29/05/2026
ഷെവലിയാർ കമാൻഡർ ബാർ ഈത്തോ ശാരിറോ ടി.യു. കുരുവിളയുടെ സംസ്കാരം മെയ് 31 ഞായറാഴ്ച ഉച്ചക്ക് 2 മണിക്ക്
കോതമംഗലം : മുന്മന്ത്രിയും, കേരള കോണ്ഗ്രസ് നേതാവുമായ ചേലാട് തോമ്പ്രയിൽ ഷെവലിയാർ കമാൻഡർ ബാർ ഈത്തോ ശാരിറോ ടി.യു. കുരുവിള (90) അന്തരിച്ചു. മെയ് 12ന് ആണ് ശ്വസതടസം അടക്കമുള്ള പ്രശ്നങ്ങളെ തുടര്ന്ന് കുരുവിളയെ കൊച്ചി ആസ്റ്റര് മെഡിസിറ്റി ആശുപത്രിയില് പ്രവേശിപ്പിച്ചത്.
വി.എസ്. അച്യുതാനന്ദന് മന്ത്രിസഭയില് പൊതുമരാമത്ത് വകുപ്പ് മന്ത്രിയായിരുന്നു. 2006, 2011 വര്ഷങ്ങളില് കോതമംഗലത്ത് നിന്നും തുടര്ച്ചയായി നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്. നിലവില് കേരള കോണ്ഗ്രസ് ജോസഫ് വിഭാഗത്തിന്റെ വൈസ് ചെയര്മാനാണ്. മഞ്ഞനിക്കര ദയറ അഡ്മിനിസ്ട്രേറ്റീവ് കമ്മിറ്റി അംഗം, യാക്കോബായ സുറിയാനി സഭയുടെ എഡ്യുക്കേഷൻ ട്രസ്റ്റ് സെക്രട്ടറി എന്നീ നിലകളിൽ സേവനം ചെയ്തിട്ടുണ്ട്. സംസ്കാരം ഞായറാഴ്ച ഉച്ചക്ക് 2 മണിക്ക് ചേലാട് സെന്റ് സ്റ്റീഫൻസ് ബെസ് അനിയാ വലിയ പള്ളിയിൽ.
ആദരാഞ്ജലികൾ
