07/04/2026
*സമരത്തിന് മുൻപും, സമര നാളുകളിലും L.F ആശുപത്രിയിലെ UNA നേതാക്കളും, മാനേജ്മെൻ്റും ചർച്ച നടത്തിയതിനെ സംബന്ധിച്ച്:-*
*സമരത്തിന് മുമ്പുള്ള നാളുകൾ*
LF അങ്കമാലി ആശുപത്രിയിൽ 2025 ജൂലൈയിൽ പുതിയ ഡയറക്ടർ ഫാദർ ജേക്കബ് ജി പാലയ്ക്കാപ്പിളളി നിയമിതനായി. ഇതേ മാസം തന്നെയാണ് പുതിയ HR head join ചെയ്തത്. തുടർന്ന് സെപ്റ്റംബർ മാസത്തിൽ ജോയിൻ്റ് ഡയറക്ടറായി ഫാദർ വർഗ്ഗീസ് പൊന്തേമ്പള്ളിയും, അസിസ്റ്റൻ്റ് ഡയറക്ടറായി ഫാദർ സെബാസ്റ്റ്യൻ കല്ലറക്കലും നിയമിതനായി. പഴയ മാനേജ്മെൻ്റിൽ ഫാദർ എബിൻ കളപ്പുരയ്ക്കൽ സേവനം തുടരുന്നു. 2026 ഫെബ്രുവരിയിൽ ഫാദർ ഡേവിസ് പടനയ്ക്കൽ നിയമിതനായി. ഒപ്പം പുതുതായി ചീഫ് ഓപ്പറേറ്റിംഗ് ഓഫീസർ സ്ഥാനമേറ്റു.
എന്നും തുറവിയോടെ, സൗഹാർദ്രപരമായി, ആശുപത്രിയുടെ ഉന്നമനത്തിനായി പ്രവർത്തിക്കുന്ന മാനേജ്മെൻ്റ് എന്ന് ജീവനക്കാർ പറയത്തക്ക വിധം ഈ മാനേജ്മെൻ്റ് പ്രവർത്തിച്ച് വരുന്നു. നാളുകളായി ജീവനക്കാർ ഉന്നയിച്ചിരുന്ന വിവിധങ്ങളായ പ്രശ്നങ്ങൾ ദൂരീകരിക്കാൻ മാനേജ്മെൻ്റിന് സാധിച്ചിട്ടുണ്ട്.
നാളുകളായി UNA ഉന്നയിച്ചിരുന്ന വിഷയങ്ങൾ ഉൾപ്പെടുത്തി സെപ്റ്റംബർ മാസത്തിൽ നൽകിയ നിവേദനത്തെ അനുഭാവപൂർവം സമീപിക്കുകയും ഒക്ടോബർ മാസത്തിൽ അവരുമായി ചർച്ച നടത്തുകയും ചെയ്തു. നീണ്ട 5 മണിക്കൂർ ചർച്ചക്ക് ശേഷം UNA നൽകിയ എല്ലാ വിഷയങ്ങളിലും കൃത്യമായി മറുപടി നൽകുവാൻ മാനേജുമെൻ്റിനു കഴിഞ്ഞു. പുതിയ മാനേജ്മെൻ്റൻ്റെ നിലപാടുകളും ഇടപെടലുകളും UNA അഭിനന്ദിക്കുകയും ചെയ്തു.
L.F ആശുപത്രിയിൽ 20000 അടിസ്ഥാന വേതനത്തിൻ്റെ കൂടെ 30% അലവൻസും 6000 രൂപ, പിന്നെ VDA 2798 രൂപയും എല്ലാം ചേർത്ത് 28798 നൽകുന്നതും ഇതിന് പുറമേ നമ്മുടെ സ്ലാബുകൾ ആയിട്ട് 3000 6000 രൂപ 9000, 11000 രൂപ നമ്മുടെ നഴ്സസ് ന് ഫെയർ wage നൽകുന്നതും മറ്റ് ആശുപത്രികളിൽ അപേക്ഷിച്ച് ഉയർന്നതാണ് എന്നും ചർച്ച ചെയ്യുകയുണ്ടായി. ഈ കൂട്ടത്തിൽ നൽകിയ ഒരു പരാതിയായിരുന്നു 2023 ശേഷമുള്ള interim allowance. 2023 ശേഷം മറ്റൊരു മിനിമം wage നോട്ടിഫിക്കേഷൻ വരാത്തതിനാൽ, 2026 മാർച്ച് 31 ന് മുമ്പ് ഈ കുറവുകൾ പരിഹരിച്ച് സാലറി വർക്കിങ് പൂർത്തീകരിച്ച് 2026 ഏപ്രിൽ മാസത്തിലെ ശമ്പളത്തോടെ interim allowance നൽകാം എന്ന് ഉറപ്പ് നൽകിയിരുന്നു. മറ്റ് അനവധി വിഷയങ്ങളും ഈ ചർച്ചയിൽ പരിഹരിക്കപ്പെടുകയും ചെയ്തു.
തുടർന്നുള്ള മാസങ്ങളിൽ വിവിധങ്ങളായ ചർച്ചയ്ക്ക് ഒടുവിൽ നാളുകളായി തീർപ്പ് ആകാതെ നിന്നിരുന്ന ലേബർ ഓഫീസിൽ നൽകിയിരുന്ന പരാതി ഒത്തു തീർപ്പാക്കുകയും ചെയ്തു. ഇതിലും മാനേജ്മെൻ്റിൻ്റെ തുറവിയോടെ ഉള്ള സമീപനത്തെ UNA അഭിനന്ദിച്ചു.
ഉറപ്പ് നൽകിയതനുസരിച്ച് നമ്മുടെ ആശുപത്രിയിൽ ജോലി ചെയ്യുന്ന എല്ലാ ജീവനക്കാരെയും ഒരു പോലെ പരിഗണിച്ച് നഴ്സിംഗ്, നഴ്സിംഗ് ഇതര ജീവനക്കാർക്കും നൽകാനിരുന്ന Interim Allowance നൽകാൻ മാനേജ്മെൻ്റ് തീരുമാനിക്കുകയും Head HR, Finance Head എന്നിവർ ഇതു സംബന്ധിച്ച പഠനം പൂർത്തീകരിച്ച് ബോർഡ് approval ന് മുന്നോടിയായി സഭയുടെ തന്നെ സ്ഥാപനമായ ലിസി ആശുപത്രി മാനേജ്മെൻ്റുമായി ചർച്ച നടത്തുകയും ചെയ്തു.
*സമര നാളുകൾ*
-----=---=---------=------
UNA പ്രതിനിധികൾ സമരത്തെ സംബന്ധിച്ച് 14 ദിവസം മുൻപ് 06 ഫെബ്രുവരി 2026 ൽ ആദ്യത്തെ നോട്ടിഫിക്കേഷൻ നൽകുകയുണ്ടായി. അത് 21 ഫെബ്രുവരി 2026 ൽ, 40,000 രൂപ അടിസ്ഥാന ശബളത്തിനായി കേരളം ഒട്ടാകെ നഴ്സസ് നടത്തുന്ന സമരത്തെ കുറിച്ചായിരുന്നു. അന്നേ ദിവസം തൃശ്ശൂരിൽ ശക്തി പ്രകടനം നടത്തുമെന്ന് എന്ന് UNA നേതാക്കൾ അറിയിച്ചു.
1.L.F ആശുപത്രിയിലെ Head HR മായി ആദ്യത്തെ ചർച്ച. ഈ ചർച്ചയിൽ, ഒക്ടോബർ മാസങ്ങളിൽ മാനേജ്മെൻ്റും UNA ഭാരവാഹികളും, പ്രതിനിധികളുമായി നടത്തിയ ചർച്ചകളിൽ അറിയിച്ചത് പോലെ, ശബളപരിഷ്കരണം 2026 ഏപ്രിൽ മാസത്തിലെ ശമ്പളത്തോടെ നൽകാം എന്ന് പറഞ്ഞിരിക്കെഎല്ലാ ജീവനക്കാരെയും ചേർത്തുപിടിച്ച് മുമ്പോട്ട് എന്തിനാണ് സമരം എന്ന് ചോദിച്ചു. അതിന് സംസ്ഥാനം ഒട്ടാകെ നടത്തുന്ന സമരത്തിൽ ഞങ്ങളും പങ്കുചേരുന്നു എന്നും, അതിൽ നിന്ന് ഒഴിഞ്ഞു നിൽക്കാൻ സാധിക്കില്ല എന്നും അറിയിക്കുന്നു. സമരം L.F നോട് അല്ലാ എന്ന് UNA നേതാക്കൾ അറിയിക്കുകയും ചെയ്തു. Legal Strike ആയതിനാൽ അനുവാദം നൽകുന്നതായി അറിയിക്കുകയും ചെയ്തു.
2. മാർച്ച് 04 2026 ലെ സമരത്തെ സംബന്ധിച്ച് കുറിച്ചുള്ള അറിയിപ്പ് 24 ഫെബ്രുവരി 2026 ന് മാത്രമേ മാനേജ്മെൻ്റ്ന് UNA നല്കിയത്. നിയമപരമായ 14 ദിവസം മുൻപ് എന്ന ഗണത്തിൽപ്പെടുന്നതല്ല മറിച്ച് നിയമവിരുദ്ധമായ സമരമാണിത് എന്ന് മാനേജ്മെൻ്റ് അവരെ അറിയിച്ചു.
മാർച്ച് 04 2026 ലെ സമരം തലസ്ഥാനത്ത് വച്ച് നടത്തപ്പെടുന്നു അവർ അറിയിച്ചു . HR - UNA പ്രതിനിധികളുമായി നടത്തിയ ചർച്ചയിൽ , ഈ സമരം സംസ്ഥാന സർക്കാരിനോടാണെന്നും, അടിസ്ഥാന ശമ്പളം 40,000 രൂപയാക്കുന്നതിനും, മിനിമം wage കരട് ഇറക്കുന്നതിന് വേണ്ടിയാണ് എന്നും മറുപടി നൽകി. ഇവിടെയും No demand with hospital എന്ന് മറുപടിയാണ് UNA നൽകിയത്
3. 04 മാർച്ച് 2026 ലെ സമരത്തിന് ശേഷം, 5 മാർച്ച് 2026 മുതൽ സർക്കാർ ഉത്തരവ് ഇറക്കുന്നത് വരെ സമരം ശക്തമായി തന്നെ മുന്നോട്ടു കൊണ്ട് പോകും എന്ന നിലപാട് UNA ഭാരവാഹികൾ അറിയിക്കുകയുണ്ടായി.
മൂന്നിൽ ഒരു സ്റ്റാഫ് എന്ന പാറ്റേൺ ആയിരിക്കും ജോലിക്ക് ഹാജരാകുന്നത് എന്ന് ചർച്ചയിൽ അവർ അറിയിച്ചു. രോഗികൾക്ക് ബുദ്ധിമുട്ട് ഉണ്ടാകുന്നതാണ് ഈ സമരം എന്ന് അവരോട് പറഞ്ഞു. എന്നാൽ ഈ സമരം സർക്കാരിനോടാണ് എന്നും ഇത് വിജയിപിക്കേണ്ടന്നത് UNA യുടെ ആവശ്യമെന്നും അവർ അറിയിക്കുന്നു. അപ്പൊൾ No work no pay എന്ന സുപ്രീം കോടതി നിരീക്ഷണം (സമരത്തിന് ഇറങ്ങുന്ന ദിവസങ്ങളിൽ Loss of Pay) എന്ന് Head HR അവരെ ഓർമ്മപ്പിച്ചു.
4. 07 മാർച്ച് 2026 ൽ സംസ്ഥാന സർക്കാർ minimum wage കരട് വിജ്ഞാപനം ഇറക്കി. വിജ്ഞാപനം ഇറക്കിയതിന് തുടർന്ന് സമരം സംസ്ഥാന സർക്കാറിനോട് എന്ന നിലപാടിൽ നിന്ന് ഹോസ്പിറ്റൽ management നോട് എന്ന നിലപാട് UNA സ്വീകരിച്ചു. L.F ലെ UNA പ്രതിനിധികളുമായി Head HR, ആശുപത്രിയുടെ ജോയിൻ്റ് ഡയറക്ടറും നടത്തിയ ചർച്ചയിൽ UNA സംസ്ഥാന ഘടകം അറിയിച്ചത് പോലെ 40,000 രൂപ അടിസ്ഥാന ശമ്പളത്തിൽ നിന്ന് ഒരു വിട്ടുവീഴ്ചക്കും തയ്യാർ അല്ല എന്ന് UNA ഭാരവാഹികൾ അറിയിച്ചു. 40,000 രൂപ അടിസ്ഥാന ശമ്പളത്തിന് പുറമെ 30% അഡീഷണൽ അലവൻസ് (exess allowance), 900 രൂപ VDA മൊത്തം 52900 രൂപ പഠിച്ചിറങ്ങിയ നഴ്സസ്ന് നൽകണം എന്നായിരുന്നു UNA യുടെ ആവശ്യം.
മാനേജ്മെൻ്റ് UNA യോട്, മൂന്നിൽ ഒരു സ്റ്റാഫ് ജോലിയിൽ ഹാജരാകത്തക്ക വിധം വേണം സമരത്തിന് ഇറങ്ങേണ്ടത് എന്ന് ആവശ്യപ്പെട്ടു.
5. 9 മാർച്ച് 2026 തിങ്കൾ സമ്പൂർണ പണിമുടക്ക് എന്ന് UNA ഭാരവാഹികൾ അറിയിച്ചു. അവശ്യ സേവനങ്ങളായ emergency, OT, ICUs , Labor Room എന്നിവ ഒഴിവാക്കണം എന്ന് മാനേജ്മെൻ്റ് request നടപ്പിലാക്കാൻ സാധ്യമല്ല എന്ന് UNA അറിയിച്ചു. മാത്രമല്ല Elective case കളുടെ തിയ്യതി പുന: നിശ്ചയിക്കാനും അവർ ആവശ്യപ്പെട്ടു. തുടർന്ന് മുഴുവൻ Nurses പ്രതിനിധികളുമായി - മാരുമായി Head HR, Chief Operating Officer, Chief Nursing Officer എന്നിവർ ചർച്ച നടത്തി. Nurses പ്രതിനിധികൾ UNA നിലപാട് തന്നെ സ്വീകരിച്ചു
06. 09 മാർച്ച് 2026 സമ്പൂർണ പണിമുടക്ക് ആരംഭിക്കുന്നു. UNA പ്രതിനിധികൾ PRO വഴി ചർച്ചയ്ക്ക് ആവശ്യപെടുന്നു.ചർച്ചയ്ക്ക് എടുക്കേണ്ട വിഷയങ്ങൾ എന്തെല്ലാം എന്ന് അറിയുന്നതിനായി സമരക്കാരുമായി സംസാരിക്കാൻ HR നേ മാനേജ്മെൻ്റ് ചുമതല പെടുത്തി. HR മായുള്ള ചർച്ചയിൽ 40,000 രൂപ അടിസ്ഥാന ശമ്പളം (മൊത്തശബളം 52900 രൂപ) വേണമെന്നുള്ള ആവശ്യവും, സമരക്കാർക്ക് വേണ്ടി അവരുടെ സംസ്ഥാന നേതാക്കൻമാരെ ചർച്ചക്ക് വിളിക്കണമെന്നും ആവശ്യപ്പെട്ടു. 40,000 രൂപ അടിസ്ഥാന ശബളത്തിൽ (മൊത്തശബളം 52900 രൂപ) നിന്ന് ഒരു വിട്ട് വീഴ്ചക്കും UNA തയ്യാർ അല്ല എന്നും വീണ്ടും അറിയിച്ചു. എന്നാൽ ഈ ആശുപത്രിയിൽ പ്രവർത്തിക്കുന്ന UNA ഭാരവഹികൾക്കോ, ഇതര നഴ്സുമാർക്കോ, എപ്പോൾ വേണമെങ്കിലും മാനേജ്മെന്റുമായി ചർച്ചക്ക് വരാം എന്നതാണ് മാനേജ്മെൻ്റ് അറിയിച്ചു.
7. 11 മാർച്ച് 2026 ന് രാവിലെ MLA ശ്രീ റോജി എം ജോൺ മുഖേന അവർ ചർച്ചക്കുള്ള താല്പര്യം അറിയിക്കുകയും ഉടൻ തന്നെ ആശുപത്രിയുടെ കോൺഫറൻസ് ഹാളിൽ വച്ച് , സമര നേതാക്കളുമായി ചർച്ച നടത്തുകയുണ്ടായി. ആശുപത്രിയിലെ ഇൻ്റേണൽ മാനേജ്മെൻ്റ് കമ്മിറ്റി മുഴുവൻ ടീമും പങ്കെടുത്തു. (Minutes attached).
മാർച്ച് 12 ന് നമ്മുടെ ആശുപത്രിയിൽ നൽകുന്ന ഫെയർ വെയ്ജ്ൻ്റേ സംശുക്തരൂപം മാനേജ്മെൻ്റ് പുറത്തിറക്കി. ഈ സ്ഥാപനത്തിൽ 1 വർഷം പ്രവർത്തി പരിചയമുള്ള നഴ്സസ്ന് 28798 രൂപയും ഏറ്റവും ഉയർന്ന ശമ്പളം 48108 രൂപ ഫെയർ വെയ്ജ് നൽകുന്നുണ്ട്.
8. March 14 2026 ൽ കോടതി നിർദ്ദേശ മധ്യസ്ഥനുമായി ചർച്ച നടത്താനും, മുപ്പതാം തീയ്യതി കോടതി കേസ് വിളിക്കുന്നത് വരെ സമരമോ, ശിക്ഷാനടപടികളോ പാടില്ല എന്ന കോടതി നിർദേശ പ്രകാരം അവർ സമരം നിർത്തി രാവിലെ 09:30ക്ക് ഹോസ്പിറ്റൽ management മായുള്ള ചർച്ചക്ക് ശേഷം ഡ്യൂട്ടിക്ക് കയറി. ചർച്ചയിൽ മറ്റൊരു ഓർഡർ ഇറങ്ങിയില്ലെങ്കിൽ വീണ്ടും സമരത്തിലേക്ക് പോകുമെന്നും അവർ അറിയിച്ചു. ആശുപത്രി management യാതരും പ്രതികാര നടപടി സ്വീകരിക്കില്ല എന്നും തിരിക ജോലിയിൽ പ്രേവേശിച്ചതിൽ സന്തോഷം അറിയികുകയുണ്ടായി.
9. രണ്ട് പ്രാവശ്യം മധ്യസ്ഥ ചർച്ചകൾ നടത്തിയിട്ടും ഒത്തു തീർപ്പ് ആകാത്തതിനാൽ മാർച്ച് 26ന് പിറ്റേ ദിവസം (മാർച്ച് 27ന്) മുതൽ സമരം എന്ന് ഫോൺ വഴി UNA നേതാക്കൾ Head HR നെ അറിയിച്ചു.
കോടതി വിധി മാനിക്കാതെ സമരം പാടില്ല എന്ന് HR അറിയിക്കുകയുണ്ടായി. രേഖാ മൂലം അത് അറിയിച്ചു. ഒപ്പം രോഗിക്കുള്ള ബുദ്ധിമുട്ട് മനസ്സിലാക്കണമെന്ന് ആവശ്യപ്പെടുകയും ചെയ്തു.
40,000 രൂപ അടിസ്ഥാന ശബളം (മൊത്തശബളം 52900 രൂപ) നൽകാതെ തിരികെ ജോലിയിൽ പ്രേവേശിക്കുകയില്ല എന്നും ഒരു വിട്ട് വീഴ്ചക്കില്ല എന്ന് വീണ്ടും അവർ ആവർത്തിച്ചു.
10. മാർച്ച് 30 ന് കോടതി കേസ് കേൾക്കാനിരിക്കെ, മധ്യസ്ഥ ശ്രമങ്ങൾ നടന്നു വരുന്നതിനാൽ മാർച്ച് 27 നുള്ള സമരം കോടതി അലക്ഷ്യമായി പരിഗണിക്കപ്പെട്ടു എന്നതിൽ 26ന് രാത്രി പോലീസ് സ്റ്റേഷനിൽ അറിയിക്കുകയുണ്ടായി.
2026 മാർച്ച് 27 ന് രാവിലെ സമരം വിലയിരുത്താൻ SI ശ്രീ ശ്യാം സർ വരുകയും സമരനേതാക്കളും SI യും മാനേജ്മെന്റ് ഉം 2 റൗണ്ട് (രാവിലെയും, ഉച്ച കഴിഞ്ഞും) ചേർന്ന് ചർച്ച നടത്തുകയുണ്ടായി.
രാവിലത്തെ ചർച്ചയിൽ മറ്റ് ആശുപത്രികൾ സമവായമായതിൽ എത്തി എന്ന് UNA അറിയച്ചതിനാൽ സമവായത്തിൽ എത്തി ചേർന്ന ആശുപത്രികളുടെ details നൽകാൻ ആവശ്യപ്പെട്ടു. മറ്റ് ആശുപത്രികളേക്കാൾ ഉയർന്ന ശമ്പളമാണ് L.F ൽ നൽകുന്നതെന്നും, സമവായം ആയിട്ടുള്ള ആശുപത്രികൾ എത്ര നൽകിയെന്നും അറിയിക്കണമെന്നും അഭ്യർത്ഥിച്ചു.
ഒപ്പം എന്ത് കൊണ്ട് നമ്മുടെ ആശുപത്രിയിൽ സമരം എന്ന ചോദ്യത്തിന് കൃത്യമായ ഒരു മറുപടി നൽകാൻ UNA ക്ക് സാധിച്ചതുമില്ല.
രാവിലത്തെ ആദ്യ ഘട്ട ചർച്ചയിൽ സമരനേതാക്കൾ അവരുടെ സംസ്ഥാന നേതാക്കളുമായി സർകാർ ഉത്തരവ് വരുന്നത് വരെ സമരം ഒഴിവാക്കി തിരികെ ജോലിയിൽ പ്രേവേശിക്കുന്നതിനെ കുറിച്ച് ആലോചിച്ചു മറുപടി ഉച്ചയ്ക്ക് ശേഷമുള്ള ചർച്ചയിൽ അറിയിക്കാം എന്ന് പറഞ്ഞു.
ഉച്ചയ്ക്ക് ശേഷമുള്ള ചർച്ചയിൽ UNA ഡിമാൻഡിൽ മാറ്റം വരുത്തുകയും, എല്ലാ നഴ്സിനും 10,000 രൂപ വീതം എല്ലാവർക്കും നൽകിയാൽ സമരം പിൻവലിക്കാം എന്ന് അവർ അറിയിച്ചു.
സർക്കാർ ഉത്തരവ് വരുന്നത് വരെ ക്ഷമയോടെ കാത്തിരിക്കണമെന്നും, ഒരു കരട് വിജ്ഞാപനത്തിൽ ഇരു കൂട്ടർക്കുമുള്ള ആക്ഷേപങ്ങൾ അറിയിക്കാനുള്ള രീതിയെ ബഹുമാനിക്കണമെന്ന മാനേജ്മെൻ്റിൻ്റെ ആവശ്യത്തെ അംഗീകരിക്കാൻ തയ്യാറാകാതെ ചർച്ച അവസാനിപ്പിച്ചു.
തുടർന്ന് UNA പ്രതിനിധികൾ ആവശ്യപ്പെട്ട പ്രകാരം ജനപ്രതിനിധികളുമായും, ഇലക്ഷൻ candidates മായും ഇടവകകൾ പ്രതിനിധികരിച്ച് വന്ന വ്യക്തികളുമായും പിന്നീട് ഇങ്ങോട്ടുള്ള ദിവസങ്ങളിൽ സംസാരിക്കുകയും, ചർച്ചകൾ നടത്തുകയും ചെയ്തു. കൃത്യതയും വ്യക്തതവുമായി, വസ്തുത പരവുമായി ഈ പ്രധിനിധികളുമായി മാനേജ്മെൻ്റ് സംസാരിച്ചു.
11. 02 ഏപ്രിൽ 2026 Unoffical discussion Nurses Superintendent UNA നേതാക്കളുമായി നടത്തിയപ്പോൾ അവരുടെ Target ലഭിക്കാതെ സമരം അവസാനിപ്പിക്കാൻ തയ്യാർ അല്ല എന്ന് അവർ അറിയിച്ചു.
12. 04 ഏപ്രിൽ 2026 ൽ L F Head HR മായുള്ള മറ്റൊരു സൗഹാർദ്രപരമായി കൂടിക്കാഴ്ചയിൽ UNA പ്രതിനിധി എല്ലാവർക്കും 10000 രൂപ എന്ന ഡിമാൻഡ് വീണ്ടും ആവർത്തിക്കുകയും, അല്ലാത്ത പക്ഷം സമരം പിൻവലിക്കാൻ തയ്യാർ അല്ല എന്ന് അറിയിക്കുകയും ചെയ്തു.
ഗവൺമെൻ്റ് നോട്ടിഫിക്കേഷൻ അനുസരിച്ച് 60 ദിവസത്തെ ആക്ഷേപം ഉന്നയിക്കാനുള്ള സമയം മേയ് 6 ന് അവസാനിക്കുകയും തുടർന്ന് നിയമപരമായി 3 മാസത്തിനുളിൽ ഓർഡറായി ഇറക്കുമെന്ന് പ്രതീക്ഷിക്കുന്നു. അതിൽ മാനേജ്മെൻ്റുമായി ചർച്ച നടത്തുവാൻ എന്തെങ്കിലും വിഷയങ്ങൾ ഉണ്ടെങ്കിൽ, തീർച്ചയായും മാനേജ്മെൻ്റ് അതിന് തയാറാണെന്ന് അറിയിക്കുന്നു. ഇത് മനസ്സിലാക്കി സമരത്തിന് നിന്ന് പിന്മാറുകയും ആശുപത്രിയുടെ പ്രവർത്തനങ്ങളോട് സഹകരിക്കുകയും ചെയ്യണമെന്ന് അഭ്യർഥിക്കുന്നു.
