Buddha Bhoomi Foundation, Mumbai

22/03/2026

*बुद्धभूमी फाउंडेशन, कल्याण.*
२५७०वा भव्य बुद्ध पौर्णिमा महोत्सव - ठाणे जिल्हा.
(३० एप्रिल ते २ मे २०२६)

We had a very productive and fruitful meeting today—thank you everyone for your valuable participation.

Our next meeting is scheduled for Saturday, 28th March 2026 at 6:00 PM.

For more information.
~भंते गौतमरत्न महाथेरो
मो. ९९८७४८०३९२.

26/02/2026

प्रति,
मा. ना. श्री. देवेंद्र फडणवीस साहेब
मुख्यमंत्री, महाराष्ट्र राज्य,
मंत्रालय, मुंबई – ४०००३२.

विषय: बुद्धभूमी फाउंडेशनच्या जमिनीचे संरक्षण करून या जमिनीवर बौद्ध समाजाच्या धार्मिक, सांस्कृतिक व सामाजिक गरजांचा सन्मान राखत “भव्य बुद्ध विहार” व आंतरराष्ट्रीय दर्जाचे “बौद्ध पर्यटन केंद्र” उभारून देण्याबाबत.

महोदय,
आम्ही, बौद्ध भिक्खू, बुद्धभूमी फाउंडेशनच्या विषयाकडे अत्यंत व्यथित मनाने शासनाचे लक्ष वेधू इच्छितो की, मागील अडीच वर्षांत तीन वेळा पोलीस बळाचा वापर करून या अखंड बुद्धभूमीच्या मधोमध उड्डाणपूल व एका बाजूने रेल्वे लाईनचे बांधकाम सुरू करून तसेच दोन बाजूंनी महापालिकेच्या रस्त्याचा आराखडा दाखवून या पवित्र जमिनीवर दबाव निर्माण केला जात आहे. विकासकामाच्या नावाखाली बुद्धभूमीच्या जागेचे संकोचन व द्विखंडन करून तिचे नैसर्गिक सौंदर्य तसेच धार्मिक व आध्यात्मिक पावित्र्य नष्ट करण्याचा प्रयत्न होत आहे.

माननीय नामदार श्री. रामदास आठवले, राज्यमंत्री, सामाजिक न्याय व अधिकारिता, भारत सरकार यांच्या अध्यक्षतेखाली सह्याद्री अतिथीगृह, मुंबई येथे दिनांक १८ फेब्रुवारी २०२६ रोजी बुद्धभूमी फाउंडेशनबाबत शासकीय बैठक आयोजित करण्यात आली होती. सखोल चर्चा व सत्य परिस्थितीचा आढावा घेतल्यानंतर माननीय केंद्रीय मंत्र्यी महोदयांनी खालील निर्देश दिले आहेत –

१) बुद्धभूमी फाउंडेशनच्या जमिनीवरून वळवून नेण्यात आलेल्या उड्डाणपुलाच्या आराखड्यात नाममात्र बदल करून सदर पूल सरळ घेऊन बुद्धभूमी महाविहाराच्या पश्चिमेकडून नेण्यात यावा. यामुळे धम्मकेंद्राचे द्विखंडन टळेल.

२) १८ मीटर रुंद अंतर्गत नियोजित रस्त्याबाबत बुद्धभूमी फाउंडेशनने सुचविल्याप्रमाणे सुधारित आराखडा तयार करण्यात यावा.

३) जर सद्यस्थितीत विकासकामासाठी ही जागा अनिवार्य असेल, तर राज्य सरकारने या जागेच्या बदल्यात तितकाच मोक्याचा भूखंड जवळच्या परिसरात उपलब्ध करून द्यावा.

४) वालधुनी ब्रिजजवळ उड्डाणपूलाखाली भव्य व आकर्षक “बुद्धभूमी धम्मगेट” बांधून द्यावे तसेच सदर उड्डाणपूलास “भगवान गौतम बुद्ध उड्डाणपूल” असे नाव देण्यात यावे.

५) प्रस्तावित उड्डाणपूलाखालून जाणारा रस्ता रेल्वे लाईनमुळे डेड एंड असल्याने पुलाखालील रस्ता फक्त बुद्धभूमीकरिता वापरण्यात यावा.

६) बौद्ध अनुयायांच्या धार्मिक, सामाजिक व सांस्कृतिक सन्मानाचा विचार करून बुद्धभूमी फाउंडेशनच्या सदर १३-७७-०० हे.आर. जमिनीवर “भव्य बुद्ध विहार” व आंतरराष्ट्रीय दर्जाचे “बौद्ध पर्यटन केंद्र” उभारून द्यावे.

७) कल्याण-डोंबिवली महानगरपालिकेच्या महसूल नोंदी तसेच टी.डी.आर. प्रकरणाची सखोल चौकशी करण्यात यावी.

बुद्धभूमीची इंच-इंच जागा ही श्रद्धा व अस्मितेचे ठिकाण आहे. त्यामुळे यावर कोणतेही अतिक्रमण होऊ नये, याची राज्य सरकारने दक्षता घ्यावी. विकासाच्या नावाखाली धार्मिक, सामाजिक, सांस्कृतिक व आध्यात्मिक जमिनींचे नुकसान टाळून भगवान बुद्धांवरील आपली आस्था व श्रद्धा अक्षुण्ण ठेवून ‘बुद्धभूमी’ला न्याय मिळावा.

एकीकडे बुद्धगया येथील महाबोधि महाविहार, सारनाथ येथील धम्मचक्र प्रवर्तन स्थळ, कुशीनगर येथील महापरिनिर्वाण स्थळ, सांची स्तूप अशा अनेक ऐतिहासिक बौद्ध स्थळांच्या व्यवस्थापनाबाबत अन्याय होत आहे; दुसरीकडे आधुनिक काळात नावारूपास आलेल्या बुद्धभूमी फाउंडेशनसारख्या धम्मस्थळाचे विद्रूपीकरण, विटंबना, द्विखंडन तसेच जमीन व धार्मिक साहित्याचे नुकसान करून शासन-प्रशासन व लोकप्रतिनिधी बौद्ध समाजावर दबाव टाकून धार्मिक स्थळावर अतिक्रमण करीत आहेत. ही अन्यायकारक वागणूक थांबविण्यासाठी आपण तातडीने योग्य कार्यवाही करावी, ही नम्र विनंती.

आपला विश्वासू,
______________________________

Pics: बुद्धभूमी फाउंडेशनच्या दोन संघांनी आज मुंबई आणि कल्याण या दोन ठिकाणी वेगवेगळे कार्य संपन्न केले.

या उल्लेखनीय कार्याबद्दल सर्व भंतेगण, उपासिका व उपासकांचे मनःपूर्वक अभिनंदन व मंगलमैत्री!

______________________________

बुद्धभूमी संघर्ष समिती
अशोक नगर, वालधुनी, कल्याण, जि. ठाणे, महाराष्ट्र.

24/02/2026

प्रति,
मा. श्री. अभिनव गोयल साहेब, आयुक्त (भा.प्र.से.)
कल्याण डोंबिवली महानगरपालिका
कल्याण, जि. ठाणे.

विषय: दिनांक १८ फेब्रुवारी २०२६ रोजी सह्याद्री अतिथीगृह, मुंबई येथे झालेल्या शासकीय बैठकीच्या अनुषंगाने बुद्धभूमी फाउंडेशन बाबत केंद्रीय मंत्री मा. ना. श्री. रामदास आठवले साहेब यांनी निर्देशित केलेल्या कार्यांची यथाशीघ्र अंमलबजावणी करण्याबाबत.

महोदय,
माननीय नामदार श्री. रामदास आठवले, राज्यमंत्री, सामाजिक न्याय व अधिकारिता, भारत सरकार यांच्या अध्यक्षतेखाली सह्याद्री अतिथीगृह, मुंबई येथे दिनांक १८ फेब्रुवारी २०२६ रोजी बुद्धभूमी फाउंडेशन (अशोक नगर, वालधुनी, कल्याण, जिल्हा ठाणे) बाबत शासकीय बैठक आयोजित करण्यात आली होती. सदर बैठकीस माननीय आयुक्त, कल्याण डोंबिवली महानगरपालिका यांच्या वतीने शहर अभियंता मा. श्रीमती अनिता परदेशी, एम.एम.आर.डी.ए. यांच्या वतीने अभियंता श्री. अरविंद धाबे, थोरवे अँड थोरवे इन्फ्रा कंपनी (पुणे) यांच्या वतीने प्रोजेक्ट मॅनेजर श्री. हारून सय्यद रशीद तसेच बुद्धभूमी फाउंडेशनचे शिष्टमंडळ उपस्थित होते.

सदर बैठकीत सर्व शासकीय व खाजगी अधिकारी तसेच शिष्टमंडळाच्या प्रतिनिधींनी माननीय केंद्रीय मंत्री महोदयांसमोर आपापली बाजू मांडली.

सखोल चर्चा व सत्य परिस्थितीचा आढावा घेतल्यानंतर माननीय मंत्री महोदयांनी कल्याण डोंबिवली महानगरपालिका अधिकारी व एम.एम.आर.डी.ए. अधिकारी यांना खालील निर्देश दिले आहेत –

१) बुद्धभूमी फाउंडेशनच्या जमिनीवरून वळवून नेण्यात आलेल्या उड्डाणपुलाच्या आराखड्यात नाममात्र बदल करून सदर पूल सरळ घेऊन बुद्धभूमी महाविहाराच्या पश्चिमेकडून नेण्यात यावा.

२) १८ मीटर रुंद नियोजित अंतर्गत रस्त्याबाबत बुद्धभूमी फाउंडेशन यांनी सुचविल्याप्रमाणे सुधारित आराखडा तयार करण्यात यावा.

३) २८ मीटर रुंद रस्त्याबाबत एम.एम.आर.डी.ए. अधिकारी तसेच कल्याण डोंबिवली महानगरपालिका अधिकारी यांची संयुक्त पाहणी दौरा त्वरित आयोजित करण्यात यावा.

४) २४ मीटर व १८ मीटर रुंद रस्त्यासाठी बाधित जमिनीचा पंचनामा करून होणाऱ्या नुकसानीचा अहवाल तयार करण्यात यावा.

५) बाधित जमीन व मालमत्तेची संयुक्त मोजणी करून नुकसानभरपाई व मोबदला निश्चित करण्यात यावा.

६) वालधुनी ब्रिजजवळ उड्डाणपूलाखाली भव्य व आकर्षक “बुद्धभूमी धम्मगेट” बांधून देण्यात यावे तसेच सदर उड्डाणपूलास “भगवान गौतम बुद्ध उड्डाणपूल” असे नाव देण्यात यावे.

७) प्रस्तावित उड्डाणपूलाखालून जाणाऱ्या रस्त्यावर रेल्वे लाईनमुळे डेड एंड असल्याने पुलाखालील रस्ता फक्त बुद्धभूमीकरिता वापरण्यात यावा.

८) बौद्ध अनुयायांच्या धार्मिक, सामाजिक व सांस्कृतिक सन्मानाचा विचार करून बुद्धभूमी फाउंडेशनच्या ३६ एकर जमिनीवर “भव्य बुद्ध विहार” व आंतरराष्ट्रीय दर्जाचे “बौद्ध पर्यटन केंद्र” उभारण्यासाठी शासनास प्रस्ताव सादर करण्यात यावा.

माननीय मंत्री महोदयांच्या वरील निर्देशांची आपण यथाशीघ्र अंमलबजावणी करून तमाम आंबेडकरी बौद्ध समाजाचे जिव्हाळ्याचे श्रद्धास्थान असलेल्या बुद्धभूमी फाउंडेशनला न्याय द्यावा, ही कळकळीची विनंती.

या पत्राद्वारे आपणास विनंती करण्यात येते की, खोट्या कागदपत्रांच्या आधारे तसेच महाराष्ट्र प्रादेशिक नगररचना अधिनियम आणि डेव्हलपमेंट कंट्रोल रेग्युलेशनचे उल्लंघन करून मंजूर करण्यात आलेल्या टी.डी.आर. रद्द करण्याबाबतची चौकशी सध्या प्रलंबित आहे. सदर चौकशी लवकरात लवकर, सहा महिन्यांच्या आत पूर्ण करण्यासाठी समिती गठीत करण्यात यावी, अशी मागणी बुद्धभूमी फाउंडेशनच्या वतीने करण्यात येत आहे.

आपला विश्वासू,
...................................

योग्य कार्यवाहीसाठी प्रत-
१) मा. डॉ. हर्षदीप कांबळे साहेब, प्रधान सचिव, सामाजिक न्याय व विशेष सहाय्य विभाग, महाराष्ट्र शासन.
२) मा. डॉ. श्रीकांत शिंदे साहेब, खासदार, कल्याण लोकसभा मतदार संघ.
३) मा. आयुक्त, एम.एम.आर.डी.ए., मुंबई.
४) मा. जिल्हाधिकारी साहेब, ठाणे जिल्हा.
५) मा. श्रीमती अनिता परदेशी मॅडम, सिटी इंजिनियर, क.डो.म.पा.

20/02/2026

सह्याद्री अतिथीगृह येथे बुद्धभूमी प्रकरणी शासकीय बैठक; धम्मगुरु व धम्मोपासकांचा तीव्र आक्षेप...

मुंबई – कल्याण-डोंबिवली महानगरपालिकेतील अधिकाऱ्यांचा भ्रष्ट कारभार, धम्मक्षेत्राच्या जमिनीवर बोगस कागदपत्रांच्या आधारीत बेकायदेशीर टीडीआर प्रकरण, तसेच आयुक्त श्री. अभिनव गोयल यांनी पोलीस बळाचा वापर करून बुद्धभूमी फाउंडेशनच्या जमिनीवर दंडेलशाहीच्या जोरावर उड्डाणपूल उभारण्याचा अन्यायी प्रकार आणि बौद्ध धर्मस्थळाचे द्विखंडन करून तमाम बौद्ध धर्मीयांच्या धार्मिक भावना दुखावल्याच्या मुद्द्यांवर आज मुंबई येथील सह्याद्री अतिथीगृहात संपन्न झालेल्या शासकीय बैठकीत ज्येष्ठ धम्मोपासक पि. ढी. डोंगरे यांनी तीव्र आक्षेप नोंदविले.

उपस्थित प्रतिनिधी मंडळाने उड्डाणपुलाच्या आराखड्यात तात्काळ बदल करून बुद्धभूमी फाउंडेशनला योग्य नुकसान भरपाईच्या मोबदल्यात सुसज्ज विपश्यना केंद्र, आंतरराष्ट्रीय पर्यटनासाठी 50 मीटर उंची भव्य बुद्धमूर्ती, निशुल्क शिक्षण व्यवस्थेसाठी शाळा इमारत, सार्वजनिक सभागृह, धम्महॉल तसेच मुला-मुलींसाठी वसतिगृह आदी सुविधा उभारून देण्याची मागणी केली. बैठकीस महानगरपालिका अधिकारी, एमएमआरडीए अधिकारी तसेच ठेकेदार थोरवे अँड थोरवे इन्फ्रा कंपनी (पुणे) यांचे प्रकल्प व्यवस्थापक उपस्थित होते.

दरम्यान, समक्ष जाब विचारला जाईल या भीतीने आयुक्त अभिनव गोयल हे नेहमीप्रमाणे अनुपस्थित राहिल्याने बैठकीत नाराजी व्यक्त करण्यात आली. संबंधित प्रकरणात लवकरात लवकर न्याय न मिळाल्यास कल्याण येथील लाखो आंबेडकरी बौद्ध जनतेच्या वतीने शांततेच्या मार्गाने आंदोलन उभारण्यात येईल, असा इशारा प्रतिनिधींनी दिला.
_____________________________________________
बुद्धभूमी संघर्ष समिती
अशोक नगर, वालधुनी, कल्याण, जिल्हा ठाणे.

Buddha Bhoomi Foundation
Waldhuni, Kalyan.

Cont. 9987480392.

18/02/2026

सह्याद्री अतिथीगृह येथे बुद्धभूमी प्रकरणी शासकीय बैठक; धम्मगुरु व धम्मोपासकांचा तीव्र आक्षेप...

मुंबई – कल्याण-डोंबिवली महानगरपालिकेतील अधिकाऱ्यांचा भ्रष्ट कारभार, धम्मक्षेत्राच्या जमिनीवर बोगस कागदपत्रांच्या आधारीत बेकायदेशीर टीडीआर प्रकरण, तसेच आयुक्त श्री. अभिनव गोयल यांनी पोलीस बळाचा वापर करून बुद्धभूमी फाउंडेशनच्या जमिनीवर दंडेलशाहीच्या जोरावर उड्डाणपूल उभारण्याचा अन्यायी प्रकार आणि बौद्ध धर्मस्थळाचे द्विखंडन करून तमाम बौद्ध धर्मीयांच्या धार्मिक भावना दुखावल्याच्या मुद्द्यांवर आज मुंबई येथील सह्याद्री अतिथीगृहात संपन्न झालेल्या शासकीय बैठकीत ज्येष्ठ धम्मोपासक पि. ढी. डोंगरे यांनी तीव्र आक्षेप नोंदविले.

उपस्थित प्रतिनिधी मंडळाने उड्डाणपुलाच्या आराखड्यात तात्काळ बदल करून बुद्धभूमी फाउंडेशनला योग्य नुकसान भरपाईच्या मोबदल्यात सुसज्ज विपश्यना केंद्र, आंतरराष्ट्रीय पर्यटनासाठी 50 मीटर उंची भव्य बुद्धमूर्ती, निशुल्क शिक्षण व्यवस्थेसाठी शाळा इमारत, सार्वजनिक सभागृह, धम्महॉल तसेच मुला-मुलींसाठी वसतिगृह आदी सुविधा उभारून देण्याची मागणी केली. बैठकीस महानगरपालिका अधिकारी, एमएमआरडीए अधिकारी तसेच ठेकेदार थोरवे अँड थोरवे इन्फ्रा कंपनी (पुणे) यांचे प्रकल्प व्यवस्थापक उपस्थित होते.

दरम्यान, समक्ष जाब विचारला जाईल या भीतीने आयुक्त अभिनव गोयल हे नेहमीप्रमाणे अनुपस्थित राहिल्याने बैठकीत नाराजी व्यक्त करण्यात आली. संबंधित प्रकरणात लवकरात लवकर न्याय न मिळाल्यास कल्याण येथील लाखो आंबेडकरी बौद्ध जनतेच्या वतीने शांततेच्या मार्गाने आंदोलन उभारण्यात येईल, असा इशारा प्रतिनिधींनी दिला.
_____________________________________________
बुद्धभूमी संघर्ष समिती
अशोक नगर, वालधुनी, कल्याण, जिल्हा ठाणे.

10/02/2026

05/03/2025

12/11/2024

*"बुद्धभूमी फाउंडेशन आयोजित"*

_*"कठीण चिवर दान व कार्तिक पौर्णिमा दीप महोत्सव"*_
शुक्रवार, दि. 15 नोव्हेंबर 2024.

भगवान बुद्धाने हिमालयाच्या अनवतप्त सरोवरात पाचशे अरहन्तांसमवेत कठीण चिवरदानाचे फळ अपरिमेय असल्याचे अनेक गाथांमधून विशद केलेले आहे. धम्म विनयानुसार ज्या विहारात भिक्खू वर्षावासाचे अधिष्ठान करतात त्या विहारात कठीण चिवरदान सोहळा आयोजित होऊन उपासक-उपासिका यांनी अधिष्ठानीत भिक्खू यांना कठीण चिवर उत्सर्ग करून अप्रमेय पुण्यसंचय करतात.
भंते गौतमरत्न महाथेरो यांनी नुकतेच परिपूर्ण केलेले २४वा वर्षावास अधिष्ठानोत्तर पुण्यवितरण समारोह व कठीण चिवर निमित्ताने विनय कम्मवाचा श्रद्धा संपन्न साधक, साधिका व भिक्खूसंघाच्या मंगलमय उपस्थितीमध्ये 'इमं कठिण चीवरं भिक्खू संघस्स देम कठिणं अत्तरितु' विनय पिटकातील या महान पवित्र गाथेतून संपन्न होणार आहे. यावेळी विश्वशांतीसाठी 'करणीय मेत्त सूत्त व मेत्ता भावने'चे सांघिक उदान होणार आहेत.

*-विशेष आकर्षण*-
१) तथागत भगवान बुद्धमूर्ती जवळ दिवे प्रज्वलन.
२) उपरि लोकात स्थापित भगवान बुद्धांच्या केस धातूला ५० आकाश प्रदीपाने धातूपूजा.

🌹 *कार्यक्रमाची रूपरेषा* 🌹

*-:"प्रथम सत्र":-*
*सकाळी ८:०० वा*. - खुद्दक पिटकातील बुद्धवचनांचे महापरित्राण पाठ.
*सकाळी ११ ते सायं ५* - एक दिवशीय सामुदायिक साधना (दुपारचे जेवणाचे डबे सोबत आणावे).

*-:द्वितीय सत्र:-*
सायं ५ ते ६ - *कठीण चिवरदान* करणारे उपासक-उपासिका यांना चिवर वितरण.
सायं ६:०० वा. - *धम्म प्रचार रॅली.*
सायं ७:०० वा. *शील ग्रहण, धम्मदेशना, परित्राण सूत्त पठन, कठीण कम्मवाचा व कठीण चिवर अनुमोदन.*
सायं ८:३० वा. - *भव्य दीप महोत्सव*
सायं ९:०० वा. - *भोजन समारंभ.*

सर्व उपासक उपासिका यांना जाहीर निमंत्रण देण्यात येत आहे की, आपण दरवर्षीप्रमाणे याही वर्षी *हजारोंच्या संख्येने उपस्थित राहून सहकार्य करावे आणि असीम पुण्यार्जीत करावे.*

🙏🏾 *-: संयोजन मंडळ:-* 🙏🏾
★ग्लोबल रिक्लायनिंग बुद्धमूर्ती कमिटी (A, B, C, E).
★बौद्ध विहार संघटन समन्वय समिती ठाणे जिल्हा.
★विश्वभूषण डॉ. बाबासाहेब आंबेडकर सार्वजनिक जयंती महोत्सव समिती (समता फेरी) कल्याण पूर्व.
★डॉ. बाबासाहेब आंबेडकर अभिवादन समिती कल्याण पूर्व.
★माता रमाई जयंती महोत्सव समिती कल्याण पूर्व.
★पंचशील धम्म भगिनी मंडळ कल्याण पूर्व.
★त्रिरत्न बौध्द विकास संस्था कल्याण पूर्व.
★प्रल्हाद सहादू रोकडे चारिटेबल ट्रस्ट कल्याण पूर्व.
★कर्मवीर प्रतिष्ठान कल्याण.
★बुद्धभूमी शिक्षण समिती.
★ग्लोबल रिक्लायनिंग उपासिका संघ, बुद्धभूमी.
★बोधिसत्व डॉ. बाबासाहेब आंबेडकर पार्क समिती, बुद्धभूमी.
■त्यागमूर्ती माता रमाई स्मारक समिती, बुद्धभूमी.
■समता बहुजन महापुरुष स्मारक समिती, बुद्धभूमी.
■म्यानमार लाभामुनी बुद्ध स्मारक, बुद्धभूमी.

🙏🏾 -: *बुद्धभूमी फाउंडेशन* :- 🙏🏾
सम्राट अशोक नगर, वालधुनी, अंबरनाथ-बदलापूर रोड, कल्याण (प.), जि. ठाणे. मो. ९९८७४८०३९२.

17/10/2024

https://www.facebook.com/share/p/2wW1tVdr6yToi4BA/