St.Thomas Hill Church Kunnamkulam

22/05/2026

06/05/2026

മെത്രാപ്പോലീത്തായുടെ ലഘു ചരിത്രം :
മലബാർ സ്വതന്ത്ര സുറിയാനി സഭയെ നയിച്ച 10-ാം മെത്രാപ്പോലീത്തായും ആലത്തൂര് പനക്കൽ തറവാട്ടിൽ നിന്നുള്ള രണ്ടാമത്തെ മെത്രാപ്പോലീത്തായുമാണ് അഭിവന്ദ്യ പൗലോസ് മാർ അത്താനാസിയോസ് മെത്രാപ്പോലീത്താ. കോട്ടയം Cambridge National Institute ൽ നിന്ന് വേദശാസ്ത്രത്തിൽ പഠനം പൂർത്തികരിച്ച ഇദ്ദേഹം 1907 ൽ തന്നെ റമ്പാൻ പട്ടം സ്വീകരിച്ചിരിന്നു. 1917 ഡിസംബർ 9 ന് സഭയുടെ 9-ാം മെത്രാപ്പോലീത്തായായിരുന്ന അഭിവന്ദ്യ കരുമാങ്കുഴി പുലിക്കോട്ടിൽ ഗീവർഗ്ഗീസ് മാർ കൂറിലോസ് മെത്രാപ്പോലീത്താ തിരുമേനി ഇദ്ദേഹത്തെ തന്റെ സഫ്രഗൻ മെത്രാപ്പോലീത്തായായി (സഹായ മെത്രാപ്പോലീത്തായായി) വാഴിച്ചു. കരുമാങ്കുഴി തിരുമേനിയോടൊപ്പം പൗലോസ് മാർ അത്താനാസിയോസ് പട്ടം കൊട ശുശ്രൂഷകൾ നടത്തുകയും, സഭയുടെ കല്ലുംപുറം സെന്റ് ജോർജ്ജ് ദേവാലയം, പഴഞ്ഞി സെന്റ് മേരീസ് ദേവാലയം എന്നീ പള്ളികളുടെ കൂദാശയിൽ സഹകാർമ്മീകത്വം വഹിക്കുകയും ചെയ്തിട്ടുണ്ട്.
എന്നാൽ അത്തനാസിയോസ് തിരുമേനിയുടെ സേവനം അധിക കാലം ലഭിക്കുവാൻ സഭയ്ക്ക് ഭാഗ്യം ഉണ്ടായിരുന്നില്ല.
ആസ്ത്മ രോഗം അധികമായതിനെ തുടർന്ന് 1927 മെയ്‌ 7 ന് തന്റെ പിൻഗാമിയായ കുരിയാക്കോസ് അച്ഛന്റെ ( പിൽകാലത്ത് അഭിവന്ദ്യ കോട്ടപ്പടി കൂത്തൂര് കുരിയാക്കോസ് മാർ കൂറിലോസ് മെത്രാപ്പോലീത്താ) മടിയിൽ തല ചായിച്ച് അഭിവന്ദ്യ തിരുമേനി കാലം ചെയ്തു. മലബാർ സ്വതന്ത്ര സുറിയാനി സഭയുടെ ആസ്ഥാനമായ തൊഴിയൂർ സെന്റ് ജോർജ്ജ് ഭദ്രാസന ഇടവക ദേവാലയത്തിൽ പിതാക്കന്മാരുടെ കല്ലറയിൽ അടക്കപ്പെട്ടു.
ഭാഗ്യസ്‌മരണാർഹനായ ആ പുണ്യ പിതാവിന്റെ 99-മത് ഓർമ്മപ്പെരുന്നാൾ പരിശുദ്ധ സഭ ഇന്നും നാളെയുമായി സഭാ ആസ്ഥാനമായ തൊഴിയൂർ സെന്റ് ജോർജ്ജ് ഭദ്രാസന ഇടവക പള്ളിയിൽ ഭക്ത്യാദരം ആഘോഷിക്കുന്നു.
ഇന്ന് വൈകീട്ട് 6 മണിക്ക് സന്ധ്യാനമസ്ക്കാരവും അഭിവന്ദ്യ പിതാവിന്റെ കബറിങ്കൽ ധൂപപ്രാർത്ഥനയും ശ്ലൈഹീക വാഴ്‌വും ഉണ്ടായിരുന്നു.
നാളെ രാവിലെ 7.15 മണിക്ക് വിശുദ്ധ കുർബ്ബാനയും മധ്യസ്ഥ പ്രാർത്ഥനയും പിതാവിന്റെ കബറിങ്കൽ ധൂപപ്രാർത്ഥനയും തുടർന്ന് ശ്ലൈഹീക വാഴ്‌വും നേർച്ചയും ഉണ്ടായിരിക്കുന്നതാണ്.

04/05/2026

With joyful hearts, we welcome Fr. Micheal Geevarghese as our new vicar. May God bless his ministry among us. ✨

04/05/2026

With grateful hearts, we bid farewell to our beloved vicar. Your guidance, prayers, and love will always remain with us. ✨