Kagyu Thekchen Ling

23/08/2026

༄༅། །སྤྱི་ལོ་ ༢༠༢༦ ཟླ་བ་ ༨ ཚེས་ ༢༣ སྟེ་རེས་གཟའ་ཉི་མའི་ཉིན། འདི་ག་རིག་པའི་རྡོ་རྗེ་གཙུག་ལག་སློབ་གཉེར་ཁང་དུ་མཁན་སློབ་དགེ་བའི་བཤེས་གཉེན་རྣམ་པ་དང་། སློབ་ཕྲུག་རྣམས་ལྷན་འཛོམས་ཀྱིས་ཟླ་རེའི་བགྲོ་གླེང་ཚོགས་བཞིན་པའི་བརྙན་པར་རོ། །

23/08/2026

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༡ སྟེ་རེས་གཟའ་པ་སངས་ཉིན། བོད་མི་མང་སྤྱི་འཐུས་སྐུ་ངོ་བསྟན་པ་ཡར་འཕེལ་མཆོག་དང་སྐུ་ངོ་ག་རྒྱ་རྒྱལ་མཚན་ཆོས་སྐྱིད་མཆོག་རྣམ་གཉིས་ལ་བྷ་བཀའ་བརྒྱུད་ཐེག་ཆེན་གླིང་དུ་གནས་གཟིགས་གནང་བ་དང་། ལ་བྷ་ཁུལ་གྱི་བོད་མི་རྣམས་ལ་བཀའ་སློབ་གནང་བཞིན་པའི་བརྙན་པར་རོ། །

21/08/2026

21/08/2026

༄༅། །དཔལ་༸རྒྱལ་བའི་དབང་པོ་སངས་རྒྱས་ཀརྨ་པ་བཅུ་བདུན་པ་ཆེན་པོ་ཨོ་རྒྱན་ཕྲིན་ལས་རྡོ་རྗེ་མཆོག་གིས་དྲྭ་ལམ་ཐོག་ནས་ ༢༠༢༦ ལོའི་མར་རྔོག་དབྱར་ཆོས་ཆེན་མོ་དབུ་འཛུགས་གནང་ནས་མཇུག་ལེགས་པར་གྲུབ་པའི་བརྙན་པར་ཁག །

15/08/2026

Wish you all Happy 80th Independence Day.
Little monks from our Dharma Shri School students singing Vande Mataram & National Anthem.

13/08/2026

The 2026 Rainy Season Retreat at Kagyu Thekchen Ling was successfully observed for one and a half months and concluded on August 13.

དེ་རིང་ཧོར་ཟླ་ ༧ ཚེས་ ༡ ཉིན་གཞི་གསུམ་ཆོ་ག་ཡོངས་རྫོགས་ལེགས་པར་གྲུབ་པའི་མཇུག་ཆོག་ཏུ་ཞོགས་པ་བསང་གསོལ་དང་སྒར་ཆེན་བཀྲ་ཤིས་བཅས་ཀྱིས་མཇུག་གི་བསྔོ་སྨོན་མཛད། དེ་ནས། རིས་མེད་བསྟན་པའི་མངའ་བདག་འཇམ་མགོན་བློ་གྲོས་མཐའ་ཡས་ཀྱི་ཞལ་སྔ་ནས།

དགག་དབྱེ་ཐོན་པའི་ཚེས་བཅུ་དྲུག་གི་ཉིན་གནས་ལ་ཆགས་ཞེན་དང་། དུབ་པ་ལ་སོགས་པ་སྤང་བའི་ཕྱིར། རྒྱང་གྲགས་གཅིག་ཕན་ཆད་དུ་ལྗོངས་རྒྱུ་ཞིང་འགྲོ་བར་གསུངས་པ་ལྟར། ཁམས་ཀྱི་དུབ་པ་བསང་ཕྱིར་སྤྱོད་ལམ་རྣམ་བཞི་བག་ཡོད་ཞི་དུལ་ཚུལ་གནས་མཛེས་ཤིང་དྭངས་སྤྲོ་བས་སྐྱོ་བསང་གི་དགའ་སྟོན་སོགས་དང་འབྲེལ་བར་ཞག་བདུན་ལ་སོགས་པར་ཅི་བདེར་རྒྱུ། གལ་ཏེ་ལྗོངས་རྒྱུ་སོགས་ལ་མི་སྤྲོ་བ་ཞིག་ཡིན་ཏུ་ཟིན་ཀྱང་དབྱར་ཁས་བླང་ཕྱིན་དགག་དབྱེ་གྲོལ་ནས། དབྱར་གནས་པ་ནས་ཕྱི་རོལ་ལོགས་སུ་གོམ་པ་བརྒྱད་ཅུ་ཙམ་མ་སོང་ན་ཉེས་བྱས་ཡིན་པར་གསུངས་པས་ལྗོངས་རྒྱུའི་གཡབ་གུར་སོགས་ཡོད་ན་དེར་འབྱོན་པ་ཡིན་ནོ། །ཞེས་གསུང་པ་བཞིན།

དྲི་ཞིམ་སྤོས་ཀྱིས་སྣེ་དྲངས་ཏེ་རྒྱ་གླིང་དང་ཆོས་དུང་དཀར་མོའི་བསུ་བ་དང་བཅས། མཁན་པོ་གནས་བརྟན་བགྲེས་གཞོན་གོ་རིམ་བཞིན་འཁར་གསིལ་ཕྱག་ཏུ་བསྣམས་ཏེ་ངང་པའི་དལ་འགྲོས་དང་བཅས་སྤྱོད་ལམ་མཛེས་སྡུག་ཚུལ་ལྡན་གྱི་ཐོག ལུས་སེམས་སྤྲོ་བས་རབ་ཏུ་བརྟས་པའི་སྒོ་ནས་ལྗོངས་སུ་རྒྱུ་བའི་བརྙན་པར་འགའ་ཞིག་དད་ལྡན་ཚོ་ལ་སྤྱན་འབུལ་ཞུ།

12/08/2026

༄༅། །མདོ་རྩ་བ་ལས། དབྱར་གནས་པས་དགེ་འདུན་ལ་མཐོང་བ་དང་ཐོས་པ་དང་དོགས་པ་དག་གིས་དགག་དབྱེ་བྱའོ། །དབྱར་རྣམས་ཀྱི་ཐ་མའི་ཉིན་ལའོ། །ཞེས་དང་། ཚེས་བཅུ་བཞིའི་མཚན་ཐོག་ཐག་ཏུ་ཆོས་མཉན་པ་སྦྱིན་པར་བྱའོ། །ཞེས་དང་། དགེ་སློང་དགག་དབྱེ་བྱེད་པ་བསྐོ་བར་བྱའོ། །ཞེས་དང་། དེས་རྩྭ་དཱུར་བ་བྲིམ་པར་བྱའོ། །ཞེས་དང་། རང་གི་རྫས་གང་ཡང་རུང་བ་ཐ་ན་ཁབ་ཙམ་གྱིས་ཀྱང་དགེ་འདུན་ལ་རྫས་ཀྱི་དགག་དབྱེ་བརྩམ་པར་བྱ་སྟེ། ཞེས་གསུངས་པ་བཞིན། འདི་ག་དཔལ་བཀའ་བརྒྱུད་ཐེག་ཆེན་གླིང་གི་དགེ་སློབ་ཡོངས་ནས་དབྱར་གནས་པ་ལེགས་པར་གྲུབ་སྟེ། སྤྱི་ལོ་ ༢༠༢༦ ཟླ་བ་ ༨ ཚེས་ ༡༡ ཏེ་མར་ངོའི་ཚེས་བཅུ་བཞི་ཉིན་དགག་དབྱེའི་སྟ་གོན་དུ་མཚན་ཐོག་ཐག་གི་ཆོས་འཆད་མཉན་གྱིས་མཚན་འདའ་བར་མཛད། སླར་ཡང་དེ་རིང་ཞོགས་པ་དགག་དབྱེ་བྱེད་པ་བསྐོས་ཤིང་དེས་རྩྭ་ཀུ་ཤ་བྲིམས་རྗེས་ལྟུང་བའི་དགག་དབྱེ་དངོས་བཞི་གནང་། མཐར་དགག་དབྱེ་བྱས་པའི་དགེ་འདུན་ཐམས་ཅད་དགེ་ལེགས་ཀྱི་བསམ་པ་ཅན། བྱམས་པའི་བསམ་པ་ཅན་ཡིན་པས་བསོད་ནམས་ཀྱི་ཞིང་མཆོག་ཏུ་གྱུར་པ་ཡིན་པ་ལ་རྫས་ཀྱི་རྙེད་པ་གང་ཡོད་འབུལ་བའི་སྒོ་ནས་རྫས་ཀྱི་དགག་དབྱེ་མཛད་དེ་གཞི་གསུམ་གྱི་ཆོ་ག་ལས་དགག་དབྱེའི་ཆོ་གའི་མཇུག་ལེགས་པར་གྲུབ། དེ་དང་འབྲེལ་བའི་སྐུ་པར་འགའ་ཞིག་དགྱེས་གཟིགས་ཡོང་བའི་ཆེད་རྣམ་པ་ཚོ་ལ་སྤྱན་འབུལ་ཞུ།

11/08/2026

༄༅། །སྤྱི་ལོ་ ༢༠༢༦ ཟླ་ ༨ ཚེས་ ༡༡ ཉིན་འདི་ག་གཞི་རིམ་སློབ་གྲྭ་དྷརྨ་ཤྲཱིའི་ལོ་ཕྱེད་ཡིག་རྒྱུགས་ཀྱི་གྲུབ་འབྲས་གསལ་བསྒྲགས་གནང་བཞིན་པའི་བརྙན་པར་རོ། །

Celebrating hard work and achievement: Dharma Shri School's Half Yearly Results, captured beautifully!