12/02/2022
*മാരാമൺ കൺവെൻഷൻ:*
*ഓരോ യോഗത്തിലും പ്രവേശനം പരമാവധി 1500 പേർക്കു മാത്രം*
സംസ്ഥാനത്ത് കൊവിഡ് വൈറസിന്റെ ഒമിക്രോൺ വകഭേദം അതിവേഗം പടർന്നുപിടിക്കുന്ന സാഹചര്യത്തിൽ നിലവിലുള്ള കൊവിഡ് പ്രോട്ടോകോൾ ഉത്തരവുകളുടെ തുടർച്ചയായി സംസ്ഥാന ദുരന്ത നിവാരണ അതോറിറ്റി
മതപരമായ ഉത്സവങ്ങൾക്ക് പുറപ്പെടുവിക്കുന്ന
താഴെ പറയുന്ന മാർഗ്ഗ നിർദ്ദേശങ്ങൾ മാരാമൺ കൺവെൻഷൻ യോഗങ്ങൾക്കും ബാധകമായിരിക്കുന്നതാണ്. പങ്കെടുക്കുന്ന എല്ലാവരും ഈ നിർദ്ദേശങ്ങൾ പാലിക്കുന്നതിൽ പൂർണ്ണമായി സഹകരിക്കേണ്ടതാണ്.
*1.*
പരിഷ്കരിച്ച മാർഗ്ഗ നിർദേശ പ്രകാരം പന്തലിനകത്ത് 25 ചതുരശ്ര അടിയിൽ ഒരാൾ എന്ന നിലയിൽ പരമാവധി 1500 പേർക്കാണ് പങ്കെടുക്കാൻ അനുമതി ഉള്ളത്.
*2.*
കൺവെൻഷൻ യോഗങ്ങളിൽ പങ്കെടുക്കാനെത്തുന്ന 18 വയസ്സിനു മുകളിൽ പ്രായമുളള എല്ലാവരുടേയും കൈവശം കോവിഡ് നെഗറ്റീവ് എന്നതിൻ്റെ, അഥവാ, മൂന്നു മാസത്തിനുള്ളിൽ കോവിഡ് പോസിറ്റീവ് ആയിരുന്നിട്ടുണ്ട് എന്നതിൻ്റെ സർട്ടിഫിക്കറ്റ്/ രേഖ ഉണ്ടായിരിക്കേണ്ടതാണ്.
( വിശദീകരണങ്ങൾ:
# ഒരിക്കൽ കോവിഡ് പോസിറ്റീവ് ആയാൽ നേടുന്ന കോവിഡ് പ്രതിരോധശേഷി മൂന്നു മാസം വരെ നിലനിൽക്കും എന്നതിനാൽ, മൂന്നു മാസത്തിനുളളിൽ കോവിഡ് വന്നിട്ടുള്ളവർ ഇപ്പോൾ നെഗറ്റീവ് ആണെന്ന രേഖ സംഘടിപ്പിക്കുന്നതിനായി പ്രയാസപ്പെടേണ്ടതില്ല. മൂന്നു മാസത്തിനുള്ളിൽ പോസിറ്റീവ് ആയിരുന്നിട്ടുള്ളതിൻ്റെ രേഖ മതിയാകും.
# # പോസ്റ്റീവ്/ നെഗറ്റീവ് രേഖ എന്നാൽ ലാബിൽ നിന്നും ലഭിച്ച പരിശോധനാ ഫലത്തിൻ്റെ പ്രിൻ്റ് അഥവാ മൊബൈൽ സന്ദേശം കാണിച്ചാൽ മതിയാകും
# # # 18 വയസ്സിൽ താഴെ പ്രായമുള്ളവർക്ക് രോഗലക്ഷണങ്ങളില്ലാത്തപക്ഷം രേഖകൾ കൂടാതെ തന്നെ കുടുംബാംഗങ്ങളോടൊപ്പം പന്തലിൽ പ്രവേശിക്കാവുന്നതാണ്. )
*3.*
പന്തലിനകത്തേക്ക് പ്രവേശിക്കുമ്പോൾ ടെംപറേച്ചർ പരിശോധന കഴിഞ്ഞ് കൗണ്ടറിൽ സൂക്ഷിച്ചിരിക്കുന്ന രജിസ്റ്ററിൽ പേരും ഫോൺ നമ്പറും, മേല്പറഞ്ഞ സർട്ടിഫിക്കറ്റ് അവിടെ ഹാജരാക്കിയതായും രേഖപെടുത്തേണ്ടതും
സാമൂഹിക അകലം ഉൾപ്പടെയുള്ള എല്ലാ കൊവിഡ് മാനദണ്ഡങ്ങളും പാലിക്കേണ്ടതുമാണ്.
*4.*
പന്തലിനുളളിൽ
മുഴുവൻ സമയവും മാസ്ക് ധരിക്കേണ്ടതാണ്.
*5.*
പന്തലിനുള്ളിൽ ആഹാര സാധനങ്ങൾ വിതരണം ചെയ്യാൻ പാടുള്ളതല്ല.
*6.*
പന്തലിന് അകത്തേക്ക് പ്രവേശിക്കുന്നവർ കൈകൾ സാനിറ്റൈസ് ചെയ്യേണ്ടതാണ്.
*7.* വൈദീക സെമിനാരി വിദ്യാർഥികളും മാർത്തോമ്മാ യുവജന സഖ്യം പ്രവർത്തകരും രജിസ്ട്രേഷൻ കൗണ്ടറുകളിലെ ചുമതലകൾ നിർവഹിക്കുന്നതാണ്.
*8.*
വോളന്റിയേഴ്സിന്റെയും പന്തലിനുള്ളിൽ ക്രമപരിപാലനത്തിന് നിയോഗിച്ചിട്ടുള്ളവരുടെയും നിർദേശങ്ങൾ പൂർണമായും എല്ലാവരും പാലിക്കേണ്ടതാണ്.
(കൊവിഡ് പ്രോട്ടോകോൾ അടിസ്ഥാനമാക്കിയുള്ള ഈ നിർദ്ദേശങ്ങൾ യോഗങ്ങളിൽ പങ്കെടുക്കുന്ന എല്ലാവരും പാലിക്കുന്നുണ്ടെന്ന് കൺവെൻഷന്റെ സംഘാടകർക്കു വേണ്ടി വോളൻ്റിയർമാർ ഉറപ്പുവരുത്തേണ്ടതാണ്.)
മാരാമൺ കൺവെൻഷൻ കൊവിഡ് പ്രോട്ടോകോൾ കമ്മിറ്റിക്ക് വേണ്ടി,
*റവ.ജിജി മാത്യൂസ്*
(ജനറൽ സെക്രട്ടറി & ജനറൽ കൺവീനർ)
*റവ.ജോജി തോമസ്*
(കൺവീനർ)
*ഷിജു അലക്സ്*
(കൺവീനർ)
മാരാമൺ,
12/10/2022.
