13/09/2026
ഞങ്ങൾ ക്രൈസ്തവ സന്യസ്തരും സ്ത്രീകൾ തന്നെയാണ്. കുഞ്ഞുങ്ങൾക്ക് ജന്മം നൽകാറില്ലെങ്കിലും, ആത്മീയ മാതൃത്വം ഉള്ളിൽ പേറുന്നവരാണ് ഞങ്ങൾ. ആശുപത്രികളുടെ വരാന്തകളിലും അമ്മത്തൊട്ടിലുകളിലും ചോരക്കുഞ്ഞുങ്ങളെ ഉപേക്ഷിച്ചുപോകുന്ന ധാരാളം പെറ്റമ്മമാരുള്ള ഈ കേരളത്തിൽ, പെറ്റമ്മയെക്കാൾ നന്നായി കുഞ്ഞുങ്ങളെ സംരക്ഷിക്കുകയും പരിചരിക്കുകയും ചെയ്യുന്ന കന്യാസ്ത്രീകളെയും നിങ്ങൾക്ക് കാണാം. വെറുതെ പറയുന്നതല്ല. കേരളത്തിന്റെ വിവിധ കോണുകളിൽ അനാഥരായ കുഞ്ഞുങ്ങളെ തോളിലേറ്റി നടക്കുന്ന ധാരാളം കന്യാസ്ത്രീകൾ നിങ്ങൾക്ക് ചുറ്റുമുണ്ട്. ഒന്ന് കണ്ണുതുറന്ന് ചുറ്റും നോക്കിയാൽ മാത്രം മതി.
സി. സോണിയ തെരേസ് ഡി. എസ്. ജെ.
