Holy Immanuel CSI Church Pampady

13/08/2026

*Wake Ceremony*

*Santhamma John (81)*
*Kumaramangalam (H) Pampady*

🗓️ *13 August 2026*
🕰️ From *04.00 PM onwards*

*Youtube Link*📌
https://www.youtube.com/live/i8hCgXsBh5A?si=IT_UALcAmPDrfoOZ

*Our Condolences*
*LiveBox Kerala*

LiveBox Kerala

12/08/2026

കർത്താവിൽ പ്രിയരേ,

നമ്മുടെ ഇടവക അംഗം കുമാരമംഗലം ശാന്തമ്മ ജോൺ (81) ഇന്ന് രാവിലെ 9:15 മണിക്ക് കർത്താവിൽ നിദ്ര പ്രാപിച്ച വിവരം വ്യസന സമേതം അറിയിക്കുന്നു. ഭൗതികശരീരം ഇപ്പോൾ മണർകാട് ഹോസ്പിറ്റലിന്റെ മോർച്ചറിയിലേക്ക്‌ മാറ്റിയിരിക്കുകയാണ്.*നിത്യതയിൽ പ്രവേശിച്ച ശാന്തമ്മ ജോണിന്റെ ശവസംസ്കാര ശുശ്രൂഷാ ക്രമീകരണം*

ഭൗതികശരീരം പതിമൂന്നാം തീയതി വ്യാഴാഴ്ച വൈകുന്നേരം 5 മണിക്ക് ഭവനത്തിൽ കൊണ്ടുവരുന്നതും പതിനാലാം തീയതി വെള്ളിയാഴ്ച രാവിലെ 11 മണിക്ക് ഭവനത്തിലെ ശുശ്രൂഷ ആരംഭിക്കുന്നതും തുടർന്ന് C.S. I ഹോളി ഇമ്മാനുവേൽ ദൈവാലയത്തിലെ ശുശ്രൂഷയ്ക്ക് ശേഷം പള്ളി സെമിത്തേരിയിൽ ശവ സംസ്കാരം നടത്തപ്പെടുന്നതുമാണ്.

ദുഃഖത്തിലായിരിക്കുന്ന കുടുംബാംഗങ്ങളെ ദൈവം ആശ്വസിപ്പിക്കേണ്ടതിനായി പ്രാർത്ഥിക്കണമേ. 🙏🙏

07/08/2026

കർത്താവിൽ പ്രിയരേ,

നമ്മുടെ സഭാംഗമായ നടുവീട്ടിൽ സ്റ്റെഫിൻ ജെ. പീറ്ററിന്റെ Passing Out Parade ഇന്ന് അടൂരിൽ വെച്ച് നടത്തപ്പെടുകയുണ്ടായി.

ഈ സന്തോഷകരവും അഭിമാനകരവുമായ അവസരത്തിൽ സ്റ്റെഫിന് സഭയുടെ പേരിൽ ഹൃദയം നിറഞ്ഞ അഭിനന്ദനങ്ങൾ അറിയിക്കുന്നു.

കർത്താവിന്റെ കൃപയും സംരക്ഷണവും എന്നും കൂടെയുണ്ടാകട്ടെ.

സത്യനിഷ്ഠയോടെയും ആത്മസമർപ്പണത്തോടെയും രാജ്യത്തെയും സമൂഹത്തെയും സേവിക്കാൻ ദൈവം ആവശ്യമായ ജ്ഞാനവും ധൈര്യവും ആരോഗ്യവും നൽകട്ടെ.

ജീവിതത്തിലെ ഓരോ ചുവടുകളിലും കർത്താവ് വഴിനടത്തുകയും, എല്ലാ ദൗത്യങ്ങളിലും വിജയവും സമാധാനവും അനുഗ്രഹങ്ങളും സമൃദ്ധമായി പകരുകയും ചെയ്യട്ടെയെന്ന് പ്രാർത്ഥിക്കുന്നു.

"യഹോവ നിന്നെ കാത്തുകൊള്ളും; നിന്റെ പുറപ്പാടും വരവും ഇന്നുമുതൽ എന്നേക്കും അവൻ കാത്തുകൊള്ളും." (സങ്കീർത്തനം 121:8)

ഒരിക്കൽക്കൂടി ഹൃദയം നിറഞ്ഞ അഭിനന്ദനങ്ങളും പ്രാർത്ഥനാശംസകളും നേരുന്നു.

സ്നേഹപൂർവ്വം,
CSI ഹോളി ഇമ്മാനുവേൽ ചർച്ച്, പാമ്പാടി....

25/07/2026

148-ാമത് മധ്യകേരള മഹായിടവക ദിനാചരണത്തോടനുബന്ധിച്ച്, ഹോളി ഇമ്മാനുവേൽ സി.എസ്.ഐ സഭ, പാമ്പാടി, മഹായിടവകയുടെ എല്ലാ പരിപാടികൾക്കും പ്രവർത്തനങ്ങൾക്കും പൂർണ്ണ പിന്തുണയും പ്രാർത്ഥനയും അറിയിക്കുന്നു.
ദൈവകൃപയാൽ മഹായിടവകയുടെ ശുശ്രൂഷകൾ കൂടുതൽ ഫലപ്രദമാകുവാനും, സഭയുടെ ഐക്യവും സാക്ഷ്യവും ശക്തിപ്പെടുവാനും കർത്താവ് അനുഗ്രഹിക്കട്ടെ.
"സ്നേഹത്തിൽ സത്യം സംസാരിച്ചുകൊണ്ട്, എല്ലാ കാര്യങ്ങളിലും ക്രിസ്തുവിലേക്കു വളരുവിൻ." (എഫെസ്യർ 4:15)
മധ്യകേരള മഹായിടവക ദിനാശംസകൾ! ദൈവം മഹായിടവകയെയും എല്ലാ വിശ്വാസികളെയും സമൃദ്ധമായി അനുഗ്രഹിക്കട്ടെ.

19/07/2026

148-ാമത് മധ്യകേരള മഹായിടവക ദിനാചരണം – ദൈവാലയത്തിൽ പതാക ഉയർത്തി

148-ാമത് മധ്യകേരള മഹായിടവക ദിനാചരണത്തോടനുബന്ധിച്ച് പാമ്പാടി ഹോളി ഇമ്മാനുവേൽ സി.എസ്.ഐ ദൈവാലയ അങ്കണത്തിൽ മഹായിടവക പതാക ഉയർത്തൽ ചടങ്ങ് ഭക്തിനിർഭരമായ അന്തരീക്ഷത്തിൽ നടന്നു.

ഇടവക വികാരി റവ. അനിൽ തോമസ് അച്ചന്റെ നേതൃത്വത്തിൽ മഹായിടവക പതാക ഉയർത്തി. തുടർന്ന് മഹായിടവകയ്ക്കും സഭയുടെ ശുശ്രൂഷകൾക്കും വേണ്ടി പ്രത്യേക പ്രാർത്ഥന അർപ്പിച്ചു.

ഇടവകാംഗങ്ങൾ ചടങ്ങിൽ സജീവമായി പങ്കെടുത്തു. ക്രിസ്തുവിന്റെ സ്നേഹവും ഐക്യവും ശുശ്രൂഷാഭാവവും ജീവിതത്തിൽ പകർത്തിക്കൊണ്ട് സഭയുടെ സാക്ഷ്യജീവിതം കൂടുതൽ ശക്തിപ്പെടുത്തുവാൻ ഈ മഹായിടവക ദിനാചരണം ഏവർക്കും പ്രചോദനമാകട്ടെയെന്ന് ആശംസിച്ചു......

18/07/2026

2026–2029 കാലയളവിലേക്ക് തിരഞ്ഞെടുക്കപ്പെട്ട സഭാ കമ്മിറ്റി അംഗങ്ങൾക്ക് ഹൃദയം നിറഞ്ഞ ആശംസകൾ.

"നിങ്ങൾ ചെയ്യുന്നതൊക്കെയും മനുഷ്യർക്കല്ല, കർത്താവിനെന്നപോലെ പൂർണ്ണഹൃദയത്തോടെ ചെയ്യുവിൻ." (കൊലോസ്യർ 3:23)

2026–2029 കാലയളവിലേക്ക് തിരഞ്ഞെടുക്കപ്പെട്ട എല്ലാ കമ്മിറ്റി അംഗങ്ങൾക്കും ഹൃദയം നിറഞ്ഞ അഭിനന്ദനങ്ങളും പ്രാർത്ഥനാശംസകളും.
കർത്താവിന്റെ സഭയെ സേവിക്കാനുള്ള ഈ ഉത്തരവാദിത്വം ഒരു സ്ഥാനമാത്രമല്ല, ദൈവം ഏല്പിച്ച വിശുദ്ധ ശുശ്രൂഷയാണ്.

പരിശുദ്ധാത്മാവിന്റെ ജ്ഞാനവും വിവേകവും സ്നേഹവും നിങ്ങളെ ഓരോ തീരുമാനങ്ങളിലും നയിക്കട്ടെ.

"നിങ്ങളിൽ വലിയവനാകുവാൻ ആഗ്രഹിക്കുന്നവൻ നിങ്ങളുടെ ശുശ്രൂഷക്കാരനായിരിക്കട്ടെ." (മർക്കോസ് 10:43)

ഐക്യത്തോടെയും വിനയത്തോടെയും വിശ്വാസത്തോടെയും സഭയുടെ ആത്മീയ വളർച്ചയ്ക്കും ദൈവമഹത്വത്തിനുമായി പ്രവർത്തിക്കുവാൻ കർത്താവ് ഏവരെയും ശക്തിപ്പെടുത്തട്ടെ.

കർത്താവിന്റെ സമാധാനവും അനുഗ്രഹവും നിങ്ങളുടെ കുടുംബങ്ങളോടും ശുശ്രൂഷയോടും എന്നും കൂടെയിരിക്കട്ടെ.

എല്ലാവർക്കും ഒരിക്കൽ കൂടി ഹൃദയം നിറഞ്ഞ ആശംസകളും പ്രാർത്ഥനകളും. ദൈവം സമൃദ്ധമായി അനുഗ്രഹിക്കട്ടെ. ആമേൻ.

12/07/2026

കർത്താവിൽ പ്രിയരേ,

നമ്മുടെ ഇടവക അംഗവും മുൻ കമ്മിറ്റി അംഗവുമായിരുന്ന കാഞ്ഞിരത്തുമ്മൂട്ടിൽ കെ. ജെ. ഡേവിഡ് (ബേബി) (73) ഇന്ന് (12/07/2026) രാവിലെ 8:00 മണിക്ക് കോട്ടയം മെഡിക്കൽ കോളേജിൽ വച്ച് കർത്താവിൽ നിദ്ര പ്രാപിച്ച വിവരം അതീവ വ്യസനത്തോടെ അറിയിച്ചുകൊള്ളുന്നു.

ഭൗതികശരീരം നിലവിൽ മണർകാട് ഹോസ്പിറ്റലിന്റെ മോർച്ചറിയിൽ സൂക്ഷിച്ചിരിക്കുകയാണ്.

13/07/2026 (തിങ്കളാഴ്ച) വൈകുന്നേരം 5:00 മണിക്ക് ഭൗതികശരീരം ഭവനത്തിൽ കൊണ്ടുവരുന്നതാണ്.

14/07/2026 (ചൊവ്വാഴ്ച) ഉച്ചകഴിഞ്ഞ് 2:00 മണിക്ക് ഭവനത്തിൽ വച്ചുള്ള ശുശ്രൂഷയ്ക്ക് ശേഷം 2:30 മണിക്ക് ദൈവാലയത്തിൽ നടക്കുന്ന ശുശ്രൂഷയോടുകൂടി ശവസംസ്കാരം നടത്തപ്പെടുന്നതാണ്.

ദുഃഖത്തിലായിരിക്കുന്ന കുടുംബാംഗങ്ങളെ ദൈവം ആശ്വസിപ്പിക്കുകയും ഈ വേർപാടിന്റെ വേദന താങ്ങുവാൻ കൃപ നൽകുകയും ചെയ്യേണ്ടതിനായി ഏവരും പ്രാർത്ഥിക്കണമേ.

"ഞാനാണ് പുനരുത്ഥാനവും ജീവനും; എന്നിൽ വിശ്വസിക്കുന്നവൻ മരിച്ചാലും ജീവിക്കും."
— യോഹന്നാൻ 11:25

🌹 ആദരാഞ്ജലികൾ 🌹

05/07/2026

കർത്താവിൽ പ്രിയരേ,

നമ്മുടെ ഇടവക അംഗം തെക്കേപ്പറമ്പിൽ അമ്മിണി ജോസഫ് (മാർത്ത) (73) ഇന്ന് അതി രാവിലെ 2: 00 ന് പൊത്തൻപുറം ആശാകിരണിൽ വച്ച് കർത്താവിൽ നിദ്ര പ്രാപിച്ച വിവരം വ്യസന സമേതം അറിയിക്കുന്നു. ഭൗതികശരീരം ഇപ്പോൾ മണർകാട് ഹോസ്പിറ്റലിന്റെ മോർച്ചറിയിലേക്ക്‌ മാറ്റിയിരിക്കുകയാണ്. ശവസംസ്കാര ശുശ്രൂഷ നാളെ 06/07/2026 രാവിലെ 10 മണിക്ക് ഹോളി ഇമ്മാനുവേൽ സി.എസ്.ഐ ദൈവാലയത്തിൽ പൊതുദർശനത്തിന് വയ്ക്കുകയും തുടർന്ന് 12 മണിക്ക് ദൈവാലയത്തിൽ വച്ചുള്ള ശുശ്രൂഷയോടുകൂടി ശവസംസ്കാരം നടത്തപ്പെടുകയും ചെയ്യുന്നതാണ്.
കുടുംബാംഗങ്ങളെ ദൈവം ആശ്വസിപ്പിക്കേണ്ടതിനായി
പ്രാർത്ഥിക്കണമേ. 🙏🙏

29/06/2026

കർത്താവിൽ പ്രിയരേ,

നമ്മുടെ ഇടവക അംഗം ഏലമല മോളി ഐസക് (67) ഇന്ന് രാവിലെ 4: 30ന് കാരിത്താസ് ഹോസ്പിറ്റലിൽ വച്ച് കർത്താവിൽ നിദ്ര പ്രാപിച്ച വിവരം വ്യസന സമേതം അറിയിക്കുന്നു. ഭൗതികശരീരം ഇപ്പോൾ കാരിത്താസ് ഹോസ്പിറ്റലിന്റെ മോർച്ചറിയിലേക്ക്‌ മാറ്റുകയാണ്. ശവസംസ്കാര ശുശ്രൂഷ ഈ വരുന്ന ബുധനാഴ്ച (01/07/2026) രാവിലെ11 മണിക്ക് ഭവനത്തിൽ വച്ചുള്ള ശുശ്രൂഷയ്ക്ക് ശേഷം 11 :45 ന് ദൈവാലയത്തിൽ വച്ചുള്ള ശുശ്രൂഷകൾ നടത്തപ്പെടുന്നതാണ്. ദുഃഖത്തിലായിരിക്കുന്ന കുടുംബാംഗങ്ങളെ ദൈവം ആശ്വസിപ്പിക്കേണ്ടതിനായി പ്രാർത്ഥിക്കണമേ. 🙏🙏

29/06/2026

വിജയാശംസകൾ......

ഹോളി ഇമ്മാനുവൽ സി.എസ്.ഐ. ചർച്ച്, പാമ്പാടിയുടെ 2026–2029 കാലയളവിലേക്കുള്ള ഭാരവാഹികളായി തിരഞ്ഞെടുക്കപ്പെട്ട എല്ലാ സഹോദരങ്ങളെയും ഹൃദയം നിറഞ്ഞ അഭിനന്ദനങ്ങളും വിജയാശംസകളും അറിയിക്കുന്നു.
സഭയുടെ ആത്മീയ വളർച്ചയ്ക്കും സാമൂഹിക പുരോഗതിക്കും നേതൃത്വം നൽകുവാൻ ദൈവം നിങ്ങളെ നിയോഗിച്ചിരിക്കുന്ന ഈ അവസരം വലിയ ഉത്തരവാദിത്വവും അനുഗ്രഹവുമാണ്. സ്നേഹത്തോടെയും ഐക്യത്തോടെയും സേവന മനോഭാവത്തോടെയും പ്രവർത്തിച്ച് സഭയെ കൂടുതൽ ശക്തവും മാതൃകാപരവുമായ സമൂഹമാക്കി മാറ്റുവാൻ നിങ്ങൾക്കാകട്ടെ.
കഴിഞ്ഞ കാലഘട്ടങ്ങളിൽ സഭയുടെ വളർച്ചയ്ക്കായി പ്രവർത്തിച്ച എല്ലാവരുടെയും സേവനങ്ങളെ നന്ദിയോടെ സ്മരിക്കുകയും, പുതുതായി തിരഞ്ഞെടുക്കപ്പെട്ട ഭാരവാഹികൾക്ക് ദൈവം ജ്ഞാനവും ശക്തിയും ആരോഗ്യവും നൽകട്ടെയെന്നും പ്രാർത്ഥിക്കുന്നു.
“നിങ്ങളിൽ വലിയവനാകുവാൻ ആഗ്രഹിക്കുന്നവൻ നിങ്ങളുടെ ശുശ്രൂഷക്കാരനായിരിക്കട്ടെ” (മർക്കോസ് 10:43) എന്ന ദൈവവചനം മാർഗ്ഗദർശനമാക്കി, സഭയുടെയും സമൂഹത്തിന്റെയും നന്മയ്ക്കായി പ്രവർത്തിക്കുവാൻ കഴിയട്ടെ.
ദൈവത്തിന്റെ സമൃദ്ധമായ അനുഗ്രഹങ്ങൾ നിങ്ങളുടെ പ്രവർത്തനങ്ങൾക്കൊപ്പമുണ്ടാകട്ടെ. ഹോളി ഇമ്മാനുവൽ സി.എസ്.ഐ. ചർച്ച് പാമ്പാടിയുടെ ഭാവി പ്രവർത്തനങ്ങൾ കൂടുതൽ ഫലപ്രദവും അനുഗ്രഹീതവുമായിരിക്കട്ടെ എന്ന് ആശംസിക്കുന്നു.
എല്ലാ നവഭാരവാഹികൾക്കും ഒരായിരം അഭിനന്ദനങ്ങളും വിജയാശംസകളും!