27/06/2022
പുരാതന കാലത്ത് ശ്രേഷ്ഠവും അതി ചൈതന്യവത്തുമായി പരിലസിച്ചിരുന്നതും നൂറ്റാണ്ടുകളായി അനാദരവാൽ ഇരുളടഞ്ഞതും ,കലഹരണപ്പെട്ടു പോയതുമായ ശ്രീ കുറുമ്പിലോട്ടമ്മയുടെ ആരൂഢ സ്ഥാനമായ കുറുമ്പിലോട്ട് ഭഗവതിക്കാവ് (പി.ഒ ഓലയമ്പാടി) പുന: പ്രതിഷ്ഠാ നവീകരണ കലശ മഹോത്സവം 2022 ജൂലായ് 4, 5, 6 (തിങ്കൾ, ചൊവ്വ ,ബുധൻ ) (1197 മിഥുനം 19,20,21) ദിവസങ്ങളിൽ ശ്രീ കാളകാട്ട് ഇല്ലത്ത് സന്ദീപ് തന്ത്രി അവർകളുടെ മുഖ്യകാർമ്മികത്വത്തിൽ നടത്തപ്പെടുന്നു .ജൂലായ് 4 തിങ്കളാഴ്ച വൈകുന്നേരം 4 മണിക്ക് ഓലയമ്പാടിയിൽ നിന്നും ബാലികമാരുടെ താലപ്പോലിയോടും ,മുത്തുകുടകളോടും, വാദ്യമേളത്തോടു കൂടി ആചാര്യ സ്വീകരണം, തുടർന്ന് 6 മണിക്ക് ആചാര്യവരണം ,പശുദാന പുണ്യാഹം ,പ്രസാദ ശുദ്ധ്യാദി ക്രിയകൾ ,അത്താഴപൂജ .ജലായ് 5 ചൊവ്വാഴ്ച രാവിലെ 7 മണിക്ക് ഗണപതി ഹോമം തുടർന്ന് ബിംബശുദ്ധികലശപൂജ ,കലശാഭിഷേകം ,അനുജ്ഞാനകലശപൂജ ,കലശാഭിഷേകം ,നിദ്രാ കലശപൂജ ,ശയ്യാ പൂജ, ജീപോ ദ്വാസന ജീവ കലശം, വൈകുന്നേരം 5.30ന് ബിംബശുദ്ധികലശ പൂജ ,ബിംബ ശുദ്ധി കലശാഭിഷേകം ,അധിവാസ ഹോമം ,പീഠം ശയ്യയ്യിലേക്ക് എഴുന്നള്ളിക്കൽ ,ധ്യാനാധി വാസം .ഇന്നേ ദിവസം (ജൂലായ് 5 ചൊവ്വാഴ്ച) ഉച്ചയ്ക്ക് 12 മണി മുതൽ പെരിങ്ങേത്ത് കുഞ്ഞി കമ്മാരൻ നമ്പ്യാർ ,കാനാ വീട്ടിൽ മീനാക്ഷി അമ്മയുടെയു സ്മരണയ്ക്ക് മകൻ കുഞ്ഞികൃഷ്ണൻ ,ചട്ട്യോൾ വക അന്നദാനം.ജലായ് 6 ബുധനാഴ്ച രാവിലെ 3.30 ന് ഗണപതി ഹോമം ,അധിവാസം വിടർത്തി പൂജ ,പ്രാസാദ പ്രതിഷ്ഠ രാവിലെ 6.12 മുതൽ 6.57 വരെയുള്ള ശുഭ മൂഹൂർത്തത്തിൽ ദേവീപ്രതീഷ്ഠാ കർമ്മം ,കലശാഭിഷേകം ,ഉച്ചപൂജ ,പ്രസാദ വിതരണം .രാവിലെ 9 മണിക്ക് എ കുഞ്ഞികൃഷ്ണൻ മാസ്റ്റർ വെങ്ങര അധ്യാത്മിക പ്രഭാഷണം നടത്തുന്നതായിരിക്കും ,ഉച്ചയ്ക്ക് 12 മണി മുതൽ സി.വി നളിനിയമ്മയുടെ സ്മരണയ്ക്ക് കുടുംബാംഗങ്ങൾ വക അന്നദാനവും ഉണ്ടായിരിക്കുന്നതാണ് .
