St George Syrian Simhasana Beth Sabro Church Perumpally

16/08/2026

പെരുമ്പിള്ളി മോർ ഇഗ്നാത്തിയോസ് സൺഡേ സ്കൂളിലെ കുഞ്ഞ് കൂട്ടുകാർക്ക് പെരുമ്പള്ളി പള്ളി സ്നേഹാദരവ് നൽകി.

ഇന്ന് വിശുദ്ധ കുർബാനാനന്തരം ഇടവകയുടെ വികാരി ബഹുമാനപ്പെട്ട ബാബു ഏലിയാസ് തെക്കുംപുറത്ത് അച്ചൻ ചടങ്ങുകൾക്ക് നേതൃത്വം നൽകി ബഹുമാനപ്പെട്ട ജോൺ പുൽപ്പറ കുഴിയിൽ അച്ചൻ സന്നിഹിതനായിരുന്നു. മികച്ച വിജയം കാഴ്ചവെച്ച മോർ ഇഗ്നാത്തിയോസ് സൺഡേ സ്കൂളിലെ കുട്ടികളെ പ്രശംസിക്കുകയും അതിനായി അവരെ പ്രാപ്തരാക്കിയ അധ്യാപകരെ അനുമോദിക്കുകയും,തുടർന്നും ഉന്നത വിജയങ്ങൾ നേടട്ടെ എന്ന് തങ്ങളുടെ സ്നേഹ സന്ദേശത്തിൽ ബഹുമാനപ്പെട്ട വൈദികർ ആശംസിക്കുകയും ചെയ്തു. ബഹുമാനപ്പെട്ട ഹെഡ്മാസ്റ്റർ ബേബി ഐസക് സർ കുട്ടികൾക്ക് മധുര പലഹാരങ്ങൾ നൽകി ആശംസകൾ അറിയിച്ചു. മികച്ച വിജയം കാഴ്ച വെച്ച കുട്ടികൾക്ക് ബഹുമാനപ്പെട്ട പള്ളി ഇടവക ബഹുമാനപ്പെട്ട വികാരിയച്ചന്റെ നേതൃത്വത്തിൽ ഉച്ചഭക്ഷണം നൽകി കുട്ടികൾക്ക് സ്നേഹവും പ്രോത്സാഹനം നൽകി.

1.122 പോയിന്റോടെ മോർ ഇഗ്നാത്തിയോസ് സൺഡേ സ്കൂൾ ഒന്നാം സ്ഥാനം.
2. മുളന്തുരുത്തി സൗത്ത് ഡിസ്റ്റിക്കിലെ ഏറ്റവും മികച്ച സൺഡേ സ്കൂൾ.
3. ജൂനിയർ വിഭാഗം കലാപ്രതിഭ
4. സീനിയർ വിഭാഗം കലാപ്രതിഭ
എന്നീ സ്ഥാനങ്ങൾ നേടി മോർ ഇഗ്നാത്തിയോസ് സൺഡേ സ്കൂൾ മുളന്തുരുത്തി സൗത്ത് ഡിസ്റ്റിക് കലോത്സവത്തിൽ MJSSA-2026 ഒന്നാം സ്ഥാനം കരസ്ഥമാക്കി.

അഭിനന്ദനങ്ങൾ....

15/08/2026

14/08/2026

സെൻറ് ജോർജ് സിറിയൻ സിംഹാസന ബെത് സബ്റൊ പള്ളി.
വിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ പെരുമ്പള്ളി പള്ളിയിൽ ഓഗസ്റ്റ് 14, 15 തീയതികളിൽ ആഘോഷിക്കുന്നു.
പരിശുദ്ധ അമ്മയോടുള്ള അചഞ്ചലമായ വിശ്വാസത്താലും പ്രാർത്ഥനയാലും മാതാവിൻ്റെ തിരുശേഷിപ്പ്, പരിശുദ്ധ സുനോറോ പെരുമ്പള്ളി പള്ളിയിൽ പുണ്യ ശ്ലോകനായ പെരുമ്പള്ളി തിരുമേനി 1974ൽ സ്ഥാപിച്ചു. അനേകർക്ക് രോഗശാന്തിയും അനുഗ്രഹം, ഉണർവും നൽകിക്കൊണ്ട് വിശുദ്ധ മദ്ബഹായ്ക്ക് മുൻപിൽ പുണ്യശ്ലോകനായ പെരുമ്പള്ളി തിരുമേനിയുടെ കബറിടത്തിന് അരികിൽ പ്രത്യേകം തയ്യാറാക്കിയ മനോഹരമായ പേടകത്തിൽ സ്ഥാപിച്ചിരിക്കുന്നു.
ഇന്ന് വിശുദ്ധ കുർബാനയ്ക്ക് ഇടവകയുടെ പുത്രൻ ബഹുമാനപ്പെട്ട തോമസ് പീച്ചനാട്ട് അച്ചൻ വിശുദ്ധ ബലി അർപ്പിക്കുകയും കുർബാനാനന്തരം ബഹുമാനപ്പെട്ട വികാരി ബാബു ഏലിയാസ് തെക്കുംപുറത്ത് അച്ചൻ പെരുന്നാൾ കൊടി ഉയർത്തുകയും ചെയ്തു.
ഈ വർഷത്തെ ദൈവ മാതാവിൻ്റെ വാങ്ങിപ്പ് പെരുന്നാൾ പ്രിയപ്പെട്ട പീച്ചനാട്ട് കുടുംബത്തിൽ നിന്നും ബെന്നിയും കുടുംബാംഗങ്ങളും ചേർന്നതാണ് ഏറ്റു നടത്തുന്നത്.

12/08/2026

കർത്താവിൽ പ്രിയരെ,
പെരുമ്പിള്ളി സെന്റ് ജോർജജ് സിറിയൻ സിംഹാസന ബെത് സബ്റൊ പള്ളിയിൽ ആഗസ്റ്റ് മാസം 14, 15 തീയതികളിൽ നടക്കുന്ന ദൈവമാതാവിന്റെ വാങ്ങിപ്പ് പെരുന്നാളിന് മുന്നോടിയായി, പെരുമ്പള്ളി പള്ളിയുടെ കീഴിൽ, പരിശുദ്ധ അമ്മയുടെ നാമധേയത്തിലുള്ള പാണാർപാലം കുരിശിൻ തൊട്ടിയിൽ ആഗസ്റ്റ് മാസം 13 വ്യാഴാഴ്‌ച വൈകിട്ട് 6: 30ന് സന്ധ്യാ പ്രാർത്ഥനയും, പരിശുദ്ധ അമ്മയോടുള്ള പ്രത്യേകം മദ്ധ്യസ്ഥ പ്രാർത്ഥനയും, പെരുന്നാൾ സന്ദേശവും, തുടർന്ന് പാച്ചോർ നേർച്ചയും ഉണ്ടായിരിക്കുന്നതാണ്.

സകല തലമുറകളിലും വെച്ച് ഭാഗ്യങ്ങൾക്ക് യോഗ്യതയുള്ളവളും സ്‌തുതിക്കപ്പെട്ടവളുമായ പരിശുദ്ധ അമ്മയുടെ മദ്ധ്യസ്ഥതയിൽ അഭയപ്പെട്ട് ദൈവകൃപ പ്രാപിക്കുവാൻ എല്ലാവരേയും സ്നേഹപൂർവ്വം ക്ഷണിക്കുന്നു.

എന്ന്,

കർത്താവിൽ എളിയ ശുശ്രൂഷകൻ
വികാരി, ഫാ. ബാബു ഏലിയാസ്, തെക്കുംപുറത്ത്

12/08/2026

വിശുദ്ധ ദൈവമാതാവിൻ്റെ വാങ്ങിപ്പ് പെരുന്നാൾ പാണാർ പാലം കുരിശിൻ തൊട്ടിയിൽ

08/08/2026

അഖില മലങ്കര സൺഡേസ്കൂൾ അസോസിയേഷൻ - MJSSA മുളന്തുരുത്തി സൗത്ത് ഡിസ്റ്റിക് മത്സരങ്ങളിൽ 122 പോയിന്റോടെ പെരുമ്പള്ളി മോർ ഇഗ്നാത്തിയോസ് സൺഡേ സ്കൂൾ മികച്ച വിജയം കരസ്ഥമാക്കി.
ജൂനിയർ വിഭാഗത്തിൽ മീവൽ മേരി ബിജോയ്ക്കും, സീനിയർ വിഭാഗത്തിൽ സിറിൽ മാത്യു ബേസിലിനും കലാ പ്രതിഭ സ്ഥാനം ലഭിച്ചു.
മികച്ച വിജയം കരസ്ഥമാക്കിയ എല്ലാ കുട്ടികൾക്കും പ്രത്യേകം, പ്രത്യേകം അഭിനന്ദനങ്ങൾ ....

02/08/2026

പൗരോഹിത്യത്തിൻ്റെ 46ാം വർഷത്തിലേക്ക് കടന്നിരിക്കുന്ന പ്രിയപ്പെട്ട ജേക്കബ് കുരുവിള അച്ചന് (അനിയനച്ചന്) പെരുമ്പള്ളി പള്ളി ഇടവകയുടെ പ്രാർത്ഥനാ ആശംസകൾ.