Mar Philexinos Orthodox Valiyapally, Attachakkal

Mar Philexinos Orthodox Valiyapally, Attachakkal ATTACHACKAL VALIYAPALLY

അട്ടചാക്കൽ മാർ പിലെക്സിനൊസ് ഓർത്തഡോൿസ്‌ വലിയപള്ളി


മാബൂഗിലെ മഹാ പരുശുദ്ധനായ മാർ പിലെക്സിനൊസ് പിതാവിന്ന്റെ നാമത്താൽ സ്ഥാപിതമായ മലങ്കര സഭയിലെ പ്രഥമ ദേവാലയം. 108 വർഷങ്ങൾകുമുന്പ് അട്ടചാക്കൽ പ്രദേശത്ത് വിശാസികൾകായി സ്ഥാപിക്കാപെട്ടതും പ്രദേശത്തെ മാതൃ ദേവാലയവുമാണ്. ദേശത്തിലെ നാനാജാതി മതസ്ഥർകും ഒരുപോലെ ആശ്വാസവും ആശ്രയവുമാണ് ഈ പരിശുദ്ധ ദേവാലയം. ആബീലരുടെ ആശ്രയമായ മാർ പിലെക്സിനൊസ് ബാവ ദേവാലയത്തിൽ കടന്നു വരുന്ന വിശ്വാസി സമുഹങ്ങൾക് എന്നും തുണയാണ്.

350 കുടുംബങ്ങൾ നിലവിൽ അഗംങ്ങളായി ദേവാലയത്തിൽ ഉണ്ട്. മലങ്കര ഓർത്തഡോൿസ്‌ തുമ്പമണ്‍ ഭദ്രസനതിന്റെ കീഴിലെ പുരാതനമായ ഒരു ഇടവകയാണ് ഈ ദേവാലയം. മലങ്കര സഭയോടും പരിശുദ്ധ സുന്നഹധോസിന്നോടും മാര്ത്തോമ സിംഹാസനത്തിൽ വാണരുളുന്ന പരുശുദ്ധ കാതോലിക്ക ബാവ തിരുമേനിയോടും വലിയ ബാവ തിരുമേനിയോടും എന്നും കൂറും വിശ്വാസവും പുലർത്തുവാൻ സാധിക്കുന്നു.

വി. ദൈവമാതാവിന്റെ വാങ്ങിപ്പ് പെരുന്നാൾ'"ശുദ്ധമുള്ള ശൂനോയോ പെരുന്നാൾ"വിശുദ്ധ സഭ ഇന്ന് വിശുദ്ധ ദൈവ മാതാവിന്റെ വാങ്ങിപ്പ്...
15/08/2026

വി. ദൈവമാതാവിന്റെ വാങ്ങിപ്പ് പെരുന്നാൾ'
"ശുദ്ധമുള്ള ശൂനോയോ പെരുന്നാൾ"

വിശുദ്ധ സഭ ഇന്ന് വിശുദ്ധ ദൈവ മാതാവിന്റെ വാങ്ങിപ്പ് പെരുന്നാൾ ഭക്തി ആദരവോടു കൂടെ കൊണ്ടാടുന്നു .. വിശുദ്ധ ദൈവമാതാവിന്റെ പ്രാർഥന നമുക്ക് കോട്ട ആയിരിക്കട്ടെ

കർത്താവെ നിന്റെ മാതാവിന്റെ നിര്യാണ സമയത്ത് മാലാഖമാരുടെയും , നിബിയന്മാരുടെയും ശ്ലീഹേന്മാരുടെയും, സഹദേന്മാരുടെയും , പൂർവ പിതാക്കന്മാരുടെയും സകല പരിശുദ്ധന്മാരുടെയും കൂട്ടത്തോടു കൂടി അവിടുന്ന് എഴുന്നള്ളി വിശുദ്ധ മാതാവിന്റെ ആത്മാവിനെ ശരീരത്തോടു കൂടി ബഹുമാനതോടെ സ്വർഗത്തിലേക്ക് കൈകൊണ്ടതുപോലെ ഞങ്ങളുടെ പ്രാർത്ഥനകളും, നോമ്പുകളും , നമസ്കാരങ്ങളും കൃപയോടെ ദർശിച്ചു കൈകൊള്ളണമേ, ആയവ നിന്റെ മഹിമാസനത്തിങ്കൽ സുഗന്ധ വർഗ്ഗങ്ങളായിഭവിക്കേണമേ. നിന്നിൽ നിന്ന് ഞങ്ങളെ അകറ്റുന്ന സാത്താനും സൈന്യവും ഭയപെട്ടു ലജ്ജിച്ചു പിന്തിരിഞ്ഞു പോകുമാറാകേണമേ. ഞങ്ങൾ നിനക്കും നിന്റെ ജനകനാം പിതാവിന്നും പരിശുദ്ധ റൂഹായ്ക്കും സ്തുതിയും , സ്തോത്രവും ഇടവിടാതെ അർപ്പിക്കുവനയിട്ടു തന്നെ .. ആമ്മീൻ.🙏🙏💐

വി. ദൈവമാതാവിന്റെ വാങ്ങിപ്പ് പെരുന്നാൾ'"ശുദ്ധമുള്ള ശൂനോയോ പെരുന്നാൾ"വിശുദ്ധ സഭ ഇന്ന് വിശുദ്ധ ദൈവ മാതാവിന്റെ വാങ്ങിപ്പ്...
14/08/2026

വി. ദൈവമാതാവിന്റെ വാങ്ങിപ്പ് പെരുന്നാൾ'
"ശുദ്ധമുള്ള ശൂനോയോ പെരുന്നാൾ"

വിശുദ്ധ സഭ ഇന്ന് വിശുദ്ധ ദൈവ മാതാവിന്റെ വാങ്ങിപ്പ് പെരുന്നാൾ ഭക്തി ആദരവോടു കൂടെ കൊണ്ടാടുന്നു .. വിശുദ്ധ ദൈവമാതാവിന്റെ പ്രാർഥന നമുക്ക് കോട്ട ആയിരിക്കട്ടെ

കർത്താവെ നിന്റെ മാതാവിന്റെ നിര്യാണ സമയത്ത് മാലാഖമാരുടെയും , നിബിയന്മാരുടെയും ശ്ലീഹേന്മാരുടെയും, സഹദേന്മാരുടെയും , പൂർവ പിതാക്കന്മാരുടെയും സകല പരിശുദ്ധന്മാരുടെയും കൂട്ടത്തോടു കൂടി അവിടുന്ന് എഴുന്നള്ളി വിശുദ്ധ മാതാവിന്റെ ആത്മാവിനെ ശരീരത്തോടു കൂടി ബഹുമാനതോടെ സ്വർഗത്തിലേക്ക് കൈകൊണ്ടതുപോലെ ഞങ്ങളുടെ പ്രാർത്ഥനകളും, നോമ്പുകളും , നമസ്കാരങ്ങളും കൃപയോടെ ദർശിച്ചു കൈകൊള്ളണമേ, ആയവ നിന്റെ മഹിമാസനത്തിങ്കൽ സുഗന്ധ വർഗ്ഗങ്ങളായിഭവിക്കേണമേ. നിന്നിൽ നിന്ന് ഞങ്ങളെ അകറ്റുന്ന സാത്താനും സൈന്യവും ഭയപെട്ടു ലജ്ജിച്ചു പിന്തിരിഞ്ഞു പോകുമാറാകേണമേ. ഞങ്ങൾ നിനക്കും നിന്റെ ജനകനാം പിതാവിന്നും പരിശുദ്ധ റൂഹായ്ക്കും സ്തുതിയും , സ്തോത്രവും ഇടവിടാതെ അർപ്പിക്കുവനയിട്ടു തന്നെ .. ആമ്മീൻ.🙏🙏💐

ദൈവമാതാവിന്റെ പഴയനിയമ പ്രതിരൂപങ്ങള്‍.1. യാക്കോബ് ദര്‍ശിച്ച ഗോവണി.നിഴല്‍: യാക്കോബ് ‘ലൂസ്’ എന്നാ സ്ഥലത്ത് വച്ച് ഉറങ്ങുമ്പോ...
14/08/2026

ദൈവമാതാവിന്റെ പഴയനിയമ പ്രതിരൂപങ്ങള്‍.

1. യാക്കോബ് ദര്‍ശിച്ച ഗോവണി.

നിഴല്‍:

യാക്കോബ് ‘ലൂസ്’ എന്നാ സ്ഥലത്ത് വച്ച് ഉറങ്ങുമ്പോള്‍ ഒരു സ്വപ്നം കാണുന്നു. ഭൂമിയില്‍ നിന്ന് സ്വര്‍ഗ്ഗത്തോളം എത്തുന്ന ഒരു ഗോവണി. ദൈവദൂതന്മാര്‍ അതില്‍ക്കൂടി കയറുകയും ഇറങ്ങുകയും ചെയ്യുന്നു. (ഉല്‍പ്പ 28: 12). “അവന്‍ ഭയപ്പെട്ടു: ഈ സ്ഥലം എത്ര ഭയങ്കരം! ഇതു ദൈവത്തിന്റെ ആലയമല്ലാതെ മറ്റൊന്നല്ല; ഇതു സ്വര്‍ഗ്ഗത്തിന്റെ വാതില്‍ തന്നേ എന്നു പറഞ്ഞു”. (ഉല്‍പ്പ 28:17).

പൊരുള്‍:

പുത്രനാം ദൈവം ഭൂമിയിലേക്ക്‌ ഇറങ്ങുവാന്‍ മാധ്യമമാക്കിയത് വിശുദ്ധ കന്യകയെയാണ്. അതുകൊണ്ട് യാക്കോബ് ദര്‍ശിച്ച ഗോവണി വിശുദ്ധ കന്യകയുടെ പ്രതീകമാണ്. കര്‍ത്താവ്‌ ഭൂമിയിലേക്ക്‌ എഴുന്നള്ളാന്‍ മാര്‍ഗ്ഗമാക്കിയ വാതിലാണ് മറിയം.

2. തീയില്‍ എരിയാത്ത മുള്‍പ്പടര്‍പ്പ്.

നിഴല്‍:

ആടുകളെ മേയിച്ചുകൊണ്ടിരുന്നപ്പോള്‍ മോശയ്ക്ക് ഒരു മുള്‍പ്പടര്‍പ്പില്‍ ദൈവം പ്രത്യക്ഷനായി എന്ന് നാം വായിക്കുന്നു (പുറ 3:2). അഗ്നി എരിഞ്ഞിട്ടും മുള്‍പ്പടര്‍പ്പു കത്തി നശിക്കുന്നില്ല എന്നുള്ളത് ഒരു അത്ഭുത കാഴ്ചയായിരുന്നു.

പൊരുള്‍:

ഇവിടെ അഗ്നി പുത്രന്‍ തമ്പുരാനും മുള്‍പ്പടര്‍പ്പ് വിശുദ്ധ കന്യകയുമാണ്. അഗ്നിയായ ദൈവം (എബ്രാ 12:29) മറിയാമില്‍ ഇറങ്ങി വസിച്ചിട്ടും അത്ഭുതകരമായി അവള്‍ ദഹിച്ചുപോകുന്നില്ല! അവള്‍ കത്തി എരിഞ്ഞു പോകാതിരിപ്പാന്‍ അവന്റെ കരുണ അവളെ ആവരണം ചെയ്തു.

3. സാക്ഷ്യപ്പെട്ടകം.

നിഴല്‍:

മോശയോടു ദൈവം കല്‍പ്പിക്കുന്നു; “ഞാന്‍ തരുവാനിരിക്കുന്ന സാക്ഷ്യം (കല്പനകള്‍) പെട്ടകത്തില്‍ വെക്കേണം” (പുറ 25:16). മോശ കര്‍ത്താവിന്റെ കല്പനപ്രകാരം പത്തുകല്പനകള്‍ (ദൈവവചനം) അടങ്ങിയ ഫലകങ്ങള്‍ പെട്ടകത്തില്‍ നിക്ഷേപിക്കുകയും ചെയ്തു (എബ്രാ 9: 4).

പൊരുള്‍:

ക്രിസ്തുവാണ് ദൈവവചനം (യോഹ 1:1). ആ ദൈവവചനമായവന്‍ ഇറങ്ങി വസിച്ച പെട്ടകമാണ് മറിയം.

4. മന്നാ നിക്ഷേപിച്ച ചെപ്പ്.

നിഴല്‍:

“അഹറോനോട് മോശ: ഒരു പാത്രം എടുത്തു അതില്‍ ഒരു ഇടങ്ങഴി മന്നാ ഇട്ടു നിങ്ങളുടെ തലമുറകള്‍ക്കുവേണ്ടി സൂക്ഷിപ്പാന്‍ യഹോവയുടെ മുമ്പാകെ വച്ചുകൊള്‍ക എന്ന് പറഞ്ഞു’ (പുറ 16: 33). മന്ന സ്വര്‍ഗീയ ഭക്ഷണമാണ്.

പൊരുള്‍:

“യേശു അവരോടു : ആമേന്‍ ആമേന്‍ ഞാന്‍ നിങ്ങളോട് പറയുന്നു: സ്വര്‍ഗ്ഗത്തില്‍നിന്നുള്ള അപ്പം മോശയല്ല നിങ്ങള്‍ക്ക് തന്നത്, എന്റെ പിതാവത്രെ സ്വര്‍ഗ്ഗത്തില്‍ നിന്നുള്ള സാക്ഷാല്‍ അപ്പം നിങ്ങള്‍ക്ക് തരുന്നത്. ദൈവത്തിന്റെ അപ്പമോ സ്വര്‍ഗ്ഗത്തില്‍നിന്ന് ഇറങ്ങിവന്നു ലോകത്തിനു ജീവനെ കൊടുക്കുന്നതാകുന്നു എന്നു പറഞ്ഞു. ഞാന്‍ ജീവന്റെ അപ്പമാകുന്നു”. (യോഹ 6: 32, 33, 35). മന്നാ ജീവന്റെ അപ്പമാകുന്ന യേശുവിന്റെ പ്രതീകമാണ്. അങ്ങനെയെങ്കില്‍ സ്വര്‍ഗ്ഗീയ അപ്പത്തെ ഒന്‍പതുമാസം ഉദരത്തില്‍ ഉള്‍ക്കൊണ്ട മാതാവ് മന്നാ നിക്ഷേപിച്ച ചെപ്പിന്റെ പൊരുളാണ്.

5. അഹറോന്റെ തളിര്‍ത്ത വടി.

നിഴല്‍:

“പിറ്റെന്നാള്‍ മോശ സാക്ഷ്യകൂടാരത്തില്‍ കടന്നപ്പോള്‍ ലേവിഗൃഹത്തിന്നുള്ള അഹറോന്റെ വടി തളിര്‍ത്തിരിക്കുന്നത് കണ്ടു; അത് തളിര്‍ത്തു പൂത്തു ബദാം ഫലം കായ്ച്ചിരുന്നു” (സംഖ്യ 17:8).

പൊരുള്‍:

ഉണങ്ങിയ വടി സാധാരണയായി ഒരിക്കലും തളിര്‍ത്തു ഫലം കായ്ക്കുകയില്ല. അങ്ങനെ സംഭവിച്ചെങ്കില്‍ അത് ഒരു അത്ഭുതമാണ്. അപ്രകാരം കന്യക ഒരിക്കലും ഗര്‍ഭം ധരിക്കുകയില്ല. കന്യകയായ മറിയം ഗര്‍ഭം ധരിച്ചു ഒരു കുഞ്ഞിനെ പേറുന്നു. ഇത് മാഹാത്ഭുതമാകുന്നു! ജീവനില്ലാത്തതില്‍ നിന്ന് ജീവന്റെ സമൃദ്ധിയുണ്ടാകുന്നു. ഇത് മഹാത്ഭുതമാകുന്നു! അങ്ങനെ ആഹോരോന്റെ തളിര്‍ത്ത വടിയുടെ പൊരുളാകുന്നു കന്യകമറിയം.

6. ശലോമോന്റെ തിരശീല (ഉറുമാല്‍).

നിഴല്‍:

സമാഗമന കൂടാരത്തിലും അതുപോലെ ശലോമോന്റെ യെരുശലേം ദേവാലയത്തിലും അതിവിശുദ്ധ സ്ഥലത്തെയും മറ്റുള്ളവയെയും വേര്‍തിരിക്കാന്‍ ഒരു തിരശീല ഇട്ടിരുന്നു. (പുറ 26: 31; 2 ദിന 3:14). ഇതായിരുന്നു ദൈവത്തിന്റെ സാന്നിധ്യം സ്ഥിതി ചെയ്യുന്ന അതിവിശുദ്ധ സ്ഥലവും മറ്റു സ്ഥലങ്ങളും തമ്മിലുള്ള മറ.

പൊരുള്‍:

സര്‍വ്വശക്തനായ ദൈവം കന്യകയുടെ ഉദരത്തില്‍ ഇറങ്ങി വസിച്ചപ്പോള്‍ അവളുടെ ഉദരം അതിവിശുദ്ധ സ്ഥലമായിത്തീരുന്നു. ലോകത്തിനും ഈ അതിവിശുദ്ധ സ്ഥലത്തിനും മധ്യേയുള്ള തിരശീലയും അവള്‍ തന്നെ.

7. കെട്ടി അടച്ചിരിക്കുന്ന തോട്ടം.

നിഴല്‍:

“എന്റെ സഹോദരി, എന്റെ കാന്ത കെട്ടിയടച്ചിരിക്കുന്ന ഒരു തോട്ടം” (ഉത്തമ 4:12).

പൊരുള്‍:

നിത്യകന്യകയായ മറിയം കെട്ടിയടയ്ക്കപ്പെട്ട തോട്ടത്തിന്റെ പൊരുളാണ്. (മാതാവിന്റെ നിത്യകന്യാത്വത്തെക്കുറിച്ച് വചനാനുസൃതമായ അവലോകനം).

8. അടയ്ക്കപ്പെട്ട ദേവാലയ ഗോപുരം.

നിഴല്‍:

“യഹോവയുടെ തേജസ്സ് കിഴക്കോട്ട് ദര്‍ശനമുള്ള ഗോപുരത്തില്‍ക്കൂടി ആലയത്തിലേക്കു പ്രവേശിച്ചു. അപ്പോള്‍ യഹോവ എന്നോട് അരുളി ചെയ്തു: ഈ ഗോപുരം തുറക്കാതെ അടച്ചിരിക്കേണം; ആരും അതില്‍ക്കൂടി കടക്കരുത്; യിസ്രായേലിന്റെ ദൈവമായ യഹോവ അതില്‍ക്കൂടി അകത്തു കടന്നതുകൊണ്ട് അത് അടച്ചിരിക്കേണം” (എഹെ 43:4; 44:1).

പൊരുള്‍:

സൈന്യങ്ങളുടെ കര്‍ത്താവ് വന്നത് വിശുദ്ധ കന്യകയിലൂടെയാണ്. പിന്നെ ആരും അവളിലൂടെ ഭൂമിയിലേക്ക്‌ വന്നിട്ടില്ല. അവള്‍ നിത്യകന്യകയാണ്. അവളുടെ ഗര്‍ഭപാത്രം കര്‍ത്താവ് കടന്ന ശേഷം എന്നെന്നേക്കുമായി അടയ്ക്കപ്പെട്ടു. അതിനാല്‍ അവള്‍ അടയ്ക്കപ്പെട്ട ദേവാലയ ഗോപുരത്തിന്റെ പൊരുളാണ്.

9. കുഞ്ഞാടുണ്ടായ മരം.

നിഴല്‍:

അബ്രാഹം ഇസഹാക്കിനെ ബലി കഴിക്കാന്‍ സന്നിഹിധനായപ്പോള്‍ മാലാഖ അവനെ തടഞ്ഞു. അബ്രഹാം കാട്ടില്‍ അത്ഭുതകരമായി ഒരു ആട്ടു കൊറ്റനെ കാണുകയും അതിനെ ഇസഹാക്കിനു പകരം ബലി കൊടുക്കുകയും ചെയ്തു. (ഉല്‍പ്പ 22:13).

പൊരുള്‍:

പുതിയ നിയമത്തില്‍ എല്ലാര്‍ക്കും മറുവിലയായി ബലി അര്‍പ്പിക്കപ്പെടാനുള്ള കുഞ്ഞാടിനെ (ക്രിസ്തു) ജനിപ്പിച്ച മരമാണ് കന്യക മറിയം.

10. ജലം നല്‍കിയ തീക്കല്‍പ്പാറ.

നിഴല്‍:

മരുഭൂയില്‍ ദാഹിച്ചു ഉഴറിയ ഇസ്രായേല്‍ ജനത്തിനു ദൈവം ചുട്ടുപഴുത്ത മരുഭൂമിയിലെ പാറയില്‍ നിന്ന് വെള്ളം കൊടുക്കുന്നു (സംഖ്യ 20:10,11).

പൊരുള്‍:

തീക്കല്‍പ്പാറയില്‍ നിന്ന് വെള്ളം പുറപ്പെടുക എന്നത് ഒരു അത്ഭുതമാണ്. അതുപോലെ തന്നെ കന്യകയില്‍ നിന്ന് ഒരു ശിശു ജനിക്കുന്നതും മഹാത്ഭുതമാണ്. ക്രിസ്തുവാണ് യഥാര്‍ത്ഥ ജീവജലം. (യോഹ 7:37 ). ഈ ജീവജലത്തെ പുറപ്പെടുവിച്ച തീക്കല്‍പ്പാറയാണ് വിശുദ്ധ കന്യക മറിയം.

വിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ.പതിനഞ്ച് നോമ്പ് വീടൽ.നിര്‍ത്തീടരുതേ, മാതാവേഞങ്ങള്‍ക്കായുള്ളര്‍ത്ഥനയെഞങ്ങളിലാര...
14/08/2026

വിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ.
പതിനഞ്ച് നോമ്പ് വീടൽ.

നിര്‍ത്തീടരുതേ, മാതാവേ
ഞങ്ങള്‍ക്കായുള്ളര്‍ത്ഥനയെ
ഞങ്ങളിലാര്‍ദ്രത തോന്നീടാന്‍
ഏകാത്മജനോടര്‍ഥിക്ക ...

സകല തലമുറകളിലും വെച്ച് ഭാഗ്യങ്ങള്‍ക്ക്
യോഗ്യതയുള്ളവളും സ്തുതിക്കപെട്ടവളും നിത്യ
കന്യകയും ദൈവ മാതാവുമായ പരിശുദ്ധ കന്യക
മറിയാമേ, ഞങ്ങള്‍ അമ്മയുടെ മധ്യസ്ഥതയില്‍ അണയുന്നു.
അപേക്ഷിക്കുന്നവരെ ഉപേക്ഷിക്കാത്ത നാഥേ,
ഞങ്ങൾക്ക് വേണ്ടി അപേക്ഷിക്കേണമേ.
ഞങ്ങളുടെ പ്രാർത്ഥന കേട്ട് പുത്രനോട് ഞങ്ങൾക്ക്
വേണ്ടി അപേക്ഷിക്കേണമേ....

*ശൂനോയോ...*🛐 പരിശുദ്ധ പിതാക്കന്മാർ പരിശുദ്ധ ദൈവമാതാവിന് കൊടുക്കുന്ന മറ്റൊരു ശ്രേഷ്ഠമായ ഉപമയാണ് *ശ്ലെമ്മുന്റെ റൂമാലാകുന...
14/08/2026

*ശൂനോയോ...*🛐

പരിശുദ്ധ പിതാക്കന്മാർ പരിശുദ്ധ ദൈവമാതാവിന് കൊടുക്കുന്ന മറ്റൊരു ശ്രേഷ്ഠമായ ഉപമയാണ് *ശ്ലെമ്മുന്റെ റൂമാലാകുന്നു* എന്നുള്ളത്. ആരാധന ഗീതത്തിൽ നമ്മൾ ഇപ്രകാരം പാടുന്നു.

മന്നാ നിക്ഷേപിത ചെപ്പും
മുളപൂണ്ടോ രഹറോൻ വടിയും
ഉൾക്കോണ്ടോരു നിയമ പെട്ടി
ശ്ലെമ്മുൻ തൻ റൂമാലുമിവ..

ഉത്തമഗീതം 1:5 _യെരൂശലേംപുത്രിമാരേ, ഞാൻ കറുത്തവൾ എങ്കിലും കേദാര്യകൂടാരങ്ങളെപ്പോലെയും ശലോമോന്റെ തിരശ്ശീലകളെപ്പോലെയും അഴകുള്ളവൾ ആകുന്നു._ കേദാർ കൂടാരങ്ങൾ എന്ന് പറയുന്നത് കറുത്ത കോലാട്ടിൽ കുട്ടിയുടെ രോമം കൊണ്ട് ഉണ്ടാക്കിയിരിക്കുന്നത് ആയിരുന്നു. അതുകൊണ്ട് പുറമേ ഇത് കാണുവാൻ ഭംഗിയുണ്ടായിരുന്നില്ല. പുറമേ നോക്കുമ്പോൾ കറുത്ത കൂടാരവും, എന്നാൽ അതിനകത്തിരുന്നത് ശലോമോന്റെ അഴകുള്ള തിരശ്ശിലയാണ്. ശലോമോന്റെ തിരശ്ശില അത്രയ്ക്ക് മനോഹരമായിരുന്നു. പുറമേനിന്ന് കൂടാരത്തിൽ നോക്കുന്നവർക്ക് മനസ്സിലാകില്ല ഇങ്ങനെയൊരു തിരശ്ശീല ഉള്ളിൽ ഉണ്ട് എന്നത്. ഇങ്ങനെ ഒരു സാദൃശ്യം പിതാക്കന്മാർ മാതാവിന് നൽകുന്നു. പുറമേ നിന്ന് നോക്കുമ്പോൾ ഞാൻ കറുത്തവളാണ്. ഇവിടെ തൊലിയുടെ കറുപ്പ് അല്ല ഉദ്ദേശിക്കുന്നത്. ഈ കറുപ്പ് വിശേഷിപ്പിക്കുന്നത് അവൾക്ക് അപ്പനില്ല, അമ്മയില്ല, പന്ത്രണ്ടാം വയസ്സിൽ ഗർഭിണി, ജീവിതം മുഴുവൻ യാതന, അവസാനം തന്റെ മകന്റെ ചേതനയറ്റ ശരീരം മടിയിൽ കിടത്തി കാണേണ്ടി വന്ന അമ്മയുടെ ദുരവസ്ഥ, പിന്നീട് യോഹന്നാന്റെ കൂടെ താമസം. പുറമേനിന്ന് കറുത്തവൾ എന്ന് ജനംമുദ്രകുത്തി സ്ഥാപിച്ചപ്പോഴും ഉള്ളിൽ ശലോമോന്റെ തിരശ്ശീല പോലെ അഴകുള്ള വചനത്തെ പരിശുദ്ധാത്മാവ് താങ്ങി നിർത്തി. ഇതിനെ പിതാക്കന്മാർ പരിശുദ്ധ ദൈവമാതാവിനെ *ശ്ലെമ്മുൻ തൻ റൂമാൽ* എന്ന് വിശേഷിപ്പിക്കുന്നു.

"ശുദ്ധിമതിയായ ദൈവമാതാവേ!.... ഞങ്ങൾക്കുവേണ്ടിയുള്ള അപേക്ഷയെ നീ മുടക്കരുതേ...നിന്റെ ഏകപുത്രൻ ഞങ്ങൾ എല്ലാവരോടും കരുണ ചെയ്യാ...
13/08/2026

"ശുദ്ധിമതിയായ ദൈവമാതാവേ!.... ഞങ്ങൾക്കുവേണ്ടിയുള്ള അപേക്ഷയെ നീ മുടക്കരുതേ...
നിന്റെ ഏകപുത്രൻ ഞങ്ങൾ എല്ലാവരോടും കരുണ ചെയ്യാനായിട്ട് ഞങ്ങൾക്കുവേണ്ടി അപേക്ഷിക്കേണമേ. സ്വർഗ്ഗത്തിന്റെ വാതിലും, യാക്കോബിന്റെ കൂടാരവും, ദാവീദിന്റെ ഗോപുരവും, ജ്ഞാനത്തിന്റെ സിംഹാസനവുമായ പരിശുദ്ധ ദൈവമാതാവേ! ഞങ്ങൾക്കുവേണ്ടി അപേക്ഷിക്കേണമേ.!!!!"

അനുഗ്രഹീതയായ വിശുദ്ധ ദൈവമാതാവേ നിന്നോടുള്ള സ്നേഹത്താല്‍ ഞങ്ങളുടെ പാപത്തിന്റെ ഭാരം നാഥന്‍ നീക്കുമാറാകട്ടെ. ഞങ്ങളെ ന്യായവ...
11/08/2026

അനുഗ്രഹീതയായ വിശുദ്ധ ദൈവമാതാവേ നിന്നോടുള്ള സ്നേഹത്താല്‍ ഞങ്ങളുടെ പാപത്തിന്റെ ഭാരം നാഥന്‍ നീക്കുമാറാകട്ടെ. ഞങ്ങളെ ന്യായവിധിയിലേക്കു അയ്ക്കാതിരിക്കുന്നതിന് അമ്മേ നീ നിന്റെ പുത്രന്‍ മുമ്പില്‍ പ്രാര്‍ത്ഥിക്കണമേ. നിന്റെ പ്രാര്‍ത്ഥന ഞങ്ങള്‍ക്ക് ആശ്രയമാണ്. 🙏🏻

*15 നോമ്പ്*🙏 ദൈവമാതാവായ പരിശുദ്ധ കന്യകമറിയാമിന്റെ മധ്യസ്ഥതയാൽ അനുഗ്രഹീതമായ ഈ വിശുദ്ധ 15 നോമ്പ് ദിനങ്ങൾ ഏവരുടെയും ജീവിതത്...
10/08/2026

*15 നോമ്പ്*🙏

ദൈവമാതാവായ പരിശുദ്ധ കന്യകമറിയാമിന്റെ മധ്യസ്ഥതയാൽ അനുഗ്രഹീതമായ ഈ വിശുദ്ധ 15 നോമ്പ് ദിനങ്ങൾ ഏവരുടെയും ജീവിതത്തിൽ ആത്മീയ നവീകരണവും ഹൃദയശാന്തിയും ദൈവസാന്നിധ്യത്തിന്റെ അനുഭവവും നിറയ്ക്കട്ടെ.

"ഇതാ, കർത്താവിന്റെ ദാസി; നിന്റെ വചനംപോലെ എനിക്കു ഭവിക്കട്ടെ" എന്ന മാതാവിന്റെ പൂർണ്ണ സമർപ്പണവും എളിമയും വിശ്വാസവും നമ്മുടെ ജീവിതത്തിന്റെ മാതൃകയാകട്ടെ. ഈ നോമ്പുകാലത്ത് പ്രാർത്ഥനയിലും ഉപവാസത്തിലും വിശുദ്ധ കുർബാനയിലും സ്നേഹപ്രവർത്തികളിലും ആത്മാർത്ഥമായി പങ്കുചേർന്ന് ക്രിസ്തുവിനോട് കൂടുതൽ അടുത്തുവരുവാൻ നമുക്കെല്ലാവർക്കും ദൈവം കൃപ നൽകട്ടെ.

നമ്മുടെ കുടുംബങ്ങളിൽ സ്നേഹവും ഐക്യവും സമാധാനവും വളരട്ടെ. രോഗികളായവർക്ക് സൗഖ്യവും ദുഃഖിതർക്കും ആശ്വാസവും നിരാശയിലുള്ളവർക്ക് പ്രത്യാശയും ലഭിക്കട്ടെ. ലോകമെമ്പാടുമുള്ള വിശ്വാസികളെയും പ്രത്യേകിച്ച് കഷ്ടതകളും പരീക്ഷണങ്ങളും അനുഭവിക്കുന്ന സഹോദരങ്ങളെയും ദൈവമാതാവ് തന്റെ വിശുദ്ധ മധ്യസ്ഥതയാൽ കാത്തുരക്ഷിക്കട്ടെ.
ദൈവമാതാവിന്റെ സ്നേഹനിറഞ്ഞ മധ്യസ്ഥതയാൽ നമ്മുടെ പ്രാർത്ഥനകൾ ദൈവസന്നിധിയിൽ സ്വീകരിക്കപ്പെടുകയും, കർത്താവിന്റെ കൃപയും കരുണയും അനുഗ്രഹവും നമ്മുടെ ജീവിതങ്ങളിലും കുടുംബങ്ങളിലും സമൃദ്ധമായി നിറയുകയും ചെയ്യട്ടെ.🙏🙏🙏

Address

ATTACHACKAL VALIYAPALLY
Konni
689692

Opening Hours

Monday 6pm - 7pm
Tuesday 6pm - 7pm
Wednesday 6pm - 7pm
Thursday 6pm - 7pm
Friday 6pm - 7pm
Saturday 6pm - 9pm
Sunday 6:30am - 1pm

Website

Alerts

Be the first to know and let us send you an email when Mar Philexinos Orthodox Valiyapally, Attachakkal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category