Vakathanam Valiyapally - St Johns Youth Movement

22/01/2024

03/01/2024

09/10/2023

https://m.facebook.com/story.php?story

14/03/2023

🔰
കാര്യസ്ഥര്‍ സൃഷ്ടിക്കുന്ന കലഹം(ക്കം)
—-------------------------------------------

"പുകവലിയ്ക്കുന്നൊരു വിഭാഗത്തിനെ തൃപ്തിപ്പെടുത്താൻ 1999 ജൂലൈ 12 ന് നിലവിൽ വന്ന കോടതി വിധിയ്ക്കെതിരേ സർക്കാർ ഓർഡിനൻസ് ഇറക്കുന്നു… 2003ലെ COTPA Act ന്റെ അന്തസത്ത പരിരക്ഷിച്ചും പുകവിഭാഗത്തിന്റെ ന്യായമായ അവകാശങ്ങൾ പരിഗണിച്ചുമാണിത് ".

ഇത്തരമൊരു വാർത്ത കേൾക്കാനിടയായാൽ ഞെട്ടരുത്. കാരണം ഇവിടെ ഇപ്പോൾ ഇങ്ങനെയൊക്കെയാണ്…

ഭരണഘടനാ ബെഞ്ചുകളുടെ വിധിപ്പകർപ്പുകളുടെ പുറംചട്ട കണ്ട് അകം പ്രമാണങ്ങൾ വിഗ്രഹിക്കുന്ന രാഷ്ടീയ ജ്യോതിഷികളുടെ എണ്ണം വല്ലാണ്ട് കൂടുന്നു.

2017 മലങ്കരസഭാക്കേസിലെ സുപ്രീം കോടതിവിധിപ്പകര്‍പ്പിന്‍റെ ദൂരവ്യാപക പ്രത്യാഘാതങ്ങളുള്ള 26, 27 ഖണ്ഡികകൾ അത്രകണ്ട് വായിക്കാനിടയില്ല(N.😎. സ്റ്റെഡി ക്ലാസുകളിൽ ഇംഗ്ലീഷ് പതിവില്ല.

നിയമം ആര്‍ക്കുവേണ്ടിയാണെന്നു ചോദിക്കരുത്. ഈ നാട്ടിൽ എത്രതരം നിയമമുണ്ടെന്നും അന്വേഷിക്കരുത്. നിയമങ്ങള്‍ ആര്‍ക്കൊക്കെ വേണ്ടി കണ്ണടയ്ക്കുമെന്നും…
മടിയില്‍ കനമുള്ള പാച്ചിലുകള്‍ കണ്ണടച്ചു കാണുക, അത്ര തന്നെ!

**************

പാത്രിയര്‍ക്കീസിന്‍റെ 203 നമ്പർ കല്പനയിൽ നിന്നും തുടങ്ങാം. മാർത്തോമ്മാ ശ്ലീഹായ്ക്ക് പട്ടത്വമില്ലെന്നും ഒരു സഭ പോലും സ്ഥാപിച്ചിട്ടില്ലെന്നും ഒരു ശെമ്മാശ്ശൻ പോലുമല്ലായിരുന്നു എന്നുമുള്ള അന്ത്യോഖ്യായുടെ പരിഹാസം നിറച്ച കല്പന ലക്ഷ്യം വച്ചത് ഭാരതസഭയ്ക്ക് ഒരു ചരിത്രമേയില്ലെന്നു പറഞ്ഞു വയ്ക്കലായിരുന്നു.

ഇവിടെ നിലനിൽക്കുന്ന മാർത്തോമ്മാ പൈതൃകവും വിശ്വാസ സമൂഹത്തിന്റെ ചരിത്രവും അപ്പാടെ നിഷേധിച്ചെങ്കിൽ മാത്രമേ, ഭാരതസഭ പിതാക്കന്‍മാര്‍ക്ക് നല്‍കുന്ന ബഹുമാനത്തെ മുതലാക്കി ഭരിയ്ക്കാൻ കഴിയുള്ളൂ…

ഈ തുറുപ്പു ചീട്ടാണ് 16ാം നൂറ്റാണ്ടിൽ മാത്രം ഇവിടെവന്ന അതിഥി മെത്രാൻമാർ പ്രയോഗിച്ചു വന്നത്…

മൂപ്പുമുറയെ ആദരിയ്ക്കുന്ന മലങ്കര നസ്രാണികളുടെ ആത്മികവും ഭൗതികവുമായ കൈമുത്തിനെ മാത്രം ലക്ഷ്യം വയ്ക്കുന്ന ഈ സമീപനം എത്ര അന്തസാര ശൂന്യമാണ്..? അതിനു പറയുന്ന കാരണമാകട്ടെ തികഞ്ഞ പൈതൃക നിഷേധവും.

ഇവിടെ ജനിച്ചു വളർന്നവർ ഭാരതമണ്ണിന്റെ പൗരൻമാരും മാർത്തോമ്മായുടെ മക്കളുമാണ്.പരസ്പരം ആരാധനയുടെ ഉൾച്ചേരലുകൾ സഭകളില്‍ ഉണ്ടായിട്ടുണ്ട്. പക്ഷേ പൗരസ്ത്യ പാരമ്പര്യത്തിൽ ഒന്നു മറ്റൊന്നിനെ വിഴുങ്ങുന്ന പതിവില്ല. പക്ഷേ കോളനി വാഴ്ചയുടെ കാലങ്ങളില്‍ അങ്ങനെ അടിച്ചേല്‍പ്പിക്കലുകളും അതിക്രമങ്ങളും ഉണ്ടായിട്ടുണ്ട് എന്നതും അപലപനീയ പരമാര്‍ത്ഥം.

മാർത്തോമ്മാ സ്ഥാപിച്ച സഭയുടെ അസ്ഥിത്വവും ആധികാരികതയും ഭാരതസഭയുടെ 1934 ലെ ഭരണഘടനയും അരക്കിട്ടുറപ്പിച്ച പരമോന്നത നീതിപീഠത്തിന്റെ മൂന്നാം വിധി വന്നത് വി. മാർത്തോമ്മായുടെ ഓർമ്മദിനമായ ജൂലൈ 3 ന് (2017) എന്നത് കാലം കാത്തുവച്ച നീതി.

'പള്ളിത്തർക്കത്തിൽ നിയമനിർമാണം' എന്ന വാർത്താപദം തന്നെ തെറ്റാണ്. പള്ളിക്കു വേണ്ടിയല്ല തർക്കം!.
ആരുടെ പേരിലും ഏത് ശ്ളൈഹിക സിംഹാസന പിന്തുടർച്ചയിലുമാണ് മലങ്കരസഭയിലെ പള്ളികള്‍ എന്നതാണ് കാതലായ ചോദ്യം.

ഈ വസ്തുത അംഗീകരിച്ചാൽ തീരാവുന്ന പ്രശ്നമേയുള്ളൂ മലങ്കരസഭയില്‍.

ഇവിടെ ആരേയും അകറ്റി നിർത്തിയിട്ടില്ല, ഇറക്കി വിട്ടിട്ടില്ല, അങ്ങനെ പറഞ്ഞിട്ടുമില്ല…അന്നു മുതൽ ഇന്നു വരെ ദൈവാലയ വാതിലുകൾ തുറന്നു തന്നെ കിടക്കുകയാണ്. പക്ഷേ ഒരു വ്യവസ്ഥയും പ്രമാണവും സുതാര്യമായ വരവു-ചെലവുമൊക്കെ വേണമെന്ന പൊതുബോധത്തിൽ 1934 ലെ ഭരണഘടന അനിഷേധ്യമാണ്. അംഗീകരിച്ചേ പറ്റൂ.

********

കേരളത്തിലെ ജനാധിപത്യ ഭരണ സിരാ കേന്ദ്രങ്ങൾ ആക്ഷേപങ്ങളുടെ മുള്‍മുനയിലാണ്. സാംസ്കാരിക കേരളം കണ്ണു പൊത്തേണ്ട ലജ്ജാവഹ ചരിത്രങ്ങളാണ് പുരമുകളില്‍ വിളമ്പുന്നത് മുഴുവന്‍. സ്വപ്നാടനങ്ങള്‍ കേരളത്തെ തൊലിയുരിയ്ക്കുകയാണ്. അതിനിടയിലുള്ള ഈ ശ്രദ്ധ മാറ്റല്‍ ആരും സംശയിക്കരുത്.

''രാജ്യത്ത് കലാപം രൂക്ഷമാകുമ്പോൾ അതിർത്തിയൽ യുദ്ധം തുടങ്ങുമെന്ന്'' ചാണക്യൻ പറഞ്ഞിട്ടുണ്ടെങ്കില്‍ വാസ്തവം!
രാജാവിന് നമോവാകം.

-മുകളിലച്ചന്‍

N.B
26)The 1934 Constitution is appropriate and adequate for manage-
ment of the Parish Churches, as such there is no necessity of
framing a scheme under section 92 of the CPC.
27)The plea that in face of the prevailing dissension between the two
factions and the remote possibility of reconciliation, the religious
services may be permitted to be conducted by two Vicars of each
faith cannot be accepted as that would amount to patronizing
parallel systems of administration.
🔰

01/03/2023

Malankara Church News, Malankara Indian Orthodox Church News, Malankara Orthodox Syrian Church, True Faith