30/08/2026
श्री खंडोबा देवता व लिंग कडेपठार ट्रस्ट, जेजुरी अंतर्गत
“श्री अन्नपूर्णामाता अन्नछत्र” द्वारे तीर्थक्षेत्र श्री कडेपठार (मुळस्थान), जेजुरी गडावर दर्शनासाठी येणाऱ्या भाविकांना दररोज मोफत अन्नदान सेवा दिली जाते, अनेक भाविक या सेवेचा लाभ घेत असतात. देवस्थान तर्फे चालविण्यात येणाऱ्या या अन्नछत्राचे हे चौथे वर्ष आहे. आज दिनांक ३०.०८.२०२६ पासून श्री खंडोबा देवता व लिंग कडेपठार ट्रस्ट, जेजुरी या न्यासामार्फत एक अत्यंत महत्वपूर्ण म्हणण्यापेक्षा एक पर्यावरण पूरक निर्णय घेण्यात आला तो म्हणजे इथूनपुढे या अन्नछत्राद्वारे देण्यात येणाऱ्या अन्नसेवेत केवळ पर्यावरण पूरक अश्या नैसर्गिक पानां पासून बनविण्यात येणाऱ्या पानांच्या पत्रावळींचाच वापर करण्यात येणार येतील. याचीच सुरुवात म्हणून आज सर्व भाविकांना “नैसर्गिक पानांच्या पत्रावळी” द्वारेच अन्नसेवा देण्यात आली. या पर्यावरण पूरक अन्नसेववेची शुभ सुरुवात आपले कडेपठार वारकरी मंडळाबरोबर अन्नग्रहण करून करण्यात आली. या बाबत माहिती देताना ऍड. मंगेश जेजुरीकर यांनी फॉईल किंवा प्लास्टिक कोटेड लिवा थर्माकॉलच्या पत्रावळींवर गरम जेवण जेवल्यास त्याचे शरीरावर होणाऱ्या दुष्परिणामांवर प्रकाश टाकला आणि या पर्यावरणास तसेच पशु पक्षांना, गुरे गाढवांना देखील किती घातक ठरू शकतात याबाबत उपस्थितांमध्ये प्रबोधन केले.
ज्या भाविकांना वस्तुरूपी पत्रावळी अन्नछत्रास द्यावयाच्या आहेत त्यांनी केवळ पर्यावरण पूरक “नैसर्गिक पानांच्या पत्रावळीच” अन्नछत्रास द्याव्यात, इतर प्रकारच्या पत्रावळी देवस्थांकडून स्वीकारल्याच जाणार नाहीत असे आवाहन श्री जेजुरीकर यांनी समस्त भाविकांना यावेळी केले.
या पर्यावरण पूरक उपक्रमासाठी सौ. अलकाताई शिंदे, जिल्हा उपाध्यक्ष, भारतीय जनता पार्टी, पुणे जिल्हा, लायन्स क्लब, पूना सिटीचे प्रेसिडेंट श्री. दिपकजी थोरात, श्री. दिलीपजी बांदल, अध्यक्ष : श्री. लकडीपूल विठ्ठल मंदिर ट्रस्ट, पुणे, डॉ. रामदास कुटे, पत्रकार श्री. नितीनजी राऊत, ऍड. भोईटे, श्री. राजेश शिंदे, श्री. हरिभाऊ कुंभार, लायन्स क्लब, पूना सिटीचे श्री. दिलीपजी थोरात, श्री. प्रितेशजी केदारी, श्री. परेशजी गरुड हे आवर्जून उपस्थित होते.
-friendly fans NSS India CMOMaharashtra
