15/09/2026
കണ്ടനാട് ഭദ്രാസന യൂത്ത് അസോസിയേഷൻ കലോത്സവം; കൂത്താട്ടുകുളം മേഖല ചാമ്പ്യന്മാർ
കോലഞ്ചേരി : മലങ്കര യാക്കോബായ സുറിയാനി ഓർത്തഡോക്സ് സഭ കണ്ടനാട് ഭദ്രാസന യൂത്ത് അസോസിയേഷൻ്റെ (ജെ.എസ്.ഒ.വൈ.എ) വാർഷിക കലോത്സവമായ 'സെറാഫ് 2026' സമാപിച്ചു. മേക്കടമ്പ് മോർ ഇഗ്നാത്തിയോസ് നൂറോനോ സിറിയൻ സിംഹാസന പള്ളിയിൽ നടന്ന കലോത്സവത്തിൽ കൂത്താട്ടുകുളം മേഖല ഒന്നാം സ്ഥാനവും, കോലഞ്ചേരി മേഖല രണ്ടാം സ്ഥാനവും, കണ്ടനാട് മേഖല മൂന്നാം സ്ഥാനവും കരസ്ഥമാക്കി. കണ്ടനാട് ഭദ്രാസനാധിപനും, അഖില മലങ്കര യൂത്ത് അസോസിയേഷൻ പ്രസിഡന്റുമായ അഭിവന്ദ്യ ഡോ. മോർ ഈവാനിയോസ് മാത്യൂസ് മെത്രാപ്പോലീത്ത പതാക ഉയർത്തി കലോത്സവം ഉദ്ഘാടനം ചെയ്തു. ഭദ്രാസന യൂത്ത് അസ്സോസിയേഷൻ വൈസ് പ്രസിഡന്റ് ഫാ. ജോബിൻസ് ഇലഞ്ഞിമറ്റത്തിൽ അധ്യക്ഷത വഹിച്ചു.
മേക്കടമ്പ് മോർ ഇഗ്നാത്തിയോസ് നൂറോനോ സിറിയൻ പള്ളി വികാരി ഫാ. ജോൺ തോമസ് കുമുള്ളിൽ, ഫാ. സന്തോഷ് തെറ്റാലിൽ, ഫാ. എൽദോസ് മണപ്പാട്ട്, ഫാ. ജിജിൻ പാപ്പനാൽ, ഫാ. അജു ചാലപ്പുറം, വൈസ് പ്രസിഡന്റ് ജിത്തു ജോർജ്, സെക്രട്ടറി ഡോയൽ എൽദോ റോയി. ട്രഷറർ ജൂഡിൻ ജോയി, സിനോൾ വി. സാജു, അങ്കിത മറിയം സജി. ടിന്റോ സാബു, തുടങ്ങിയവർ പരിപാടികൾക്ക് നേതൃത്വം നൽകി.
