Eshcol House of Worship , Kodur, Kodur (2026)

03/10/2022

యెహోవా నీకిచ్చుచున్న దేశములో ఆయన నిన్ను ఆశీర్వదించును.
ద్వితీయో 28:8

🙏Praise the Lord Everyone 🙏

________________________________

Follow for more Spiritual words👇
__________________________________

Hebron Daily] .mp3
Hebron Daily]
_____________________________
Follow for more Hastags 👇
_____________________________

01/10/2022

🙏Praise the Lord Everyone 🙏

________________________________

Follow for more Spiritual words👇
__________________________________

Hebron Daily] .mp3
Hebron Daily]
_____________________________
Follow for more Hastags 👇
_____________________________

08/08/2022

ప్రభువు నందు ప్రియమైన సహోదర సహోదరీలందరికీ మన ప్రభువైన యేసుక్రీస్తు నామమున వందనములు.
ఈరోజు (08-08-2022 సోమవారం) క్యాలెండర్లో మన ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం,మననోటిమాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మన పరలోకపు తండ్రియైన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసన భరితంగా అంగీకారంగా ఉండును గాక! ఆమేన్.
"మీరు యెహోవాకు యాజకు లనబడుదురు", (యెషయా 61:6).
దేవుని మహిమ గల రాజ్యానికి మన ప్రభువైన యేసుక్రీస్తు నందు ముందుగానే ఏర్పాటు చేయబడిన అత్యంత ప్రియమైన దేవుని పరిశుద్ధ జనమా, ఈరోజు వాగ్దానం ఎంత గొప్పదో చూడండి! హెబ్రీ పత్రికలో ప్రధాన యాజకుడైన యేసుక్రీస్తును చూడ గలము. ఆయన యందు విశ్వాసం భయ భక్తులు గల్గి రక్షణపొందిన మనలను కూడ తన వంటి యాజకులనుగా చేశాడు. మనం ద్వితీయ 33:8 లో లేవీని దీవిస్తూ, యాజకుల కొన్ని ముఖ్య లక్షణాలు మోషే చెప్పాడు. 1. ప్రజల పాపాలకు పరిహారం ప్రాయశ్చిత్తం చేయటానికి బలు లర్పిస్తారు, 2. దేవుని ధర్మ శాస్త్రము, దైవ వర్తమానం, సందేశం ప్రజలకు దిన దినము తెలియచేస్తారు, 3. దేవుని ప్రజల కొరకు దేవుని సన్నిధిలో ప్రార్థన చేస్తారు. తన యందు విశ్వాసం భయభక్తులు కలిగి మారుమనస్సు పాప క్షమాపణ రక్షణ పొందిన మనకు కూడా దేవుడు అవే పనులు అప్పగించాడు. ఆయన మనలను పరిశుద్ధ యాజకులుగా(పేతురు2:5) చేశాడు. అనేకులను యేసుక్రీస్తు సిలువయొద్దకు తెచ్చుట ద్వారా, అనేకులకు దేవుని చిత్తం, వాక్యం, చెప్పుట ద్వారా, అనేకుల నిమిత్తం ప్రార్థన చేయుట ద్వారా మనం కూడా దేవుని యాజకుల మనబడుదుము. ఆ విధంగా నేటి వాగ్దానం మన పట్ల నెరవేరుతుంది. మన ప్రభువైన యేసుక్రీస్తు ప్రధాన యాజకుడు, మనం యాజకులము (1పేతురు 5:4). కాబట్టి మన యాజక ధర్మం మనం అంతం వరకు నమ్మకంగా జరిగించుదము గాక! దేవుడు మనకు సాయము చేయును గాక! యాజక సమూహంగా ఇహ పరములలో మనం దేవుని సేవించుదుము గాక!
మన పరలోకపు తండ్రియైన దేవుని ప్రేమ, మన ప్రభువైన యేసుక్రీస్తు వారి దివ్య కృప, పరిశుద్ధాత్మ యొక్క అన్యోన్య సహవాసం నిరంతరం మనకందరికీ తోడై నడిపించును గాక!

07/08/2022

ప్రభువు నందు ప్రియమైన సహోదర సహోదరీలందరికీ మన కొరకు సకల విధాలైన శోధనలను, లోకమును, సాతానును, సిలువపై ఘోర హింసలను, మరణమును, సమాధిని, శాస్త్రులు పరిసయులు సద్దూకయులు ప్రధాన యాజకుల కుట్రను, హేరోదు పిలాతు రోమా ప్రభుత్వ కఠిన కౄర కర్కశ యంత్రాంగాన్ని సమస్తాన్ని జయించి తిరిగి సజీవుడై పునరుత్థానుడై లేచిన మన ప్రభువైన యేసుక్రీస్తు వారి మహిమ ఔన్నత్య ప్రభావాలు గల నామమున శుభాభినందనములు.
ఈరోజు (07-08-2022 ఆదివారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మహిమాన్విత పరలోకపు తండ్రియైన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసన భరితంగా, తన కంగీకారంగా ఉండును గాక!
"నేనును నా ఇంటి వారును యెహోవాను సేవించెదను",(యెహోషువ 24:15).
ప్రభువు నందు అత్యంత ప్రియులారా, లోకంలో ఉన్న ఎలాంటి ఎలాంటి గొప్ప గొప్ప ఉద్యోగాలు, స్థానాలు, పదవులు, రాజరికాలు, మంత్రులు, ముఖ్యమంత్రులు, ప్రధాన మంత్రులు, రాష్ట్రపతి స్థానం వీటన్నింటినీ మించిన మహా గొప్పది, అసమానమైనది, పవిత్రమైనది, మహిమ గలది "దేవుని సేవ". ఇది దేవుడు మనకు ప్రేమతో దయచేసిన ఊహకందని మహా గొప్ప పరలోకపు భాగ్యం. దీని గొప్పదనం, ధన్యతనెరిగిన పరిశుద్ధులు
1).మోషే సమస్తాన్ని విడిచి పెట్టి దేవుని పిలుపునకు లోబడి దేవుని సేవకు వచ్చాడు. దేవుడు అతనిని ఎంతో అద్భుతంగా వాడుకొని ప్రచండమైన కార్యాలు జరిగించాడు.
2). యెహోషువ దేవుని పిలుపు మేరకు రాగా, దేవుడు అతనిని బహు విరివిగా విశేషంగా వాడు కొన్నాడు.
3). సమూయేలు చిన్న తనం నుండి దేవుని సేవ ఇష్టపూర్వకంగా, భక్తిగా, సంతోషంగా జరిగించాడు.
4). ఏలియా గొప్ప ఆసక్తితో దేవుని సేవ చేసి ప్రజలను దేవుని వైపునకు తిప్పాడు.
5). ఎలీషా ఎంతో గొప్ప భూస్వామియైయుండి కూడ దేవుని పిలుపునకు లోబడి సమస్తం విడిచిపెట్టి సంతోషంగా దేవుని సేవ చేశాడు.
6). ప్రవక్తలందరూ ఎన్నెన్నో శ్రమలకోర్చి, హింసలకోర్చి ఇష్టపూర్వకంగా భక్తిగా సేవ చేశారు(మత్తయి5:11,12).
7). యేసుక్రీస్తు వారి పిలుపు నందుకొని ఆయన శిష్యులు హత సాక్షులయ్యే వరకు ఇష్టపూర్వకంగా భక్తిగా సంతోషంగా నానా హింసలు శ్రమలుపొందుచు దేవుని సేవ చేశారు (ప్రకటన 12:11).

07/08/2022

ప్రభువు నందు ప్రియమైన సహోదర సహోదరీలందరికీ ఈ వారమంతా మనలను కాచి కాపాడి సంరక్షించిన మన ప్రభువైన యేసుక్రీస్తు కృప నిరంతరం మన కందరికీ తోడై ఉండును గాక!
ఈరోజు (06-08-2022 శనివారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మహిమాన్విత పరలోకపు తండ్రియైన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసన భరితంగా తన కంగీకారంగా ఉండును గాక! ఆమేన్.
"వారు వేడుకొనక మునుపు నేను ఉత్తర మిచ్చెదను", (యెషయా 65:24).
ప్రభువు నందు అత్యంత ప్రియమైన దేవుని ముద్దు బిడ్డలారా, మన జీవితంలో దేవుడు ప్రార్థనకు చాలా ప్రాముఖ్యత నిస్తున్నాడు.
1). 2 కొరి 10:5,6 లో ప్రార్థన శతృవుల దుర్గములను పడగొట్టే బలము కలిగినది.
2). యెషయా 64:1 లో ప్రార్థన గగనము చీల్చుకుని దేవుడు మన దగ్గరకు వచ్చునట్లు చేస్తుంది.
3). యెహోషువ10:12 లో యెహోషువ ప్రార్థన చేస్తే ఆకాశంలో సూర్యుడు చంద్రుడు యుద్ధం ముగిసే వరకు ఆగిపోయాయి.
4).ఆది19 అధ్యాయంలో అబ్రాహాము ప్రార్థన చేస్తే, భస్మీపటలం కాబోతున్న సొదొమ గొమొర్రాల మధ్య నుండి లోతును, అతని పిల్లలను కాపాడలేదా?
5). ఏలియా ప్రార్థన చేస్తే 1రాజులు 18 లో దేవుడు
ఆకాశం నుండి అగ్ని వచ్చి బలిపీఠం మీద ఉన్న బలిని దహించి వేసెను. ప్రార్థన శక్తి బహు గొప్పది.
మరొక విషయం:- మనం దేవునికి ప్రార్థన చేయక ముందే, మనకు అక్కరగా అవసరంగా ఉన్న వన్నీయు ఆయనకు బాగుగా తెలియును. పీల్చుకోడానికి మనకు గాలి అవసరం. అది మనం అడగకపోయిన ఆయన ఎంతో ధారాళంగా మనకు ఇస్తున్నాడు కదా? కానీ చాలా విషయాలు అలా లేవు. అడగక పోయినా మన కిచ్చే దేవుడు అడిగితేనే గానీ మన కెందుకు ఇవ్వడం లేదు? అదే మనం ఆలోచించాలి? ఆయనను మాటిమాటికీ అడగడం ద్వారా మనం దేవునితో సహవాసం చేయ గలము. దేవుని సన్నిధికి మనం మాటిమాటికీ వెళ్లి గోజాడుట ద్వారా మన కష్ట సుఖాలను దేవునితో పంచుకో గలము. అప్పుడు ఆయన మనసులోనివి మనతో కూడా పంచుకో గలడు. ఉదా. యోహాను 13:23-25 లో యేసునకు అతి దగ్గరగా సమీపించి ఆయన రొమ్మున ఆనుకొనుచూ అడుగు చున్నాడు. ఎంత చక్కని మధురానుభూతి? ఇదే ప్రార్థనలో దేవునితో మనం పొందే సంతృప్తికరమైన, శక్తివంతమైన అన్యోన్య సహవాసం.

05/08/2022

ప్రభువు నందు ప్రియమైన సహోదర సహోదరీలందరికీ మన కొరకు సిలువపై ఘడ
మరణం పొంది, మనలను సకల విధములైన పాపము నుండి విడిపించి రక్షించి నిత్య నరకము నుండి విడిపించి తన సంతతిగా స్వీకరించిన మన ప్రభువైన యేసుక్రీస్తు వారి శ్రేష్టమైన నామమున శుభాశీస్సులు.
ఈరోజు (05-08-2022 శుక్రవారం) క్యాలెండర్లో మన ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మన పరలోకపు తండ్రియైన దేవునికి ఒక నైవేద్యంగా, ఇంపైన పరిమళ ధూప ద్రవ్యముల సువాసనగా అంగీకారంగా ఉండును గాక! ఆమేన్.
"వారి దుఃఖమునకు ప్రతిగా సంతోషమిచ్చి వారిని ఆదరించెదను, (యిర్మీయా 31:13).
దేవునికి అత్యంత ప్రీతి పాత్రులైన పవిత్ర జనమా, ఇది ఎంతగొప్ప వాగ్దానమో చూడండి! దేవు‌ డిలాంటి వాగ్దానం మొదట్లో మనకు ఇచ్చాడు జ్ఞాపక ముందా? యెషయా 61:3 లో బూడిదకు ప్రతిగా పూదండను,దుఃఖమునకు ప్రతిగా ఆనంద తైలమును, భారభరితమైన ఆత్మకు ఆత్మకు స్తుతి వస్త్రమును వారికిచ్చుటకును ఆయన నన్ను పంపియున్నాడు అని వ్రాయబడి యున్నది. అనగా మనం రక్షణ పొందిన దినమందు ఇవి దేవుడు మనకిచ్చిన సుమధుర వాగ్దాన ఫలాలే. మనం ఆనాడు మన పాపాలను మనం ఒప్పుకొనినపుడు ఆయన మన దుఃఖాన్ని తీసివేసి, దానికి బదులుగా గొప్ప రక్షణ గొప్ప సంతోషం మన హృదయంలో జీవితంలో కలిగించాడు కదా? బూడిద ఎలా వస్తుంది? ఒక వస్తువు పూర్తిగా కాలిపోతే, అప్పుడు బూడిద వస్తుంది. అలాగే దేవుని బలిపీఠం మీద ఉన్న ఆ నిప్పు దూత యెషయా పెదవులకు తగిలించినట్లు, మన ప్రభువైన యేసుక్రీస్తు వారి రక్తం మన హృదయాన్ని తాకిన వెంటనే మనలోని పాపం భస్మం (బూడిద) అయింది. ఎప్పుడైతే ఆ బూడిద అయిన అనుభవం మనకుందో మన ప్రభువైన యేసుక్రీస్తు మనలను పూదండతో అనగా మన సాక్ష్యం సువాసనభరితమైనదిగా, ఆకర్షణీయంగా చేశాడు. దుఃఖానికి (పశ్చాత్తాపానికి) బదులుగా ఆనంద తైలం (పరిశుద్ధాత్మ ఆనందం) మనలో కలిగించాడు. భార భరితమైన ఆత్మకు (పాప భారం చేత కృంగి పోయిన మన ఆత్మకు) బదులు ప్రభువు నా పాపాలు క్షమించాడని స్తుతించే ఆత్మను మనకిచ్చాడు. దావీదు కీర్తన 30:11,12 లో చెప్పినట్లు, తన అంగలార్పును దేవుడు నాట్యంగా మార్చినట్లు మన జీవితం కూడా అలాగే మార్చి వేశాడు. మన గోనె పట్టా తొలగించి దానికి బదులు సంతోష వస్త్రం మనకు ధరింప చేశాడు. ఇదే మనం పొందిన గొప్ప రక్షణానుభవం.

05/08/2022

ప్రభువు నందు ప్రియమైన సహోదర సహోదరీలందరికీ దేవుని రొమ్మున (హృదయంలో) నున్న జనితైక కుమారుడై, అదృశ్య దేవుని స్వరూపుడై, (the image of invisible GOD)దేవుని తత్వం యొక్క మూర్తియై, సర్వ సృష్టికి ఆది సంభూతుడై, కృపా సత్య సంపూర్ణుడై, మన మధ్య శరీరధారియై నివసించిన మన ప్రభువైన యేసుక్రీస్తు వారి శ్రేష్టమైన నామమున శుభాభినందనములు.
ఈరోజు (04-08-2022 గురువారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మహిమాన్విత పరలోకపు తండ్రియైన మన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసనగా అంగీకారంగా ఉండును గాక! ఆమేన్.
"నీవు నా దృష్టికి ప్రియుడవైనందున ఘనుడ వైతివి", (యెషయా 43:4).
ప్రభువు నందు అత్యంత ప్రియులారా, ఏ మనిషిని దేవుడు ఏర్పరచుకొనునో ఆ మనుష్యుడే దేవునికి ప్రియుడు. సంఖ్యా16:7 లో "దేవుడు ఏ మనిషిని ఏర్పరచుకొనునో వాడే పరిశుద్ధుడు" అని మోషే అన్నాడు. అయితే మన విషయంలో దేవుడు ఏమన్నాడో చూడండి! ఎఫెసీ1:4-6 లో "జగద్పునాది వేయబడక ముందే దేవుడు క్రీస్తులో మనలనుఏర్పరచుకొనెను" అని వ్రాయబడి యున్నది. మనలను చీకటిలో నుండి వెలుగులోకి నడిపించిన దేవుడు మనలను ఏర్పరచ బడిన వంశముగా చేశాడు. "యేసుక్రీస్తు రక్తముతో ప్రోక్షింపబడుటకు ఏర్పరచబడినవారు" అని 1పేతురు1:2 లో దేవుని వాక్యము చెప్పుచున్నది. ఇప్పుడు ఇంత వరకు తేలిన ఈ వాక్య సారాంశం ఏమిటంటే, దేవుని రాజ్యం చేరునట్లు తన అనాది కాల సంకల్పంలో ఉన్నట్లుగా దేవుడు ఎవరిని మన ప్రభువైన యేసుక్రీస్తు వారి రక్తంతో కడుగబడుటకు ఏర్పాటు చేసికొన్నాడో, వాడే "దేవునికి ప్రియుడు". ఇప్పుడు మనం దేవునికి ఎవరు ప్రియమైన వారో తెలిసికొన్నాము. మరి ఆ "ప్రియమైనవారు" ఏం చేస్తారో చూడండి.
1). అతడు నన్ను ప్రేమించు చున్నాడు(కీర్తన 91:14).
2).అతడు నా నామమును ఎరిగినవాడు(కీర్తన91:14)
3). అతడు నన్ను ఆశ్రయించును(కీర్తన91:2)
4). అతడు నాకు మొర పెట్టును (కీర్తన 91:14).
5). అతడు నా స్వరం వింటాడు (యోహాను 10:27).
6). అతడు నన్ను వెంబడించును (యోహాను 10:27).
7). అతడు అంతము వరకు నిలుస్తాడు, (మత్తయి 24:13).
నన్ను ఘనపరచువానిని నేను ఘనపరచుచున్నాను అని 1సమూ 2:30 లో ఉన్నది. చూడండి:-
1). అలాంటి వారిని దేవుడు ఘనపరుస్తాడు (యెషయా 43:4; కీర్తన91:14; యోహాను12:26). కిరీటాలు బహుమానాలు ఇచ్చి మనలను సత్కరిస్తాడు.
2). మన ప్రార్థన విని మనకు సాయము చేయటానికి గగనము చీల్చుకుని వస్తున్నాడు, (యెషయా 64:1).

05/08/2022

ప్రభువు నందు ప్రియమైన సహోదర సహోదరీలందరికీ మన కొరకు మన ప్రభువైన యేసుక్రీస్తునే ఉచితంగా ధారాదత్తం చేసి,ఆయనతో పాటు సమస్తమును మనకు అనుగ్రహించిన మన పరలోకపు తండ్రియైన దేవుని పేరిట శుభాభివందనములు.
ఈరోజు (03-08-2022 బుధవారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మన పరలోకపు తండ్రియైన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసనగా అంగీకారంగా ఉండును గాక!
"విస్తారమైనధాన్యమును ద్రాక్షారసమును దేవుడు నీ కనుగ్రహించును", (ఆది 27:28).
ప్రభువు నందు అత్యంత ప్రియమైన దేవుని ముద్దు బిడ్డలారా, మనం తల్లి గర్భంలో ఉండగా దేవుడు అద్భుతమైన విధానంలో పోషించాడు. తల్లి గర్భంలో నుండి బయటకు వచ్చిన తర్వాత తల్లి స్థన్య పానం ద్వారా పోషణ లభించింది. పాలు విడిచిన తర్వాత సస్య పోషణకు అలవాటు చేసుకొన్నాము. మొత్తానికి ఏ విధంగా పోషించినా దేవుడే మన కడుపు దిన దినము నింపు చున్నాడు. నిర్గ 23:25 లో మనం దిన దినము నమ్మకంగా దేవుని సేవిస్తే. ఆయన మన ఆహార పానీయాలను ఎంతో దీవెనకరంగా చేస్తానని వాగ్దానం చేశాడు. కండ్లు సరిగా కనిపించని ఇస్సాకు ఏశావు వేషంలో ఉన్న యాకోబును పసి కట్ట లేక దీవిస్తూ పలికిన చక్కని శ్రేష్టమైన వాగ్దానాలలో "విస్తారమైన ధాన్యమును నీ కిచ్చెదను"అనిచెప్పాడు. ఈ ధాన్యం యోహాను 12:24 లో మన ప్రభువైన యేసుక్రీస్తు వారు చెప్పినట్లు తానే ఆ గోధుమ గింజ. వాస్తవానికి ఇస్సాకు తనకు తెలియకుండానే తాను యాకోబును దీవిస్తూ మన ప్రభువైన యేసుక్రీస్తును గూర్చిన వాగ్దానం ఇస్తున్నాడు. ఆ ధాన్యం మన ప్రభువైన యేసుక్రీస్తే. విస్తారమైన ధాన్యము విస్తారమైన మన ప్రభువైన యేసుక్రీస్తు వారి కృపను చూపిస్తుంది. ఆ విస్తారమైన కృప ద్వారానే ఆది 32:26-29 చూస్తే,
1)దేవుడు యాకోబు పాపములను క్షమించాడు.
2). యాకోబును ఇశ్రాయేలుగా మార్చాడు,
3). యాకోబును ఆశీర్వాదించాడు.
4). కనాను దేశమును ఇచ్చాడు.
5). 28వ అధ్యాయంలో దేవుడు తన దర్శనం ఇచ్చాడు.
6). దేవుడు కూడా "యాకోబు దేవుడు" అని పిలువబడ్డాడు.
7). 12 గోత్రాల ప్రజలకు అబ్రాహాము ఇస్సాకు యాకోబులు అను మూల కర్త అయ్యాడు. పితరుల పట్టీలో చేరాడు.

02/08/2022

ప్రభువు నందు ప్రియమైన సహోదర సహోదరీలందరికీ మన కొరకు తండ్రి కుడి పార్శంలో కూర్చుని నిత్యం ప్రార్థన విజ్ఞాపన చేస్తున్న మన ప్రభువైన యేసుక్రీస్తు వారి శుభకర నామమున శుభాభినందనములు.
ఈరోజు (02-08-2022 మంగళవారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు, మన పరలోకపు తండ్రియైన దేవునికి ఒక నైవేద్యంగా ఇంపైన పరిమళ ధూప ద్రవ్యముల సువాసనగా అంగీకారంగా ఉండును గాక! ఆమేన్.
"మీ కాజ్ఞాపించు సమస్తమును నీకు తెలియ చెప్పెదను", (నిర్గ 25:22).
ప్రభువు నందు అత్యంత ప్రియులారా, నేను మహోన్నతమైన పరిశుద్ధ స్థలములో నివసించు వాడను అని చెప్పిన దేవుడు, భూ లోకంలో ఒక హీన నికృష్ట నాశనకరమైన గుంట జిగటగల పాపపు దొంగ ఊబిలో కూరుకు పోయిన మానవుడు కలిసి కొనే సంకేత స్థలమే "దేవుని మందిరం లేదా సన్నిధి".
దేవుని మందిరం బైబిల్ లో మూడు భాగాలుగా విభజించబడింది. 1. ఆవరణ, 2. పరిశుద్ధ స్థలము, 3. అతి పరిశుద్ధ స్థలము.
1). ఆవరణము:- బైట రోడ్డు మీద నుండి దేవుని మందిరంలోనికి మనము వచ్చేటప్పుడు ప్రవేశించే మొట్టమొదటి స్థలమే ఆవరణం. ఈ ఆవరణలో రెండు వస్తువులు ఉన్నాయి, ఒకటి బలి పీఠము, రెండు గంగాళం. దేవుని యొద్దకువచ్చేవారు మొదట బలిపీఠం మీద సర్వలోక పాప పరిహారం ప్రాయశ్చిత్తం నిమిత్తం మన కొరకు తన్ను తాను బలిగా అర్పించుకొనిన మన ప్రభువైన యేసుక్రీస్తును జ్ఞాపకం చేస్తుంది. అది పాప క్షమాపణ పొంది, గంగాళంలోని నీళ్లతో (వాక్యమనే నీళ్లతో -ఎఫెసీ 5:27) స్నానం చేసి లేదా కాళ్ళు చేతులు ముఖం కడుక్కుని మందిరం పరిశుద్ధ స్థలములోనికి రావాలి.
2). పరిశుద్ధ స్థలములో రెండు వస్తువు లుంటాయి. ఒకటి దీప వృక్షం, రెండు సన్నిధి రొట్టెలుండే బల్ల. ఇవి మనకు ఏమి నేర్పుతున్నాయి? దీప వృక్షం నీ వాక్యము నా పాదములకు దీపం (కీర్తన 119:105) అని చెప్పినట్లు మనకు వాక్యానుసారమైన నడవడితో సన్నిధి రొట్టెలుండే బల్ల లేదా ప్రభువు బల్లలో పాలు పొందాలి అని మనకు నేర్పిస్తుంది. ఆ అనుభవంతో అతి పరిశుద్ధ స్థలములోనికి రావాలి.
3). అతి పరిశుద్ధ స్థలము:- ఇక్కడ కూడా రెండు వస్తువులు ఉన్నాయి. ఒకటి ధూప వేదిక, రెండు మందసం. ధూప వేదిక మనకు ప్రార్థన నేర్పుతుంది. మన లోటు పాట్లు దిద్దుబాటు కొరకు, సహపాటివిశ్వాసులకొరకు, అనేకుల రక్షణ కొరకు ప్రార్థన చేయటం నేర్చుకోవాలి.

01/08/2022

ఈరోజు (01-08-2022 సోమవారం) క్యాలెండర్ లో ప్రభువు మనకిచ్చిన తన మంచి వాగ్దానం కొద్ది సేపు మనం ధ్యానం చేద్దాం. మన హృదయ ధ్యానం, మన నోటి మాటలు, మన భక్తి శ్రద్ధలు, మన అనుదిన సేవ ప్రార్థనలు ఆరాధనలు మన పరలోకపు తండ్రియైన దేవునికి ఒక నైవేద్యంగా, ఇంపైన పరిమళ ధూప ద్రవ్యముల సువాసనగా అంగీకారంగా ఉండును గాక! ఆమేన్.
"మీరు భయపడకుడి, జడియకుడి, ఈ యుద్ధము మీరు కాదు, దేవుడే జరిగించును", (2దిన 20:15).
ప్రభువు నందు అత్యంత ప్రియమైన దేవుని ముద్దు బిడ్డలారా, దేవుని వాగ్దానం తప్పకుండా నిస్సందేహంగా మన జీవితంలో ఎప్పటికైన నెరవేరుతుంది.
యెహోషాపాతు యూదా రాజుగా ఉన్నప్పుడు తన జీవితంలో జరిగిన ఒక మంచి గొప్ప ఆత్మీయమైన అనుభవం ఈ సమయంలో మన మేలు కొరకు దేవుడు అనుగ్రహించాడు. అతనికి నాలుగు ప్రక్కల నుండి నాలుగు దేశాల సైన్యాలు లక్షలాదిగా ఒకే సారి వచ్చి పడ్డారు. ఒక వైపు నుండి మోయాబీయులు (అక్రమ సంతానం), మరో వైపు నుండి అమ్మోనీయులు (కాని సంతానం) , ఇంకొక వైపు నుండి మెయోనీయులు (ఎడారి కాకులు), మరో వైపు నుండి సిరియా (నశించుచున్న) , గొప్ప సైన్యం తన రాజ్యం చుట్టూ మోహరించారు. మన జీవితంలో కూడా ఇలాంటి సంఘటనలు తరచు చోటు చేసుకొంటాయి. మనం సహజంగా భయపడతాం. ఆ రాజు కూడా ఎంతో భయపడ్డాడు. అయితే ఒక మంచి పని చేశాడు. ఇదే మనం కూడా నేర్చుకోవాలి. అతడు దేశమంతా కూడా ఉపవాస ప్రార్ధన చాటించాడు. కాబట్టి దేశంలో ఉన్న చిన్న పెద్దా ప్రజలందరు 2దిన 20:13 లో ఉన్నట్లు‌ యెరూషలేములో చిన్న‌ దేవుని సన్నిధిలో తమ నిస్సహాయత, అసమర్థత చెప్పుకుని ప్రార్థన చేశారు. ప్రియులారా, మన జీవితంలో కూడా వచ్చే వ్యాధుల్లో బాధల్లో కష్ట నిష్టూరాల్లో సమస్యల్లో దేవునికి మొర ప్రార్థన చేస్తే దేవుడు దారి చూపిస్తాడు. ఆ విధంగా యెహోషాపాతు ప్రార్థన చేస్తే లక్షలాది ప్రజలు, లక్షలాది సైన్యం ఆమేన్ అని చెప్పారు. సంఘ ప్రార్థన ఎంతో బలమైనది. వెంటనే యహజీయేలు ప్రవచనం చెప్పి "మీరు భయపడకుడి జడియకుడి యెహోవా మీతో కూడ ఉండును గాక ఈ యుద్ధము మీరు కాదు దేవుడే జరిగించును" అని చెప్పాడు. నిజంగా దేవుడే వారి పక్షంగా ఉండి తనదైన శైలిలో యుద్ధం చేసి వారు ఏ ఆయుధం పట్టకపోయినా దేవుడు వారికే అద్భుతమైన గెలుపు నిచ్చాడు. వారు బెరాకా లోయలో దోపుడు సొమ్ము పంచుకొని దేవుని ఆరాధన చేశారు. ప్రియమైన సహోదర సహోదరీల్లారా, ఇలాంటి అద్భుతమైన అనుభవాన్ని నెమరు వేసుకోవడం ద్వారా మనలో విశ్వాసం పెరుగుతుంది. సహో. భక్త్ సింగ్ గారి జీవితంలో ఎన్నో ఇలాంటి అద్భుతాలు చూశారు. ఆయనే కాదు, భక్తులందరి జీవితాలలో విశేషమైన అద్భుతాలు చేసేవాడు ఆయనే. దేవుడు మనకు సాయము చేయును గాక!

01/08/2022

ప్రభువు నందు ప్రియమైన సహోదర సహోదరీలందరికీ మన ఆయుష్కాలాన్ని జీవితాన్ని పొడిగిస్తూ మన కాల గతులన్నీ తనవశంలో ఉంచుకుని మనలను నిత్యం సర్వ క్షేమాలతో కాపాడుతున్న మన ప్రభువైన యేసుక్రీస్తు వారి శ్రేష్టమైన రక్షణార్ధమైన అతిపరిశుద్ధ నామమున శుభాభినందనములు.
దేవుడు మనలను ఎంతో ప్రేమించి ఈ 2022సం.లో గత ఏడు నెలలు కాపాడి సంరక్షించి నేడు ఈ ఆగస్ట్ నెలలో ప్రవేశపెట్టినందుకు దేవునికి స్తోత్రములు. ఈ ఆగస్ట్ మాసం కొరకు మన ప్రభువైన దేవుడు ప్రేమతో మనకిచ్చిన ప్రత్యేక వాగ్దానం కొద్ది సేపు మనం ధ్యానం చేద్దాం.
"నీతిమంతులు సింహము వలే ధైర్యముగా నుందురు", (సామె 28:1).
ప్రభువు నందు అత్యంత ప్రియులారా, దయచేసి ఈ విషయాలు మీ జ్ఞాపకంలో ఉంచుకోండి:-
(1). పాపం మనలను తల వంచు కొనేటట్లు చేస్తుంది. నీతి తల ఎత్తుకొనేటట్లు చేస్తుంది.
(2). పాపం మనలను పారిపోయేటట్లు చేస్తుంది. నీతి మరణం నుండి విడిపిస్తుంది.
(3). పాపం మనలను నీరు కారుస్తుంటే నీతి మనకు ధైర్యము పుట్టిస్తుంది.
(4). పాపం మనలను దేవునికి దూరం చేస్తుంది, నీతి మనలను దేవునికీ సమీపం చేస్తుంది.
(5). పాపం సాతాను స్వరూపం. నీతి దేవుని స్వరూపం.
(6). పాపం నరకం చేరుస్తుంది. నీతి పరలోకం చేరుస్తుంది.
(7). దేవుడు పాపాన్ని ద్వేషిస్తాడు. నీతిని ప్రేమిస్తాడు.
(8). పాపం శాపాన్ని తెస్తుంది. నీతి ఆశీర్వాదం తెస్తుంది.
(9). పాపం దుఃఖాన్ని కలిగిస్తుంది. నీతి సంతోషం కలిగిస్తుంది.
(10). పాపం ద్వారా పాపులే స్నేహితులు, నీతి ద్వారా నీతిమంతులే స్నేహితులు.
ఇవన్నీ బైబిల్ లోని శ్రేష్టమైన వాక్యాలే. అందుకే యోబు 27:5,6 లో "నేను మరణం వరకు నా నీతి, యదార్ధత, భక్తి విడువను" అని యోబు చెప్పాడు. "నీతిమంతులు సింహము వలే ధైర్యముగా నుందురు" అని సామెత 28:1 లో వ్రాయబడింది. కాబట్టి మనం కూడా మన జీవితాంతం యోబు వలే మన ప్రభువైన యేసుక్రీస్తు వారు మనకిచ్చిన నీతిని యదార్ధతను భక్తినీ తుదముట్ట కొనసాగించేందుకు దేవుడు మనకు సాయము చేయును గాక! ఆమేన్.

Eshcol House of Worship , Kodur

03/10/2022

01/10/2022

08/08/2022

07/08/2022

07/08/2022

05/08/2022

05/08/2022

05/08/2022

02/08/2022

01/08/2022

01/08/2022

Address

Website

Alerts

Contact The Place Of Worship

Shortcuts

Share

Category