15/10/2025
ഏതാനും വർഷങ്ങളായി നവരാത്രികാലത്ത് ഉപദേവതയായ ദുർഗ്ഗാ പ്രതിഷ്ഠക്ക് മുമ്പിൽ വെച്ച് നടത്തിവരുന്ന ശക്തിപൂജകളിൽ നാലാമത്തെ പൂജയായ "സർവ്വേശ്വരി പൂജ" ഈ വരുന്ന ഒക്ടോബർ 19 ഞായറാഴ്ച്ച (1201 തുലാമാസം 2) രാവിലെ 8:45ന് കോമംഗലം ശിവക്ഷേത്രത്തിൽവെച്ച് നടത്തുന്നു.
2022 ൽ നടത്തിയ മംഗല്യ പൂജയിലും (കാളീസങ്കല്പം) , 2023 ൽ നടത്തിയ സർവൈശ്വര്യ പൂജയിലും (ലക്ഷ്മീസങ്കല്പം), 2024 ൽ നടത്തിയ മഹാസരസ്വതി പൂജയിലും (സരസ്വതീസങ്കല്പം) പങ്കെടുത്ത ഭക്തർക്ക് ഏറെ അഭീഷ്ടഫലങ്ങൾ ലഭിച്ചതായി അറിയിച്ചിട്ടുണ്ട് . ഈ വർഷത്തെ ദുർഗ്ഗാസങ്കൽപ്പത്തിലുള്ള പൂജ സർവ്വൈശ്വര്യത്തിനും സർവ്വദുരിതനിവാരണത്തിനും വേണ്ടിയുള്ളതാണ്.
രാവിലെ ഭഗവതിക്ക് വിശേഷാൽ പൂജക്കുശേഷം ഭക്തർ കൂടി പങ്കെടുത്ത് മുന്നിലുള്ള നിലവിളക്കിലേക്ക് ആചാര്യൻ ചൊല്ലിത്തരുന്ന ദുർഗ്ഗാഷ്ടകം ജപിച്ച് പുഷ്പാർച്ചന ചെയ്യുന്ന രീതിയിലാണ് പൂജയുണ്ടാകുക. ഭഗവതോത്തമൻ ബ്രഹ്മശ്രീ വടശ്ശേരി ശങ്കരനാരായണൻ (ഹരി) നമ്പൂതിരിയാണ് ആചാര്യൻ.
250 രൂപയാണ് പൂജയിൽ പങ്കെടുക്കേണ്ടവർ നൽകേണ്ടത്. വിളക്ക്, അർച്ചനാപുഷ്പങ്ങൾ എന്നിവ ക്ഷേത്രത്തിൽനിന്ന് ലഭിക്കും.
ഈ പൂജയിൽ പങ്കെടുക്കാൻ എല്ലാ ഭക്തജനങ്ങളോടും അഭ്യർത്ഥിക്കുന്നു.
പൂജ നേരത്തെ ബുക്ക് ചെയ്യേണ്ടതാണ് . ബുക്കിങ്ങിന് ബന്ധപ്പെടുക :
+91 9567759819.
