29/01/2016
-e-Juma
Zikr-e-Ilahi (Allah ki yaad) by Janab Shakir Mirza Sahab
.................................
Allah sari qaynat ka hakim, khaliq or raziq he ye hamara iman or aqeeda he. Hum ise dil se tasleem karte he..
Isliye hamari zimmedari he ki hum apne m'abood e haqeeqi ka zikr kare uski yad ko apne dilo me basaye . Allah ne kasrat se zikr karne ka hukm taqeed ke sath diya he. is huqe ko ada karne se hamare dilo ko sukoon hansil hoga hamare liye kamyabi magfirat or nijat ka zariaa banega.
Zis tarah insan ko zinda rahne ke liye sans ke lene ki zaroorat he usi tarah iman ki tazgi ke liye allah ki yad zaroori he.
Zikr karne wale insan ki misal zinda ki he or zikr se gafil insan ki misal murda ki he. Zikr ki ahmiyat islam me bunyadi he.
Lekin hame zikr ko samjhne ki zaroorat he. Allah ki yad se murad sirf tasbeehat hi he ya or kuchh or bhi he..
Hazrat tasbeehat ki apni ahmiyat he in zikro azkar se hume apne nafs ki p**i hasil hoti he inke vird se ajr milta he. Magar sirf alfaz ka vird ho, nahi hame is se age badna he, hame inhe samjhna he, hamari rooh or akhaq ko munawwar karna he to mukammal allah ko yad rakhna hoga, allah ke har hukm ka paband hona hoga.
Zikr ka sahi mafhoom yahi he ki allah ki muhabbat mal or aulad se zyada ho. Be chu chara uski ita'at ki jaye. Phir hamari namaz hamari tilawat e qur'an hamari tasbihat masnoon duae hame buriyo badkariyo se rokne wali hogi or hum nek aamal karne wale banege. Hamare liye qurb e ilahi ka zariya banegi.
Aj sabse zyada zaroorat is bat ki he ki hum islam ko samjhe apne iilm, amal or fikr ko qur'an o sunnat ke mutabiq banaye ... taki hum allah ko pahchan sake or uski yad ko apne seeno dilo me basa sake.
Allah hame zakiro me shumar kare.
