മാച്യുതശങ്കരപ്രഭൃതിഭി:
ദേവൈ: സദാ പൂജിതാ
സാ മാം പാതു സരസ്വതീ ഭഗവതീ
നിശ്ശേഷജാഡ്യാപഹാ.

പ്രാര്‍ത്ഥന

ബുദ്ധിം ദേഹി യശോ ദേഹി
കവിത്വം ദേഹി ദേഹി മേ
മൂഢത്വം ച ഹരേര്‍ദ്ദേവി
ത്രാഹി മാം ശരണാഗതം.

28/09/2017

നവരാത്രി പൂജ എട്ടാം ദിവസം

എട്ടാം ദിവസം - ദേവീ മഹാഗൗരി

മന്ത്രം
~~~~
ശ്വേതേ വൃഷേ സമാരൂഢാ
ശ്വേതാംബരധരാ ശുചിഃ |
മഹാഗൗരി ശുഭം
ദദ്യാന്മഹാദേവപ്രമോദദാ ||

ശക്തി സ്വരുപിണിയായ ദുര്‍ഗ്ഗാദേവിയെ നവദുര്‍ഗ്ഗയായി നവരാത്രി ദിവസങ്ങളിലെ ഒരോ ദിനങ്ങളില്‍ ഒാരോ ദേവതയായി സങ്കല്‍പ്പിച്ച് ആരാധിക്കുന്നു.

നിര്‍മ്മലവും വിശുദ്ധിയുടെയും ഉത്തമഭാവമാണ് മഹാഗൗരി. നവദൂര്‍ഗ്ഗകളിലെ ചാതുരയാര്‍ന്ന ദേവി അവതാരമാണ് എട്ടാം ദിവസം പൂജിക്കപ്പെടുന്ന മഹാഗൗരി.

തൂവെള്ള വര്‍ണ്ണത്തോടുകൂടിയവള്‍ , വെളുത്തമുത്തിന്റെ ശോഭയോടുകൂടിയ ദേവി ക്ഷമയുടെയും സഹനത്തിന്റെയും പ്രതിബിംബമാണ് ദേവി.

ഒരു കൈയ്യില്‍ ത്രിശൂലവും, ഒരു കൈയ്യില്‍ ഉടുക്കയും, ഇരുകൈകളില്‍ മുദ്രകളുമായി ദേവി ശോഭിക്കുന്നു.

ശിവനെ കൈകൊള്ളുവാന്‍ ദേവി നടത്തിയ കൊടും തപസ്സില്‍ ദേവിയുടെ രൂപം തന്നെ ഇരുണ്ടു.

ദേവിയുടെ ഭക്തിയില്‍ സംതൃപ്തനായി ശിവന്‍. ഗംഗാജലത്തില്‍ ദേവി സ്നാനം ചെയ്യ്തു. അങ്ങനെ മഹാദേവി പത്നിയായ ദേവിയെ ഗൗരി എന്നും വിളിച്ച് തുടങ്ങി.

മനുഷ്യഹൃദയങ്ങളിലെ അഴുക്കും തിന്മകളും മാറ്റാന്‍ ദേവി ഉപാസന സഹായിക്കുന്നു. അവരെ ഭക്തിയുടെ മാര്‍ഗ്ഗത്തില്‍ ചലിപ്പിക്കാനും ദേവി ഉതകുന്നു.

അഷ്ടമി പൂജയില്‍ ഫലസിദ്ധി സുനിശ്ചയം.

ഈ ദിവസം കന്യാപൂജയാണ് ഏറെ പ്രസിദ്ധം ഒന്‍പത് കന്യകളെ വീട്ടില്‍ വിളിച്ച് മധുരപലഹാരങ്ങള്‍ നല്കി ആദരിക്കുന്നു.

നവദുര്‍ഗ്ഗകളുടെ ഒന്‍പത് രൂപങ്ങളെയാണ് ഇവര്‍ പ്രതിനിദാനം ചെയ്യുന്നതെന്നാണ് സങ്കല്‍പ്പം .

നവദുര്‍ഗ്ഗാ പ്രീതിയ്ക്ക് ഉത്തമമാണ് കന്യാപൂജ. സത്യസന്ധത, ഉദാരത, സന്മാര്‍ഗ്ഗം എന്നിവയുടെ പ്രതിരൂപമായ ദേവി ഉപാസന അവിവാഹിതര്‍ക്ക് വിവാഹവും, വിവാഹിതര്‍ക്ക് നീണ്ട ദാമ്പത്യ ജീവിതവും പ്രദാനം ചെയ്യുന്നു.

27/09/2017

പൂജ വയ്‌പ് എങ്ങിനെ നടത്തണം?
തയ്യാറെടുപ്പുകള്‍ എന്തൊക്കെ?
------------------------------------------------

നവരാത്രി - ഒമ്പത് രാത്രികള്‍ എന്നാണ് ഈ സംസ്കൃത പദത്തിന്റെ അർത്ഥം. ഒൻപത് രാത്രിയും പത്ത് പകലും നീണ്ടുനിൽക്കുന്ന ഈ ഉത്സവത്തിൽ ശക്തിയുടെ ഒൻപത് രൂപങ്ങളെയാണ് ആരാധിക്കുന്നത്. നവരാത്രി ദിവസങ്ങളിലെ ആദ്യത്തെ മൂന്ന് ദിവസം ദേവിയെ പാർവ്വതിയായും അടുത്ത മൂന്ന് ദിവസം ലക്ഷ്മിയായും അവസാനത്തെ മൂന്ന് ദിവസം സരസ്വതിയായും സങ്കൽപ്പിച്ച് പൂജ നടത്തുന്നു. യഥാർത്ഥത്തിൽ അഞ്ച് നവരാത്രികൾ ഉണ്ടെങ്കിലും മൂന്നെണ്ണം മാത്രമേ ഇപ്പോൾ ആഘോഷിക്കപ്പെടുന്നുള്ളൂ. നവരാതിയോടനുബന്ധിച്ചാണ് പൂജവെയ്പ്പ് നടത്തുക. എങ്ങിനെയാണ് പൂജവെയ്പ്പ് നടത്തുകയെന്ന് നോക്കാം.


പൂജവെയ്പ്‌ അവരവരുടെ വീട്ടിലോ ക്ഷേത്രങ്ങളിലോ ആണ് നടത്തുക. പൊതുവേ എല്ലാവരും ക്ഷേത്രങ്ങളിലാണു പൂജയ്ക്ക്‌ വെയ്ക്കാറുള്ളത്‌. കുട്ടികൾ അവരവരുടെ പാഠപുസ്തകങ്ങള്‍, പേന, പെൻസിൽ എന്നിങ്ങനെയുള്ള പഠനോപകരണങ്ങള്‍ പൂജയ്ക്കു വെയ്ക്കണം. മറ്റുള്ളവർ കർമ്മസംബന്ധവുമായി ബന്ധപെട്ട അവരുടെ വസ്തുക്കൾ, ഭഗവത്‌ ഗീത, ഭാഗവതം, മഹാഭാരതം, രാമായണം തുടങ്ങി പുണ്യപുരാണ ഗ്രന്ഥങ്ങൾ എന്നിവയും പൂജയ്ക്ക്‌ വെയ്ക്കണം. വീട്ടിലാണെങ്കിൽ പൂജാമുറി ശുദ്ധിവരുത്തേണ്ടതാണ്. ഇതിനായി ആദ്യം പഴയ വസ്തുക്കൾ, കരിന്തിരി, ചന്ദനതിരി പൊടി എന്നിങ്ങനെയുള്ള അവശിഷ്ടങ്ങളെല്ലാം മാറ്റി വൃത്തിയാക്കണം. ശുദ്ധജലം കൊണ്ട്‌ പൂജാമുറിയിലെ ഫോട്ടോകളും മറ്റും തുടച്ച് വൃത്തിയാക്കണം.

ഗണപതി, സരസ്വതി, മഹാലക്ഷ്മി തുടങ്ങിയ ദേവതകളുടെ ഫോട്ടോ തറയിൽ ഒരു പീഠം വെച്ച്‌ അതിലോ അല്ലെങ്കിൽ ശുദ്ധിയുള്ള മറ്റു എന്തിലെങ്കിലുമോ വെയ്ക്കുക. ഒരു കാരണവശാലും ഇവ വെറും തറയിൽ വെയ്ക്കരുത്‌. ഒരു നിലവിളക്ക്‌ അഞ്ചുതിരിയിട്ട കത്തിക്കണം. ചന്ദനതിരി, സമ്പ്രാണി തുടങ്ങിയവയും കത്തിക്കുക. ഫോട്ടോ വെയ്ക്കുമ്പോൾ നടുവിൽ സരസ്വതി, വലതുഭാഗത്ത്‌ ഗണപതി, ഇടതുഭാഗത്ത്‌ മഹാലക്ഷ്മി എന്നിങ്ങനെയായിരിക്കണം വെക്കേണ്ടത്. ഈ മൂന്ന് മൂർത്തികൾക്കും മാലയും മറ്റു പുഷ്പങ്ങളും ചാർത്തണം. തുടർന്ന് പുതിയ ബെഡ്ഷീറ്റോ, പായയോ, പേപ്പറോ വെച്ച്‌ അതിൽ പൂജയ്ക്കു വെയ്ക്കാനുള്ളതെല്ലാം വെക്കണം.

ഒരു കിണ്ടിയില്‍ ശുദ്ധ ജലം നിറച്ച്‌ വലതുകൈകൊണ്ട്‌ അടച്ചുപിടിക്കുക. അതിനുമുകളിൽ ഇടതുകൈ വെച്ച്‌
‘ഗംഗേ ച, യമുനേ ചൈവ, ഗോദാവരി സരസ്വതി, നർമ്മദേ സിന്ധു കാവേരി ജലേസ്മിൻ സന്നിധം കുരു’ എന്ന മന്ത്രം ചൊല്ലി തീർത്ഥമായി സങ്കൽപിച്ച്‌ ഒരു തുളസിയിലകൊണ്ട്‌ പുസ്തകത്തിലും മറ്റും തെളിച്ച്‌ ശുദ്ധി വരുത്തുക. നിവേദ്യം അർപ്പിച്ച്‌ പൂജ ചെയ്ത്‌ കർപ്പൂരം കാണിക്കണം. അടുത്ത ദിവസം രാവിലേയും വൈകീട്ടും ഇതുപോലെ പൂജചെയ്ത്‌ ആരതി ഉഴിയണം. വിജയദശമി ദിവസം മാലപുഷ്പങ്ങൾ കൊണ്ട്‌ അലങ്കരിക്കണം. വലതു വശത്തും ഇടതു വശത്തും കരിമ്പ്‌ വെയ്ക്കണം. തുടർന്ന്, പായസം, പയർ, അവിൽ, മലർ, ശർക്കര, പഴം, മറ്റു ഇഷ്ടമുള്ള നിവേദ്യങ്ങൾ എന്നിവയും അർപ്പിക്കുക.

തുടര്‍ന്ന് സരസ്വതി മന്ത്രങ്ങൾ ചൊല്ലുകയും ശ്രീലളിത അഷ്ടോത്തരശതനാമാവലികൊണ്ട്‌ പുഷ്പാർച്ചന നടത്തുകയും ചെയ്യണം. അതിനുശേഷം കർപ്പൂരം ആരതി കാണിച്ച്‌ പൂജയ്ക്ക്‌ വെച്ചെതെല്ലാം എടുക്കുക. തുടർന്ന് അരിയിൽ ‘ഹരിശ്രീഗണപതയേ നമ: അവിഘ്നമസ്തു ശ്രീ ഗുരുഭ്യോ നമ:’ എന്ന് വലതു ചൂണ്ടാണി വിരൽ കൊണ്ട്‌ എഴുതുക. തുടർന്ന് ഗണപതിയേയും വിദ്യാദേവിയേയും മനസിൽ ധ്യാനിച്ച്‌ പഠിക്കാനുള്ള പുസ്തകങ്ങളില്‍ ഏതെങ്കിലും ഒന്നെടുത്ത്‌ വായിച്ച്‌, ബുദ്ധിയും ശക്തിക്കുമായി പ്രാർത്തിച്ച്‌ നമസ്കരിക്കുകയും ചെയ്യുക.

23/09/2017

------ നവരാത്രി മൂന്നാം ദിവസം ------

ദേവീ ചന്ദ്രഘണ്ഡാ

ശക്തി സ്വരുപിണിയായ ദുർഗ്ഗാ ദേവിയെ നവദുർഗ്ഗയായി നവരാത്രി ദിവസങ്ങളിലെ
ഒരോ ദിനങ്ങളിൽ ഒാരോ ദേവതയായി
സങ്കൽപ്പിച്ച് ആരാധിക്കുന്നു.

ദുർഗ്ഗാ ദേവിയെ പ്രകീർത്തിക്കുന്ന ദിനമാണ് നവരാത്രിയിലെ മുന്നാം ദിനം.

തിന്മയെ ഹരിക്കുന്ന ദേവി നമ്മുടെ ഉത്തുംഗഭാവമാണ്. പൂർണ്ണചന്ദ്രനാൽ അലംകൃതമായ മുഖത്തോടുകൂടിയ ദേവി ചന്ദ്രഗന്ദയാണ്.
ചന്ദ്ര എന്നാൽ ചന്ദ്രനെന്നും,
ഗന്ദ എന്നാൽ മണിയുമാണ്.
നെറ്റിയിൽ നിന്നും മണി പോലെ തൂങ്ങുന്ന ചന്ദ്രന് സ്വർണ്ണം പോലെ ശോഭിക്കുന്നു.പത്ത്കൈകളിൽ വിവിധതരത്തിലുള്ള ആഭരണങ്ങളേന്തുന്ന ദേവി സിംഹവാഹിനിയാണ്. ദേവിയുടെ ഗർജ്ജനം തന്നെ തിന്മയുടെ മൂർത്തികളുടെ പേടി സ്വപ്നമാണ്. ദേവീഭക്തർ നിർഭയരും പരാക്രമികളുമായി തീരുന്നു. ചന്ദ്രഗന്ദാ ഭക്തർക്ക് പാപവിമോചനവും ജീവിതക്ലേശങ്ങളിൽ നിന്നും മുക്തിയും ലഭിക്കുന്നു.ജീവിത യാതനകളിൽ നിന്നും വിമോചനം ഫലം. ഭക്തഹൃദയങ്ങളിലെ ദുരിതങ്ങൾ നിവാരണം ചെയ്യുന്ന ദേവി ഭക്തർക്ക് കരുണാമയിയാണ്.

മന്ത്രം:
~~~~
പിണ്ഡജപ്രവരാരൂഢാ ചന്ദകോപാസ്ത്രകൈര്യുതാ |
പ്രസാദം തനുതേ മഹ്യം ചന്ദ്രഘണ്ഡേതി വിശ്രുതാ ||

22/09/2017

നവരാത്രിപൂജ രണ്ടാം ദിവസം
-------------------------------------------------------

രണ്ടാം ദിവസം 3 വയസ്സുള്ള പെൺകുട്ടി, ത്രിമൂർത്തി എന്ന ഭാവത്തിൽ പൂജിക്കണം. ധർമാർഥകാമഫലങ്ങളും സന്താനലാഭവും നല്ല ബുദ്ധിയും ദീർഘായുസ്സുമാണ് ഇതിന്റെ ഫലം. ശർക്കരനിവേദ്യം, ശർക്കരദക്ഷിണ, എന്നിവയാണ് വേണ്ടത്.

സരസ്വതീ മൂലമന്ത്രം

“ശ്രീം ഹ്രീം സരസ്വതൈ സ്വാഹാം” എന്നതാണ് സരസ്വതീ മൂലമന്ത്രം.
‘ശ്രീം ഹ്രീം മായാ’ ബീജസ്വരൂപിണിയായ സരസ്വതീദേവി എന്റെ ശിരസ്സിനെയും
‘ശ്രീ’ സ്വരൂപിണിയായ വാഗ്ദേവത എന്റെ ഫാലദേശത്തെയും രക്ഷിക്കട്ടെ.

‘ശ്രീം ഹ്രീം’ സ്വരൂപിണിയായ സരസ്വതീദേവി എന്റെ കാതുകളെ സംരക്ഷിക്കട്ടെ.
‘ഓം ശ്രീം ഹ്രീം’ സ്വരൂപിണിയായ സ്വാഹാദേവി എന്റെ കണ്ണുകളെ രക്ഷിക്കട്ടെ.

‘ഐം ഹ്രീം’ സ്വരൂപിണിയായ വാഗ്വാദിനി എന്റെ നാസികകളെ കാത്താലും.
‘ഹ്രീം’ സ്വരൂപിണിയായ വിദ്യാധിഷ്ഠാസ്വരൂപിണി എന്റെ ഓഷ്ഠപുടങ്ങളെ സംരക്ഷിക്കട്ടെ.

‘ഓം ശ്രീം ഹ്രീം’ സ്വരൂപിണിയായ ബ്രാഹ്മീദേവി എന്റെ പല്ലുകൾക്ക് സംരക്ഷയേകട്ടെ. ‘ഐം’ എന്ന ഏകാക്ഷര മന്ത്രം എന്റെ കണ്ഠത്തെ കാക്കട്ടെ.

‘ഓം ശ്രീം ഹ്രീം’ സ്വരൂപിണിയായ ലക്ഷ്മീദേവി എന്റെ കഴുത്തും ചുമലും രക്ഷിക്കട്ടെ. ‘ഓം ഹ്രീം’ സ്വരൂപിണിയായ വിദ്യാധിഷ്ഠാതൃദേവത എന്റെ വക്ഷസ്സിനെ കാക്കട്ടെ.

‘ഓം’ സ്വരൂപിണിയായ വിദ്യാധിരൂപിണി സ്വാഹാദേവി എന്റെ നാഭിയെ രക്ഷിക്കട്ടെ. ‘ഓം ഹ്രീം ക്ളീം’ സ്വരൂപിണിയായ വാണീദേവി എന്റെ കൈളെ രക്ഷിക്കട്ടെ.

‘ഓം’ സർവ്വവർണാത്മികേ ദേവീ എന്റെ കാലുകളെ സംരക്ഷിച്ചാലും.
‘ഓം’കാരസ്വരൂപിണീ വാഗധിഷ്ഠാദേവീ, എല്ലാം എപ്പോഴും രക്ഷിച്ചാലും.

‘ഓം’ സ്വരൂപിണിയായി എല്ലാ കണ്ഠങ്ങളിലും കുടികൊള്ളുന്ന ദേവി എന്റെ കിഴക്കു ഭാഗവും സർവ്വജിഹ്വകളിലും ‘ഓം’കാരരൂപിണിയായി നിലകൊള്ളുന്ന ദേവി എന്റെ അഗ്നികോണും സംരക്ഷിക്കട്ടെ.

‘ഓം ഐം ഹ്രീം ക്ളീം സരസ്വത്യൈ ബുധജനന്യൈ സ്വാഹാ’ എന്ന മന്ത്രം എന്റെ തെക്കുവശത്ത് എനിക്ക് രക്ഷയേകട്ടെ.
എ
‘ഓം ഹ്രീം ശ്രീം’ എന്ന ത്രൈക്ഷരം എന്റെ തെക്കുപടിഞ്ഞാറ് ദിക്കിലും
‘ഓം ഐം’ സ്വരൂപിണിയായി നാവിൻതുമ്പിൽ വിളങ്ങുന്ന ദേവി എന്റെ പശ്ചിമ ദിക്കിലും രക്ഷയായിരിക്കട്ടെ.

‘ഓം’ സ്വരൂപിണിയായ സർവ്വാംബികാദേവി വായുകോണിലും ഗദ്യവാസിനിയായ ദേവി വടക്കുവശത്തും എനിക്ക് രക്ഷയായിരിക്കട്ടെ.

‘ഐം’കാര സ്വരൂപിണിയായ സർവ്വശാസ്ത്രവാസിനി ഈശാനകോണിലും
‘ഓം ഹ്രീം’ സ്വരൂപിണിയായ സർവ്വപൂജിത മുകളിലും എനിക്ക് രക്ഷയാകട്ടെ.

‘ഹ്രീം’ സ്വരൂപിണിയായ പുസ്തകവാസിനി കീഴ്ഭാഗത്തിനും ഓങ്കാരരൂപിണിയായ ഗ്രന്ഥബീജസ്വരൂപ എല്ലാടവും എനിക്ക് രക്ഷയാകട്ടെ.

25/08/2017

Vinayakachathurthi wishes

05/09/2016

തുമ്പിക്കൈയിൽ മോദകമേന്തും ഉണ്ണി ഗണപതിയെ. .....
ഉദയദിവാകര ചാരുതയോടെ വിളങ്ങും ബാലകനേ. ..
ഉണ്ണിക്കൈയ്കൾ നാലും കൊണ്ടേ അനുഗ്രഹിക്കേണേ ..
എണ്ണിനമിക്കാം എന്നും ഞാനാ
പവിത്ര നാമങ്ങൾ....നിന്നുടെ
സഹസ്രനാമങ്ങൾ.....

എല്ലാവര്‍ക്കും വിനായക ചതുര്‍ത്ഥി ആശംസകള്‍