04/12/2025
കുടുംബഐക്യത്തിനും ദുരിതമോചനത്തിനും തൃക്കാർത്തിക വൃതം.
🍁🙏🌹🍁🙏🌹🍁
*സര്വ്വ മംഗള മംഗല്യ ശിവേ* *സര്വാര്ത്ഥസാധികേ, ശരണ്യേ* *ത്രയംബകേ ഗൗരീ നാരായണീ നമോസ്തുതേ.*🙏
വൃശ്ചികമാസത്തിലെ കാർത്തികയും പൗര്ണ്ണമിയും ഒന്നിച്ചുവരുന്ന ദിവസമാണ് ദേവിയുടെ ജനനം. ദേവിയുടെ പിറന്നാൾ ഭക്തർ തൃക്കാർത്തികയായി ഭവനങ്ങളിൽ ചിരാതുകൾ തെളിയിച്ചു കൊണ്ടാടുന്നു .മനസ്സിലെ മാലിന്യങ്ങൾ നീക്കി കുടുംബത്തിൽ ഐശ്വര്യം നിറക്കുന്നതാണ് തൃക്കാർത്തികവ്രതം. കുടുംബത്തിൽ എല്ലാവരും ഒന്നിച്ചു വ്രതം അനുഷ്ഠിക്കുന്നത് ഉത്തമമാണ്. മൂന്നു ദിവസമാണ് വ്രതാനുഷ്ഠാനം. തൃക്കാർത്തികയുടെ തലേന്ന് പകലുറക്കം, മത്സ്യംമാംസാദികൾ, എണ്ണതേച്ചുകുളി എന്നിവ ഒഴിവാക്കുക. വീടും പരിസരവും വൃത്തിയാക്കി പുണ്യാഹമോ ചാണക വെള്ളമോ തളിച്ച് ശുദ്ധീകരിക്കുക .കാർത്തികയുടെ അന്ന് കുളിച്ചു ശരീരശുദ്ധി വരുത്തി ദേവീനാമങ്ങൾ ജപിച്ചശേഷം മാത്രം ജലപാനം ചെയ്യുക .അന്നേദിവസം ഒരിക്കലൂണ് അഭികാമ്യം .അത് ദേവീക്ഷേത്രത്തിൽ നിന്നുള്ള പ്രസാദമാണെങ്കിൽ അത്യുത്തമം . ലളിതാസഹസ്രനാമം, മഹാലക്ഷ്മീ സ്തവം എന്നിവ ഭക്തിപൂർവ്വം ജപിക്കുക .ദേവീക്ഷേത്ര ദർശനവും നന്ന്. തൃക്കാര്ത്തിക ദിവസം ദേവിയുടെ സാമീപ്യം ഭൂമിയില് ഉണ്ടായിരിക്കുമെന്നാണ് വിശ്വാസം. സന്ധ്യാസമയത്തു ദേവിയെ വീട്ടിലേക്കു ക്ഷണിക്കുന്നു എന്ന സങ്കല്പത്തിൽ കുടുംബാഗങ്ങൾ എല്ലാവരും ചേർന്ന് കാർത്തിക വിളക്കു തെളിയിച്ചു ഭക്തിയോടെ ദേവീകീർത്തനങ്ങൾ ജപിക്കുക. പിറ്റേന്ന് രോഹിണിദിനത്തിലും വ്രതം അനുഷ്ഠിക്കണം. ഇങ്ങനെ മൂന്നു ദിവസം തെളിഞ്ഞ മനസ്സോടെ വ്രതമനുഷ്ഠിച്ചു പ്രാർഥിച്ചാൽ ഭഗവതിയുടെ അനുഗ്രഹത്തോടെ പെട്ടെന്ന് ഫലസിദ്ധിയുണ്ടാവുമെന്നാണ് വിശ്വാസം. കുടുംബത്തിന്റെ ഐക്യത്തിനും ഐശ്വര്യത്തിനും ദുരിതമോചനത്തിനും ഉത്തമത്രെ തൃക്കാർത്തിക വ്രതം
കാർത്തികൈദീപം ഉത്സവത്തിൽ തമിഴ് നാട്ടിൽ സുബ്രഹ്മണ്യപൂജയ്ക്കാണു പ്രാധാന്യം നൽകുന്നതെങ്കിലും കേരളത്തിൽ തൃക്കാർത്തിക ദേവീപ്രധാനമാണ്. രാവിലെ ദേവീക്ഷേത്രത്തിൽ ദർശനം നടത്തി, പകൽ മുഴുവൻ ദേവീഭജനം ചെയ്ത്, സന്ധ്യയ്കു വീടു മുഴുവൻ മൺചെരാതുകളിൽ വിളക്കു കത്തിച്ചുവയ്ക്കുക എന്നതാണ് തൃക്കാർത്തിക ദിനത്തിലെ ആചാരം
തൃക്കാർത്തിക സംബന്ധിച്ച് ഐതിഹ്യങ്ങൾ പലതുണ്ട്. ദുർഗാഭഗവതിയായ സാക്ഷാൽ പാർവതീദേവി കാർത്യായനി എന്ന രൂപത്തിൽ അവതരിച്ച ദിവസമാണു തൃക്കാർത്തിക എന്നാണ് ഐതിഹ്യങ്ങളിലൊന്ന്. അതുകൊണ്ടു ദേവിയുടെ ജന്മദിനം എന്ന നിലയിലാണു കേരളത്തിൽ തൃക്കാർത്തിക ആഘോഷിക്കുന്നത്.
ശരവണപ്പൊയ്കയിൽ പിറന്നുവീണ സുബ്രഹ്മണ്യനെ കൃത്തികമാർ എന്ന ആറ് അമ്മമാർ എടുത്തുവളർത്തിയതു മൂലം ആറു മുഖമുണ്ടായെന്നാണു വിശ്വാസം. ഈയവസ്ഥയിൽ പാർവതീദേവി കുട്ടിയെ എടുത്ത് ഒന്നാക്കിയപ്പോൾ വീണ്ടും ഒരു മുഖമായി എന്നു വിശ്വസിക്കപ്പെടുന്നു. ഇങ്ങനെ പാർവതീദേവി സുബ്രഹ്മണ്യനെ എടുത്തത് തൃക്കാർത്തിക ദിവസമാണ് എന്നും ഐതിഹ്യമുണ്ട്. അതാണ് ഈ ദിവസം സുബ്രഹ്മണ്യപൂജയ്ക്കു പ്രാധാന്യം വരാനുള്ള കാരണമെന്നും പറയുന്നു.
കടപ്പാട്
🍁🙏🌹🙏🍁🌹
