02/06/2026
اِنَّا لِلّٰهِ وَاِنَّا إِلَيْهِ رَاجِعُون😭
نہایت رنج و غم کے ساتھ یہ اطلاع دی جاتی ہے کہ امام النحو فضیلۃ الشیخ مولانا انوار احمد مظاہری رحمہ اللہ، بانی و مہتمم مدرسہ مدینۃ العلوم نگینہ (بجنور)، انتقال فرما گئے ہیں۔
آپ نے نوّے سال سے زائد عمر پائی اور اپنی پوری زندگی دینِ اسلام کی خدمت، علم کی اشاعت، طلبہ کی تعلیم و تربیت اور نسلوں کی دینی رہنمائی میں صرف فرمائی۔
مرحوم ہندوستان کے ممتاز علماء اور مربّیوں میں شمار ہوتے تھے۔ آپ فنِّ نحو و صرف کے ماہر اور اس میدان کے معروف استاذو میں سے تھے۔ متعدد بڑی علمی و دینی درسگاہوں سے وابستہ رہے کئی اہم تعلیمی اداروں میں علمی خدمات انجام دیں، اور دارالعلوم دیوبند میں بطور ممتحن عرصہ دراز تک تشریف لاتے رہے
اللہ تعالیٰ نے آپ کو وسیع علم، عمدہ اخلاق، حسنِ معاشرت اور بے مثال تواضع سے نوازا تھا۔ آپ علماء و عوام کے درمیان یکساں مقبول تھے اور دینی و سماجی خدمات میں ہمیشہ پیش پیش رہے۔ آپ نے جمعیۃ علماء ہند ضلع بجنور کی صدارت بھی فرمائی اور دین و ملت کی خدمت میں گراں قدر کردار ادا کیا۔
ہم اللہ تعالیٰ سے دعا گو ہیں کہ وہ اپنی بے پایاں رحمت و مغفرت کے ساتھ مرحوم کو ڈھانپ لے، ان کی قبر کو جنت کے باغیچوں میں سے ایک باغیچہ بنا دے، ان کے درجات بلند فرمائے اور ان کی دینی، علمی اور تعلیمی خدمات کو صدقۂ جاریہ بنائے۔
اللہ تعالیٰ ان کے اہلِ خانہ، عزیز و اقارب، تلامذہ، متعلقین اور تمام محبین کو صبرِ جمیل عطا فرمائے۔
آمین یا رب العالمین۔ 🤲🏻
مترجم: مفتی محمد ارشد قاسمی استاذ ادب، مدرسہ مدینۃ العلوم۔ نگینہ (بجنور) یوپی
