ആരാണ് പെന്തെക്കോസ്തുകാർ ? എന്താണ് അവരുടെ പൈതൃകം ?

06/04/2024

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

*അധ്യായം : 10*

പെന്തെക്കോസ്തുകാർ എന്തുകൊണ്ടാണ് മരിച്ചു പോയ
വിശുദ്ധൻന്മാരോട് മധ്യസ്ഥ പ്രാർത്ഥന ചെയ്യാത്തത് ?

മൺമറഞ്ഞ വിശുദ്ധൻന്മാരെ മധ്യസ്ഥരാക്കി നിർത്താൻ വിശുദ്ധ ബൈബിൾ അനുവദിക്കുന്നില്ല എന്നതാണ് ഇതിൻ്റെ ഉത്തരം .

വേർപെട്ട ക്രിസ്തീയ സമൂഹങ്ങൾ എല്ലാ തിരുവെഴുത്തും ദൈവശ്വാസീയം എന്ന് അംഗീകരിക്കുകയും അതിൻ്റെ *അക്ഷര പ്രകാരമുള്ള ദൈവശ്വാസീയതയിൽ* പൂർണ്ണമായി വിശ്വസിക്കുകയും ചെയ്യുന്നു .

തിരുവചനത്തിൽ ഇപ്രകാരം രേഖപ്പെടുത്തിയിരിക്കുന്നു ;

" ദൈവം ഒരുവനല്ലോ; ദൈവത്തിനും മനുഷ്യർക്കും മധ്യസ്ഥനും ഒരുവൻ: എല്ലാവർക്കുംവേണ്ടി മറുവിലയായി തന്നെത്താൻ കൊടുത്ത മനുഷ്യനായ ക്രിസ്തുയേശു തന്നെ "

( 1 തിമൊഥെയൊസ് 2:5-6 )

മനുഷ്യനും ദൈവത്തിനും ഇടയിൽ മധ്യസ്ഥനായി പ്രവർത്തിക്കാൻ യോഗ്യത നേടിയ ഒരാൾ മാത്രമേ ഈ പ്രപഞ്ചത്തിൽ ഉള്ളൂ . അത് നമ്മുടെ വീണ്ടെടുപ്പുകാരനായ നമ്മുടെ വംശത്തിൻ്റെ പാപങ്ങളുടെ പരിഹാരത്തിനുവേണ്ടി തൻ്റെ ചങ്കിലെ അവസാന തുള്ളി ചോരയും ഊറ്റി തന്ന യേശു ക്രിസ്തു മാത്രമാണ് .

നമുക്കു വേണ്ടി മറുവിലയായി തന്നെ തന്നെ ഏൽപ്പിച്ച് ക്രൂശുമരണം ഏറ്റെടുത്തത് ക്രിസ്തു മാത്രമാണ് . ലോകത്തിൽ മറ്റ് ആർക്കും അത് സാധ്യമായിരുന്നില്ല .

പാപം നമ്മുടെ വംശത്തിലേക്കു പ്രവേശിച്ചതോടെ ദൈവത്തിൽ നിന്നും മനുഷ്യൻ ഒത്തിരി അകലെയായി .

അവർക്കിടയിൽ പാപം വലിയ വിടവ് സൃഷ്ടിച്ചു എന്നതാണ് സത്യം . ആ വിടവ് ഇല്ലാതാക്കുവാൻ മനുഷ്യരാർക്കും സാധിക്കുക ഇല്ലായിരുന്നു . പക്ഷെ ദൈവപുത്രന് അത് സാധിച്ചു .

തിരുവെഴുത്ത് ഇപ്രകാരം പറയുന്നു ;

" അവൻ ക്രൂശിൽ ചൊരിഞ്ഞ രക്തംകൊണ്ട് അവൻ മുഖാന്തരം സമാധാനം ഉണ്ടാക്കി,

ഭൂമിയിലുള്ളതോ സ്വർഗത്തിലുള്ളതോ സകലത്തെയും അവനെക്കൊണ്ടു തന്നോടു നിരപ്പിപ്പാനും പിതാവിനു പ്രസാദം തോന്നി.

നിങ്ങളെ അവന്റെ മുമ്പിൽ വിശുദ്ധരും നിഷ്കളങ്കരും കുറ്റമില്ലാത്തവരുമായി നിറുത്തേണ്ടതിന് അവൻ ഇപ്പോൾ തന്റെ ജഡശരീരത്തിൽ തന്റെ മരണത്താൽ നിരപ്പിച്ചു "

( കൊലൊസ്സ്യർ 1:20, 22 )

പാപം ചെയ്ത് എന്നേയ്ക്കുമായി നശിച്ച് നിത്യ നരകം ലക്ഷ്യമാക്കി പാഞ്ഞു കൊണ്ടിരുന്ന മനുഷ്യ കുലത്തെ രക്ഷിക്കുവാൻ വേണ്ടി ,ആരംഭത്തിൽ തന്നെ സകലതും അറിയുന്ന സർവ്വ ജ്ഞാനിയും നീതിമാനുമായ ദൈവം ഒരു ബൃഹത് പദ്ധതി തയ്യാറാക്കിയിരുന്നു . ആ പദ്ധതിയത്രേ ഇന്നേയ്ക്ക് രണ്ടായിരത്തിൽ പരം വർഷങ്ങൾക്ക് മുൻപ് കാൽവറിയിൽ പൂർത്തിയായത് .

ആ പദ്ധതിയുടെ ക്രമാനുഗതമായ പൂർത്തീകരണത്തിനു വേണ്ടിയാണ് വിഗ്രഹാരാധകരുടെ നടുവിൽ
നിന്നും അബ്രഹാമിനെ വിളിച്ചതും പിന്നീട് യിസ്രയേലിനെ ഒരു വിശുദ്ധ ജനം എന്ന നിലയിൽ പരുവപ്പെടുത്തിയതും . ആ തലമുറയിൽ പെട്ട മറിയയുടെ ഗർഭപാത്രത്തിലത്രേ ദൈവ പുത്രൻ ഉരുവായത് .

ദൈവത്തിനും മനുഷ്യർക്കും ഇടയിൽ മധ്യസ്ഥനായി നിൽക്കുക , അവർക്കിടയിൽ നിന്ന് പക്ഷവാദം ചെയ്യുക അത് ചെറിയ കാര്യമായി ആരും കരുതരുത് .

തിരുവെഴുത്ത് വീണ്ടും ഇപ്രകാരം പറയുന്നു ;

" പുതു നിയമത്തിന്റെ മധ്യസ്ഥനായ യേശുവിനും ഹാബെലിന്റെ രക്തത്തെക്കാൾ ഗുണകരമായി സംസാരിക്കുന്ന പുണ്യാഹരക്തത്തിനും അടുക്കലത്രേ നിങ്ങൾ വന്നിരിക്കുന്നത് "

( എബ്രായർ 12:24 )

പുതിയ നിയമത്തിൻ്റെ മധ്യസ്ഥൻ നമുക്കായി ജീവനെ തന്ന ; രണ്ടോ മൂന്നോ പേർ തൻ്റെ നാമത്തിൽ കൂടിയാൽ അവരുടെ നടുവിൽ
വരാം എന്ന് വാക്കു തന്ന യേശു ക്രിസ്തുവത്രേ . ആ യേശുക്രിസ്തുവിൻ്റെ അടുക്കൽ എത്താൻ വേണ്ടി വീണ്ടും ഇടയ്ക്ക് മധ്യസ്ഥൻമാരെ വേണമെന്ന് പഠിപ്പിക്കുന്നവർ ദൈവത്തിൻ്റെ രക്ഷാ പദ്ധതിയെ തന്നെയാണ് നിന്ദിക്കുന്നത് .

എബ്രായ ലേഖകൻ വീണ്ടും എഴുതി ;


" അതുനിമിത്തം ആദ്യനിയമത്തിലെ ലംഘനങ്ങളിൽനിന്നുള്ള വീണ്ടെടുപ്പിന്നായി ഒരു മരണം ഉണ്ടായിട്ടു നിത്യാവകാശത്തിന്റെ വാഗ്ദത്തം വിളിക്കപ്പെട്ടവർക്കു ലഭിക്കേണ്ടതിന്നു അവൻ പുതിയ നിയമത്തിന്റെ മദ്ധ്യസ്ഥൻ ആകുന്നു "

( എബ്രായർ 9 : 15 )

സകലതും സൃഷ്ടിക്കപ്പെടും മുൻപു തന്നെ പിതാവായ ദൈവത്തോട് ചേർന്ന് ഇരിക്കുന്നവനത്രേ യേശു ക്രിസ്തു . മനുഷ്യനെ വീണ്ടെടുക്കുന്നതിനു വേണ്ടി പാപ ജഢത്തിൻ്റെ സാദൃശ്യമുള്ള ഒരു ശരീരം ധരിച്ച് ഈ ഭൂമിയിൽ വന്നതിനാൽ മനുഷ്യനെയും ക്രിസ്തുവിന് നന്നായി അറിയാം . ഒരു മധ്യസ്ഥനു വേണ്ട എല്ലാ യോഗ്യതകളും തികഞ്ഞവനത്രേ നമ്മുടെ പ്രാണ നാഥൻ .

ഏക മധ്യസ്ഥന് ഇടയിൽ വീണ്ടും മധ്യസ്ഥൻമാർ ആവശ്യമില്ല എന്നതിനാൽ വേർപെട്ട ക്രിസ്തീയ സമൂഹങ്ങൾ മൺമറഞ്ഞ വിശദ്ധൻമാരോട് മധ്യസ്ഥതയ്ക്കായി പ്രാർത്ഥിക്കുന്നില്ല .

തങ്ങളെ ഏൽപ്പിച്ച വേല തികച്ച് മൺ മറഞ്ഞ വിശുദ്ധൻമാരുടെ ആത്മാക്കൾ ഭൂമിയിൽ അലഞ്ഞു തിരിയുകയോ യേശുക്രിസ്തുവിൻ്റെ ചുമതല കുറേച്ചെ ഏറ്റെടുക്കുകയോ ചെയ്യുന്നില്ല . അവർക്ക് സ്വർഗ്ഗം വിശ്രമം അനുവദിച്ചിരിക്കുന്നു . അതെ പറ്റി അടുത്ത ലക്കത്തിൽ .

തുടരും .....

- By -

ക്രിസ്തുവിൽ എളിയ

സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് : അതത് അധ്യായങ്ങളുടെ English പരിഭാഷ / Audio version എന്നിവയും ലഭ്യമാണ് . വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

25/01/2024

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

അധ്യായം : 9

*മാമോദീസ ഏൽക്കാതെ ഒരു ശിശു മരിച്ചു പോയാൽ നരകത്തിൽ പോകുമോ* ?

ശിശു സ്നാന വാദികൾ പലരും പഠിപ്പിക്കുന്നത് സ്നാനം ഏൽക്കാതെ ഒരു കുഞ്ഞ് മരിച്ചു പോയാൽ ആ ശിശു നരകത്തിൽ പോകും എന്നാണ് . ഈ പേടി കാരണം ജനിച്ച് ഏതാനും ദിവസങ്ങൾക്കുള്ളിൽ മരിച്ച ഒരു ശിശുവിൻ്റെ ശരീരത്തിന് മാമോദീസ നൽകിയ ശേഷം സംസ്കരിച്ച ഒരു സംഭവം എൻ്റെ നാട്ടിൽ തന്നെ എൻ്റെ ഓർമ്മയിൽ ഉണ്ട് .

ശരിയും തെറ്റും തിരിച്ചറിയാത്ത, നൻമയും തിൻമയും തിരഞ്ഞെടുക്കുവാൻ പ്രായമാകാത്ത ഒരു ശിശുവിനെ സ്നാനപ്പെട്ടില്ല എന്ന കാരണത്താൽ നരകത്തിൽ തള്ളുന്ന ഒരു ദൈവം ഉണ്ട് എങ്കിൽ ആ ദൈവം ഒരിക്കലും നീതിമാനല്ല .

ആദം പാപം ചെയ്തതോടെ പാപം മാനവ കുലത്തിലേക്കു വന്നു എന്നത് സത്യം . എന്നാൽ സ്വതന്ത്ര ചിന്താഗതിക്കാരനായ മനുഷ്യന് ഏക സത്യ ദൈവത്തെ തിരിച്ചറിയുന്നതിനും പിൻതുടരുവാനുമുള്ള എല്ലാ സാഹചര്യങ്ങളും ഈ ഭൂമിയിൽ ദൈവം ക്രമീകരിച്ചു വച്ചിട്ടുണ്ട് .

തിരുവെഴുത്ത് ശ്രദ്ധിക്കുക ;

" ദൈവത്തെക്കുറിച്ച് അറിയാകുന്നത് അവർക്കു വെളിവായിരിക്കുന്നു; ദൈവം അവർക്കു വെളിവാക്കിയല്ലോ. അവന്റെ നിത്യശക്തിയും ദിവ്യത്വവുമായി അവന്റെ അദൃശ്യലക്ഷണങ്ങൾ ലോകസൃഷ്ടിമുതൽ അവന്റെ പ്രവൃത്തികളാൽ ബുദ്ധിക്കു തെളിവായി വെളിപ്പെട്ടുവരുന്നു; അവർക്കു പ്രതിവാദമില്ലാതിരിക്കേണ്ടതിനുതന്നെ "

( റോമർ 1:19-20 )

ഒരു മനുഷ്യൻ നിത്യ ശിക്ഷാവിധിയിലേക്ക് പോയാൽ അതിന് ആദാമിനെ പഴി പറയുവാൻ സാധ്യമല്ല . കാരണം ശരി തെറ്റുകൾ തിരിച്ചറിയാൻ ശേഷിയുള്ള മനുഷ്യൻ വെളിച്ചത്തേക്കാൾ ഇരുളിനെ സ്നേഹിച്ചു എന്ന കുറ്റം ചെയ്തതു നിമിത്തമാണ് ശിക്ഷാവിധിയിലേക്ക് പ്രവേശിക്കുന്നത് എന്ന് ബൈബിൾ വ്യക്തമാക്കുന്നു .

" ന്യായവിധി എന്നതോ, വെളിച്ചം ലോകത്തിൽ വന്നിട്ടും മനുഷ്യരുടെ പ്രവൃത്തി ദോഷമുള്ളതു ആകയാൽ അവർ വെളിച്ചത്തെക്കാൾ ഇരുളിനെ സ്നേഹിച്ചതു തന്നേ "

( യോഹന്നാൻ 3 : 19 )

ഈ കുറ്റങ്ങൾ ഒന്നും നിഷ്കളങ്കരായ കുഞ്ഞുങ്ങൾക്ക് ബാധകമല്ലാത്തതിനാൽ സ്നാനം ഏൽക്കാതെ ഒരു കുഞ്ഞ് മരിച്ചു പോയാൽ ആ ശിശു ഒരിക്കലും ശിക്ഷാവിധിയിൽ അകപ്പെടുക ഇല്ല . മാത്രവുമല്ല സ്വർഗ്ഗ രാജ്യത്തിൽ പ്രവേശിക്കുന്നവർക്കുണ്ടായിരിക്കേണ്ട അടിസ്ഥാന യോഗ്യത ഒരു ശിശുവിനെപ്പോലെ നിഷ്കളങ്കരായി മാറുക എന്നതാണ് എന്ന് കർത്താവ് തന്നെ നമ്മെ പ്രബോധിപ്പിക്കുന്നു .

തിരുവെഴുത്ത് ശ്രദ്ധിക്കുക ;

“നിങ്ങൾ തിരിഞ്ഞു ശിശുക്കളെപ്പോലെ ആയ്‍വരുന്നില്ല എങ്കിൽ സ്വർഗ്ഗരാജ്യത്തിൽ കടക്കയില്ല എന്നു ഞാൻ സത്യമായിട്ടു നിങ്ങളോടു പറയുന്നു "

( മത്തായി 18 : 3 )

തുടരും .....

-By -

ക്രിസ്തുവിൽ എളിയ സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് : അതത് അധ്യായങ്ങളുടെ English പരിഭാഷ / Audio version എന്നിവയും ലഭ്യമാണ് . വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

To read previous chapters 👇
https://www.facebook.com/profile.php?id=100090203540842&mibextid=ZbWKwL

പെന്തെക്കോസ്ത് എന്താണ് എന്ന് സാധാരണക്കാരനു മനസ്സിലാക്കി കൊടുക്കുക എന്ന താൽപര്യത്തോടെ ...

21/07/2023

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

അധ്യായം : 8

ചോദ്യം : എന്തുകൊണ്ടാണ് ഇതര ക്രൈസ്തവ സമൂഹങ്ങൾ ചെയ്യുന്നതുപോലെ പെന്തെക്കോസ്തുകാർ ശിശുക്കൾക്ക് മാമോദീസ നൽകാത്തത് ?

PART : A

ഇതിന്റെ മറുപടിയിലേയ്ക്ക് കടക്കുന്നതിന് മുൻപ് എന്താണ് ക്രിസ്തീയ സ്നാനം എന്നും , തിരു വചനത്തിൽ അതിന്റെ പ്രാധാന്യം എന്ത് എന്നും നമുക്ക് ഒന്ന് പരിശോധിക്കാം .

രണ്ടേ രണ്ട് കാർമ്മിക ശുശ്രൂഷകൾ മാത്രമാണ് പുതിയ നിയമ സഭയ്ക്ക് കല്പനയായി നൽകപ്പെട്ടിരിക്കുന്നത്. അത് രണ്ടും മാർമ്മികമായതിന്റെ സദൃശ്യങ്ങളും ഓർമ്മപ്പെടുത്തലുമാണ് എന്ന കാര്യം നാം മനസ്സിലാക്കിയിരിക്കണം .അതിൽ ആദ്യത്തെതാണ് ജല സ്നാനം.

യേശുക്രിസ്തുവിന്റെ മരണത്തിനും പുനരുത്ഥാനത്തിനും ശേഷം, സ്വർഗ്ഗാരോഹണത്തിന് തൊട്ടുമുൻപ് നൽകിയ കൽപ്പനയായിരുന്നു സ്നാനത്തെപ്പറ്റിയുള്ളത്.

യേശു ക്രിസ്തുവിന്റെ മരണ പുനരുത്ഥാനങ്ങൾക്ക് ശേഷം മാത്രമായിരുന്നു ക്രിസ്തീയ സ്നാനത്തിന് സാധുത വന്നത് എന്ന് തിരുവചന രേഖകളിൽ നിന്നും നമുക്ക് മനസ്സിലാക്കാം . കാരണം പാപിയായ ഒരു മനുഷ്യൻ യേശുക്രിസ്തുവിന്റെ മരണ പുനരുത്ഥാനങ്ങളോട് ഏകീഭവിക്കുന്ന ശുശ്രൂഷ കൂടിയാണ് ക്രിസ്തീയ സ്നാനം എന്നതു തന്നെ .

തിരുവെഴുത്ത് അത് നമുക്ക് വ്യക്തമാക്കിത്തരുന്നു .

" പാപസംബന്ധമായി മരിച്ചവരായ നാം ഇനി അതിൽ ജീവിക്കുന്നത് എങ്ങനെ?

അല്ല, യേശുക്രിസ്തുവിനോടു ചേരുവാൻ സ്നാനം ഏറ്റവരായ നാം എല്ലാവരും അവന്റെ മരണത്തിൽ പങ്കാളികളാകുവാൻ സ്നാനം ഏറ്റിരിക്കുന്നു എന്ന് നിങ്ങൾ അറിയുന്നില്ലയോ?

അങ്ങനെ നാം അവന്റെ മരണത്തിൽ പങ്കാളികളായിത്തീർന്ന സ്നാനത്താൽ അവനോടുകൂടെ കുഴിച്ചിടപ്പെട്ടു; ക്രിസ്തു മരിച്ചിട്ടു പിതാവിന്റെ മഹിമയാൽ ജീവിച്ചെഴുന്നേറ്റതുപോലെ നാമും ജീവന്റെ പുതുക്കത്തിൽ നടക്കേണ്ടതിനുതന്നെ.

അവന്റെ മരണത്തിന്റെ സാദൃശ്യത്തോടു നാം ഏകീഭവിച്ചവരായെങ്കിൽ പുനരുത്ഥാനത്തിന്റെ സാദൃശ്യത്തോടും ഏകീഭവിക്കും.

നാം ഇനി പാപത്തിന് അടിമപ്പെടാതവണ്ണം പാപശരീരത്തിനു നീക്കം വരേണ്ടതിനു നമ്മുടെ പഴയ മനുഷ്യൻ അവനോടുകൂടെ ക്രൂശിക്കപ്പെട്ടു എന്നു നാം അറിയുന്നു.

അങ്ങനെ മരിച്ചവൻ പാപത്തിൽനിന്നു മോചനം പ്രാപിച്ചിരിക്കുന്നു. നാം ക്രിസ്തുവിനോടുകൂടെ മരിച്ചു എങ്കിൽ അവനോടുകൂടെ ജീവിക്കും എന്നു വിശ്വസിക്കുന്നു " ( റോമർ 6:2-8 )

മരണമാണ് ( നിത്യമായ മരണം റോമർ 6 : 23 )പാപിയുടെ മേൽ വിധിക്കപ്പെട്ടിരുന്നത് .

അങ്ങനെ നിത്യമായ മരണത്തിന് വിധിക്കപ്പെട്ടവനാണ് താൻ എന്ന ബോധ്യം പ്രാപിച്ച പാപിയായ ഒരു വ്യക്തി ; യേശു ക്രിസ്തുവിന്റെ മരണം തന്റെ കൂടി പാപത്തിന്റെ പരിഹാരത്തിനു വേണ്ടിയായിരുന്നു എന്ന് പ്രവൃത്തിയിൽ കൂടി പരസ്യമായി ഏറ്റു പറയുക എന്നതാണ് , ക്രിസ്തീയ സ്നാനത്തിൽ സംഭവിക്കുന്നത് .

താൻ ഒരു പാപിയാണ് എന്നും , താൻ പാപം സംബന്ധമായി മരിച്ച് നിത്യ ശിക്ഷാവിധിക്ക് അർഹതപ്പെട്ടവനാണ് എന്നുമുള്ള ബോധ്യം പ്രാപിച്ച വ്യക്തി മാത്രമാണ് ക്രിസ്തീയ സ്നാനത്തിലേക്ക് നയിക്കപ്പെടേണ്ടത്. കൃത്യമായി പറഞ്ഞാൽ ഒരുവനിൽ നടക്കുന്ന ആന്തരീക പരിവർത്തനത്തിന്റെ ബാഹ്യ പ്രകടനമായിരിക്കണം ആ സ്നാനം .

അല്പം കൂടി വ്യക്തമാക്കിയാൽ ഒരു മനുഷ്യന്റെ ഉള്ളിൽ രഹസ്യമായി നടന്ന മാറ്റത്തിന്റെ പരസ്യമായ സാക്ഷ്യപ്പെടുത്തലാണ് ക്രിസ്തീയ സ്നാനം .

ആദ്യം അവനിൽ മനപരിവർത്തനമാണ് നടക്കേണ്ടത് . മനസ്സിനാണ് ആദ്യം മാറ്റം വരേണ്ടത് .സുവിശേഷം കേട്ട് മാനസാന്തരപ്പെടുകയാണ് ഒരുവനിൽ ആദ്യം നടക്കേണ്ടത്. പാപി മാനസാന്തരപ്പെട്ട് അവന്റെ സൃഷ്ടിതാവായ ദൈവത്തിങ്കലേയ്ക്ക് തിരിയണം .

തിരുവെഴുത്ത് ശ്രദ്ധിക്കുക👇

" ആകയാൽ നിങ്ങളുടെ പാപങ്ങൾ മാഞ്ഞുകിട്ടേണ്ടതിന്നു മാനസാന്തരപ്പെട്ടു തിരിഞ്ഞുകൊൾവിൻ "

( അപ്പൊ. പ്രവൃത്തികൾ 3 : 19 )

പത്രോസ് അപ്പോസ്തോലന്റെ ആദ്യ പ്രസംഗാനന്തരം അതാണ് സംഭവിച്ചത് . തിരു വചന രേഖയിൽ ഇപ്രകാരം പറയുന്നു .

" ഇതു കേട്ടിട്ട് അവർ ഹൃദയത്തിൽ കുത്തുകൊണ്ടു പത്രൊസിനോടും ശേഷം അപ്പൊസ്തലന്മാരോടും;

സഹോദരന്മാരായ പുരുഷന്മാരേ, ഞങ്ങൾ എന്തു ചെയ്യേണ്ടൂ എന്നു ചോദിച്ചു. പത്രൊസ് അവരോട്: നിങ്ങൾ മാനസാന്തരപ്പെട്ടു നിങ്ങളുടെ പാപങ്ങളുടെ മോചനത്തിനായി ഓരോരുത്തൻ യേശുക്രിസ്തുവിന്റെ നാമത്തിൽ സ്നാനം ഏല്പിൻ "

( പ്രവൃത്തികൾ 2:37-38 )

ശരിയും തെറ്റും തിരിച്ചറിയാൻ പ്രായമാകാത്ത ശിശു എങ്ങനെ യാണ് മാനസാന്തരപ്പെടുന്നത് ?

ഒന്നാം നൂറ്റാണ്ടിലെ പത്രോസ് അപ്പോസ്തോലന്റെ ആദ്യ പ്രസംഗം കേട്ട് ഗ്രഹിച്ചവർക്കാണ് ഹൃദയത്തിൽ കുത്ത് കൊണ്ടത് . അവർക്ക് ഹൃദയത്തിൽ കുത്തു കൊള്ളുവാൻ കാരണം അപ്പോസ്തോലന്റെ പ്രസംഗത്തിലൂടെ ദൈവ വചനം അവരുടെ ഉള്ളിൽ ക്രിയ ചെയ്യുകയും തങ്ങളുടെ തെറ്റിനെ പറ്റിയും തങ്ങൾ ആയിരിക്കുന്ന പാപ അവസ്ഥയെ പറ്റിയും അവർക്ക് ബോധ്യം വരുകയും ചെയ്തതിനാലാണ് .

പാപം എന്ത് എന്ന് അറിയാത്ത ,
ശരിയേത് തെറ്റേത് എന്നു വേർതിരിച്ചറിയുവാൻ സാധിക്കുകയില്ലാത്ത ഒരു കൊച്ചു കുഞ്ഞിന് വചനം ഗ്രഹിക്കുവാനോ അതിൻ പ്രകാരം മാനസാന്തരപ്പെടുവാനോ ഒരിക്കലും സാധിക്കുക ഇല്ല എന്നതിനാലാണ് വേർപെട്ട ക്രിസ്തീയ സമൂഹങ്ങൾ ശിശുക്കൾക്ക് സ്നാനം ( മാമോദീസ ) നൽകാത്തത് .

തുടരും .....

-By -

ക്രിസ്തുവിൽ എളിയ സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് .വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

To read previous chapters 👇

02/05/2023

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

അധ്യായം : 7

*എന്തു കൊണ്ടാണ് പെന്തെക്കോസ്തുകാർ മറ്റ് ഇതര ക്രൈസ്തവർ ചെയ്യുന്നതു പോലെ വിഗ്രഹങ്ങളെ ( രൂപങ്ങൾ ) വണങ്ങാത്തത്* ? PART : 3

സാധാരണ വിഗ്രഹാരാധനയെ ന്യായീകരിക്കുന്ന എപ്പിസ്കോപ്പൽ സഭക്കാർ ചോദിക്കുന്ന ഒരു പൊതു ചോദ്യത്തിന് മറുപടി നൽകിക്കൊണ്ട് ഈ അധ്യായം ആരംഭിക്കുവാൻ ആഗ്രഹിക്കുന്നു .

ചോദ്യം : വിഗ്രഹത്തെ ഉണ്ടാക്കുന്നതും അതിനെ ആരാധിക്കുന്നതും കർശനമായി വിലക്കിയ ദൈവം എന്തുകൊണ്ട് സമാഗമന കൂടാരത്തിനുള്ളിൽ കെരൂബുകൾ ( പുറപ്പാട് 37 ) ഉൾപ്പെടുന്ന കലാ സൃഷ്ടികൾ അനുവദിച്ചു ?

ബൈബിളിലെ ദൈവത്തിന്റെ തനതു ഗുണ വിശേഷങ്ങളിൽ ഒന്നാണ് ആ ദൈവം നീതിമാനാണ് എന്നത് . താൻ തന്നെ കല്പിച്ചത് അവസരം വരുമ്പോൾ മാറ്റി പ്രവർത്തിക്കുന്ന വ്യക്തിയെ നീതിമാൻ എന്ന് വിളിക്കുവാൻ സാധ്യമല്ലല്ലോ . ബൈബിളിലെ ദൈവം ഒരു ക്രൂരനായ ഏകാധിപതിയോ ഒറ്റയാനോ അല്ല .

തിരുവചനത്തിൽ ദൈവം തന്നെ ക്കുറിച്ച് തന്നെ ഇപ്രകാരം പ്രസ്താവിക്കുന്നു .

" ഞാൻ എന്റെ നിയമത്തെ ലംഘിക്കയോ എന്റെ അധരങ്ങളിൽനിന്നു പുറപ്പെട്ടതിന്നു ഭേദം വരുത്തുകയോ ചെയ്കയില്ല "

( സങ്കീർ‍ത്തനങ്ങൾ 89 : 34 )

ബൈബിളിലെ ദൈവം തന്റെ തന്നെ നിയമത്തെ , താൻ തന്നെ ലംഘിക്കുക ഇല്ല എന്ന് അർത്ഥം .

നാം പ്രാഥമീകമായി മനസ്സിലാക്കേണ്ട വസ്തുത ബൈബിളിലെ ദൈവം മനുഷ്യന്റെ കലാ സൃഷ്ടികൾക്ക് ഒരിക്കലും എതിരല്ല . എന്നാൽ ആ കലാ സൃഷ്ടികളെ ആരാധിക്കുന്ന സാഹചര്യം വരുമ്പോഴാണ് അത് ദൈവ വചന വിരുദ്ധമായി മാറുന്നത് .

ന്യായപ്രമാണം നൽകിയ സമയം മുതൽ യിസ്രായേൽ ജനതയുടെ കനാൻ നാട്ടിലേക്കുള്ള പ്രവേശനം വരെയുള്ള കാലഘട്ടത്തെ മാത്രം പഠന വിഷയമാക്കിയാൽ തന്നെ അത് മനസ്സിലാക്കുവാൻ കഴിയുന്നതാണ് .

സമാഗമന കൂടാരത്തിൽ
കെരൂബുകളുടെ കൊത്തുപണി രൂപങ്ങൾ സ്ഥാപിക്കുവാൻ ദൈവം കല്പിച്ചത് അതി വിശുദ്ധ സ്ഥലത്താണ് . ( പുറപ്പാട് 25 ) അവിടേയ്ക്ക് സാധാരണ യിസ്രായേൽ ജനതയ്ക്ക് ഒരു കാരണവശാലും പ്രവേശനം സാധ്യമായിരുന്നില്ല . അതു കൊണ്ട് തന്നെ അതിനെ വണങ്ങുവാനുള്ള സാഹചര്യങ്ങളും ഇല്ലായിരുന്നു .

കെരൂബുകളെ സ്ഥാപിച്ചിരിക്കുന്ന അതി വിശുദ്ധ സ്ഥലത്തേയ്ക്ക് പ്രവേശിക്കുവാൻ വർഷത്തിൽ ഒരിക്കൽ മഹാ പുരോഹിതനു മാത്രമേ അനുവാദം ഉണ്ടായിരുന്നുള്ളൂ . ഏതൊരു കലാസൃഷ്ടിയും ബൈബിൾ പ്രകാരം അതിൽ തന്നെ പാപം അല്ല . എന്നാൽ സുബോധം ഉള്ള മനുഷ്യൻ അതിന്റെ മുൻപിൽ മുട്ടു മടക്കുമ്പോൾ അത് വിഗ്രഹാരാധനയായി മാറുന്നു.

യിസ്രായേൽ ജനതയുടെ മരുപ്രയാണ കാലഘട്ടത്തിൽ അവർ മോശയ്ക്കും യഹോവയ്ക്കും എതിരെ പിറുപിറുത്തതായി നമുക്ക് സംഖ്യാ പുസ്തകം 21-ാം അധ്യായത്തിൽ കാണുവാൻ കഴിയും . അവരുടെ പാപം പെരുത്തപ്പോൾ യഹോവ അഗ്നി സർപ്പങ്ങളെ അയക്കുകയും അഗ്നി സർപ്പങ്ങളുടെ കടി ഏറ്റ് അനേകർ മരുഭൂമിയിൽ മരിച്ചു വീഴുകയും ചെയ്തു .

പ്രശ്ന പരിഹാരത്തിനായി ജനം മോശയോട് നിലവിളിച്ചപ്പോൾ യഹോവയുടെ നിർദേശ പ്രകാരം മോശ താമ്രം കൊണ്ട് ഒരു സർപ്പത്തെ ഉണ്ടാക്കി എല്ലാവർക്കും നോക്കുവാൻ പാകത്തിന് കൊടി മരത്തിൽ ഉയർത്തി തൂക്കുന്നു .

അഗ്നി സർപ്പത്തിന്റെ കടി ഏൽക്കുന്നവർ ഉയർത്തപ്പെട്ട താമ്ര സർപ്പത്തെ നോക്കിയാൽ മരണത്തിൽ നിന്നും രക്ഷ നേടാം എന്നതായിരുന്നു വ്യവസ്ഥ . താമ്ര സർപ്പത്തിന്റെ ശക്തികൊണ്ടല്ല ഇവിടെ ജനത്തിന് വിടുതൽ ലഭിക്കുന്നത് ; ആ സന്ദർഭത്തിൽ ദൈവം വച്ച പ്രമാണത്തെ ചോദ്യം ചെയ്യാതെ അനുസരിക്കുവാൻ തയ്യാറായവർ മാത്രമാണ് വിടുവിക്കപ്പെട്ടത് .

എന്നാൽ ഭാവികാലത്ത് ഇതേ താമ്ര സർപ്പത്തെ അവർ ( 2 രാജാക്കൻന്മാർ 18 ) നെഹുഷ്ഠാൻ എന്നു പേരിട്ട് ആരാധിക്കുവാൻ തുടങ്ങിയപ്പോൾ അത്
ദൈവ കോപത്തിനു കാരണമാകുകയും പിന്നീട് അതിനെ നശിപ്പിക്കുകയും ചെയ്തതായി നാം തിരുവചനത്തിൽ നിന്നും മനസ്സിലാക്കുന്നു .

പഴയ നിയമ സഭയിൽ ന്യായപ്രമാണ ആരാധനയുമായി ബന്ധപ്പെട്ട് അക്ഷരീക യഹൂദ ജനതയ്ക്ക് യഹോവയാകുന്ന ദൈവം ഒട്ടനവധി പ്രതീകങ്ങൾ അനുവദിച്ചിരുന്നു . എന്നാൽ ആ പ്രതീകങ്ങളെ വണങ്ങുവാൻ ദൈവം അനുവദിച്ചിരുന്നില്ല . പുതിയനിയമ കാല ഘട്ടത്തിലേക്ക് വരുമ്പോൾ ക്രിസ്തീയ സഭയുമായി ബന്ധപ്പെട്ട് അത്തരം പ്രതീകങ്ങൾ പോലും അനുവദിച്ചിട്ടില്ല എന്നതാണ് സത്യം .

ചിലരെങ്കിലും ചോദിക്കുന്ന ചോദ്യമാണ് നമ്മുടെ സ്വീകരണ മുറികളിൽ വിവിധങ്ങളായ അലങ്കാര വസ്തുക്കൾ വയ്ക്കുന്നത് ( ഉദാ : വിവിധ മൃഗങ്ങളുടെയും പക്ഷികളുടെയും
പാവകളും മറ്റും ) തെറ്റാണോ ? എന്ന് .

അതിന്റെ ദൈവ വചന പ്രകാരം ഉള്ള മറുപടി ഇതാണ് ;

ഒരു കര കൗശല വസ്തുവും അതിൽ തന്നെ പാപം അല്ല . അതുകൊണ്ട് അത് വച്ച് നമ്മുടെ ഭവനങ്ങൾ അലങ്കരിക്കുന്നതിൽ യാതൊരു തെറ്റും ഇല്ല . എന്നാൽ എന്നെങ്കിലും ഒരിക്കൽ അതിന്റെ മുൻപിൽ തിരി കത്തിക്കുവാനോ അതിനെ കുമ്പിടുവാനോ തുനിഞ്ഞാൽ അത് വിഗ്രഹാരാധനയായി മാറും .

അക്ഷരീക യെരുശലേം ദൈവാലയത്തിലും - ശലോമോൻ രാജാവിന്റെ കൊട്ടാരത്തിലും എല്ലാം അത്തരം ധാരാളം കൊത്തു പണികൾ ( 1 രാജാ : അധ്യായം 6 ) നമുക്ക് കാണുവാൻ കഴിയും . എന്തിനേറെ മനുഷ്യരുടെയും മൃഗങ്ങളുടെയും രൂപം കൊത്തിയ നാണയങ്ങൾ പുരാതന കാലം മുതൽ സർവ്വ സാധാരണം ആയിരുന്നു .

കൈസറുടെ രൂപം കൊത്തിയ നാണയങ്ങൾ യേശു ക്രിസ്തു പോലും ഉപയോഗിച്ചിരുന്നു . ഭൂമിയിലെ ഏതൊരു വസ്തുവിനെയും ആരാധനാ വസ്തുവാക്കി മാറ്റിയാൽ അത് വിഗ്രഹാരാധനയായി മാറും .

എപ്പിസ്കോപ്പൽ സഭകൾ ക്രിസ്തുവിന്റെതെന്നും , വിശുദ്ധൻമാരുടേത് എന്നും വിശ്വസിക്കുന്ന പ്രതി രൂപങ്ങളുടെ മുൻപിൽ മുട്ടുകുത്തുകയും തിരി കത്തിക്കുകയും ചെയ്യുമ്പോഴാണ് അത് വിഗ്രഹാരാധനയായി മാറുന്നത് .

കേവലം പ്രതീകങ്ങളുടെ പരിധിയിൽ വിഗ്രഹാരാധന ഒതുങ്ങുന്നില്ല എന്നതാണ് സത്യം . ശാഠ്യം , അത്യാഗ്രഹം എന്നിവയും വിഗ്രഹാരാധനയ്ക്ക് തുല്ല്യമാണ് എന്ന് ബൈബിൾ വ്യക്തമാക്കുന്നു ( 1 ശമുവേൽ 15 : 26 , കൊലോസ്യർ 3 : 5 )

തുടരും .....

-By -

ക്രിസ്തുവിൽ എളിയ സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് : അതത് അധ്യായങ്ങളുടെ English പരിഭാഷ / Audio version എന്നിവയും ലഭ്യമാണ് . വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

To read previous chapters 👇

https://m.facebook.com/story.php?story_fbid=164813339868783&id=100090203540842&mibextid=Nif5oz

21/04/2023

ആരാണ് പെന്തെക്കോസ്തുകാർ ? എന്താണ് അവരുടെ പൈതൃകം ? chapteer : 1

07/04/2023

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

*അധ്യായം : 6*

*എന്തു കൊണ്ടാണ് പെന്തെക്കോസ്തുകാർ മറ്റ് ഇതര ക്രൈസ്തവർ ചെയ്യുന്നതു പോലെ വിഗ്രഹങ്ങളെ ( രൂപങ്ങൾ ) വണങ്ങാത്തത്* ? PART : 2

പള്ളികളിൽ നിരത്തി വച്ചിരിക്കുന്ന രൂപങ്ങളെ പറ്റി എപ്പിസ്കോപ്പൽ സഭയിലെ പുരോഹിതൻമാരോട് ചോദിച്ചാൽ അവർ അതിന് പറയുന്ന ന്യായീകരണം , തങ്ങൾ പ്രസ്തുത രൂപങ്ങളെ വണങ്ങുക മാത്രമേ ചെയ്യുന്നുള്ളൂ ആരാധിക്കുന്നില്ല എന്നതായിരിക്കും . എന്നാൽ ഇത് തികച്ചും വചന വിരുദ്ധമായ ന്യായീകരണമാണ് . ആരാധന - വണക്കം എന്നിവ ഒരേ അർത്ഥം വരുന്ന പദങ്ങൾ തന്നെയാണ് എന്നതാണ് വസ്തുത .

പുറം ലോകത്തിലെ ഏതൊരു വിഗ്രഹാരാധിയോടും ചോദിച്ചു നോക്കൂ ;

കണ്ണുണ്ടായിട്ടും കാണുവാൻ സാധിക്കാത്ത - ചെവി ഉണ്ടായിട്ടും കേൾക്കുവാൻ കഴിയാത്ത കൈ ഉണ്ടായിട്ടും ചലിപ്പിക്കാൻ സാധിക്കാത്ത ഈ വിഗ്രഹങ്ങളെ നിങ്ങൾ എന്തിനാണ് ആരാധിക്കുന്നത് ? .

അവർ നൽകുന്ന മറുപടി ഇപ്രകാരമായിരിക്കും ..

" ഞങ്ങൾ കല്ലു കൊണ്ടോ മരം കൊണ്ടൊ ഉണ്ടാക്കിയ കേവലം രൂപത്തെ അല്ല ആരാധിക്കുന്നത് .
ഞങ്ങൾ വിശ്വസിക്കുന്ന ദേവനിലേക്ക് ഞങ്ങളുടെ ശ്രദ്ധ കേന്ദ്രീകരിക്കുന്നതിന് ഒരു ഉപാധി എന്ന നിലയിൽ മാധ്യമമായി, ആ വിഗ്രഹത്തെ ഉപയോഗിക്കുക മാത്രമാണ് ചെയ്യുന്നത് "

ചുരുക്കം പറഞ്ഞാൽ കേവലം ഒരു പ്രതിമ തങ്ങളുടെ കാര്യങ്ങൾ സാധിപ്പിച്ചു തരും എന്നു വിശ്വസിക്കുന്നവരല്ല ബാഹ്യ ലോകത്തിലെ വിഗ്രഹാരാധികൾ എന്ന് അർത്ഥം . അവരും പ്രസ്തുത രൂപങ്ങളിലേക്ക് ആവാഹിക്കപ്പെട്ടു എന്ന് തങ്ങൾ വിശ്വസിക്കുന്ന ദേവ ചൈതന്യത്തെയോ ; ഏതോ അദൃശ്യ ലോകത്തിൽ ഇരുന്ന് തങ്ങളുടെ കാര്യങ്ങൾ സാധിപ്പിച്ചു തരും എന്ന് തങ്ങൾ കരുതുന്ന ശക്തിയെയോ തന്നെയാണ് വിവിധ മതങ്ങളിൽ പെട്ട വിഗ്രഹാരാധികളും ആരാധിക്കുന്നത് .

ചുരുക്കം പറഞ്ഞാൽ എപ്പിസ്കോപ്പൽ സഭകളും വിഗ്രഹത്തെ പൂജിക്കുന്ന ഇതര മതക്കാരും വിഗ്രഹാരാധനയ്ക്ക് നൽകുന്ന ന്യായീകരണം ഒന്നു തന്നെയാണ് എന്നതാണ് സത്യം .

കെ . സി . ബി . സി ബൈബിൾ കമ്മീഷൻ തയ്യാറാക്കിയ മലയാളം വിവർത്തനത്തിൽ സ്വരൂപ വണക്കം പാടില്ല എന്ന് കൃത്യമായി തന്നെ പരിഭാഷപ്പെടുത്തിയിട്ടുണ്ട് .

ശ്രദ്ധയോടെ വായിക്കുക .....

പുറപ്പാട് 20 : 4 - 5 വാക്യങ്ങൾ

"മുകളില്‍ ആകാശത്തിലോ താഴെ ഭൂമിയിലോ ഭൂമിക്കടിയിലോ ജലത്തിലോ ഉള്ള ഒന്നിന്റെയും പ്രതിമയോ സ്വരൂപമോ നീ നിര്‍മിക്കരുത്‌;

അവയ്‌ക്കു മുന്‍പില്‍ പ്രണമിക്കുകയോ അവയെ ആരാധിക്കുകയോ ചെയ്യരുത്‌"

എപ്പിസ്കോപ്പൽ സഭകൾ വാദിക്കുന്നതു പോലെ തങ്ങൾ ഉണ്ടാക്കുന്നത് വിഗ്രഹമല്ല സ്വരൂപമാണ് എന്നു പറയുന്നതും; അതിനെ ആരാധിക്കുന്നില്ല വണങ്ങുക മാത്രമാണ് ചെയ്യുന്നത് എന്നു പറയുന്നതും വെറും ബാലിശവും കൊടിയ വഞ്ചനയുമാണ് എന്ന് മേൽ പറഞ്ഞ വേദഭാഗങ്ങളിൽ നിന്നും തന്നെ വ്യക്തമാകുന്നു .

ഏതു തരം വിഗ്രഹാരാധനയെയും പഴയ നിയമത്തിൽ എന്നതു പോലെ തന്നെ പുതിയ നിയമ സഭയിലും ഏക സത്യ ദൈവം കർശനമായി വിലക്കുന്നു .

പൗലോസ് ശ്ലീഹ എഴുതുന്നു ....

" അതുകൊണ്ടു പ്രിയന്മാരേ, വിഗ്രഹാരാധന വിട്ടോടുവിൻ "
( 1 കൊരിന്ത്യർ 10 : 14 )

യോഹന്നാൻ അപ്പോസ്തോലൻ തന്റെ ലേഖനത്തിൽ മുന്നറിയിപ്പു നൽകി ;

" കുഞ്ഞുങ്ങളേ, വിഗ്രഹങ്ങളോടു അകന്നു സൂക്ഷിച്ചുകൊൾവിൻ "
( 1 യോഹന്നാൻ 5 : 21 )

എപ്പിസ്കോപ്പൽ സഭകൾ തങ്ങളുടെ തലവൻ എന്ന പട്ടം ചാർത്തിക്കൊടുത്ത പത്രോസ് ശ്ലീഹയും വിഗ്രഹാരാധനയ്ക്കെതിരെ ശക്തമായ താക്കീത് നൽകുന്നുണ്ട് ( 1 പത്രോസ് 4 : 3 )

അക്ഷരീക യിസ്രയേൽ വിഗ്രഹാരാധനയുടെ തിക്ത ഫലങ്ങൾ ഏറെ അനുഭവിച്ചവരാണ് . വിഗ്രഹാരാധനയുടെ ഈറ്റില്ലമായ മിസ്രയീമിൽ നിന്നും വാഗ്ദത്ത നാട്ടിലേക്ക് പുറപ്പെട്ട യിസ്രയേൽ ജനതയിൽ ഉൾപ്പെട്ട ഒരു വലിയ കൂട്ടം ജനങ്ങൾ വാഗ്ദത്ത നാട്ടിൽ എത്താതെ മരുഭൂമിയിൽ വച്ച് മരിച്ചു പോകുവാനുണ്ടായ പ്രധാന കാരണം വിഗ്രഹാരാധനയായിരുന്നു എന്ന് തിരുവചനം വ്യക്തമായി നമുക്ക് മുന്നറിയിപ്പു നൽകുന്നു . ( 1 കൊരി : അധ്യായം 10 )

ദൃഷ്ടാന്തമായി അവർക്ക് സംഭവിച്ച കാര്യങ്ങളിൽ നിന്നും ക്രിസ്തീയ സമൂഹം പാഠങ്ങൾ ഉൾക്കൊണ്ട് ബുദ്ധ്യുപദേശമാക്കി മാറ്റണം എന്നാണ് അപ്പോസ്തോലൻ നമ്മെ ഉപദേശിക്കുന്നത് . ( 1 കൊരി 10 : 1 )

എന്തു കൊണ്ട് പെന്തെക്കോസ്തുകാർ രൂപങ്ങളെ വണങ്ങുന്നില്ല ?

എന്നു ചോദിച്ചാൽ അതിന്റെ ഉത്തരം പെന്തെക്കോസ്തുകാരും - ഇതര എപ്പിസ്കോപ്പൽ സഭകളും ഒരു പോലെ വിശ്വസിക്കുന്ന വിശുദ്ധ ബൈബിൾ ഏതു തരം വിഗ്രഹാരാധനയെയും ശക്തമായി വിലക്കുന്നു . പെന്തെക്കോസ്തുകാർ ദൈവീക കല്പനകളെ അതേപടി അംഗീകരിക്കുവാൻ മനസ്സു കാണിക്കുന്നു .

മറ്റുള്ളവർ വിശുദ്ധ ബൈബിളും കൈവശം വച്ചു കൊണ്ട് ആ ദൈവീക പ്രമാണത്തെ വെല്ലു വിളിക്കുന്നു . വിശുദ്ധ ബൈബിൾ നൽകുന്ന മുന്നറിയിപ്പ് ഇപ്രകാരമാണ്

" എന്നാൽ ഭീരുക്കൾ, അവിശ്വാസികൾ അറെക്കപ്പെട്ടവർ കൊലപാതകന്മാർ, ദുർന്നടപ്പുകാർ, ക്ഷുദ്രക്കാർ,
*ബിംബാരാധികൾ* എന്നിവർക്കും ഭോഷ്കുപറയുന്ന ഏവർക്കും ഉള്ള ഓഹരി തീയും ഗന്ധകവും കത്തുന്ന പൊയ്കയിലത്രേ: അതു രണ്ടാമത്തെ മരണം "
( വെളിപ്പാട് 21 : 8 )

ഒരു കൊലപാതകം ദൈവ സന്നിധിയിൽ പാപമാണോ അത്രത്തോളം തന്നെ പാപമാണ് വിഗ്രഹാരാധനയും എന്നത് ആരും മറന്നു പോകരുത് .

തുടരും .....

-By -

ക്രിസ്തുവിൽ എളിയ സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് : അതത് അധ്യായങ്ങളുടെ English പരിഭാഷ / Audio version എന്നിവയും ലഭ്യമാണ് . വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

To read previous chapters 👇

https://www.facebook.com/profile.php?id=100090203540842&mibextid=ZbWKwL

പെന്തെക്കോസ്ത് എന്താണ് എന്ന് സാധാരണക്കാരനു മനസ്സിലാക്കി കൊടുക്കുക എന്ന താൽപര്യത്തോടെ ...

01/04/2023

Who are Pentecostals?

What is their heritage?

Chapter: 4

Pentecostalism has no unique existence apart from Christianity. Because it is an experience, a constant struggle to live a Holy life according to the sound doctrine.

The people of Antioch, the main city of ancient Syria, started calling the followers of Christ, 'Christians' (Acts 11:26).

The Apostolic Age was the golden age of the Christian Church.

The apostles and the early church were ever vigilant to defend the false doctrines that tried to pe*****te into the Church of God. Most of the epistles in the New Testament were also a strong warning against the false teachings. The followers of Christ did not need a name other than 'Christians', in the early centuries, when the Church stood in its uniqueness and doctrinal purity,

Pentecostalism was the auspicious factor of the Christian church.

Even when the Roman government severely persecuted the Christian Church, when coated them with wax and used as street lamps, even when they were thrown away as food for starving wild animals, the early generation was not ready to give up on the doctrinal truths that they believed in. In short, if a person was a true Christian then, he was basically a Pentecostal.

But those who claim to be Christians have begun to follow gentile worship methods, a situation has arisen that the communities that stand only for the truths of the Bible to be called Pentecostals.

Bishops were appointed in the local church gatherings of the early church as spiritual leadership. (1 Timothy:3, Titus 1:7). Clear and powerful advice about it can be found in the New Testament scriptures.

But nowhere in the Holy Bible do we find that they were given any special robes or symbols of authority including a crown and a scepter.

But when the Old Testament priesthood was ordained by the heavenly God for the literal Israel, had special arrangements and priestly clothing for worship. Moreover, many times in the scriptures it was written clearly and precisely, that how and where to make it; when and how it should be used, and what rules the old Testament worship should have. (Exodus 28:15; 29:30, Leviticus, Numbers)

But it was not mentioned about such arrangements in the New Testament Church in the Holy Bible even with a single word.

It is a truth that there were no priestly succession of Peter the Apostle, no special consecrations or enthronements for Popes or Patriarchs in the early centuries;

No one can find any reference to such crowning ceremonies or coronation ceremonies in the Bible or in contemporary historical records. The Christian Church did not even have a unified supreme leader in the early centuries.

Peter the Apostle, who is said to be the first Pope and the first Patriarch by various churches, testifies that he was only a fellow elder like other elders.

See what Peter himself wrote about it.

"Let the elders among you be a fellow-elder of Christ

As a witness of suffering and a companion of glory to be revealed, I exhort: Feed the flock of God in your trial" (1 Peter 5:1-2).

The central theme of the Bible, the Word of God, from the book of Genesis, is the great sacrifice of Jesus Christ for the remission of sins and the formation of the Christian Church;

If, as the Episcopal Churches say, the Christian Church need special priestly arrangement similar to the Old Testament priesthood or succession to the throne of Peter, consider why even Paul the Apostle, who wrote the Thirteen Epistles; Peter the Apostle, whom the Episcopal churches call the first Pope, the first Patriarch, etc., did not say a word about it.

The Christian Church had presidents. It was only the spiritual leadership of each regional church. But they were not sitting crowned on the golden throne like today.

to be continued.....



You brother in Christ,

Skariah. D. Varghese
Vazhoor.

*PLEASE SHARE THIS ARTICLE*

[ Translated by Sumi Skariah ]

Visit the page below to read previous chapters

https://www.facebook.com/profile.php?id=100090203540842&mibextid=ZbWKwL

പെന്തെക്കോസ്ത് എന്താണ് എന്ന് സാധാരണക്കാരനു മനസ്സിലാക്കി കൊടുക്കുക എന്ന താൽപര്യത്തോടെ ...

26/03/2023

*ആരാണ് പെന്തെക്കോസ്തുകാർ ?*

*എന്താണ് അവരുടെ പൈതൃകം ?*

അധ്യായം : 5

*എന്തു കൊണ്ടാണ് പെന്തെക്കോസ്തുകാർ മറ്റ് ഇതര ക്രൈസ്തവർ ചെയ്യുന്നതു പോലെ വിഗ്രഹങ്ങളെ ( രൂപങ്ങൾ ) വണങ്ങാത്തത്* ? Part :1

എപ്പിസ്കോപ്പൽ സഭകളിൽ ക്രിസ്തുവിന്റെതെന്നും - വിശുദ്ധൻമാരുടെത് എന്നും വിശ്വസിക്കപ്പെടുന്ന നിരവധി രൂപങ്ങളും ചിത്രങ്ങളും നമുക്ക് കാണാം . വിശ്വാസികൾ അതിനെ വണങ്ങുകയും അവയോട് തങ്ങളുടെ ആവശ്യങ്ങൾ പറയുകയും ചെയ്യുന്നത് സർവ്വ സാധാരണമാണ് .

പെന്തെക്കോസ്തു ഭവനങ്ങളിലും ആരാധന ആലയങ്ങളിലും അത്തരം രൂപങ്ങൾ കാണാത്തതിന് കാരണം അവർ വിശ്വസിക്കുന്ന ബൈബിൾ അത്തരം രൂപങ്ങളെ വണങ്ങുന്നതിൽ നിന്നും അവരെ കർശനമായി വിലക്കുന്നു എന്നതാണ് .

വിഗ്രഹാരാധന എന്നാൽ എന്താണ് ?

ബൈബിളിൽ, വിശേഷാൽ പുതിയ നിയമത്തിൽ അതിനെ പറ്റി എന്ത് പറയുന്നു ? നമുക്ക് ഒന്ന് പരിശോധിക്കാം.

തിരുവചന ഭാഗം ശ്രദ്ധിക്കുക ;

1 കൊരിന്ത്യർ 10:7

" ജനം തിന്നുവാനും കുടിപ്പാനും ഇരുന്നു, കളിപ്പാൻ എഴുന്നേറ്റു”
എന്ന് എഴുതിയിരിക്കുന്നപ്രകാരം അവരിൽ ചിലരെപ്പോലെ നിങ്ങൾ വിഗ്രഹാരാധികൾ ആകരുത് "

പഴയ നിയമത്തിലെ അക്ഷരീക യിസ്രായേലുമായി ബന്ധപ്പെട്ട ചില ചരിത്ര സംഭവങ്ങളെ പറ്റി ദൃഷ്ടാന്തമായി പത്താം അധ്യായത്തിൽ അപ്പോസ്തോലൻ വിശദീകരിച്ച ശേഷം ശ്ലീഹ ഇവിടെ വിഗ്രഹാരാധനയെ കർശനമായി വിലക്കുന്നു .

അക്ഷരീക യിസ്രായേലിന്റെ ചരിത്രം പരിശോധിച്ചാൽ ദൈവിക കരുതലിനെ നേരിട്ട് അനുഭവിച്ചവരാണ് എങ്കിലും അവരിൽ പലരും പല സന്ദർഭങ്ങളിലും സത്യ ദൈവം ഏറ്റവും അധികം വെറുക്കുന്ന കൊടിയ പാപമായ വിഗ്രഹാരാധനയിലേക്ക് വഴുതി പോയതായും അതിന്റെ തിക്ത ഫലങ്ങൾ അവർ അനുഭവിച്ചതായും നമുക്ക് വ്യക്തമായി തന്നെ മനസ്സിലാക്കാം .

എന്താണ് വിഗ്രഹാരാധന എന്ന് നമുക്ക് കൃത്യമായി മനസ്സിലാക്കണം എങ്കിൽ പഴയ നിയമ തിരുവെഴുത്തുകളെയും - പ്രത്യേകാൽ അക്ഷരീക യിസ്രയേൽ ജനതയുമായി ബന്ധപ്പെട്ടു നടന്ന ചരിത്ര സംഭവങ്ങളെയും നമുക്ക് ആശ്രയിക്കേണ്ടി വരും .

കാരണം പഴയ നിയമ യിസ്രയേലിന്റെ വീഴ്ചയുടെ ചരിത്രം തിരുവചനത്തിൽ രേഖപ്പെടുത്തിയിരിക്കുന്നതിന്റെ പ്രധാന ഉദ്ധേശം ; യിസ്രയേലിന്റെ ചരിത്രത്തിൽ നിന്നും ക്രിസ്തീയ സഭ ഗുണപാഠം പഠിക്കേണ്ടതിനും നാമും അവരെപ്പോലെ തെറ്റുകളിൽ അകപ്പെട്ടു പോകാതിരിക്കേണ്ടതിനും ആണ് .

തിരുവെഴുത്ത് ശ്രദ്ധിക്കുക ;

1 കൊരിന്ത്യർ 10 : 11

*ഇതു ദൃഷ്ടാന്തമായിട്ടു അവർക്കു ( യിസ്രയേൽ ജനതയ്ക്ക് ) സംഭവിച്ചു, ലോകാവസാനം വന്നെത്തിയിരിക്കുന്ന നമുക്കു ബുദ്ധ്യുപദേശത്തിന്നായി എഴുതിയുമിരിക്കുന്നു*.

പുറപ്പാട് പുസ്തകം 32-ാം അധ്യായത്തിലേയ്ക്ക് വരുമ്പോൾ പ്രവാചകനായ മോശ ദൈവീക കല്പന പ്രകാരം ന്യായപ്രമാണം ഏറ്റു വാങ്ങേണ്ടതിന് പർവ്വതത്തിലേക്ക് കയറുന്നു. ദിന രാത്രങ്ങൾ പലതു കഴിഞ്ഞിട്ടും മോശ തിരികെ വന്നില്ല . നാൽപ്പതു ദിവസത്തോളം യഹോവയാം ദൈവത്തോട് ഒപ്പം മോശ പർവ്വതത്തിൽ കഴിച്ചു കൂട്ടി .

മോശയുടെ അസാന്നിധ്യത്തിൽ പരിഭ്രാന്തരായ യിസ്രായേൽ ജനം അവരുടെ ഉപ നേതാവായ അഹരോന്റെ അടുക്കൽ ചെന്ന് തങ്ങൾക്ക് ഒരു ദൈവത്തെ ഉണ്ടാക്കി തരണം ( പുറപ്പാട് 32 : 1 - 2 ) എന്ന് ആവശ്യപ്പെടുന്നു . പിന്നീട് നടക്കുന്നത് അവരുടെ ചരിത്രത്തിലെ ഏറ്റവും വേദനാ ജനകമായ രംഗങ്ങളാണ് .

അഹരോൻ ജനത്തിന്റെ ആഗ്രഹം പോലെ അവർ നൽകിയ സ്വർണ്ണാഭരണങ്ങൾ ഉപയോഗിച്ച് ഒരു കാളക്കുട്ടിയുടെ രൂപം ഉണ്ടാക്കി അതിന് യഹോവ എന്നു തന്നെ പേരിട്ട് ജനത്തിന് നൽകി . മിസ്രയിമിൽ നിന്നും തങ്ങളെ രക്ഷിച്ചു കൊണ്ടുവന്ന യഹോവയായ ദൈവത്തിന് ഉത്സവം എന്ന് പറഞ്ഞ് യിസ്രായേൽ മക്കൾ കാളക്കുട്ടിയുടെ മുൻപിൽ തുള്ളിച്ചാടി .

പത്തു കല്പനകളിൽ രണ്ടാം കല്പന തന്നെ ലംഘിച്ച ആ ജനതയുടെ മേൽ ദൈവ ക്രോധം പെയ്തിറങ്ങിയതായിട്ടാണ് പിന്നീടുള്ള വാക്യങ്ങളിൽ നിന്നും നാം മനസ്സിലാക്കുന്നത് .

വിഗ്രഹത്തെ ആരാധിക്കരുത് എന്നു പറഞ്ഞാൽ ബൈബിൾ എന്താണ് ഉദ്ധേശിക്കുന്നത് എന്ന് ഈ ചരിത്ര സംഭവത്തിൽ നിന്നു തന്നെ നമുക്ക് വേഗത്തിൽ മനസ്സിലാക്കുവാൻ കഴിയും .

ശ്രദ്ധിക്കുക:
യിസ്രായേൽ കാളക്കുട്ടിയെ ഉണ്ടാക്കിയിട്ട് ആ കാളക്കുട്ടിക്ക് തങ്ങൾ മുൻപ് കണ്ടു പരിചയിച്ച ഏതെങ്കിലും ജാതീയ ദേവന്റെ പേരിടുകയല്ല ചെയ്തത്, മറിച്ച് അവർ ആ കാളക്കുട്ടിക്ക്
" യഹോവ " എന്ന പേരു തന്നെയാണ് നൽകിയത്. .യഹോവയ്ക്ക് ഉത്സവം എന്നു പറഞ്ഞു തന്നെയാണ് അവർ യാഗം അർപ്പിച്ചതും .

പക്ഷെ യഹോവയായ ദൈവം ഒരിക്കലും വ്യവസ്ഥ തെറ്റിച്ചു നടത്തിയ ആ ആരാധനയെ അംഗീകരിക്കുവാൻ തയ്യാറായില്ല എന്നു മാത്രം .

നമ്മുടെ നാട്ടിൽ ഒരു പറച്ചിലുണ്ടല്ലോ
" മാർഗ്ഗമേതായാലും ലക്ഷ്യം നന്നായാൽ മതി " എന്ന് . എന്നാൽ ദൈവീക വിഷയങ്ങളിലേക്ക് വരുമ്പോൾ ലക്ഷ്യം മാത്രം നന്നായാൽ പോര ; ലക്ഷ്യവും - അതിനായി സ്വീകരിക്കുന്ന മാർഗ്ഗവും ഒരുപോലെ ദൈവീക വ്യവസ്ഥ പ്രകാരം തന്നെയായിരിക്കണം . അക്ഷരീക യിസ്രായേൽ ജനത തങ്ങളെ മിസ്രയിമി ൽ നിന്നും രക്ഷിച്ചു കൊണ്ടുവന്ന യഹോവയെ ആരാധിക്കുക എന്ന ലക്ഷ്യത്തിൽ തന്നെയാണ് കാളക്കുട്ടിയെ ഉണ്ടാക്കിയതും അതിന് യഹോവ എന്ന പേര് ഇട്ട് ആരാധിച്ചതും . പക്ഷെ ബൈബിളിലെ ഏക സത്യ ദൈവം അതിനെ അംഗീകരിക്കുവാൻ തയ്യാറായില്ല എന്നതാണ് വസ്തുത .

കാരണം യഹോവയായ ദൈവം തന്റെ സൃഷ്ടികളോട് തന്നെ സദൃശ്യമാക്കുന്നതിനെ അംഗീകരിക്കുവാൻ തയ്യാറല്ല .

തിരുവെഴുത്ത് ശ്രദ്ധിക്കുക .

റോമർ 1 : 23 - 24

" അക്ഷയനായ ദൈവത്തിന്റെ തേജസ്സിനെ അവർ ക്ഷയമുള്ള മനുഷ്യൻ, പക്ഷി, നാൽക്കാലി, ഇഴജാതി എന്നിവയുടെ രൂപസാദൃശ്യമായി മാറ്റിക്കളഞ്ഞു " .

തുടരും .....

-By -

ക്രിസ്തുവിൽ എളിയ സഹോദരൻ,

സ്കറിയ . ഡി . വർഗീസ്
വാഴൂർ .

*PLEASE SHARE THIS ARTICLE*

[ മുൻ അധ്യായങ്ങൾ ആവശ്യമുള്ളവർക്ക് അയച്ചു തരുന്നതാണ് : അതത് അധ്യായങ്ങളുടെ English പരിഭാഷ / Audio version എന്നിവയും ലഭ്യമാണ് . വിശദീകരണം ആവശ്യമുള്ളവർ /പ്രോത്സാഹനം / വിമർശനം / ഖണ്ഡനം എന്നിവ ഉള്ളവരും ബന്ധപ്പെടുക Mob / Whats App No : 980 980 77 52. OR 90 74 14 91 93 ]

To read previous chapters 👇

https://m.facebook.com/story.php?story_fbid=139461379070646&id=100090203540842&mibextid=Nif5oz