17/05/2026
ഒരുപിടി ഓർമകളും അതിലേറെ സന്തോഷവുമായി *ബെതലഹേം സമ്മർ ക്യാമ്പ് 2026* എന്ന പേരിൽ *തോട്ടക്കാടു സെന്റ് മേരിസ് ബേതലഹേം ഓർത്തഡോൿസ് പള്ളിയിൽ* കഴിഞ്ഞ മൂന്നു ദിവസമായി നടന്നു വന്നിരുന്ന ക്യാമ്പിനു ഇന്ന് സമാപനമായി.
വികാരി Fr ജോൺ പ്ലാപറമ്പിൽ അച്ചന്റെ മനസ്സിൽ തോന്നിയ ആശയം ഇടവക മെത്രോപോലിത്തോയുടെ ആശിർവാദത്തോടും,പള്ളി മാനേജിങ് കമ്മറ്റിയുടെയും,വിവിധ അദ്ധ്യാൽമിക സംഘടനകളുടെ സഹകരണത്തിലും ഇടവക ജനങ്ങളുടെ സഹായത്തിൽ വിജയകരമായി പര്യവസാനിച്ചത്.
*വിശ്വാസത്തിൽ വളരുക -സന്തോഷത്തോടെ ജീവിക്കുക* എന്ന ലക്ഷ്യത്തിൽ സംഘടിപ്പിച്ച ഈ പരിപാടി പങ്കെടുത്ത എല്ലാ കുട്ടികൾക്കും വേറിട്ട ഒരു അനുഭവമായി.
ആദ്യ ദിവസം വീട്ടിൽ നിന്നും കൊണ്ടു വന്ന ഇലപ്പൊതി പങ്കിട്ടു കഴിച്ച കുട്ടികൾ അല്പം കളിയും അതിലേറെ കാര്യവുമായി ചിരിയുടെയും ഉല്ലാസത്തിന്റെയും ലോകത്ത് ഇടയനൊപ്പം ഉണ്ടും അതിൽ ആൺകുട്ടികൾ അച്ചനൊപ്പം പാർസനേജിൽ ഉറങ്ങിയും മൊബൈൽ ഫോണിന്റെ കിരാത വികിരണങ്ങളിൽ നിന്നും രക്ഷ നേടി
പ്രമുഖ മൊട്ടിവേഷണൽ സ്പീക്കറും,കൗൺസിലറും എഴുത്തുകാരനുമായ ശ്രീ സഞ്ജു പി ചെറിയാന്റെ മഞ്ഞുരുകുന്ന സെക്ഷൻ, ശ്രീമതി (പ്രൊഫ ) സെലിൻ തോമസ് (റിട്ടയേർഡ് നഴ്സിംഗ് കോളേജ് പ്രിൻസിപ്പൽ SME),റിച്ചു ആൻ വറുഗീസ് (ടീച്ചർ ലൈഫ് വാലി ഇന്റർനാഷണൽ സ്കൂൾ പുതുപ്പള്ളി ) എന്നിവർ നയിച്ച *Life with Purpose* എന്നു പേരിട്ട കരിയർ ഗൈഡൻസ് സെക്ഷൻ തുടങ്ങി കുട്ടികൾക്കും മാതാപിതാക്കൾക്കുമായി മൂലമറ്റം സെന്റ് ജോസഫ് കോളേജിലെ സോഷ്യൽ വർക്ക് വിഭാഗം മേധാവിയും സൈക്കോളജിസ്റ്റുമായ Dr മാത്യു ജോസഫ് കണമല നയിച്ച ഓറിയന്റൽ ക്ളാസോടു കൂടി ഇന്ന് സമാപിച്ചത്.ഇടവക മെത്രാപ്പോലിത്താ അഭി. ദീയസ്കൊറോസ് തിരുമേനി സമ്മാനങ്ങൾ വിതരണം ചെയ്തു
FrJohn Plapparampil
St Marys Bethlehem Orthodox Church Thottakad
