𝙰𝚕𝚕𝚊𝚗𝚔𝚘𝚝 𝙼𝚊𝚗𝚊𝚔𝚊𝚕 𝚜𝚛𝚎𝚎 𝙼𝚊𝚑𝚊 𝚟𝚒𝚜𝚑𝚗𝚞 𝚃𝚎𝚖𝚙𝚕𝚎

09/03/2026

എല്ലാവർക്കും നമസ്കാരം 🙏
ധന്യാത്മൻ : ആളാംകോട്ട് മനയ്ക്കൽ ശ്രീ മഹാവിഷ്ണുക്ഷേത്രത്തിൽ പ്രശസ്ത ക്ഷേത്രശിൽപ്പി ടി പി മാധവൻ വിശ്വകർമ്മൻ, കൊഴുമ്മൽ അവർകളുടെ കാർമികത്വത്തിൽ കിണറിന്റെ സ്ഥാനം കാണുകയും കുറ്റിയടിക്കുകയും ചെയ്ത വിവരം ഏവരെയും സസന്തോഷം അറിയിക്കുന്നു, വിവിധ ജോലികൾ നടപ്പാക്കേണ്ടുന്നതിനുള്ള കണക്കുകളും രൂപരേഖകളും അദ്ദേഹം നൽകിയിട്ടുണ്ട്. കൂടാതെ പ്രവൃത്തികൾ ആരംഭിക്കുന്നത് മുതൽ അദ്ദേഹത്തിന്റെ സഹായികളുടെ മേൽനോട്ടവും സഹകരണവും നൽകാമെന്നും അറിയിച്ചിട്ടുണ്ട്. ഇന്നത്തെ ദിവസത്തെ ചടങ്ങിന് ക്ഷേത്രപരിപാലന സമിതി അംഗങ്ങളും നാട്ടുകാരും പങ്കെടുത്തു.എല്ലാവരും ഇനിയുള്ള ദിവസങ്ങളിൽ ക്ഷേത്രത്തിൽ എത്തിച്ചേരുകയും മറ്റ് നിർമ്മാണ പ്രവർത്തനത്തിനു വേണ്ട സഹായങ്ങളും സഹകരണങ്ങളും നൽകുകയും ചെയ്യുമല്ലോ,

" പ്രസിഡന്റ്‌ /സെക്രട്ടറി "

ആളാംകോട്ട് മനയ്ക്കൽ ശ്രീ മഹാവിഷ്‌ണു ക്ഷേത്ര പരിപാലനസമിതി.

02/11/2025

28/07/2025

എല്ലാ ഭക്തജനങ്ങളുടെയും സഹകരണം പ്രതീക്ഷിക്കുന്നു

28/07/2025

🙏നോട്ടീസ് പ്രകാശനം 🙏
പ്രതിഷ്ഠദിനം, മഹാഗണപതി ഹോമം, ശ്രീകൃഷ്ണ ജയന്തി എന്നീ ആഘോഷങ്ങളുടെ നോട്ടീസ് പ്രകാശനം ക്ഷേത്ര പരിപാലന സമിതി പ്രസിഡന്റ് സി കെ അരവിന്ദൻ സമിതി ട്രഷറര്‍ വി വി സുഗതക്ക് നൽകി കൊണ്ട് നിർവഹിച്ചു.

15/01/2025

🙏 നമസ്ക്കാരം🙏 ആളാംകോട്ട് മനയ്ക്ക്ൽ ശ്രീ മഹാവിഷ്ണുക്ഷേത്രം 16.1.2025 വ്യാഴം ( 1200 മകരം 2 ) നാളെ ആയില്യം നാളിൽ രാവിലെ മകരമാസം പൂജകൾക്കായ് നട തുറക്കൽ നടത്തപ്പെടുന്നു. സമയം രാവിലെ 9.30 മുതൽ 11.30 വരെ. മുഴുവൻ ആളുകളും നാളെ ക്ഷേത്രത്തിൽ വന്നു ചേർന്ന് മുഴുവൻ സമയവും പങ്കെടുക്കണമെന്ന് വിഷ്ണുനാമത്തിൽ അറിയിച്ചു കൊള്ളുന്നു.

15/01/2025

എല്ലാവർക്കും നമസ്കാരം 🙏
ആദ്യാത്മിക യാത്രക്കായി 12.01.2025 ന് രാവിലെ കൃത്യം 6.00 മണിക്ക് തന്നെ എല്ലാവരും അമ്പലത്തിൽ എത്തി ചേർന്ന് കൊണ്ട് യാത്ര ധന്യമാക്കി.
ആദ്യം തളിപ്പറമ്പ് രാജരാജേശ്വര ക്ഷേത്രത്തിൽ എത്തിയ തീർത്ഥാടകർ ആളാംകോട്ട് മനയ്ക്കൽ ശ്രീ മഹാവിഷ്ണു ക്ഷേത്രത്തിന്റെ പേരിലേക്കായി ഭാഗവാന് നെയ്യമൃത് സമർപ്പിച്ചു കൊണ്ട് പിന്നീട് കാഞ്ഞിരങ്ങാട് വൈദ്യനാഥ ക്ഷേത്രത്തിൽ എത്തി വൈദ്യനാഥന് ക്ഷീരധാര, ജലധാര എന്നീ വഴിപാടുകൾ നൽകി പ്രസാദം സ്വീകരിച്ചു, ശേഷം തൃച്ചംബരം ശ്രീ കൃഷ്ണ ക്ഷേത്രത്തിൽ എത്തി ഭഗവാന് പാൽപ്പായസവും പുഷ്‌പാഞ്‌ജലിയും വഴിപാട് നൽകിയ ശേഷം പ്രസാദം സ്വീകരിച്ചു.കൃത്യം ഉച്ചക്ക് 1.00 മണിക്ക് തന്നെ ആറ്റടപ്പയിൽ തിരിച്ചെത്തിയിരിക്കുന്നു. യാത്രയിൽ പങ്കെടുത്ത എല്ലാവർക്കും വിശിഷ്യ നമ്മുടെ നാടിനും നാട്ടുകാർക്കും ഭഗവാന്റെ അനുഗ്രഹാശിസ്സുകൾ ഉണ്ടാവട്ടെ എന്ന് പ്രാർത്ഥിച്ചു കൊണ്ട് യാത്രയിൽ ഉടനീളം സഹകരിച്ച തീർത്ഥാടകർക്കും, കുട്ടികൾക്കും, ശ്രീ ഗുരു ട്രാവൽസ് സ്റ്റാഫിനും ക്ഷേത്ര പരിപാലന സമിതിയുടെ കൃതജ്ഞത രേഖപ്പെടുത്തി കൊള്ളുന്നു.

26/08/2024

ആറ്റടപ്പ : ആളാംകോട്ട് മനയ്ക്കൽ ശ്രീ മഹാവിഷ്ണു ക്ഷേത്രത്തിൽ കരുമാരത്തില്ലം പരമേശ്വരൻ നമ്പൂതിരിപ്പാടിന്റെ കാർമ്മികത്വത്തിൽ പ്രതിഷ്ഠ ദിനവും ശ്രീ കൃഷ്ണ ജയന്തി ആഘോഷവും നടത്തപ്പെട്ടു. മേൽശാന്തി കമ്പേറ്റില്ലം ത്രിവിക്രമൻ നമ്പൂതിരി,കമ്പേറ്റില്ലം സത്യൻ നമ്പൂതിരി,കമ്പേറ്റില്ലം ശിവ പ്രസാദ് നമ്പൂതിരി, സുരേന്ദ്രൻ നമ്പൂതിരി എന്നിവരുടെ കാർമ്മികത്വത്തിൽ അഭിഷേകം, വിശേഷാൽ പാൽപ്പായസം നിവേദ്യം, ദീപാരാധന എന്നിവ സമംഗളം നടത്തപ്പെട്ടു. കുട്ടികളും സ്ത്രീകളും ഉൾപ്പെടെ ധാരാളം വിശ്വാസികൾ ക്ഷേത്രത്തിൽ എത്തിചേർന്നു.

21/08/2024

🙏 നമസ്ക്കാരം🙏 ആളാംകോട്ട് മനയ്ക്ക്ൽ ശ്രീ മഹാവിഷ്ണുക്ഷേത്രം നാളെ വ്യാഴം രാവിലെ 9.30 മണിക്ക് ചിങ്ങമാസം പൂജകൾക്കായ് നട തുറക്കൽ നടത്തപ്പെടുന്നു. സമയം രാവിലെ 9.30 മുതൽ 11.30 വരെ. മുഴുവൻ ആളുകളും നാളെ ക്ഷേത്രത്തിൽ വന്നു ചേർന്ന് മുഴുവൻ സമയവും പങ്കെടുക്കണമെന്ന് വിഷ്ണുനാമത്തിൽ അറിയിച്ചു കൊള്ളുന്നു.