KCYM Kovalam Forane

16/03/2023

Congratulations... 🔥

15/03/2023

🔥

15/03/2023

❤️🤍💛

15/03/2023

❤️🤍💛

25/07/2022

KCYM KOVALAM FORANE
NEW LEADERS

07/11/2021

കെ സി വൈ എം കോവളം ഫെറോന ഉത്സവ് 2021 ന്റെ ഭാഗമായി 7-11-21 ഞായറാഴ്ച പൂങ്കുളം ഇടവകയിൽ വച്ച് രചനാ മത്സരങ്ങൾ വിജയകരമായി നടത്തുകയുണ്ടായി.......

07/11/2021

07/06/2021

05/06/2021

*പ്രഭാത പ്രാർത്ഥന..*

നല്ല ദൈവമേ, ഈ പ്രഭാതത്തിൽ ഞങ്ങളെ ഉണർത്തുകയും അവിടുത്തെ സന്തോഷത്തിലേയ്ക്ക് നയിക്കുകയും ചെയ്തതിനെ ഓർത്തു അവിടുത്തെ സ്തുതിക്കുകയും അങ്ങേയ്ക്ക് നന്ദി പറയുകയും ചെയ്യുന്നു.

നാഥാ ,ഒരുപാടു മനുഷ്യർ ഇന്ന് ഉണർന്നത് സന്തോഷത്തോടു കൂടെ അല്ലാത്തവർക്കു വേണ്ടി മനസുരുകി പ്രാർത്ഥിക്കുവാൻ ഞങ്ങളെ സഹായിക്കണമേ. ഈശോയെ, അങ്ങയുടെ കൃപ ഞങ്ങളുടെ മേൽ ചൊരിയണമേ. സഹനത്തിന്റെ പ്രഭാതങ്ങൾ ഞങ്ങളെ ശക്തിപ്പെടുത്തട്ടെ. വേദനയുടെ പാന പാത്രം ഇനിയും കുടിക്കുവാൻ നൽകരുതേ. അവിടുത്തെ ദൂതന്മാർ ഞങ്ങളെ സഹായിക്കട്ടെ.

പിതാവേ, അങ്ങയുടെ സന്നിധി വിട്ട് ഞങ്ങൾ എവിടെ ഒളിക്കും. ആകാശവും ഭൂമിയും ഞങ്ങൾക്ക് അങ്ങയുടെ കല്പനയില്ലാതെ അഭയം നൽകുകയില്ല. നെഞ്ചു നീറുന്ന വേദന വേട്ടയാടുന്നു. മഹാമരിയിലൂടെയും കാലവർഷ കെടുതികളിലൂടെയും രോഗം ഞങ്ങളെ അലട്ടുന്നു. കടബാദ്ധ്യതകൾ ഞങ്ങളെ വരിഞ്ഞു മുറുക്കിയിരിയ്ക്കുന്നു. രക്ഷ പ്രാപിക്കുമെന്ന് ഞങ്ങൾക്ക് പ്രത്യാശയില്ല. ദു:സ്വപനങ്ങൾ അപകട സൂചന പോലെ പിന്തുടരുന്നു. ദൈവമേ ,ഞങ്ങൾ അങ്ങയുടെ സന്നിധിയിൽ അഭയം തേടുന്നു. അവിടുത്തേക്ക് കഴിയാത്തതു എന്താണ്. ഒരു വാക്കിനാൽ അവിടുത്തേക്ക് രക്ഷ നൽകാനാകും. അഗ്നിയുടെ മധ്യത്തിൽ പോലും അങ്ങയുടെ ദൂതന്മാർക്ക് ഞങ്ങളെ താങ്ങി നിർത്താൻ ആകും. ആരെയാണ് ഞങ്ങൾ ഭയക്കുക. ദൈവം കൂടെയുള്ളപ്പോൾ തുറക്കാത്ത വാതിൽ ഏതാണ്? ആർക്കാണ് ഞങ്ങളെ നശിപ്പിക്കുവാൻ കഴിയുക. ദൈവം അനുവദിക്കാതെ ഞങ്ങളുടെ ശരീരത്തിൽ ആര് സ്പർശിക്കും. ദൈവമേ കൺ തുറക്കണമേ. ദാസർക്ക് സഹിക്കാൻ ആകാത്ത വേദന നൽകരുതേ. ശരി എന്ന് കരുതി ഞങ്ങൾ ചെയ്ത തെറ്റുകൾ പൊറുക്കേണമേ. കൃപയുടെ നിറവിൽ ആയിരിക്കുവാൻ അനുഗ്രഹിക്കണമേ.

പരിശുദ്ധ ആത്മാവേ, എഴുന്നുള്ളി വരണമേ. സ്നേഹത്തിന്റെ ചൈതന്യം നിറയ്ക്കണമേ. കർത്താവെ, അങ്ങയുടെ സന്നിധി വിട്ടു ഞങ്ങൾ എവിടെ പോകും. നിത്യമായി ഞങ്ങളിൽ നിന്നും മറഞ്ഞിരിക്കരുതേ.

ഈശൊയുടെ ദിവ്യഹൃദയമെ,ഞങ്ങളുടെ മേൽ അലിവാകണമെ.

*ആമ്മേൻ..*

25/05/2021

*പ്രഭാത പ്രാർത്ഥന..*

'' അത്യുന്നതനായ ദൈവത്തെ ഞാന്‍ വിളിച്ചപേക്‌ഷിക്കുന്നു; എനിക്കുവേണ്ടി എല്ലാംചെയ്‌തുതരുന്ന ദൈവത്തെത്തന്നെ.
അവിടുന്നു സ്വര്‍ഗത്തില്‍നിന്നുസഹായമയച്ച്‌ എന്നെ രക്‌ഷിക്കും, എന്നെ ചവിട്ടിമെതിക്കുന്നവരെഅവിടുന്നു ലജ്‌ജിപ്പിക്കും; ദൈവം തന്‍െറ കാരുണ്യവുംവിശ്വസ്‌തതയും അയയ്‌ക്കും,""
സങ്കീര്‍ത്തനങ്ങള്‍ 57 : 2-3

ഞങ്ങളുടെ പ്രാർത്ഥന സ്വീകരിച്ചു ഞങ്ങളെ അനുഗ്രഹിക്കുന്ന കർത്താവെ, ഞങ്ങളെ പ്രാർത്ഥിക്കുവാൻ സഹായിക്കണമേ . ജീവിതത്തിലെ പല സാഹചര്യങ്ങളിലും ഞങ്ങൾ അഭയം തേടി അലയുന്നത് മനുഷ്യരിൽ ആണ്. സഹായിക്കും എന്ന് കരുതുന്ന പലരും തള്ളി പറയുമ്പോൾ നിരാശരായി മാറുന്നു. ജീവിതം മുഴുവനും പരാതി പറയുവാൻ മാത്രം നീക്കി വച്ചിരിക്കുന്ന അനേകം പേർ ഞങ്ങളുടെ ഇടയിൽ ഉണ്ട്.

ദൈവമേ അവിടുത്തെ രാജാവും, പിതാവുമായി അംഗീകരിച്ചു കൊണ്ട് ജീവിക്കുവാൻ സഹായിക്കണമേ. ദൈവ അവബോധത്തിൽ തീരുമാനങ്ങൾ എടുക്കുവാനും, അവിടുത്തോടു ചേർന്ന് നിന്ന് കൊണ്ട് ജീവിതത്തെ മുന്നോട്ട് നയിക്കുവാനും ശ്കതി നൽകണമേ. നാഥാ, ഓരോ ദിവസവും അവിടുത്തെ സന്നിധിയിൽ നിന്നും പ്രാർത്ഥനയോടു കൂടി ആരംഭിക്കുമ്പോൾ ആ ദിനത്തിൽ ഞങ്ങൾ ചെയ്യുവാൻ പോകുന്ന കാര്യങ്ങളെ അവിടുത്തെ സന്നിധിയിൽ സമർപ്പിക്കുവാനും,അവിടുത്തെ ഹിതം ആരായുവാനും കൃപ നൽകണമേ. പ്രാർത്ഥിക്കുമ്പോൾ നിയോഗം സമർപ്പിച്ചു പ്രാർത്ഥിക്കുവാൻ ഞങ്ങളെ അനുഗ്രഹിക്കണമേ. ഞങ്ങളുടെ ജീവിതങ്ങൾ ഒരു തുറന്ന പുസ്തകമായി അങ്ങയുടെ സന്നിധിയിൽ സമർപ്പിക്കുവാൻ അനുഗ്രഹം നൽകണമേ. നാഥാ ഇനിയും വെളിച്ചം വീഴാത്ത മേഖലകൾ ഞങ്ങളുടെ ജീവിതത്തിൽ ഉണ്ടെങ്കിൽ വിടുതൽ പ്രാപിക്കുവാൻ കൃപ നൽകണമേ. വിശുദ്ധിയോടെ അങ്ങയുടെ സന്നിധിയിൽ വ്യപരിക്കുവാനും അനുഗ്രഹങ്ങൾ ചോദിച്ചു വാങ്ങുവാനും ഞങ്ങൾക്ക് സാധിക്കട്ടെ. . ഈശോയെ ചില സമയങ്ങളിൽ ഞങ്ങൾ ആഗ്രഹിച്ചു പ്രാർത്ഥിച്ച നിയോഗങ്ങൾ സമയത്തിന്റെ പൂർത്തീകരണത്തിൽ നൽകുവാൻ അവിടുന്ന് മാറ്റി വച്ചുവല്ലോ. ആ നിയോഗങ്ങൾ ഞങ്ങൾ മറന്നാലും അവിടുന്ന് മറക്കുകയില്ല എന്ന് ഞങ്ങൾ വിശ്വസിക്കുന്നു. നാഥാ ഞങ്ങളുടെ ജീവിതത്തിൽ സമയത്തിന്റെ പൂർത്തീകരണത്തിൽ നിറവേറേണ്ടവ തിരിച്ചറിയുവാനും, ദൈവ ഹിതമല്ലാത്ത ആഗ്രഹങ്ങൾ തിരിച്ചറിയുവാനും ഞങ്ങളെ സഹായിക്കണമേ.
മഹാമാരിയാൽ വേദനിക്കുന്ന ആത്മാക്കൾക്കായി പ്രത്യേകം പ്രാർത്ഥിക്കുന്നു.അവരെ പരിചരിക്കുന്നവരെ അങ്ങയുടെ സംരക്ഷണത്തിലായിരിക്കണെ.
ഇന്നേ ദിവസത്തിൽ വലിയ ദൈവ സ്നേഹം അനുഭവിക്കുവാൻ ഞങ്ങളെ അനുഗ്രഹിക്കണമേ.

_ദൈവ മാതാവെ,ഞങ്ങളുടെ പ്രാർത്ഥനങ്ങൾക്ക് മദ്ധ്യസ്ഥയായിരിക്കണെ_ .

*ആമ്മേൻ..*

23/05/2021

കത്തോലിക്കാസഭക്ക് ജന്മദിനാശംസകൾ
എല്ലാവർക്കും പെന്തക്കൊസ്ത
തിരുനാൾ ആശംസകൾ..

പെന്തക്കൊസ്ത സഭയുടെ ജനനം ദിവസം എന്നും അറിയപ്പെടുന്നു... കാരണം അത് സഭയുടെ പൊതു ശുശ്രൂഷയുടെ തുടക്കമായതുകൊണ്ട്. യേശുക്രിസ്തു സ്ഥാപിച്ച യഥാർത്ഥ സഭ! *പ്രഭാത പ്രാർത്ഥന..*
ദൂതന്‍ മറുപടി പറഞ്ഞു: പരിശുദ്‌ധാത്‌മാവ്‌ നിന്‍െറ മേല്‍ വരും; അഃ്യുന്നതന്‍െറ ശക്‌തി നിന്‍െറ മേല്‍ ആവസിക്കും. ആകയാല്‍, ജനിക്കാന്‍ പോകുന്ന ശിശു പരിശുദ്‌ധന്‍, ദൈവപുത്രന്‍ എന്നു വിളിക്കപ്പെടും.
ലൂക്കാ 1 : 35
*പരിശുദ്ധ ആത്മാവേ, എഴുന്നുള്ളി വരണമേ.* ഞങ്ങളുടെ ഹൃദയങ്ങളിലേയ്ക്ക് അവിടുത്തെ അഗ്നി പകരണമേ. ഈ പ്രഭാതത്തിൽ ,ഞങ്ങൾ വലിയ അഭിഷേകത്താൽ നിറയപ്പെടട്ടെ. ദൈവ സ്തുതികൾ കൊണ്ട് ഞങ്ങളുടെ മനസു നിറയപ്പെടട്ടെ.നാഥാ ജീവ ജലത്തിന്റെ കൃപയാൽ ഞങ്ങൾ നിറയപ്പെടട്ടെ. ഇന്നേ ദിവസത്തിൽ വിശ്വാസത്തിന്റെ ഉറകെട്ടു പോയ എല്ലാ വിശ്വാസികളെയും വലിയ തീക്ഷ്ണതയിലേയ്ക്ക് നയിക്കണമേ. ദൈവആത്മാവിന്റെ ജ്വാലകൾ ഞങ്ങളുടെ ഹൃദയത്തിനു ഉണർവ് നൽകട്ടെ. ഈശോയെ, അവിടുന്ന് ഞങ്ങളോടൊപ്പം ആയിരിക്കുവാൻ സഹായകനായ പരിശുദ്ധ ആത്മാവിനെ വാഗ്ദാനം ചെയ്തുവല്ലോ. ഞങ്ങളുടെ ജീവിതത്തിൽ ആത്മാവിന്റെ അഭിഷേകം ഉണ്ടാകുവാൻ അനുഗ്രഹം നൽകണമേ. ബാബിലോണിൽ അഹങ്കാരം കൊണ്ട് ചിതറി പോയ മനുഷ്യർ പരസ്പരം സംസാരിക്കുന്നതു മനസിലാക്കാത്ത അവസ്ഥയിൽ കഴിയവേ, പരിശുദ്ധ ആത്മാവിനാൽ നിറഞ്ഞു പത്രോസ് പ്രസംഗിച്ചപ്പോൾ ഓരോരുത്തരും താന്താങ്ങളുടെ ഭാഷയിൽ ശ്രവിച്ചുവല്ലോ.

കർത്താവെ, കലഹങ്ങൾ ഉള്ള ഞങ്ങളുടെ കുടുംബങ്ങളിൽ, ഇടവകകളിൽ, സഭകളിൽ, ജോലി സ്ഥലങ്ങളിൽ, മഹാമാരിയുടെ ദുരിത ഫലം സഹിക്കുന്നവരുടെ മേൽ,കോവിഡ് രോഗത്താൽ ചികിത്സയിലായിരിക്കുന്നവരുടെ മേൽ,അവരെ പരിചരിക്കുന്നവരുടെ മേൽ,മറ്റു ആരോഗ്യ മേഖലയിൽ എല്ലാം ദൈവ ആത്മാവിന്റെ ഇടപെടൽ ഉണ്ടാകുവാൻ കൃപ നൽകണമേ. പരസ്പരം മനസിലാക്കുവാനും സ്നേഹിക്കുവാനും ഞങ്ങൾക്ക് ആത്മാവ് ശ്കതി നൽകട്ടെ. പുതിയൊരു സ്നാനത്തിലേയ്ക്ക്, ആത്മാവിന്റെ നവീകരണത്തിലേക്ക്, കർത്താവെ ,ഞങ്ങളെ നയിക്കണമേ. കത്തോലിക്കാ സഭയുടെ സ്നേഹ ചൈതന്യ കൂട്ടായ്മയിൽ ഉറച്ചു നില്ക്കുവാനും കൂടുതൽ ശക്‌തിപ്പെടുവാനും ഞങ്ങൾക്ക് കൃപ നൽകണമേ. ഭൂമിയിലേക്ക് ജനിക്കുവാൻ ഒരുങ്ങുന്ന കുഞ്ഞുങ്ങൾക്ക് ദൈവ ആത്മാവിന്റെ അഭിഷേകം നല്കപ്പെടട്ടെ. ദൈവ ചൈതന്യത്താൽ നിറയപ്പെട്ട ജ്വലിക്കുന്ന അനേകം ആത്മാക്കൾ ഈ ഭൂമിയിൽ ഉണ്ടാകുവാൻ ഞങ്ങളെ അനുഗ്രഹിക്കണമേ.

നിത്യം പിതാവും, പുത്രനും, പരിശുദ്ധ ആത്മാവുമായ സർവ്വേശ്വരാ, എന്നേയ്ക്കും

*ആമ്മേൻ..*

22/05/2021

*പ്രാര്‍ത്ഥന..*

''ഞാന്‍ നിനക്കു മുന്‍പേ പോയി മലകള്‍ നിരപ്പാക്കുകയും പിച്ചളവാതിലുകള്‍ തകര്‍ക്കുകയും ഇരുമ്പോടാമ്പലുകള്‍ ഒടിക്കുകയും ചെയ്യും.
നിന്നെ പേരുചൊല്ലി വിളിക്കുന്ന ഇസ്രായേലിന്‍െറ കര്‍ത്താവായ ദൈവം ഞാനാണെന്നു നീ അറിയേണ്ടതിന്‌ അന്‌ധകാരത്തിലെ നിധികളും രഹസ്യ ധനശേഖരവും ഞാന്‍ നിനക്കു തരും.
ഏശയ്യാ 45 : 2-3''

കര്‍ത്താവായ യേശുവേ അങ്ങ് ഞങ്ങളുടെ രക്ഷകനും, കര്‍ത്താവുമായ ഏകദൈവം ആണെന്ന് ഞങ്ങള്‍ ഏറ്റു പറയുന്നു. ഞങ്ങളുടെ കുടുംബത്തില്‍ അവിടുന്ന് രക്ഷകനും നാഥനുമായി വാഴണമേ. അവിടുത്തേയ്ക്ക് ഇഷ്ടമില്ലാത്ത, ഞങ്ങളുടെ രാജാവായി വാഴുവാന്‍ തടസ്സമായി നില്ക്കുന്ന എല്ലാ തിന്മയുടെ ശക്തികളെയും ഉപേക്ഷിക്കുവാന്‍ ഞങ്ങള്‍ക്ക് കൃപ നല്കണമേ. ഞങ്ങളുടെ മക്കളെ അവിടുത്തെ വചനം പഠിപ്പിക്കുന്നതിനും, യഥാര്‍ത്ഥ രക്ഷയുടെ മാര്‍ഗ്ഗത്തിലേയ്ക്ക് നയിക്കുന്നതിനും ഞങ്ങളെ സഹായിക്കണമേ.

പിതാവേ, *മഹാമാരി* മൂലം വലിയ നിരാശ അനുഭവപ്പെടുമ്പോള്‍, പ്രത്യാശയുടെ ദീപമായി ഞങ്ങളുടെ ജീവിതത്തിലേയ്ക്ക് കടന്നു വരണമേ. ഞങ്ങളുടെ ഉദ്യമങ്ങളെ ആശീര്‍വദിക്കണമേ. *കോവിഡ്* രോഗികളായി കഴിയുന്ന മക്കളെ സമര്‍പ്പിക്കുന്നു. അവര്‍ക്ക് വലിയ വിടുതല്‍ നല്കണമേ.മറ്റു ആരോഗ്യ പ്രശ്നമുള്ളവരേയും സമർപ്പിക്കുന്നു.അവർക്കും അങ്ങയുടെ കര സ്പർശം നൽകണെ.യേശുവേ, അവിടുന്ന് സക്കേവൂസിന്റെ ഭവനത്തില്‍ എത്തി ചേര്‍ന്നത്‌ പോലെ, ഞങ്ങളുടെ ഭവനത്തില്‍ കടന്നു വരണമേ.

പിതാവേ, ഇന്ന് പ്രത്യേകമായി, ജോലി ഇല്ലാത്ത മക്കളെയും സാമ്പത്തിക തകര്‍ച്ചകളുടെ ബന്ധനങ്ങളില്‍ കഴിയുന്നവരെയും സമര്‍പ്പിക്കുന്നു. പൗലോസും, സീലാസും തടവറയില്‍ ബന്ധനത്തില്‍ കഴിഞ്ഞപ്പോള്‍, അങ്ങയെ സ്തുതിച്ചു പ്രാര്‍ത്ഥിച്ചപ്പോള്‍ ,അവരുടെ ചങ്ങലകള്‍ അഴിഞ്ഞു വീണല്ലോ. ഞങ്ങള്‍ ഇന്നേ ദിവസം, ഞങ്ങളുടെ ജീവിത പ്രതി സന്ധികളെ സമര്‍പ്പിച്ചു പ്രാര്‍ത്ഥിക്കുമ്പോള്‍ ,അവിടുന്ന് വലിയ വിടുതല്‍ നല്കി അനുഗ്രഹിക്കണമേ. സാമ്പത്തിക മേഖലകളില്‍ ഞങ്ങള്‍ അനുഗ്രഹിക്കപെടട്ടെ. ഞങ്ങളുടെ ജീവിതങ്ങളില്‍ ഒരു പുതു വഴി തുറക്കപെടട്ടെ.

_ഈ മഹാമാരിയീലൂടെ വന്ന ഞങ്ങളുടെ ജീവിതത്തിലെ സര്‍വ ബന്ധനങ്ങളും പൊട്ടി ചിതറിപോകട്ടെ _ .

കര്‍ത്താവെ, തഴക്ക ദോഷങ്ങളുടെയും, പാപ ബന്ധനങ്ങളുടെയും പിടിയില്‍ അകപെട്ടിരിക്കുന്ന മക്കളെ സമര്‍പ്പിക്കുന്നു. നാഥാ, എല്ലാ ബന്ധനങ്ങളില്‍ നിന്നും അവിടുന്ന് വിടുതല്‍ നല്‍കി അനുഗ്രഹിക്കണമേ.

_പരിശുദ്ധ ആത്മാവേ ഞങ്ങളിലേയ്ക്ക് കടന്നു വരണമേ. വലിയ അഭിഷേകം നല്‍കി അനുഗ്രഹിക്കണമേ. അവിടുത്തെ ദാനങ്ങളാല്‍ നിറഞ്ഞ ഒരു ജീവിതം നയിക്കുവാന്‍ കൃപ നല്കണമേ._

പരി.അമ്മെ,ഞങ്ങൾക്കെന്നും അമ്മയുടെ സാന്നിദ്ധ്യവും സഹായവും ഉണ്ടായിരിക്കണെ.

*ആമ്മേന്‍..*