21/12/2025
കളിയാട്ട ആറാട്ട് മഹോത്സവം വിജയിപ്പിച്ച എല്ലാ സുമനസ്സുകൾക്കും നന്ദി...
ശ്രീ കുരുടൻകാവിലമ്മയുടെ
കരുണാകടാക്ഷം
നമ്മളിൽ ഓരോരുത്തരിലും
സ്പർശിച്ച പുണ്യ നാളുകളായിരുന്നു കഴിഞ്ഞ ഒൻപത് ദിനരാത്രങ്ങൾ
ഉറക്കവും വിശ്രമവും മറന്ന്, ദേവീ സേവനമായി സ്വയം സമർപ്പിച്ച ഭക്തഹൃദയങ്ങളുടെ ഐക്യത്താൽ ഈ മഹോത്സവം ദേവിയുടെ ഇഷ്ടപ്രകാരം വിജയത്തോടെ പൂർത്തിയായി.
തന്ത്രിയുടെ മാർഗദർശനവും, മേൽശാന്തിമാരുടെ പൂജാ കർമ്മങ്ങളും ക്ഷേത്ര വാദ്യകലാകാരൻമാരുടെ ചടുല താളങ്ങളും, ആറാട്ട് മഹോത്സവത്തെ മംഗളമാക്കി തീർത്തു.
തെയ്യക്കോലധാരികളുടെ കളിയാട്ടവും
ചെണ്ടമേളത്തിന്റെ വശ്യതയും കൂടി ആയപ്പോൾ കളിയാട്ട ആറാട്ട് മഹോത്സവം പൂർണതയോടെ സമാപിച്ചു.
ഒരു നാട് മുഴുവൻ
ഒരേ മന്ത്രത്തിൽ ലയിച്ചു,
ഒരേ ദർശനത്തിൽ നിന്നു
ഒരേ ദേവീ നാമം ഉച്ചരിച്ചു
ഈ അപൂർവ്വ നിമിഷങ്ങൾ
എന്നന്നേക്കുമായി മനസ്സിൽ
ദീപ്തമായി നിലനിൽക്കാൻ സഹായിച്ചവർ മറ്റ് ചിലരുമുണ്ട്
സ്വാഗത സംഘം ഭാരവാഹികൾ, വിവിധ നേർച്ചകൾ നേർന്നും, സാമ്പത്തികം സമർപ്പിച്ചും കൂടെ നിന്ന നാട്ടിലെയും പുറം നാട്ടിലെയും നിരവധിയായ ദേവീ ഭക്തർ, മാതൃസമിതിയുടെയും, യുവസമിതിയുടെയും പ്രവർത്തകർ, ഈ വർഷത്തെ തിരു ആറാട്ട് അവിസ്മരണീയമാക്കിയ പള്ളിച്ചാൽ ആറാട്ട് കടവ് കമ്മിറ്റി, കലവറ നിറക്കൽ ഘോഷയാത്ര നയന മനോഹരമാക്കിയ അമ്പായക്കുണ്ട് കമ്മിറ്റി, പള്ളിവേട്ട ഏറ്റെടുത്തു വിജയിപ്പിച്ച തൂവ്വക്കുന്ന് ശ്രീ അയ്യപ്പ ഭജന മഠം കമ്മിറ്റി, അനുഗ്രഹീത ആതിഥേയത്വം വഹിച്ചുകൊണ്ട് കൊടിമരം നൽകിയ അടിയോടി ചമ്മത്തിൽ ചക്കിട്ട കണ്ടിയിൽ ഗോവിന്ദന്റെ കുടുംബവും, നാട്ടുകാരും. പള്ളിവേട്ടയ്ക്കുള്ള അമ്പും വില്ലും സമർപ്പിച്ച നരിക്കോട് മല ഊര് മൂപ്പൻ, ആറാട്ട് തീർത്ഥാടന യാത്രയെ സ്വീകരിച്ച വിവിധ ക്ലബുകൾ, നാട്ടുകാർ, നിറ ദീപങ്ങൾ ഒരുക്കി പറയെടുപ്പ് പുണ്യമാക്കിയ വീട്ടുകാർ, ലളിത സഹസ്ര നാമാർച്ചന നടത്തിയ ദേവീഭക്തർ എന്നിവർ ഈ ഉത്സവത്തെ ധന്യമാക്കി തീർത്തു
പാടി പതിഞ്ഞ ഭജൻസുകളുടെ വരികൾക്കും ഈണങ്ങൾക്കും തങ്ങളുടെ മാന്ത്രിക സ്പർശം നൽകി യുവാക്കളെ വരെ ഭക്തിയുടെ പരകോടിയിലെത്തിച്ച നന്ദഗോവിന്ദം ഭജൻസ്, സ്പോൺസർമാർ, വ്യത്യസ്തമായ കലാരൂപങ്ങൾ അവതരിപ്പിച്ചുകൊണ്ട് സദസ്സിനെ ആസ്വാദനത്തിന്റെ മറ്റൊരു തലത്തിലേക്ക് എത്തിച്ച നമ്മുടെ പ്രദേശത്തെ കലാകാരന്മാർ കലാകാരികൾ, നമ്മുടെ ക്ഷണം സ്വീകരിച്ചു എത്തിയ മുൻ ഡി ജി പി ജേക്കബ് തോമസ്, സനാതന ധർമ്മ പരിഷത്ത് അന്താരാഷ്ട്ര പ്രസിഡന്റ് ഡോക്ടർ നുസ്രത് ജഹാൻ, പോണ്ടിച്ചേരി നിയമസഭ സ്പീക്കർ ശ്രീ ഏമ്പലം ആർ സെൽവം,ബഹുമാനപ്പെട്ട കൂത്തുപറമ്പ് എം എൽ എ. ശ്രീ കെ പി മോഹനൻ, ഭാരത് മാതാ പൂജയ്ക്കെതിയ ജിൻസി കെ എം, കലാമണ്ഡലം അഭിജോഷ് പാറാട് പാട്ട്കൂട്ടം, തുടങ്ങിയവർ സപ്ത രാവുകൾക്ക് നിറം പകർന്നവരാണ്
ഓരോ ദിവസവും വ്യത്യസ്ത പ്രദേശങ്ങളിൽ നിന്ന് ഭക്ഷണം പാകം ചെയ്യാനും,വിതരണത്തിനും എത്തിയവർ, പാർക്കിങ്ങിനും ഉത്സവത്തിന്റെ മറ്റ് ആവശ്യങ്ങൾക്കും സ്ഥലം വിട്ടു നൽകിയവർ, പുസ്തകത്തിനും എൽ ഇ ഡി സ്ക്രീനിലും പരസ്യം നൽകിയ സ്ഥാപനങ്ങൾ, എന്നും വാർത്തകൾ കവറേജ് നൽകിയ മലയാള മനോരമ ദിനപത്രം, മലബാർ വിഷൻ ചാനൽ,
വെളിച്ചവും, ശബ്ദവും ക്രമീകരിച്ച പാലസ്, തീരം എന്നീ ലൈറ്റ് & സൗണ്ട് സ്ഥാപനം
പോലീസ് ഉദ്യോഗസ്ഥർ, ആരോഗ്യ വകുപ്പ്, വനം വകുപ്പ്, ഹരിത കർമ്മ സേന, പഞ്ചായത്ത് അധികൃതർ, ഇൻഷുറൻസ് ഏജൻസി, തുടങ്ങിയ സർക്കാർ സ്ഥാപനങ്ങൾ, കൂടാതെ അറിയപ്പെടാതെയും പറയപ്പെടാതെയും ഉള്ള നിരവധി ഭക്തന്മാർ, ഇവിടെ പറയാൻ വിട്ടുപോയവർ അടക്കം നിങ്ങൾ ഓരോരുത്തരുടെയും
നിശ്ശബ്ദമായ സേവനമാണ്
ഈ മഹോത്സവത്തിന്റെ
യഥാർത്ഥ വിജയം.
ഈ പുണ്യ മഹോത്സവം
വിജയിപ്പിച്ച
എല്ലാ ഭക്തഹൃദയങ്ങൾക്കും
ദേവീ നാമത്തിൽ
ഹൃദയം നിറഞ്ഞ
നന്ദി അർപ്പിക്കുന്നു.
നന്ദി.... നന്ദി.... നന്ദി....
ശ്രീ കുരുടൻ കാവ് ദേവിയുടെ
കരുണാഭരണ കൺനോട്ടം
നാടിനും വീടിനും
കണ്ണീരൊഴിയാത്ത സന്തോഷവും,
മങ്ങാത്ത ഐശ്വര്യവും,
അവസാനിക്കാത്ത ശാന്തിയും
നൽകട്ടെ എന്ന്
കണ്ണീരോടെ പ്രാർത്ഥിച്ചുകൊണ്ട്,
ശ്രീ കുരുടൻ കാവ് ക്ഷേത്ര കമ്മിറ്റി
വടക്കെ പൊയിലൂർ
