Thrikkaikkattu Swamiyar Madom Thirunakkara തൃക്കൈക്കാട്ടു സ്വാമിയാർ മഠം

28/05/2026

അറിയിപ്പ്: നിത്യ അന്നദാന പദ്ധതി – മെയ് 2026

മെയ് 2026 മാസത്തിലെ നിത്യ അന്നദാന പദ്ധതിയുടെ വിതരണം വിജയകരമായി പൂര്‍ത്തിയായതായി സന്തോഷപൂര്‍വം അറിയിക്കുന്നു. ഈ മാസം 114 കുടുംബങ്ങള്‍ക്ക് സഹായം എത്തിക്കാന്‍ നമുക്ക് സാധിച്ചു. കൂടാതെ എഴുപതോളം കുട്ടികള്‍ക്ക് പഠനോപകരണങ്ങളും വിതരണം ചെയ്യാന്‍ സാധിച്ചു.

ഈ പദ്ധതിയിലേക്ക് എല്ലാ വിധത്തിലുള്ള സഹകരണങ്ങളും നല്‍കി സര്‍വാത്മനാ പിന്തുണ നല്‍കുന്ന എല്ലാ സന്മനസ്സുകള്‍ക്കും ഹൃദയം നിറഞ്ഞ നന്ദി അറിയിക്കുന്നു.

വിനയാദരപൂര്‍വ്വം
ദേവസ്ഥാനം ഭരണ സമിതി
Notice: Nithya Annadana Project – May 2026

We are pleased to inform you that the distribution under the Nithya Annadana Project for the month of May 2026 has been successfully completed. During this month, we were able to extend assistance to 114 families. In addition, study materials were distributed to around seventy children.

We express our heartfelt gratitude to all the kind-hearted people who have extended wholehearted support and cooperation to this project in every possible way.

Respectfully,
Devasthanam Administrative Committee

28/05/2026

തിരുനക്കര സ്വാമിയാർ മഠത്തിന്റെ നേതൃത്വത്തിൽ പഠനോപകരണങ്ങൾ വിതരണം ചെയ്തു

കോട്ടയം : തിരുനക്കര തൃക്കൈക്കാട്ട് സ്വാമിയാർ മഠത്തിന്റെ നേതൃത്വത്തിൽ തിരുവാർപ്പും കുമരകവും ഉൾപ്പെടുന്ന മേഖലകളിലെ സാമ്പത്തികമായി പിന്നോക്കം നിൽക്കുന്ന എഴുപതോളം കുട്ടികൾക്ക് പഠനോപകരണങ്ങൾ വിതരണം ചെയ്തു.

തിരുവാർപ്പിൽ കേരള ചേരമർ മഹാസഭ കാഞ്ഞിരം ശാഖാ സെക്രട്ടറി ശ്രീ മോനച്ചന്റെ അധ്യക്ഷതയിൽ നടന്ന യോഗം സ്വാമിയാർ മഠം പ്രസിഡന്റ് ശ്രീ സി.പി. മധുസൂദനൻ ഉദ്ഘാടനം ചെയ്തു. കുമരകത്ത് ഗ്രാമപഞ്ചായത്ത് അംഗം പി.കെ. സേതുവിന്റെ അധ്യക്ഷതയിൽ നടന്ന ചടങ്ങിലും അദ്ദേഹം പഠനോപകരണ വിതരണം നിർവഹിച്ചു.

തിരുവാർപ്പ് പഞ്ചായത്തിലും കുമരകം ഉൾപ്പെടുന്ന പടിഞ്ഞാറൻ മേഖലയിലും സ്വാമിയാർ മഠത്തിന്റെ നേതൃത്വത്തിൽ ഒട്ടേറെ സേവന പ്രവർത്തനങ്ങളാണ് നടന്നു വരുന്നത്. നിരവധി നിർധന കുടുംബങ്ങൾക്ക് മാസംതോറും നിത്യ അന്നദാന പദ്ധതിയുടെ ഭാഗമായി ഭക്ഷ്യധാന്യ കിറ്റുകൾ വിതരണം ചെയ്യുന്നതോടൊപ്പം ചികിത്സാ സഹായം, വിദ്യാഭ്യാസ സഹായം, സ്വയംതൊഴിൽ പദ്ധതികൾ ആരംഭിക്കുന്നതിനുള്ള സഹായങ്ങൾ തുടങ്ങിയ വിവിധ സേവന പ്രവർത്തനങ്ങളും നടത്തി വരുന്നു.

സ്വാമിയാർ മഠം സേവാ വിഭാഗം അംഗങ്ങളായ ശ്രീ ശിവകുമാർ, ശ്രീ സുമേഷ് വി.എസ്., ബീജ ബിജോയ്, കുമരകം ഗ്രാമപഞ്ചായത്ത് അംഗങ്ങളായ വി.കെ. സുനിത്ത്, നീതു റെജി എന്നിവർ പരിപാടികൾക്ക് നേതൃത്വം നൽകി.

25/03/2026

05/02/2026

ഭാരതീയ ജ്ഞാനപരമ്പരയുടെ അമൃതധാര നുകരുന്നതിന് എല്ലാ മഹത്തുക്കളേയും സ്വാഗതം ചെയ്യുന്നു
_____🙏_____
പ്രിയപ്പെട്ട സനാതന ധർമ്മ വിശ്വാസികളേ, സുഹൃത്തുക്കളേ,....,
സനാതന ധർമ്മത്തിന്റെ ജ്വലിക്കുന്ന ചൈതന്യവും അദ്വൈത ദർശനങ്ങളുടെ ഉജ്ജ്വല വക്താവുമായ പൂജനീയ ശ്രീമദ് ചിദാനന്ദപുരി സ്വാമികൾ കോട്ടയത്തിന്റെ പുണ്യഭൂമിയിൽ ധർമ്മപ്രഭാഷണത്തിനായി എത്തുകയാണ്.
ഹിന്ദുസമാജത്തെ ഉണർത്താൻ ലക്ഷ്യമിട്ട് സ്വാമിജി നയിച്ച ഉജ്ജ്വലമായ കേരള സന്യാസ യാത്ര'യ്ക്ക് ശേഷം അദ്ദേഹം കോട്ടയത്ത് എത്തുമ്പോൾ, ആ ജ്ഞാനപ്രവാഹം നേരിട്ട് അനുഭവിക്കുന്നതിനുള്ള അസുലഭ അവസരമാണ് നമുക്ക് കൈവന്നിരിക്കുന്നത്.
ഉപനിഷദ് സാരങ്ങളെ ലളിതവും എന്നാൽ അത്യന്തം ഗഹനവുമായ ശൈലിയിൽ വ്യാഖ്യാനിക്കുന്ന സ്വാമിജിയോടൊപ്പമുള്ള ഈ സത്സംഗം ഓരോ സത്യാന്വേഷിക്കും ആത്മവിദ്യയുടെ ലോകത്തേക്കുള്ള വാതായനം തുറന്നു നൽകുക തന്നെ ചെയ്യും.
ഭാരതീയ തത്വചിന്തയിലെ പ്രധാനപ്പെട്ടവയിൽ ഒന്നായ
'പ്രശ്‍നോപനിഷത്തിനെ' ആസ്പദമാക്കിയുള്ള പ്രഭാഷണങ്ങളും , ജിജ്ഞാസുക്കൾക്ക് സംശയനിവാരണവും ഉൾപ്പെടുത്തിയാണ് രണ്ട് ദിവസങ്ങളിലായി ഈ വിചാരസദസ്സ് സംഘടിപ്പിച്ചിട്ടുള്ളത്.
ആചാര്യവാണികളിലെ ആത്മീയശക്തിയും സത്യദർശനത്തിന്റെ പ്രകാശമഹിമയും സമന്വയിക്കുന്ന ഈ ധന്യമുഹൂർത്തങ്ങൾ നഷ്ടപ്പെടുത്താതെ ഈ സത്സംഗത്തിൽ പങ്കുചേരുന്നതിനും , ധർമ്മതത്പരരായ മറ്റുള്ളവർക്ക് കൂടി പ്രയോജനപ്രദമാകുന്നതിനായി ഈ വിവരം പങ്കുവെയ്ക്കണമെന്നും വിനീതമായി അഭ്യർത്ഥിക്കുന്നു . സത്സംഗ സമയക്രമം :
> ഫെബ്രുവരി 7 ,ശനി
----------------------------------------
രാവിലെ 10 മുതൽ ഉച്ചയ്ക്ക് 1 വരെ
തുടർന്ന് ...
2 മുതൽ 4 വരെ '
> ഫെബ്രുവരി 8 ഞായർ
------------------------------------------------
രാവിലെ 10 മുതൽ 12:30 വരെ.
തുടർന്ന് ...
2 മുതൽ 3.30 വരെ
| വേദി | :
തൃക്കൈക്കാട്ട് സ്വാമിയാർ മഠം,
ശ്രീരാമ ഹനുമദ്ദേവസ്ഥാനം
തിരുനക്കര , കോട്ടയം .
___________
📞
കൂടുതൽ വിവരങ്ങൾക്ക് :
95442 69318

02/02/2026

20/12/2025

Notice: Nithya Annadana Padhathi – December 2025 Update

We are pleased to inform you that the Nithya Annadana Padhathi for the month of December 2025 has been successfully completed. A total of 118 families received support from the Devasthanam.

With sincere thanks,
Devasthanam Administration