19/05/2026
*_ആത്മസമർപ്പണ്ണത്തിൻ്റെയും ദീർഘവീക്ഷണത്തോടെയുള്ള ആത്മീയ പ്രവർത്തനങ്ങളുടെയും ഫലം : പാസ്റ്റർ റെജി ജോൺ ഇനി അസംബ്ലീസ് ഓഫ് ഗോഡ് സമൂഹത്തിലെ അംഗീകൃത ശുശൂഷകൻ_*
അസംബ്ലീസ് ഓഫ് ഗോഡ് മലയാളം ഡിസ്ട്രിക്റ്റിൻ്റെ ഓഡിനേഷൻ ശ്രുശൂഷയിൽ ഓഡിനേഷൻ ലഭിച്ച തൃക്കണ്ണമംഗൽ എ.ജി സഭാംഗവും നെല്ലിക്കുന്നം എ.ജി സഭയുടെ ശ്രുശൂഷകനുമായിരിക്കുന്ന പാസ്റ്റർ റെജി ജോണിന് അഭിനന്ദനങ്ങൾ.
വിദേശത്തെ ജോലി ഉപേക്ഷിച്ച് വിളിച്ച ദൈവത്തെ പ്രഘോഷിക്കാനുള്ള തീരുമാനം എത്തിച്ചത് നല്ലീല എന്ന ഗ്രമീണ പ്രദേശത്തെ പുലിയില എന്ന സ്ഥലത്ത്. താരതമ്യനേ പെന്തക്കോസ്ത് സമൂഹത്തിന് വേരോട്ടം ഇല്ലാത്ത ഒരിടം. പക്ഷെ പാസ്റ്റർ റെജി ജോണിൻ്റെയും കുടുംബത്തിൻ്റെയും പ്രാർത്ഥനയുടെയും നിരന്തര പ്രവർത്തനത്തിൻ്റെയും ഫലമായി അവിടെ ഒരു കൂട്ടായ്മ ഉടലെടുത്തു. അധികം വൈകാതെ സഭയ്ക്കായ് സ്ഥലവും അതിൽ മനോരഹമായ ആരാധന ആലയവും അവിടെയുണ്ടായി. പീന്നീട് മാതൃ സംഘടനയായ അസംബ്ലീസ് ഓഫ് ഗോഡിലേയ്ക്ക് വരുക എന്നത് അദ്ദേഹത്തിൻ്റെ വല്യ ആഗ്രഹവും പ്രാർത്ഥനയുംമായിരുന്നു. പ്രാർത്ഥനയ്ക് മറുപടിയെന്നവണ്ണം എ ജി സമൂഹത്തിലേയ്ക്കുള്ള വാതിൽ ദൈവം തുറന്നുകൊടുത്തു. നിയോഗമായി ലഭിച്ചത് നെല്ലിക്കുന്നം എന്ന പ്രദേശം. പെന്തകോസ്തിൻ്റെ ഈറ്റില്ലം എന്നറിയപ്പെടുന്ന തൃക്കണ്ണമംഗലിനോട് ചേർന്നു കിടക്കുന്ന സ്ഥലമാണെങ്കിലും എ.ജി സമൂഹത്തിന് പറയാൻ ഒരു അംഗീകൃത കൂട്ടായ്മ നെല്ലിക്കുന്നത് ഇല്ലായിരുന്നു. പാസ്റ്റർ റെജി ജോണിനും കുടുംബത്തിനും ലഭിച്ച ദൈവീക നിയോഗ പ്രകാരം അവിടെ പ്രവർത്തന ചുമതല ഏറ്റെടുത്തു. നിരന്തര പ്രാർത്ഥനയുടെയും, ഉപവാസത്തിൻ്റെയും പരിണീത ഫലം എന്ന പോലെ എ.ജി സമൂഹത്തിന് നെല്ലിക്കുന്നത്ത് ഒരു അംഗീകൃത സഭയിലേയ്ക്ക് ദൈവം മാനിച്ചു. സഭയുടെ വാർഷിക കൺവഷനുകൾ, ഉപവാസ പ്രാർത്ഥനകൾ, മറ്റു ക്രിസ്തീയ സംഘടനകളോട് ചേർന്ന് പരസ്യ യോഗങ്ങൾ ഒക്കെ ആ സഭയുടെ നേതൃത്വത്തിൽ നടക്കുന്നു എന്നത് ഏറെ അഭിമാനകരമാണ്.
ക്രിസ്തീയ ശുശ്രൂഷയുടെ മറ്റൊരു തലത്തിലേയ്ക്ക് ഉയർത്തപ്പെട്ട പ്രിയ റെജി പാസ്റ്റർക്ക് അനുമോദനകൾ.
ഇനിയും ദൈവരാജ്യത്തിൻ്റെ പുരോഗതിയ്ക്കായി, അനേകം ആത്മക്കളുടെ വീണ്ടെടുപ്പിൻ്റെ ചാലകമായി സർവ്വശക്തനായ ദൈവം ഉപയോഗിക്കട്ടെ എന്ന് പ്രാർത്ഥിക്കുന്നു.