28/04/2016
ഇന്ത്യന് ആര്മിയുടെ 10+2 ടെക്നിക്കല് എന്ട്രി സ്കീമിലേക്ക് ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ്ടു പാസായ അവിവാഹിതരായ ആണ്കുട്ടികള്ക്ക് അപേക്ഷിക്കാം.
അഞ്ചുവര്ഷത്തെ പരിശീലനം വിജയകരമായി പൂര്ത്തിയാക്കുന്നവര്ക്ക് എന്ജിനീയറിങ് ബിരുദവും ലെഫ്റ്റനന്റ് റാങ്കില് പെര്മനന്റ് കമ്മിഷനും നല്കും. പരിശീലനകാലയളവില് പ്രതിമാസം 21,000 രൂപ സ്റ്റൈപ്പന്ഡ് ലഭിക്കും. 90 ഒഴിവുണ്ട്.
യോഗ്യത: ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളില് 70 ശതമാനം മാര്ക്കോടെ പ്ലസ്ടു. നിര്ദിഷ്ട ശാരീരിക യോഗ്യതയും വേണം.
പ്രായം: പതിനാറര വയസ്സിനും പത്തൊമ്പതര വയസ്സിനും മധ്യേ. 1-7-1997നും 1-7-2000ത്തിനും ഇടയില് (രണ്ടുതീയതിയും ഉള്പ്പെടെ) ജനിച്ചവര്മാത്രം അപേക്ഷിച്ചാല്മതി.
പരീക്ഷ: ആഗസ്ത്, സപ്തംബര് മാസങ്ങളില് നടക്കുന്ന മനഃശാസ്ത്രപരീക്ഷ, ഗ്രൂപ്പ്ടെസ്റ്റ്, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും നിയമനം. ഭോപ്പാല്, അഹമ്മദാബാദ്, ബെംഗളൂരു നഗരങ്ങളില്വെച്ചാണ് പരീക്ഷ നടക്കുക.
അപേക്ഷ: മെയ് 24 മുതല് ജൂണ് 30 വരെ ഓണ്ലൈന് അപേക്ഷ സ്വീകരിക്കും. വെബ്സൈറ്റ്: www.joinindianarmy.nic.in
