Jamat Raza -E- Mustafa Branch: Central Avenue, Kolkata

29/12/2025

21/12/2024

🌹🌹جشن صدیق اکبر راضی اللہ تعالیٰ🌹🌹

20/04/2024

عرس تاج الشریعہ 🌹🌹🌹🌹🌹

19/04/2024

تمام عاشقان رسول کو امام اہل سنت اعلیٰ حضرت کا یوم ولادت مبارک ہو۔🌹🌹🌹🌹🌹

18/04/2024

نبیرۂ صدرالشریعہ مفتی عطاء المصطفےٰ علیہ الرحمہ طائف شریف میں سپرد خاک کردیے گئے۔
پہنچی وہیں پہ خاک جہاں کا خمیرتھا۔
فقیر فیضان المصطفےٰ قادری

شہید راہ مدینہ نبیرۂ صدر الشریعہ شہزاد۰ٔ حضور محدث کبیر حضرت علامہ مفتی عطاء المصطفےٰ صاحب قبلہ قادری رضوی امجدی نوری رحمۃ اللہ علیہ آج ۸؍شوال المکرم کو طائف شریف میں حضرت عبداللہ بن عباس رضی اللہ تعالیٰ عنہما کے مزار مقدس سے متصل قبرستان میں سپرد خاک کردیے گئے۔
ان کے والد گرامی اور ہمارے شیخ آبروئے سنیت حضور محدث کبیر زید مجدہ ایک دن پہلے جدہ پہنچ گئے تھے، آج طائف میں ان کی نماز جنازہ حضور محدث کبیر نے ہی پڑھائی ۔

مفتی عطاء المصطفے ٰعلیہ الرحمہ کو شہر حبیب مدینہ منورہ سے بہت زیادہ لگاؤ تھا، اس سال تین چار بار حاضری کی سعادت حاصل کی، اور عید بعد پھر اچانک سفر کا ارادہ ہوا اور مدینہ منورہ حاضری کے بعد عمرہ کی سعادت حاصل کی ،پھر طائف شریف ہوتے ہوئے اگلے پڑاؤ کی طرف رواں دواں تھے کہ سڑک حادثہ میں شہید ہوگئے۔ صاحبزادگان کی خواہش تھی کہ تدفین بقیع شریف میں ہوجائے ، کوشش بہت کی گئی مگر کامیابی نہ ملی، کیوںکہ یہ حادثہ مدینہ منورہ سے دور طائف کے آگے رونما ہوا تھا، جس کے سبب قانونا اسی خطے میں تدفین ہوسکتی تھی، احباب کا اصرار تھا کہ نعش مبارک کراچی لے جائی جائے، مگر اس کا جو میڈیکل پروسیجر تھا اس کے لیے گھر والے راضی نہ ہوئے، شریعت کی طرف سے بھی اس کی اجازت نہ تھی۔

مفتی عطاء المصطفےٰ علیہ الرحمہ نے پوری زندگی شریعت کی روشنی میں گزاری ہے، محرمات تو دور مکروہات سے بھی اجتناب کرتے رہے، اور واجبات تو واجبات سنن و مستحباب پر بھی پابندی سے عمل پیرا ہوتے تھے، ان کا یہ کردار ان کی حیات کے ساتھ ساتھ ممات میں بھی دیکھنے کو ملا۔
انھوں نے فوٹو اور ویڈیو سے اتنا سخت پرہیز کیا کہ جو کمیونیٹی سوشل میڈیا اور ٹی وی سے شخصیات کو جاننے پہچاننے کی عادی ہے وہ ان سے تقریبا ناواقف تھی۔ ان کی علمی خدمات گزشتہ چالیس سالوں سے کراچی کی سرزمین سے جاری وساری ہیں، بہتوں نے اصرار کیا ہوگا کہ آپ بھی میڈیا پر آئیں تاکہ لوگ آپ کو جانیں اور آپ کا بھی نیٹ ورک بڑھے ، مگر مفتی صاحب شرعی احکام کی خلاف ورزی کرتے ہوئے کسی ترقی کے قائل نہ تھے، وہ عالم ربانی تھے، انھوں نے اپنا حلقہ محدود تو کرلیا، مگر نہ اعلیٰ حضرت کے فتوے کے خلاف عمل کیا ، نہ حضور تاج الشریعہ وحضور محدث کبیر کے موقف کے خلاف عمل کرنے کے لیے تیار ہوئے، وہ کراچی جیسےشہر میں رہتے تھے جو دنیا کا خوبصورت، تیز ترین اور ہنگامہ خیز شہر مانا جاتا ہے، مگر انھوں نے شہری تقاضوں اور حالات سے کوئی سمجھوتہ نہ کیا، بلکہ انھوں نے حالات کا رخ موڑ کر اپنا ایسا ماحول بنایا جو شریعت کے تقاضوں کا مطابق تھا۔
ان کی عظیم یادگار یعنی حضرت امام جعفر صادق رضی اللہ تعالیٰ عنہ کے نام سے منسوب ان کا ادارہ مدرسہ صادق الاسلام اپنے مرکزی کمپلیکس اور متعدد برانچز کے ذریعہ دین وسنیت کی عظیم خدمات انجام دے رہا ہے۔

ان کے کردار وعمل کی طرح ان کا سراپا بھی بڑا پرکشش تھا، چہرہ اپنے والد گرامی کا عکس جمیل تھا، اور دراز قد ایسے کہ پورے خاندان میں ممتاز نظر آتے تھے، گفتگو میں سنجیدگی اور متانت تھی، حق بات بلا جھجک بولتے تھے، حلقہ ٔاحباب ہو یا ہنگامۂ اغیار ‘ جہاں کہیں کچھ بولتے ان کی باتوں میں دم تھا۔ وہ اس دورِ اخیر میں پاکستان کی سرزمین پر اصول وفروع میں مسلک اعلیٰ حضرت کے سچے نقیب تھے۔

ان کی رحلت سے ماحول سونا سونا ہوگیا ہے۔ سارے احباب اہل سنت کو ان کی رحلت کا افسوس ہے، خانوادۂ صدرالشریعہ میں بھی بڑا خلا پیدا ہوگیا ہے۔ وہ ہمارے عمزاد بھائی تھے، اور میرے ہم زلف بھی تھے، میری شادی میں کراچی سے گھوسی تشریف لائے تھے، مجھ سے بہت بڑے تھے جس کے سبب مجھ پر ان کا رعب رہتا تھا، مگر شادی کے وقت بڑی کرم فرمائی رہی، اس کے بعد ایک بار ملاقات رہی۔ ہم کہیں وہ کہیں ، پھر ملاقات نہ ہوسکی، دوملکوں کے فاصلے نے ملنے نہ دیا، مگر دل سے قریب تھے۔
اللہ تعالیٰ نے ان کے شہزادے مولانا ریاض المصطفےٰ اعظمی کو ان کا عکس جمیل بنادیا ہے، جس کی وجہ سے دل کو اطمنان ہے کہ ان کی علمی ودینی وراثت ان کے ذریعہ اگلی نسل میں منتقل ہوتی رہے گی اور ان کے بعد ان کے گھر سے سلسلہ امجدیہ کی خوشبو ہر چہار جانب پھیلتی رہے گی۔
اللہ تعالیٰ ان کی قبر پر رحمتوں کی بارش برسائے اور ان کے مغفرت فرماکر ان کے درجات بلند فرمائے ۔ آمین بجاہ حبیبہ سید المرسلین علیہ وعلی آلہ وصحبہ اجمعین
فقیر فیضان المصطفےٰ قادری
جامعہ امام اعظم ابوحنیفہ لکھنؤ
۸؍شوال المکرم ۱۴۴۵ھ