11/09/2026
റവ. ഫാ. അനീഷ് കെ സാം വാകത്താനം വള്ളിക്കാട്ട് ദയറായുടെ മാനേജർ...
വാകത്താനം വള്ളിക്കാട്ട് ദയറായുടെ മാനേജർ ആയി റവ ഫാ അനീഷ് കെ സാംമിനെ പരിശുദ്ധ കാതോലിക്ക ബാവാ തിരുമേനി നിയമിച്ചു.
തുമ്പമൺ ഭദ്രാസനത്തിലെ വകയാർ സെന്റ് മേരീസ് ഓർത്തഡോക്സ് പള്ളി ഇടവകാംഗമാണ്. പത്തനംതിട്ട കോന്നി വകയാർ കോയിക്കലേത്തു കുടുംബത്തിൽ 1981 മെയ് 21 ആം തീയതി അദ്ദേഹം ജനിച്ചു.
MG യൂണിവേഴ്സിറ്റിയിൽ നിന്നും B.A., സെറാമ്പൂർ യൂണിവേഴ്സിറ്റിയിൽ നിന്നും B.D. യും, Maynooth University, Ireland ൽ നിന്നും തിയോളജിയിൽ ബിരുദവും നേടിയ അദ്ദേഹം 13 വർഷമായി വൈദീകനായി സേവനം അനുഷ്ഠിക്കുന്നു.
ദേവലോകം കാതോലിക്കേറ്റ് ഓഫീസ് സെക്രട്ടറി, മദ്രാസ് അരമന മാനേജർ, മദ്രാസ് ഭദ്രാസന പ്രസിദ്ധീകരണത്തിന്റെ സബ് എഡിറ്റർ, അയർലണ്ടിലെ കേരള ക്രിസ്ത്യൻ അസോസിയേഷൻ പ്രസിഡണ്ട്, സെക്രട്ടറി എന്നീ ചുമതലകൾ നിർവഹിച്ചിട്ടുണ്ട്.
ഇപ്പോൾ മദ്രാസ് ഭദ്രാസനത്തിലെ പൊള്ളാച്ചി സെന്റ് ഗ്രീഗോറിയോസ് ഓർത്തഡോക്സ് പള്ളി, തൂത്തുക്കുടി സെന്റ് മേരീസ് ഓർത്തഡോക്സ് പള്ളി എന്നീ ഇടവകകളുടെ വികാരി, കോട്ടയം സോഫിയ സെന്ററിന്റെ പ്രോഗ്രാം സെക്രട്ടറി എന്നീ നിലകളിൽ സേവനം അനുഷ്ഠിക്കുന്നു.
