28/08/2026
നമ്മുടെ സൺഡേ സ്കൂൾ കുട്ടികൾ ഇന്ന് നടന്ന പള്ളം ഡിസ്ട്രിക്ക്റ്റ് കലോൽസവത്തിൽ ഓവറോൾ ചാമ്പ്യൻമാരായി. ഏറ്റവും കൂടുതൽ പോയിൻ്റ് നേടിയതിനുള്ള ട്രോഫിയും , ആരാധനാ ഗീതം മലയാളം വിഭാഗത്തിൻ്റെ ട്രോഫിയും തുടർച്ചയായ 5 -ാം തവണയും കരസ്ഥമാക്കി . പ്രിയപ്പെട്ട കുട്ടികളെ പ്രത്യേകമായി അഭിനന്ദിക്കുന്നു. ഇതിന് ഇവരെ പ്രാപ്തമാക്കിയതിൻ്റെ പിറകിൽ ഒരു വലിയ ഉത്തേജനമായി പ്രവർത്തിച്ച നമ്മുടെ ടീച്ചേഴ്സ് , പ്രത്യേകമായി പരിശീലന നേതൃത്വം വഹിച്ച പ്രിയപ്പെട്ട ഷിബിൻ സാർ, ആഷ്ലി ടീച്ചർ എന്നിവരെ ഓർക്കുമ്പോൾ തന്നെ ചെറുതും വലുതുമായ മററുള്ള ടീച്ചേഴ്സിൻ്റെ സംഭാവനകളും , മാതാപിതാക്കളുടെ വലിയ പിന്തുണയും ഇത്തരുണത്തിൽ സ്മരിക്കുന്നു. ഇന്ന് വലിയ ഭാരമായി കരുതിയിരുന്ന ഭക്ഷണക്രമീകരണങ്ങൾക്കുള്ള കൈത്താങ്ങൽ നൽകിയ പ്രിയപ്പെട്ട സഹോദരങ്ങളെ നന്ദിയോടെ ഓർക്കുന്നു. ഓഫീസ് ജോലികൾ സമയബന്ധിതമായി പൂർത്തീകരിച്ചു തന്ന നമ്മുടെ അദ്ധ്യാപക സഹോദരങ്ങളോടുള്ള നന്ദി നിസ്സീമമാണ്. എല്ലാത്തിലും ഉപരിയായി ദൈവത്തിന് നന്ദി പറയുന്നു. വി ആദായി ശ്ലീഹായുടെ വിലയേറിയ മദ്ധ്യസ്ഥത നമുക്ക് കോട്ടയായിരിക്കട്ടെ
