20/12/2023
🕉️ ഓം നമഃശിവായ 🕉️
പുതുക്കലവട്ടം ശ്രീ മഹാദേവ ക്ഷേത്രം.
തിരുവാതിര ആറാട്ട് മഹോത്സവം (2023 ഡിസംബർ 22 മുതൽ 27 വരെ)
"അന്നദാനം മഹാദാനം"
ദാനങ്ങളില് വച്ച് ഏറ്റവും മഹത്തായത് അന്നദാനമാണ്. മറ്റേതൊരുദാനവും അന്നദാനത്തോളം മാഹാത്മ്യമേറിയതാവില്ല. വിശന്നുവലഞ്ഞു വരുന്ന ഒരാള്ക്ക് അന്നം ലഭിക്കുമ്പോഴുണ്ടാകുന്ന ആശ്വാസവും അതു കഴിച്ചശേഷമുണ്ടാകുന്ന സംതൃപ്തിയും അന്നദാതാവിന് അനുഗ്രഹമായി പരിണമിക്കുന്നു. അന്നദാനം നടത്തിയാല് ദാരിദ്ര്യവും കടവും മാറുമെന്നാണ് വിശ്വാസം. കൂടാതെ കുടുംബത്തില് സമ്പത്തും സമൃദ്ധിയും ഐശ്വര്യവുമുണ്ടാകും. ജീവന് നിലനിര്ത്താന് ഭക്ഷണം അത്യാവശ്യമാണ്. അന്നദാനം നല്കുന്നതിലൂടെ ഒരാള്ക്ക് ജീവന് നല്കുകയാണ് ചെയ്യുന്നത്. അതുകൊണ്ടാണ് അന്നദാനം മറ്റു ദാനങ്ങളെക്കാള് മഹത്തരമാണെന്ന് പറയപ്പെടുന്നത്.
ശിവപുരാണത്തിൽ അന്നദാനത്തെകുറിച്ച് പ്രതിപാദിച്ചിരിക്കുന്നത് ഇങ്ങനെ :
"ഗജതുരംഗസഹസ്രം ഗോകുലം കോടി ദാനം
കനകരചിത പാത്രം മേദിനിസാഗരാന്തം;
ഉദയകുല വിശുദ്ധം കോടി കന്യാപ്രദാനം
നഹി നഹി ബഹുദാനം അന്നദാനസുസമാനം"
അതായത് ആയിരം കൊമ്പനാനകള്, ആയിരം പടക്കുതിരകള്, ഒരു കോടി പശുക്കള്, നവരത്നങ്ങള് പതിച്ച അനവധി സ്വര്ണ്ണാഭരണങ്ങള്, പാത്രങ്ങള്, സമുദ്രത്തോളം ഭൂമി എന്നിങ്ങനെ നിരവധി ദാനങ്ങള് ചെയ്താലും അതൊന്നും അന്നദാനത്തിന് തുല്യമാകില്ല എന്നാണ് അന്നദാനത്തെ പ്രകീര്ത്തിക്കുന്നത്.
പുതുക്കലവട്ടത്തപ്പന്റെ തിരുവുത്സവത്തിന്റെ അന്നദാന നിധിയിലേക്ക് ഉദാരമായി സംഭാവന നൽകി ഈ പുണ്യ കർമ്മത്തിൽ പങ്കുകൊള്ളുന്നതോടൊപ്പം സർവ്വ ഐശ്വര്യങ്ങൾക്കും കൃപാകടാക്ഷങ്ങൾക്കും പാത്രീഭൂതരാകുവാനും ഭഗവത് നാമത്തിൽ അഭ്യർത്ഥിക്കുന്നു.
താൽപ്പര്യപ്പെടുന്നവർ നേരിട്ട് ക്ഷേത്രവുമായോ താഴെ നൽകിയിരിക്കുന്ന ഫോൺ നമ്പറിലോ ബന്ധപ്പെടാവുന്നതാണ്.
8714330506
7356990865
0484 7965342
