Kagyu Thekchen Ling

25/06/2026

With profound gratitude to all sponsors and supporters, the Sangha of Kagyu Thekchen Ling Monastery will observe the Annual Rainy Season Retreat, dedicating all merits for the long life of the Gurus, the flourishing of the Buddhadharma, peace and harmony throughout the world, and the liberation and happiness of all sentient beings.

16/06/2026

༄༅། །དེ་རིང་ནི་བོད་ཟླ་ལྔ་པའི་ཚེ་གཅིག་སྟེ་བཀྲ་ཤིས་པའི་ཉིན་མོ་དོན་གྲུབ་པའི་ཉིན་མོ་ཡིན། རྒྱུ་མཚན་ནི་རང་ཅག་རྣམས་ཀྱི་འདི་ཕྱི་ཚེ་རབས་གཏན་གྱི་སྐྱབས་གནས་དམ་པ། མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་སྨོས་ན། སངས་རྒྱས་ཀརྨ་པ་ཡི་སྐུ་ཡི་ཕྲེང་བ་འཛིན་པ་བཅུ་བདུན་པ་ཆེན་པོ་ཁྱབ་བདག་རང་བྱུང་ཨོ་རྒྱན་རྒྱལ་བའི་མྱུ་གུ་འགྲོ་འདུལ་ཕྲིན་ལས་རྡོ་རྗེ་རྩལ་ཕྱོགས་ལས་རྣམ་པར་རྒྱལ་བའི་སྡེ་དཔལ་བཟང་པོ་མཆོག སེམས་ཅན་སྡུག་བསྔལ་ཅན་རྣམས་འཁོར་བའི་རྒྱ་མཚོ་ཆེན་པོ་ལས་འདྲེན་པའི་ཆེད་འཇིག་རྟེན་མི་ཡུལ་དུ་སྐུ་འཁྲུངས་ནས་ལོ་ངོ་ཞེ་གཉིས་ཧྲིལ་པོ་འཁོར་བའི་སྐུ་ཡི་འཁྲུངས་སྐར་གྱི་དུས་བཟང་ཡིན། དེ་ཡང་རྒྱལ་དབང་མཆོག་སྐུ་ཚེ་མི་ཞིག་མགོན་པོ་ཚེ་དཔག་མེད་ཀྱི་ངོ་བོར་འཚོ་ཞིང་གཞེས་ནས་བསྟན་པ་རྒྱས་པ་དང་སེམས་ཅན་བདེ་བའི་དོན་རྒྱུན་མི་ཆད་པར་མཛད་པའི་སླད་དུ། བསང་མཆོད་དངོས་གྲུབ་སྤྲིན་ཕུང་དང་འཁྲུངས་ལྷའི་བསང་མཆོད་ཀྱི་སྒོ་ནས་འཁྲུངས་སྐར་བསྲུང་བརྩི་ཞུས་པའི་བརྙན་པར་འགའ་གཟིགས་འབུལ་ཞུ།

14/06/2026

༄༅། །སྤྱི་ལོ་ ༢༠༢༦ ཟླ་བ་ ༦ ཚེས་ ༡༤ ཉིན་འདི་ག་ལ་བྷ་བཀའ་བརྒྱུད་ཐེག་ཆེན་གླིང་དུ་རིག་པའི་རྡོ་རྗེ་གཙུག་ལག་སློབ་གཉེར་ཁང་གི་མཁན་པོ་དགེ་བའི་བཤེས་གཉེན་རྣམ་པ་དང་སློབ་གཉེར་བ་རྣམས་མཉམ་བཞུགས་ཀྱིས་ད་ལོའི་བགྲོ་གླེང་ཐེངས་དང་པོར་གཞུང་ཆེན་ཆོས་མངོན་པ་མཛོད་དང་འདུལ་བ་དང་ཤེར་ཕྱིན་གསུམ་གྱི་སྐོར་ཚོགས་ཐུན་གསུམ་བཅས་ལྷུག་པོར་འཚོགས།

ཚོགས་ཐུན། དང་པོ། བརྗོད་གཞི། གཞུང་ཆེན་ཆོས་མངོན་པ་མཛོད་ནས་མཆོད་པར་བརྗོད་པ་དང་ཟག་བཅས་ཟག་མེད་ཀྱི་སྐོར། གཙོ་སྐྱོང་བ། མཁན་པོ་བསོད་ནམས། གསུང་བཤད་པ། མཐོ་རིམ་དགུ་པའི་སློབ་གཉེར་བ་བསོད་ནམས་རབ་བརྟན་དང་ཤེས་རབ་རིན་ཆེན།

ཚོགས་ཐུན། གཉིས་པ། བརྗོད་གཞི། གཞུང་ཆེན་འདུལ་བ་ལས་རབ་བྱུང་གི་གཞི་དང་སྔོན་ཆོག་ད་ཆོག་གི་སྐོར། གཙོ་སྐྱོང་བ། སློབ་དཔོན་ཀརྨ་དོན་གྲུབ། གསུང་བཤད་པ། མཐོ་རིམ་བདུན་པའི་སློབ་གཉེར་བ་ཕུན་ཚོགས་བཀྲ་ཤིས་དང་ཚུལ་ཁྲིམས་དབང་རྒྱལ།

ཚོགས་ཐུན། གསུམ་པ། བརྗོད་གཞི། གཞུང་ཆེན་ཤེར་ཕྱིན་ནས་བདེན་པ་བཞི་དང་མཁྱེན་གསུམ་གྱི་རྣམ་པའི་སྐོར། གཙོ་སྐྱོང་བ། སློབ་དཔོན་སྒྲུབ་བརྒྱུད་བསྟན་རྒྱལ། གསུང་བཤད་པ། མཐོ་རིམ་གསུམ་པའི་སློབ་གཉེར་བ་ཡེ་ཤེས་དཔལ་འབྱོར་དང་ཐུབ་བསྟན་དགེ་ལེགས།

14/06/2026

11/06/2026