SNDP Yogam BrNo945 കാവാലം വടക്ക്

30/07/2024

29/07/2024

ശാഖായോഗം വാര്‍ഷിക പൊതുയോഗവും ഭരണസമിതി തിരഞ്ഞെടുപ്പും നടന്നു ....
28-07-2024 ഞായറാഴ്ച്ച 10AM -ന് ശാഖായോഗം പ്രാര്‍ത്ഥനാമന്ദിരത്തില്‍ കൂടിയ വാര്‍ഷിക പൊതുയോഗത്തില്‍ യൂണിയന്‍ കണ്‍വീനര്‍ സന്തോഷ് ശാന്തി അദ്ധ്യക്ഷത വഹിച്ചു ...ശാഖായോഗം പ്രസിഡന്‍റ് മോഹനന്‍ദാസ് സ്വാഗതം ആശംസിച്ചു ....യൂണിയന്‍ വൈസ് ചെയര്‍മാന്‍ എം.ഡി.ഓമനക്കുട്ടന്‍ യോഗം ഉത്ഘാടനം ചെയ്തു ....യൂണിയന്‍ അഡ്മിസ്ട്രേറ്റീവ് കമ്മറ്റി അംഗം പി.ബി.ദിലീപ് ,എം.പി .പ്രമോദ് ,ശാഖായോഗം മാനേജിംഗ് കമ്മറ്റി അംഗങ്ങള്‍ എന്നിവര്‍ ആശംസകള്‍ അര്‍പ്പിച്ചു ....ശാഖായോഗം സെക്രട്ടറി കെ.വി.അശോകന്‍ റിപ്പോര്‍ട്ട് ,കണക്കുവിവരങ്ങള്‍ അവതരിപ്പിച്ചു .....തുടര്‍ന്ന് പുതിയ ഭരണ സമിതി സ്ഥാനമേറ്റു...
സെക്രട്ടറി -കെ.വി. അശോകന്‍,കുടിലില്‍
പ്രസിഡന്‍റ് -മോഹനന്‍ദാസ് ,മരാത്തുശ്ശേരി
വൈസ് പ്രസിഡന്‍റ് -സുഗുണന്‍ കുരുവിട്ടുശ്ശേരി
യൂണിയന്‍ കമ്മറ്റിയംഗം -സജിമോന്‍ ,പതിനാലില്‍ച്ചിറ
കമ്മറ്റി അംഗങ്ങള്‍ -
സാബു മുപ്പതില്‍ച്ചിറ
ഗിരീഷ്, പാണാത്തുശ്ശേരി
തങ്കച്ചന്‍,വെണ്‍മലശ്ശേരില്‍
വിജി ദാസ്,തൈവീട് ആയുഷ്ഭവന്‍
രൂപേഷ് ബാബു,കൊച്ചുപുര
സുധീഷ് .E .V ,പുതിയവീട്
പുരുഷോത്തമന്‍,ഉണ്ണാച്ചുപറമ്പ്
പഞ്ചായത്ത് കമ്മറ്റി അംഗങ്ങള്‍ -
ബിനീഷ്, വാക്കിശ്ശേരി
ലേഖാജയപ്രകാശ് ,അനുപമ
കാഞ്ചന മോഹനന്‍ ,നടുപ്പറമ്പ്

15/05/2024

1903 ജനുവരി 7 ന് രൂപീകൃതമായ എസ് എൻ ഡി പി യോഗം മെയ് 15ന് കമ്പനി ആക്റ്റ് പ്രകാരം രജിസ്ട്രേഷൻ പൂർത്തീകരിച്ച് പ്രവർത്തനം ആരംഭിച്ചു.

കേരളത്തിൻ്റെ സമസ്ത മേഖലയിലും സ്വാധീനം ചെലുത്തുവാൻ എസ് എൻ ഡി പി യോഗത്തിന് ഇന്ന് ആയിട്ടുണ്ട്. ഗുരുദേവൻ്റെ തൃക്കരങ്ങളാൽ രൂപീകൃതമായ മഹാപ്രസ്ഥാനം ഇന്നും മികവിൻ്റെ ഉന്നതിയിൽ സംഘടനകളുടെ മാതാവായി നില കൊള്ളുന്നു.. സാമ്പത്തിക വിദ്യാഭ്യാസ ആദ്ധ്യാത്മിക മേഖലകൾ അടക്കം വിവിധങ്ങളായ രംഗങ്ങളിൽ പിന്നാക്ക വിഭാഗങ്ങളുടെ ഇടയിൽ വലിയ മാറ്റങ്ങൾ സൃഷ്ടിക്കുവാൻ എസ് എൻ ഡി പി യോഗത്തിന് കഴിഞ്ഞിട്ടുണ്ട്.

ശ്രീനാരായണ ഗുരുദേവൻ പാകപ്പെടുത്തിയ കേരളത്തിൻ്റെ മതേതര കാഴ്ച്ചപ്പാടുകളിൽ ഇന്ന് ഒട്ടനവധി വെല്ലുവിളികൾ നേരിടേണ്ടി വരുന്നു. മനുഷ്യരെ ജാതിയുടെയും മതത്തിൻ്റെയും അടിസ്ഥാനത്തിൽ രാഷ്ട്രീയ അധികാരങ്ങൾക്കു വേണ്ടി വിഭജിക്കുന്നു. ഇതിൻ്റെ പേരിൽ പ്രീണനങ്ങളും പീഡനങ്ങളും നടക്കുന്നു.

ധർമ്മത്തിൻ്റെയും സത്യത്തിൻ്റെയും സ്നേഹത്തിൻ്റെയും സഹാനുഭൂതിയുടെയും അഹിംസയുടെയും നല്ല പാഠങ്ങൾ പകർന്ന് കൊടുത്ത്, ഗുരുവിൻ്റെ തത്വ ദർശനം ജനഹൃദയങ്ങളിൽ എത്തിക്കുക എന്ന ലക്ഷ്യത്തോടെ എസ് എൻ ഡി പി യോഗം ശക്തമായി മുന്നോട്ട് കുതിക്കുക തന്നെ ചെയ്യുന്നു....

01/05/2024

ഗുരുദേവ ദർശനം ലോക നന്മയ്ക്ക് പ്രീതി നടേശൻ....

ലോകത്ത് ശാന്തിയും സമാധാനവും നൽകുവാൻ ഗുരുദേവദർശനത്തിന് മാത്രമേ കഴിയൂ എന്ന് എസ്.എൻ ട്രസ്റ്റ് ബോര്‍ഡ് മെമ്പർ പ്രീതി നടേശൻ പറഞ്ഞു....കുഞ്ഞു കുട്ടികളുടെ മനസ്സിലേക്ക് ശ്രീനാരായണഗുരുദേവ ദർശനം പകർന്നു നൽകുന്നത് വഴി നല്ല വ്യക്തിത്വങ്ങളെ വാർത്തെടുക്കുവാൻ കഴിയുമെന്നും പറഞ്ഞു....കുട്ടനാട് എസ്. എൻ.ഡി.പി യൂണിയന്‍റെ നേതൃത്വത്തിൽ ബാലജനയോഗം കുട്ടികൾക്കായി കാവാലം വടക്ക് 945 -ാം നമ്പർ എസ്. എൻ.ഡി.പി ശാഖായോഗത്തിൽ സംഘടിപ്പിച്ച ഉണർവ് 2024 ഉദ്ഘാടനം ചെയ്തു സംസാരിക്കുകയായിരുന്നു പ്രീതി നടേശൻ... യോഗത്തിൽ കുട്ടനാട് എസ്.എൻ.ഡി.പി യൂണിയൻ വൈസ് ചെയർമാൻ എം.ഡി ഓമനക്കുട്ടൻ അദ്ധ്യക്ഷത വഹിച്ചു.... യൂണിയൻ കൺവീനർ സന്തോഷ്ശാന്തി ആമുഖപ്രഭാഷണവും CWC ചെയർപേഴ്സൺ വസന്തകുമാരി അമ്മ മുഖ്യപ്രഭാഷണവും, ക്യാമ്പ് അംഗങ്ങൾക്കുള്ള ഉപഹാര സമർപ്പണവും സർട്ടിഫിക്കറ്റ് വിതരണവും ചെയ്തു....ക്യാമ്പ് ചീഫ് കോര്‍ഡിനേറ്റര്‍മാരായ റ്റി.എസ് പ്രദീപ്കുമാർ, കെ.പി സുബീഷ് ,യൂത്ത് മൂവ്മെൻറ് യൂണിയൻ പ്രസിഡന്റ് ഷിനു മോൻ റ്റി.എസ്സ് ,സെക്രട്ടറി പി. ആർ രതീഷ് ,വനിതാ സംഘം യൂണിയൻ പ്രസിഡണ്ട് സ്മിതാ മനോജ്, വൈസ് പ്രസിഡൻറ് ബീന സാബു ,സെക്രട്ടറി സജിനി മോഹനൻ, എംപ്ലോയിസ് ഫോറം സംസ്ഥാന ജോയിൻ സെക്രട്ടറി ഗോകുൽദാസ് ബാലനയോഗംയൂണിയൻ സെക്രട്ടറി റ്റി.എസ് അഭിഷേക്, വൈദികയോഗം യൂണിയൻ സെക്രട്ടറി സജേഷ് ശാന്തി,എംപ്ലോയീസ് ഫോറം യൂണിയൻ സെക്രട്ടറി ബിജു തങ്കപ്പൻ ശാഖായോഗം പ്രസിഡന്റ് എം.കെ മോഹൻദാസ്,എന്നിവർ സംസാരിച്ചു... എം & ബി കൺസ്ട്രക്ഷൻ മാനേജിംഗ് ഡയറക്ടർ മധു പി ദേവസ്വം പറമ്പ് ഗുരുകൃപ ചാരിറ്റബിൾ ട്രസ്റ്റ് & എഡ്യൂക്കേഷൻകൺസൾട്ടൻസി അജിമോൻ എസ് എന്നിവർ അഥിതികൾ ആയിരുന്നു... യോഗത്തിന് യൂണിയൻ അഡ്മിനിസ്ട്രേറ്റീവ് കമ്മിറ്റി അംഗം പി. ബി. ദിലീപ് സ്വാഗതവും ശാഖാ സെക്രട്ടറി കെ. വി അശോകൻ കൃതജ്ഞതയും രേഖപ്പെടുത്തി 3 ദിവസത്തെ ക്യാമ്പ് വൈകിട്ട് 8 മണിക്ക് സമാപിച്ചു.....

12/02/2024

കുട്ടനാട്ടുകാർ ഗുരുദേവദർശനം ശരീകരിച്ചവർ അരയാക്കണ്ടി സന്തോഷ്...

ഗുരുദേവദർശനം ശരണീകരിച്ച,ഗുരുദേവ വിശ്വാസവും സംഘടനാ ബോധവും, ഉള്ളവരാണ് കുട്ടനാട്ടുകാർ എന്ന് എസ്എൻഡിപി യോഗം ദേവസ്വം സെക്രട്ടറി അറിയാക്കണ്ടി സന്തോഷ് പറഞ്ഞു... അതുകൊണ്ടാണ് കുട്ടനാട്ടുകാർക്ക് ശ്രീനാരായണ ഗുരുദേവന്റെ കൈകളിൽ നിന്നും ആദ്യ 25 ശാഖകളുട സർട്ടിഫിക്കറ്റ് ഏറ്റു വാങ്ങുവാൻ ഭാഗ്യമുണ്ടായതെന്നും അദ്ദേഹം കൂട്ടിച്ചേര്‍ത്തു ... കുട്ടനാട് എസ്എൻഡിപി യൂണിയനിലെ കുന്നംകരി 372-ാംനമ്പർ എസ്എൻഡിപി ശാഖാ യോഗത്തിൽ പ്രതിഷ്ഠാ വാർഷിക ആഘോഷത്തോടനുബന്ധിച്ച് നടന്ന സർവ്വമത സമ്മേളനത്തിൻ്റെ ശതാബ്ദി ആഘോഷം ഉദ്ഘാടനംചെയ്തു സംസാരിക്കുകയായിരുന്നു അദ്ദേഹം... യോഗത്തിൽ യൂണിയൻ കൺവീനർ സന്തോഷ് ശാന്തി അധ്യക്ഷത വഹിച്ചു.. ചങ്ങനാശ്ശേരി പുത്തൂർപള്ളി ചീഫ് ഇമാം ഡോക്ടർ ഹാഫിസ് അർഷാദ് ഫലാഹി, കുന്നങ്കരി സെൻമേരിസ് പള്ളി വികാരി ഫാദർ ജോൺ തോമസ്, കെ പി എം എസ് കുട്ടനാട് യൂണിയൻ പ്രസിഡൻറ് എം ജയരാജ്, ശാഖാ യോഗം മാനേജിംഗ് കമ്മിറ്റി അംഗവും എംപ്ലോയീസ് ഫോറം യൂണിയൻ പ്രസിഡന്റുമായ എൻ.ഹരിദാസ്, എന്നിവർ സംസാരിച്ചു.. ശാഖായോഗ അംഗങ്ങൾക്കുള്ള ധനസഹായ വിതരണം പ്രസിഡൻറ് എം.സോമൻ, വൈസ് പ്രസിഡൻറ് കെ ബി മോഹനൻ. സെക്രട്ടറി ബി റെജി എന്നിവർ വിതരണം ചെയ്തു.. യോഗത്തിന് മാനേജിങ് കമ്മിറ്റി അംഗങ്ങളായ റ്റി.ബി ബിജു സ്വാഗതവും ബിന്ദു രമേശൻകൃതജ്ഞതയും രേഖപ്പെടുത്തി.