Thoothootty Chapel

07/02/2026

10/01/2026

പൗരോഹിത്യ
ശുശ്രൂഷയിൽ 10 വർഷം
പൂർത്തിയായ തൂത്തൂട്ടി ചാപ്പലിന്റെ പ്രിയപുത്രനും ചാപ്പലിന്റെ മുൻവികാരിയും മണർകാട് പള്ളി സഹവികാരിയും സമൂഹത്തിലെ അശരണരായ അനേകം രോഗികൾകൾക്ക് അഭയ കേന്ദ്രമായ കുമളി CROSS എന്ന പ്രസ്ഥാനത്തിൻ്റെ അമരക്കാരനുമായ റവ. ഫാ.ലിറ്റു ജേക്കബ് തണ്ടാശേരിക്ക് പ്രാർത്ഥനാശംസകൾ.

25/12/2025

തൂത്തൂട്ടി ചാപ്പലിൻ്റെ പ്രിയപുത്രൻ റോയി അച്ചന് കണ്ണീരിൽ കുതിർന്ന ആദരാഞ്ജലികൾ

07/11/2025

തൂത്തൂട്ടി മോർ ഗ്രിഗോറിയോസ് യാക്കോബായ സുറിയാനിചാപ്പൽ സുവർണ ജൂബിലി നിറവിൽ.

പുണ്യശ്ലോകനായ പെരുമ്പള്ളി തിരുമേനിയാൽ സ്ഥാപിതമായതും പരി.പരുമല തിരുമേനിയുടെ തിരുശേഷിപ്പ് സ്ഥാപിച്ചിട്ടുള്ളതുമായ തൂത്തൂട്ടി ചാപ്പൽ എന്നറിയപ്പെടുന്നമോർ ഗ്രിഗോറിയോസ് യാക്കോബായ സുറിയാനി ചാപ്പലിൻ്റെ സുവർണ ജൂബിലി ആഘോഷങ്ങളുടെ ഉദ്ഘാടനവും പരിശുദ്ധ പരുമല തിരുമേനിയുടെ ഓർമ്മപ്പെരുന്നാളും, നവീകരിച്ച കുരിശു പള്ളിയുടേയും, കൽകുരിശിൻ്റേയും കൂദാശയും, നവംബർ 8,9 ശനി ഞായർ തീയതികളിൽ നടക്കും.

നവംബർ 8 ശനിയാഴ്ച രാവിലെ 6 മണിക്ക്‌ പ്രഭാത പ്രാർഥന, തുടർന്ന് ഫാ. ജോൺസ് കോട്ടയിലിന്റെ കാർമികത്വത്തിൽ വിശുദ്ധ കുർബ്ബാന. വൈകുന്നേരം 6 മണിക്ക്‌ സന്ധ്യാ നമസ്കാരം, തുടർന്ന് പരിശുദ്ധ എപ്പിസ്ക്കോപ്പൽ സുന്നഹദോസ് സെക്രട്ടറി തോമസ് മോർ തിമോത്തിയോസ് മെത്രാപ്പോലീത്തായുടെ മുഖ്യ കാർമികത്വത്തിൽ കൽക്കുരിശിന്റെയും, നവീകരിച്ച കുരിശ് പള്ളിയുടെയും കൂദാശ, രാത്രി 8 മണിക്ക്‌ പ്രദക്ഷിണം ചപ്പാത്ത് കുരിശു പള്ളിയിലേയ്ക്ക് ,ആശീർവാദം, പരിചമുട്ടുകളി ,ആകാശ വിസ്മയംഎന്നിവ ഉണ്ടായിരിക്കും.

പ്രധാന പെരുന്നാൾ ദിനമായ നവംബർ 9 ഞാറാഴ്ച രാവിലെ 6 മണിക്ക്‌
തോമസ് മോർ തീമോത്തിയോസ് മെത്രാപ്പോലീത്തായുടെ മുഖ്യ കാർമികത്വത്തിൽ പ്രഭാത നമസ്കാരവും, തുടർന്ന് 7 മണിക്ക് വിശുദ്ധ മൂന്നിന്മേൽ കുർബ്ബാനയും
8:30 AM ഒരു വർഷം നീണ്ടുനിൽക്കുന്ന സുവർണ ജൂബിലി ആഘോഷങ്ങളുടെ ഉദ്ഘാടനം എന്നിവ നടക്കും. തുടർന്ന് നടക്കുന്ന പ്രദക്ഷിണം, ആശീർവാദം, നേർച്ചവിളമ്പ്, ആദ്യഫല ലേലം,
സ്നേഹവിരുന്ന്, കൊടിയിറക്കം എന്നിവയോടെ പെരുന്നാൾ ചടങ്ങുകൾ സമാപിക്കും. പെരുന്നാൾ ആഘോഷങ്ങൾക്ക് വികാരിമാരായ റവ.ഫാ.വിജി എടാട്ട്, റവ. ഡോ. ബിനോയ് വള്ളികാട്ടിൽ, ട്രസ്റ്റി ശ്രീ. പി .എ . കുഞ്ഞ് പേഴും കാട്ടിൽ, സെക്രട്ടറി ശ്രീ.വിനു ചെറിയാൻ വാക്യത്തറ എന്നിവർ നേതൃത്വം നൽകുന്നു.

06/08/2025

06/08/2025

വന്ദ്യ വടക്കേ പറമ്പിൽ മാത്യൂസ് കശ്ശീശാ അനുസ്മരണം തൂത്തൂട്ടി ചാപ്പലിൽ '

തൻ്റെ 37-ാം വയസിൽ ഈ ലോകത്തുനിന്നും യാത്രയായി കർത്തൃസന്നിധിയിലേയ്ക്ക് ശുശ്രൂഷകൾക്കായികടന്നു പോയ വന്ദ്യ വടക്കേ പറമ്പിൽ മാത്യൂസ് കശീശായുടെ ഓർമ ആഗസ്റ്റ് മാസം മൂന്നാം തീയതി ഞായറാഴ്ച്ച തൂത്തൂട്ടി ചാപ്പലിൽ നടത്തപ്പെട്ടു.
രാവിലെ 6.30 ന് വി.കുർബാനയും തുടർന്ന് നേർച്ച വിളമ്പും
ഉച്ചകഴിഞ്ഞ് 3 മണിക്ക് തൂത്തൂട്ടി മോർ ഗ്രീഗോറിയോസ് യൂത്ത് അസോസിയേഷൻ്റെ നേതൃത്വത്തിൽ കഴിഞ്ഞ 35 വർഷക്കാലമായി നടത്തിവന്നിരുന്ന വടക്കേപറമ്പിൽ മാത്യൂസ് കശീശാ മെമ്മോറിയൽ ബൈബിൾ ക്വിസ് മത്സരവും നടത്തപ്പെട്ടു. തുടർന്ന് 5 pm ന് അനുസ്മരണ സമ്മേളനവും നടത്തപ്പെട്ടു. വന്ദ്യ മാത്യൂസ് കശീശായുടെ സമകാലികനും ആത്മാർത്ഥ സുഹൃത്തും തൂത്തൂട്ടി ചാപ്പൽ മുൻവികാരിയും മണർകാട് പള്ളി സഹവികാരിയുമായ
വന്ദ്യ കുര്യക്കോസ് കാലായിൽ അച്ചൻ അദ്ധ്യക്ഷത വഹിച്ച യോഗത്തിൽ ചാപ്പൽ വികാരി റവ. ഫാ. വിജി എടാട്ട് , ചാപ്പലിൻ്റെ പ്രിയ പുത്രൻമാരായ റവ. ഫാ. കുര്യൻമാത്യു വടക്കേ പറമ്പിൽ,
'റവ.ഫാ. ലിറ്റു ജേക്കബ് തണ്ടാശേരിൽ, റവ.ഫാ. ജോൺസ് കോട്ടയിൽ ,
ചാപ്പലിൻ്റെ പ്രിയ പുത്രന്മമാരായ അയർക്കുന്നം ഗ്രാമ പഞ്ചായത്ത് മെമ്പറും വികസന കാര്യസമിതി ചെയർമാനുമായ ശ്രീ. ജയിൻ വർഗീസ് ഇരട്ടാനയിൽ ,പ്രോവിഡൻ്റ് ഫണ്ട്
അസി .കമ്മീഷണർ ശ്രീ M'M തോമസ് മരവത്ത്,ചാപ്പൽ ട്രസ്റ്റി ശ്രീ. P. A. കുഞ്ഞ് പേഴുംകാട്ടിൽ സെക്രട്ടറി, ശ്രീ.വിനു ചെറിയാൻ വാക്യത്തറ തുടങ്ങിയവർ പ്രസംഗിച്ചു.
ഈ സമ്മേളനത്തിൽ വച്ച് മാത്യൂസ് കശീശാ മെമ്മോറിയൽ ബൈബിൾ ക്വിസ് മത്സരത്തിൽ വിജയികളായവർക്കുള്ള ട്രോഫിയും ക്യാഷ് അവാർഡും സർട്ടിഫിക്കറ്റുകളും വിതരണം ചെയ്തു.
ഒന്നാം സ്ഥാനം കരസ്ഥമാക്കിയ മണർകാട് സെൻ്റ് മേരീസ് യാക്കോബായ സുറിയാനി കത്തിഡ്രൽ വനിതാ സമാജംടീമിന് വടക്കേ പറമ്പിൽ മാത്യൂസ് കശീശാ മെമ്മോറിയൽ എവറോളിംങ് ട്രോഫിയും ക്യാഷ് അവാർഡും രണ്ടാംസ്ഥാനംകരസ്ഥമാക്കിയ വടവാതൂർമോർ അഫ്രേം പള്ളി ടീമിന് അമ്മിണി ടീച്ചർ മെമ്മോറിയൽ എവറോളിങ് ട്രോഫിയും ക്യാഷ് അവാർഡും
മൂന്നാംസ്ഥാനം കരസ്ഥമാക്കിയ പള്ളം സെൻ്റ് ഇഗ്നാത്തിയോസ്സ്പള്ളി ടീമിന് M .M സ്കറിയാ കോട്ടയിൽ മെമ്മോറിയൽ എവറോളിംങ് ട്രോഫിയും ക്യാഷ് അവാർഡും വിതരണം ചെയ്തു
കൂടാതെ
മഹാത്മാഗാന്ധി സർവ്വകലാശാലയുടെ BA History 'Examinaton ഓന്നാം റാങ്ക് കരസ്ഥമാക്കിയ ഈ ചാപ്പലിൻ്റെ അഭിമാനമായ പ്രിയപുത്രൻ ബ്രിയാൻ ബിനു ജേക്കബ് തണ്ടാശേരിൽ -നും SSLC +2 തുടങ്ങിയ മറ്റു കോഴ്സുകളിലും ഉന്നത വിജയം കൈവരിച്ച ഈ ചാപ്പലിൻ്റെ പ്രിയ മക്കളെയും അനുമോദിച്ചു.
ഈ ലോകത്തിലെ ചുരുങ്ങിയ കാലത്തെ ജീവിതത്തിനിടയിൽ അനേകം ജനഹൃദയങ്ങളിൽ വന്ദ്യ അച്ചൻ ഇടം പിടിച്ചു:
ജാതിമതവ്യത്യാസംകൂടാതെ സമ്പന്നൻ എന്നോ നിർധനനെന്നോ മുതിർന്നവരെന്നോ കുട്ടികളെന്നോ വ്യത്യാസമില്ലാതെ ഏവരേയും സ്നേഹിക്കുകയും കരുതുകയും ചെയ്തു.
വന്ദ്യ അച്ചൻ നല്ല ഒരു ധ്യാനഗുരുവായിരുന്നു. എന്നു പറഞ്ഞാൽ ഇന്ന് ധ്യാനഗുരുക്കൾ എന്ന് അവകാശപ്പെടുന്നവർ നടത്തുന്ന ധ്യാനം എന്ന പേരിൽ അറിയപ്പെടുന്ന സംഗതി അല്ല മാത്യൂസച്ചൻ നടത്തിയിരുന്നത് പരി സുറിയാനി സഭയുടെ വിശ്വാസങ്ങൾക്കും പാരമ്പര്യത്തിനും അനുസരിച്ച് അതിൽ നിന്നും അണുവിട വ്യതിചലിക്കാത്തധ്യാനമായിരുന്നു നടത്തിയിരുന്നത്.

അല്ലാതെ ഇന്നു പലരും നടത്തുന്ന കാറലും കൂവലും നിലത്ത് തള്ളിയിടീലും ഒന്നും അല്ല വന്ദ്യ അച്ചൻ നടത്തിയിരുന്നത്.
ഇന്ന് പല സ്ഥാനങ്ങളിലും ഇരിക്കുന്നവർ ചെയ്യുന്ന പോലെസമൂഹത്തെ ഭിന്നിപ്പിക്കുന്ന രീതി അല്ലായിരുന്നു അച്ചൻ്റേത് സ്നേഹത്തിലൂടെയും തൻ്റെ പ്രാർത്ഥനാ ജീവിതത്തിലൂടെയും ജനങ്ങളെ ഒന്നിപ്പിച്ച് നിറുത്തി ഒരു നല്ല സമൂഹത്തെ വാർത്തെടുക്കുകയായിരുന്നു ചെയ്തത് '
വന്ദ്യനായ മാത്യൂസ് കശീശാ നിർമ്മാണത്തി ന് നേതൃത്വം നൽകുകയും കണ്ണിലെ കൃഷ്മണി പോലെ കാത്ത് പരിപാലിച്ച തൂത്തൂട്ടി ചാപ്പലും ഇവിടുത്തെ ജനങ്ങളും പിന്നീട് പല പ്രതിസന്ധികളും നേരിടേണ്ടി വന്നപ്പോഴും സത്യവിശ്വാസം സംരക്ഷിക്കുന്നതിനും സുറിയാനി സഭയുടെ വിശ്വാസത്തിനും പാരമ്പര്യങ്ങൾക്കും എതിരായ പ്രവർത്തങ്ങൾ നടത്തുവർക്കെതിരെ പോരാടാൻ ശക്തി ലഭിച്ചത് വന്ദ്യ അച്ചൻ തൻ്റെ പ്രാർത്ഥനാ ജീവിതത്തിലൂടെ നേടി തന്ന സത്യത്തിൻ്റെയുംനീതിയുടെയും പടവാൾ ഇവിടുത്തെ ജനങ്ങളിൽ ഉള്ളത് മൂലമാണ്.
വന്ദ്യനായ മാത്യൂസ് കശീശാ തൂത്തൂട്ടി ചാപ്പൽ എന്ന ഈ കൊച്ചു ദേവാലയത്തിൽ ആരംഭിച്ച നവവത്സര രാത്രി വി. കുർബ്ബാന, മൂന്ന് നോമ്പ് പകൽ ധ്യാനം തുടങ്ങിയശുശ്രൂഷകളാണ് പിന്നീട് സഭയുടെ പല ദൈവാലയങ്ങളിലും ആരംഭിച്ചത്.
തൂത്തൂട്ടി, പറമ്പുകര ,തണ്ടാശ്ശേരി അമയന്നൂർ തുടങ്ങിയ കരകളിലെ പാവപ്പെട്ട ആളുകൾക്ക് യാത്രാസൗകര്യങ്ങൾ കുറവായിരുന്ന കാലത്ത് ഇടവക പള്ളിയായ മണർകാട് പള്ളിയിൽ എത്തി ആരാധനയിൽ സംബന്ധിക്കുവാൻ സാധിക്കാതെ വന്നപ്പോൾ പരിശുദ്ധ പിതാവായ പെരുമ്പള്ളി തിരുമേനിയോട് സങ്കടം അറിയിച്ചപ്പോൾ 1976 ൽ ഇവിടുത്തെ ആളുകൾക്ക് നൽകിയ ദൈവാലയമാണ് തൂത്തൂട്ടി ചാപ്പൽ '

ഈ ചാപ്പലിനേയും ഇവിടുത്തെ ജനങ്ങളെയും തൻ്റെ പ്രാണനു തുല്യം സ്നേഹിച്ച വന്ദ്യപിതാവേ ഞങ്ങളും ഞങ്ങളുടെ സന്തതിപരമ്പരകളും ഉള്ളടത്തോളം കാലം അങ്ങയെ ഒരുനാളും ഞങ്ങൾ മറക്കില്ല
അന്ത്യോഖ്യാ മലങ്കര ബന്ധം നീണാൾ വാഴട്ടേ.

05/03/2025

അമ്മിണി ടീച്ചറിന്റെ ചരമ വാർഷികം

തൂത്തൂട്ടി ചാപ്പലിന് സ്ഥലം ദാനമായി നൽകിയ വല്യ വീട്ടിൽ ശ്രീ' കുര്യൻ അവറുകളുടെ പ്രിയപുത്രിയും നമ്മുടെ എല്ലാവരുടെയും പ്രിയങ്കരിയുമായിരുന്ന അമ്മിണി ടീച്ചറിന്റെ ചരമവാർഷിക ദിനമായ ഇന്ന് മാർച്ച് 5 ബുധൻ രാവിലെ 7 മണിക്ക്

തിരുവഞ്ചൂർ പള്ളിയിലെ കബറിങ്കൽ ധൂപപ്രാർത്ഥനഉണ്ടായിരിക്കുന്നതാണ്.

09/01/2025

ഇന്ന് പൗരോഹിത്യ ശുശ്രൂഷയിൽ 9 വർഷം പൂർത്തിയായ തൂത്തൂട്ടി ചാപ്പലിന്റെ പ്രിയപുത്രനും ചാപ്പലിന്റെ വികാരിയുമായ റവ. ഫാ.ലിറ്റു ജേക്കബ് തണ്ടാശേരി ക്ക് പ്രാർത്ഥനാശംസകൾ .

31/10/2024

28/10/2024

തൂത്തൂട്ടി മോർ ഗ്രീഗോറിയോസ് യാക്കോബായ സുറിയാനി ചാപ്പൽ പരി. പരുമല തീരുമേനിയുടെ 2024 പെരുനാളിനോട് അനുബന്ധിച്ചുള്ള കൊടിമര ഘോഷയാത്രയുടെ പ്രസക്തമായ ഭാഗങ്ങൾ....

24/10/2024

തൂത്തൂട്ടി ചാപ്പൽ പെരുന്നാൾ നവംബർ 2, 3 ശനി, ഞായർ തീയതികളിൽ ക്നാനായ അതിഭദ്രാസനം കല്ലിശേരി മേഖലാധിപൻ അഭിവന്ദ്യ. കുര്യാക്കോസ് മോർ ഗ്രീഗോറിയോസ് മെത്രാപ്പോലിത്തയുടെ മുഖ്യകാർമ്മികത്വത്തിൽ .