23/12/2015
തിരുവാതിര വ്രതത്തെ ക്കുറിച്ച് ലഘു വായി വിവരിക്കാം .മാർഗ്ഗ ശീർഷ മാസത്തിലെ ( മകയിരം നാളിനോട് ചേർന്ന് പൗർണമി വരുന്ന മാസം) തിരുവാതിര നാളിൽ ശിവ സങ്കൽപ്പത്തിൽ സ്ത്രീ ജനങ്ങൾ നടത്തുന്ന വൃതമാണ് തിരുവാതിര വൃതം . ഉത്തമ വരനെ ലഭിക്കുവാൻ വേണ്ടി കന്യകകളും ദീർ ഘ മാംഗല്യത്തിനായി സുമംഗലികളും ഈ വൃതം അനുഷ്ഠിക്കുന്ന അഥവാ അനുഷ്ഠിക്കേണ്ടുന്ന വൃതമാണ് ഇത് . ഈ ദിവസം പൂർണ ചന്ദ്രനൊപ്പം ആർദ്രാ നക്ഷത്രവും സാഹാഹ്ന സന്ധ്യയ്ക്ക് കിഴക്കൻ ചക്രവാളത്തിൽ ഒന്നിച്ചുയരും. ആർദ്രാ നക്ഷത്രം പരമ ശിവനെയും പൌർണമി ചന്ദ്രൻ ശ്രീ പാർവതിയെയും പ്രതിനിധീകരിക്കുന്നു . മകയിരം നാൾ മുതൽ വൃതം തുടങ്ങും . അരിയാഹാരം പാടില്ല എന്നതാണ് ഒരു ചിട്ട . അതിനായി എട്ടങ്ങാടി (കാച്ചിൽ , ചേന , നന കിഴങ്ങ് ,മധുരക്കിഴങ്ങ് കൂർക്ക , വലിയ ചേമ്പ് , ചെറിയ ചേമ്പ് , ചെറു കിഴങ്ങ് ) ഇവ ചേർത്തു ള്ള വിഭവം കഴിക്കുന്നതാണ് പതിവ് . ആർദ്രാ രാത്രിയിൽ ചന്ദനം , ചാന്ത് , കുങ്കുമം ഇവ ചാർത്തി അർദ്ധ നാരീശ്വരൻ , ഗണപതി എന്നിവരെ അർചിചു പാർവതീ സ്വയംവരം കഥ പാടി തിരുവാതിര കളിക്കും .പിറ്റേന്ന് കാലത്ത് ശിവങ്കൽ ദർശനം നടത്തി അഭിഷേകം നടത്തി തീർത്ഥം കുടിച്ച് പാരണ വീടി അരിയാഹാരം കഴിക്കും . വളരെ സം ക്ഷിപ്ത മായ വിവര മാണ് ഇവിടെ നൽകിയത് .
