Wisdom Youth EKM

17/08/2026

മണ്ഡലങ്ങളിലെ മികച്ച പ്രകടനങ്ങൾ , QHLS പരീക്ഷാ വിജയികൾ , ക്വിസ് മത്സര വിജയികളെ ആദരിച്ചപ്പോൾ..👌🤳

17/08/2026

ജില്ലാ കൗണ്സിൽ ചിത്രങ്ങളിലൂടെ 🤳

17/08/2026

ലഹരി മാഫിയക്കെതിരെ യുവജന പ്രതിരോധം ശക്തമാക്കുക: അൻവർ സാദത്ത് എം.എൽ.എ

ആലുവ: എറണാകുളം ജില്ലയെ ലഹരിമുക്തമാക്കാൻ യുവതലമുറ കൂടുതൽ സംഘടിക്കണമെന്നും ജാഗ്രത പുലർത്തണമെന്നും അൻവർ സാദത്ത് എം.എൽ.എ പ്രസ്താവിച്ചു. വിസ്ഡം യൂത്ത് എറണാകുളം ജില്ലാ കമ്മിറ്റി ആലുവയിൽ സംഘടിപ്പിച്ച ‘ഓപ്പറേഷൻ തൂഫാൻ’ കാറ്റലൈസർ ,ജില്ലാ കൗണ്സിൽ പ്രോഗ്രാം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

​ജില്ലയിലെ സ്കൂളുകളും കോളേജുകളും കേന്ദ്രീകരിച്ച് ലഹരി സംഘങ്ങൾ വലവീശുന്ന സാഹചര്യം ആശങ്കാജനകമാണ്. നാടിന്റെ ഭാവിയെ തകർക്കുന്ന ഇത്തരം മാഫിയകളെ ഒറ്റപ്പെടുത്താൻ യുവാക്കളുടെ കൂട്ടായ്മകൾ മുന്നോട്ടുവരണമെന്ന് അദ്ദേഹം ആഹ്വാനം ചെയ്തു.

പ്രോഗ്രാമിൽ വിസ്ഡം യൂത്ത് ജില്ലാ പ്രസിഡന്റ് യുസുഫ് സ്വലാഹി അധ്യക്ഷത വഹിച്ചു. സംസ്ഥാന ഭാരവാഹികൾ അബ്ദുൽ ഖാലിക്, ആവാം സുറൂർ , മുനവർ സ്വലാഹി, ജനറൽ സെക്രട്ടറി സിറാജുദ്ധീൻ , വൈസ് പ്രസിഡന്റ് ഹാസിൽ , ട്രഷറർ അംജദ് , തൻസീൻ , നിഷാദ്, ഷബീർ , സുനീർ , ആദിൽ ബുനയ്യ എന്നിവർ സംസാരിച്ചു.

06/08/2026

🌿 അൽഹംദുലില്ലാഹ്...

ഈരാറ്റുപേട്ടയിലെ പ്രളയദുരന്തത്തെ തുടർന്ന് വിസ്ഡം യൂത്ത് സംഘടിപ്പിച്ച *സൗജന്യ ഗൃഹോപകരണ സർവീസ് വർക്ക്‌ഷോപ്പ് ഇന്ന് വിജയകരമായി സമാപിച്ചു.

മൂന്ന് ദിവസങ്ങളിലും *എറണാകുളം ജില്ലയിൽ* നിന്ന് സ്വന്തം ജോലിയും തിരക്കുകളും മാറ്റിവെച്ച് നിരവധി ടെക്നീഷ്യൻമാരും അല്ലാത്തവരുമായ നമ്മുടെ പ്രവർത്തകർ ഈ സേവനയജ്ഞത്തിന്റെ ഭാഗമായി.

നൂറുകണക്കിന് കുടുംബങ്ങൾക്ക് വീണ്ടും അവരുടെ ദൈനംദിന ജീവിതം സാധാരണ നിലയിലാക്കാൻ ഈ സേവനം വലിയ ആശ്വാസമായി. ലഭിച്ച പ്രതികരണങ്ങൾ ഈ ഉദ്യമത്തിന്റെ മൂല്യം കൂടുതൽ ബോധ്യപ്പെടുത്തുന്നതാണ്.

ഈ സേവനത്തിന് സമയം, അധ്വാനം, വൈദഗ്ധ്യം എന്നിവ സമർപ്പിച്ച എല്ലാ ടെക്നീഷ്യൻമാർക്കും പ്രവർത്തകർക്കും ഹൃദയം നിറഞ്ഞ അഭിനന്ദനങ്ങളും പ്രാർത്ഥനകളും.

🤝 _ഈ സേവനയാത്ര ഇവിടെ അവസാനിക്കുന്നില്ല...

ഈ ശനി, ഞായർ ദിവസങ്ങളിലും ദുരിതാശ്വാസ പ്രവർത്തനങ്ങൾ തുടരും. സേവന മനസ്സുള്ള കൂടുതൽ സഹോദരങ്ങൾ ഈ ഉദ്യമത്തിന്റെ ഭാഗമാകണമെന്ന് സ്നേഹപൂർവ്വം അഭ്യർത്ഥിക്കുന്നു.

Contact number : +91 81500 47868

അല്ലാഹു നമ്മിൽ നിന്നും സ്വീകരിക്കട്ടെ. ആമീൻ

03/08/2026

Highlights from Wisdom Youth Professional wing's EMERGE ...🤳😍

03/08/2026

തീവ്ര പരിചരണ വിഭാഗം - മികവിന്റെ കേന്ദ്രങ്ങളാക്കണം: വിസ്ഡം പ്രൊഫഷണൽ വിങ്

കാക്കനാട് : ജില്ലാ ആശുപത്രികളിലെ തീവ്ര പരിചരണ വിഭാഗങ്ങൾ മികവിന്റെ കേന്ദ്രങ്ങളാക്കി മാറ്റാൻ സർക്കാർ അടിയന്തിര നടപടി സ്വീകരിക്കണമെന്ന് വിസ്‌ഡം ഇസ് ലാമിക് ഓർഗനൈസേഷൻ ജില്ലാ പ്രൊഫഷണൽ വിങ്‌ ലീഡേഴ്‌സ് മീറ്റ് EMERGE ആവശ്യപ്പെട്ടു.

ജില്ലാ ആശുപത്രികളിലെ പരിമിതികൾ കാരണം തീവ്ര പരിചരണം ആവശ്യമുള്ള രോഗികൾ സ്വകാര്യ ആശുപത്രികളെആശ്രയിക്കേണ്ടി വരുന്ന സാഹചര്യമാണിന്ന്‌. അമിതമായ സാമ്പത്തിക ബാദ്ധ്യതയാണ് ഇതെന്ന് കമ്മിറ്റി അഭിപ്രായപ്പെട്ടു.

സംസ്ഥാനത്തെ സർക്കാർ ആശുപത്രികളിലെ സ്റ്റാഫ് പാറ്റേൺ കാലാനുസൃതമായ മാറ്റങ്ങൾക്ക് വിധേയമാക്കണം.

അടിയന്തിര ചികിത്സ ലഭ്യമാക്കേണ്ട വകുപ്പുകളിൽ മുഴുവൻ സമയ ചികിത്സയും ലഭ്യമാക്കുന്ന വിധം പരിശോധനാ സമയം ക്രമീകരിക്കണമെന്നും പ്രോഗ്രാം ആവശ്യപ്പെട്ടു.

പ്രോഗ്രാം വിസ്ഡം യൂത്ത് എറണാകുളം ജില്ലാ ജെനറൽ സെക്രട്ടറി സിറാജുദ്ദീൻ ഉൽഘാടനം ചെയ്തു ,സംസ്ഥാന എക്സിക്യൂട്ടീവ് അംഗങ്ങളായ ഡോക് : സാബിക് ബിൻ കാസിം, ഡോക് ഫസൽ, ജില്ലാ പ്രൊഫഷണൽ വിങ് ചെയർമാൻ ഹസിൽ, കൺവീനർ ഫർഹാൻ എന്നിവർ സംസാരിച്ചു.

01/07/2026

പീസ് റേഡിയോ–സമീൽ ജനകീയ ക്യാമ്പയിന് എറണാകുളം ജില്ലയിൽ തുടക്കമായി

മലയാളത്തിലെ ആദ്യത്തെ വ്യവസ്ഥാപിത ഇന്റർനെറ്റ് റേഡിയോയായ പീസ് റേഡിയോയും അതിന്റെ ഡിജിറ്റൽ വിജ്ഞാന പ്ലാറ്റ്ഫോമായ സമീൽയും എറണാകുളം ജില്ലയിലെ കൂടുതൽ വ്യക്തികളിലേക്കും കുടുംബങ്ങളിലേക്കും എത്തിക്കുന്നതിനുള്ള ജനകീയ ക്യാമ്പയിന് തുടക്കമായി.

ഡിജിറ്റൽ മാധ്യമങ്ങൾ മനുഷ്യജീവിതത്തെ നിർണായകമായി സ്വാധീനിക്കുന്ന ഈ കാലഘട്ടത്തിൽ, ഗുണമേന്മയുള്ളതും മൂല്യാധിഷ്ഠിതവുമായ ഡിജിറ്റൽ ഉള്ളടക്കം സമൂഹത്തിന് ലഭ്യമാക്കുക എന്ന ലക്ഷ്യത്തോടെയാണ് ക്യാമ്പയിൻ സംഘടിപ്പിക്കുന്നത്. പ്രത്യേകിച്ച് കുട്ടികളിലും കൗമാരക്കാരിലും വർധിച്ചുവരുന്ന സോഷ്യൽ മീഡിയ ദുരുപയോഗം, ഡിജിറ്റൽ അഡിക്ഷൻ, മാനസിക സമ്മർദ്ദം, കുടുംബബന്ധങ്ങളിലെ അകൽച്ച തുടങ്ങിയ സാമൂഹിക വെല്ലുവിളികൾക്ക് ക്രിയാത്മകമായ ബദലൊരുക്കുകയാണ് പീസ് റേഡിയോയും സമീലും.

24 മണിക്കൂറും സംപ്രേഷണം ചെയ്യുന്ന പീസ് റേഡിയോയിൽ ആത്മീയത, വിദ്യാഭ്യാസം, കുടുംബജീവിതം, ആരോഗ്യം, കുട്ടികൾ, യുവജനങ്ങൾ, സ്ത്രീകൾ, സമകാലിക വിഷയങ്ങൾ തുടങ്ങി നൂറിലധികം വൈവിധ്യമാർന്ന പരിപാടികൾ ലഭ്യമാണ്. ഏഴ് ലക്ഷത്തിലധികം ഡൗൺലോഡുകളുമായി മലയാളം ഡിജിറ്റൽ മീഡിയ രംഗത്തെ ശ്രദ്ധേയ സാന്നിധ്യമാണ് പീസ് റേഡിയോ.

വിശുദ്ധ ഖുർആൻ പഠനം, വിശ്വാസം, കർമശാസ്ത്രം, ഇസ്ലാമിക വിജ്ഞാനം, വ്യക്തിത്വ വികസനം, കുടുംബശാക്തീകരണം, രക്ഷാകർതൃത്വം, കൗമാര മാർഗനിർദേശം തുടങ്ങി വിവിധ വിഷയങ്ങളിലെ കോഴ്സുകളും പഠനപരമ്പരകളും സമീലിലൂടെ ലഭ്യമാണ്. ഡിപ്രഷൻ, അഡിക്ഷൻ, കുടുംബപ്രശ്നങ്ങൾ തുടങ്ങിയ സമകാലിക സാമൂഹിക വിഷയങ്ങളെ അഭിമുഖീകരിക്കാൻ സഹായിക്കുന്ന വിജ്ഞാനസമ്പത്തും ഇതിന്റെ ഭാഗമാണ്.

എറണാകുളം ജില്ലയിലെ വിവിധ മേഖലകളിൽ സംഘടനാ പ്രവർത്തകരുടെയും പൊതുജനങ്ങളുടെയും പങ്കാളിത്തത്തോടെ നടക്കുന്ന ഈ മൂന്നുമാസത്തെ ജനകീയ ക്യാമ്പയിൻ സെപ്റ്റംബർ 30-ന് നടക്കുന്ന പീസ് റേഡിയോ ലിസണേഴ്സ് കോൺഫറൻസോടെ സമാപിക്കും. ജില്ലയിലെ പരമാവധി വ്യക്തികളിലേക്കും കുടുംബങ്ങളിലേക്കും പീസ് റേഡിയോയും സമീലും എത്തിക്കുകയാണ് ക്യാമ്പയിന്റെ ലക്ഷ്യം.

ഡിജിറ്റൽ ലോകത്തെ വെല്ലുവിളികൾക്ക് മൂല്യാധിഷ്ഠിതമായ ഡിജിറ്റൽ ബദൽ സമൂഹത്തിന് പരിചയപ്പെടുത്തുന്ന ജനകീയ മുന്നേറ്റമായാണ് ഈ ക്യാമ്പയിൻ സംഘടിപ്പിക്കുന്നത്.

27/06/2026

16/06/2026

📚 പഠനം
🤝 പ്രവർത്തനം
📢 പ്രബോധനം

ഈ മൂന്ന് ദൗത്യങ്ങൾ നെഞ്ചിലേറ്റി....

✨ LESSONS 2026 ✨
🔥 വരുന്നു... 🔥

💡 അറിവിന്റെ യാത്ര

━━━━━━━━━━━━━━━━━━
🌿 WISDOM YOUTH ERNAKULAM 🌿
"Learn • Live • Lead"
━━━━━━━━━━━━━━━━━━