08/01/2026
അമ്മയമ്പലം ശിവ ക്ഷേത്രം
കൊല്ലം ജില്ലയിലെ മടത്തറ ഗ്രാമത്തിൽ സ്ഥിതി ചെയ്യുന്ന അമ്മയമ്പലം ശിവക്ഷേത്രം പുരാതനവും പുണ്യഭൂമിയായ സ്ഥലമാണ്. തിരുവനന്തപുരത്തേക്കുള്ള തെങ്കാശി റോഡിലൂടെ കടന്നു പോകുന്ന ഈ ഗ്രാമം തദ്ദേശീയ വനവിഭവത്താൽ സമ്പന്നമാണ്. മരങ്ങൾ ഉപദേവതകളായും പ്രകൃതിയെ അമ്മയായി കണ്ടാരാധിക്കുന്ന ഈ ക്ഷേത്രം പരിസ്ഥിതി സൗഹൃദമായ ഒരു നികേതനമാണ്. മൃഗങ്ങളും, പക്ഷികളും, വിവിധ ഇഴജന്തുക്കളും ഇവിടെ നിർഭയമായി ജീവിക്കുന്നു. മടത്തറ, പൊന്മുടി മലനിരകളിൽ സ്ഥിതി ചെയ്യുന്ന സ്ഥലമായി ടൂറിസ്റ്റ് കേന്ദ്രമായും ശ്രദ്ധേയമാണ്.
ഇവിടം കല്ലടയാറിന്റെ ഉത്ഭവസ്ഥാനമായും അറിയപ്പെടുന്നു. തിരുവനന്തപുരത്തേക്കും കൊല്ലത്തേക്കും യാത്രചെയ്യാനുള്ള ഗതാഗത സൗകര്യവും ഇവിടെ സജ്ജമാണ്. അമ്മയമ്പലം ശിവക്ഷേത്രത്തിൽ പ്രധാന തീർത്ഥാടന ദിവസമായ ശിവരാത്രി, ഏഴു ദിവസങ്ങളോളം നീളുന്ന മഹോത്സവത്തോടെ ആഘോഷിക്കുന്നു. ഈ ഉത്സവത്തിൽ സമൂഹസദ്യയും വിവിധ ആരാധനകളും ഉണ്ടാകും. ഇടവമാസം ക്ഷേത്രത്തിലെ പ്രതിഷ്ഠാ വാർഷികമായി ആഘോഷിക്കപ്പെടുന്നു. "അമ്മയമ്പലം ശിവക്ഷേത്ര ട്രസ്റ്റി" ത്തിൻ്റെ നേതൃത്വത്തിൽ ക്ഷേത്രത്തിലെ എല്ലാ സേവനങ്ങളും നടത്തുന്നു.
