Shri Guru Ravidas ji Welfare Society, Rameana-Faridkot Punjab

27/05/2026

🌸 ਚੇਤਨਾ ਸਮਾਗਮ🌸

ਮਿਤੀ 27, 28 ਅਤੇ 29 ਮਈ ਨੂੰ ਧੰਨ ਧੰਨ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਚਰਨ ਛੋਹ ਪ੍ਰਾਪਤ ਪਵਿੱਤਰ ਧਰਤੀ ਪਿੰਡ ਰਾਮੇਆਣਾ, ਤਹਿਸੀਲ ਜੈਤੋ, ਜਿਲ੍ਹਾ ਫਰੀਦਕੋਟ(ਪੰਜਾਬ) ਵਿਖ਼ੇ ਭਾਈ ਰਣਜੀਤ ਸਿੰਘ ਢੱਡਰੀਆਂ ਵਾਲਾ ਜੀ ਦੇ ਦੀਵਾਨ ਸਜਾਏ ਜਾ ਰਹੇ ਹਨ..!!!

ਸੰਗਤਾਂ ਇਸ ਪਵਿੱਤਰ ਮੌਕੇ ਦਾ ਲਾਭ ਉਠਾਉਣ ਅਤੇ ਆਤਮਿਕ ਸ਼ਾਂਤੀ ਦਾ ਅਨੰਦ ਪ੍ਰਾਪਤ ਕਰਨ 🙏✨

ਵਲੋਂ
ਸ੍ਰੀ ਗੁਰੂ ਰਵਿਦਾਸ ਜੀ ਵੈਲਫ਼ੇਅਰ ਸੁਸਾਇਟੀ (ਰਜਿ.)
ਪਿੰਡ ਰਾਮੇਆਣਾ, ਜੈਤੋ, ਫਰੀਦਕੋਟ

25/04/2026

ਸਲਾਨਾ ਧਾਰਮਿਕ ਸਮਾਗਮ ਅਤੇ ਕੀਰਤਨ ਦਰਬਾਰ

ਮਿਤੀ 26 ਅਪ੍ਰੈਲ 2026 ਦਿਨ ਐਤਵਾਰ ਨੂੰ ਅਸਥਾਨ ਡੇਰਾ ਬਾਬਾ ਪਿੱਪਲ ਦਾਸ ਜੀ, ਗਿੱਲ ਪੱਤੀ ( ਬਠਿੰਡਾ ) ਵਿਖ਼ੇ ਗੁਰੂ ਰਵਿਦਾਸ ਜੀ ਨਾਮ ਲੇਵਾ ਸੰਗਤਾਂ ਵਲੋਂ ਧਾਰਮਿਕ ਸਮਾਗਮ ਕਰਵਾਇਆ ਜੀ ਰਿਹਾ ਹੈ..!!!

ਆਪ ਸਭ ਨੂੰ ਪਰਿਵਾਰ ਸਮੇਤ ਇਸ ਧਾਰਮਿਕ ਸਮਾਗਮ ਵਿੱਚ ਹਾਜ਼ਰ ਹੋਣ ਲਈ ਸੱਦਾ ਦਿੰਦੇ ਹਾਂ 🙏🙏
Kanth Kaler

14/04/2026

ਖਾਲਸਾ ਸਾਜਨਾ ਦਿਵਸ ਅਤੇ ਵਿਸਾਖੀ ਦੀਆਂ ਦੇਸ਼ ਵਾਸੀਆਂ ਨੂੰ ਲੱਖ ਲੱਖ ਮੁਬਾਰਕਾਂ...!!🙏🙏

ਮਾਨਸ ਕੀ ਜਾਤ ਸਭੋ ਏਕ ਪਹਿਚਾਨਬੋ

13 ਅਪ੍ਰੈਲ 1699 ਨੂੰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਪੰਜ ਸ਼ੂਦਰਾਂ ਨੂੰ ਅੰਮ੍ਰਿਤ ਛਕਾ ਪੰਜ ਪਿਆਰਿਆਂ ਨੂੰ ਸਾਜਿਆ ਤੇ ਸ਼ੂਦਰਾਂ ਤੋਂ ਖਾਲਸੇ ਬਣਾ ਕੇ ਜਾਤ ਪਾਤ ਦੇ ਕੋਹੜ ਨੂੰ ਵੱਡ ਕੇ ਖਾਲਸਾ ਪੰਥ ਦੀ ਸਥਾਪਨਾ ਕੀਤੀ ਸੀ💐💐

ਅੱਜ ਦੇ ਪਵਿੱਤਰ ਦਿਵਸ ਉੱਤੇ ਗੁਰੂ ਸਾਹਿਬ ਜੀ ਨੂੰ ਕੋਟਿ ਕੋਟਿ ਨਮਨ ਕਰਦੇ ਹਾਂ 🙏🙏

14/04/2026

Dr. B. R. Ambedkar ਜੀ ਦੇ 135ਵੇਂ ਜਨਮ ਦਿਵਸ ਦੀਆਂ ਆਪ ਸਭ ਨੂੰ ਮੁਬਾਰਕਬਾਦ 🎉

ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ, ਸਮਾਜਿਕ, ਰਾਜਨੀਤਿਕ ਅਤੇ ਆਰਥਿਕ ਬਰਾਬਰੀ ਦੇ ਹੱਕ ਦਿਵਾਉਣ ਵਾਲੇ, ਸਮਾਨਤਾ ਦੇ ਪ੍ਰਤੀਕ, ਗਿਆਨ ਦਾ ਸੂਰਜ, ਭਾਰਤ ਦੇ ਮਹਾਨ ਸਪੂਤ, ਮਾਨਵਤਾ ਦੇ ਪੁੰਜ, ਹਰ ਵਰਗ ਨੂੰ ਸਮਾਨ ਅਧਿਕਾਰ ਦਿਵਾਉਣ ਵਾਲੇ, ਗਰੀਬਾਂ ਦੇ ਮਸੀਹਾ, ਔਰਤਾਂ ਨੂੰ ਆਜ਼ਾਦੀ ਦੇਣ ਵਾਲੇ, ਅਛੂਤਾਂ ਦੀ ਗੁਲਾਮੀ ਖਤਮ ਕਰਨ ਵਾਲੇ ਅਤੇ ਨਾਰੀ ਦੇ ਮੁਕਤੀਦਾਤਾ ਬਾਬਾ ਸਾਹਿਬ ਜੀ ਨੂੰ ਕੋਟਿ ਕੋਟਿ ਨਮਨ 🙏

ਆਓ ਇਸ ਪਾਵਨ ਦਿਨ ‘ਤੇ ਇਹ ਪ੍ਰਣ ਕਰੀਏ ਕਿ ਅਸੀਂ ਆਪਣੇ ਬੱਚਿਆਂ ਨੂੰ ਸਿੱਖਿਆ ਵੱਲ ਪ੍ਰੇਰਿਤ ਕਰੀਏ, ਹਰ ਵਰਗਾਂ ਅਤੇ ਧਰਮਾਂ ਦੇ ਸਾਰੇ ਲੋਕ ਮਿਲ ਜੁਲ ਕੇ ਆਪਸੀ ਭਾਈਚਾਰੇ ਅਤੇ ਪਿਆਰ ਸਤਿਕਾਰ ਨਾਲ਼ ਰਹਿਣ..!!!

ਆਪਣੇ ਹੱਕਾਂ ਲਈ ਜਾਗਰੂਕ ਹੋ ਕੇ ਹਰ ਅਨਿਆਂ ਦੇ ਖਿਲਾਫ ਸੰਘਰਸ਼ ਕਰੀਏ....!!🙏🙏

23/03/2026

"ਦਿਲ ਸੇ ਨਿਕਲੇਗੀ ਨਾ ਮਰ ਕਰ ਭੀ ਵਤਨ ਕੀ ਉਲਫਤ।
ਮੇਰੀ ਮਿਟੀ ਸੇ ਭੀ ਖੁਸ਼ਬੂ-ਏ-ਵਤਨ ਆਏਗੀ ।"

ਸ਼ਹੀਦੇ ਆਜ਼ਮ ਸਰਦਾਰ ਭਗਤ ਸਿੰਘ, ਸੁਖਦੇਵ ਅਤੇ ਰਾਜਗੁਰੂ ਜੀ ਦੀ ਸ਼ਹਾਦਤ ਨੂੰ ਕੋਟਿ ਕੋਟਿ ਪ੍ਰਣਾਮ🌹🌹🙏🙏🙏

01/02/2026

01/02/2026

🌼 ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਦੇ 649ਵੇਂ ਗੁਰਪੁਰਬ ਦੀ ਸਮੁੱਚੀ ਲੋਕਾਈ ਨੂੰ ਲੱਖ ਲੱਖ ਵਧਾਈ ਹੋਵੇ 🙏 🌼

ਸ੍ਰੀ ਗੁਰੂ ਰਾਵਿਦਾਸ ਜੀ ਦੀਆਂ ਸਿੱਖਿਆਵਾਂ ਸਾਨੂੰ ਜਾਤ-ਪਾਤ ਅਤੇ ਊਚ-ਨੀਚ ਤੋਂ ਉੱਪਰ ਉੱਠ ਕੇ ਕੇਵਲ ਮਾਨਵਤਾ ਦੇ ਧਰਮ ਨੂੰ ਅਪਣਾਉਣ ਦੀ ਪ੍ਰੇਰਨਾ ਦਿੰਦੀਆਂ ਹਨ। ਉਨ੍ਹਾਂ ਦੀ ਬਾਣੀ ਦੀਆਂ ਸਿੱਖਿਆਵਾਂ ਸਾਨੂੰ ਇਹ ਸਮਝਾਉਂਦੀਆਂ ਹਨ ਕਿ ਜੀਵਨ ਦੀ ਅਸਲ ਸਾਰਥਕਤਾ ਦੂਜਿਆਂ ਦੇ ਦਰਦ ਨੂੰ ਸਮਝਣ ਅਤੇ ਉਸ ਨੂੰ ਘਟਾਉਣ ਵਿੱਚ ਹੈ।

ਗੁਰੂ ਜੀ ਨੇ ਸਦੀਆਂ ਪਹਿਲਾਂ ਹੀ ਅਜਿਹੇ ਲੋਕਤਾਂਤਰਿਕ ਸਮਾਜ ਦੀ ਸਿਰਜਣਾ ਦਾ ਸੰਦੇਸ਼ ਦਿੱਤਾ ਸੀ, ਜਿੱਥੇ ਕੋਈ ਦੁੱਖੀ ਨਾ ਹੋਵੇ ਅਤੇ ਹਰ ਮਨੁੱਖ ਨੂੰ ਮੁੱਢਲੀਆਂ ਜ਼ਰੂਰਤਾਂ ਪ੍ਰਾਪਤ ਹੋਣ। ਸਮਾਨਤਾ, ਦਇਆ ਅਤੇ ਨਿਆਂ ‘ਤੇ ਆਧਾਰਿਤ ਅਜਿਹੀ ਵਿਵਸਥਾ ਬਣਾਉਣ ਦੀ ਕੋਸ਼ਿਸ਼ ਕਰਨਾ ਹੀ ਸੱਚੇ ਅਰਥਾਂ ਵਿੱਚ ਗੁਰਪੁਰਬ ਮਨਾਉਣਾ ਹੈ🙏🙏🙏

28/01/2026

*ਪ੍ਰਕਾਸ਼ ਦਿਵਸ*

ਧੰਨ ਧੰਨ ਸ੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ 649ਵਾਂ ਆਗਮਨ ਪ੍ਰਕਾਸ਼ ਦਿਵਸ ਪਿੰਡ ਰਾਮੇਆਣਾ (ਜਿਲ੍ਹਾ ਫਰੀਦਕੋਟ) ਵਿਖੇ ਸਾਰੇ ਪਿੰਡ ਦੀ ਸੰਗਤ ਦੇ ਸਹਿਯੋਗ ਨਾਲ ਬੜੀ ਸ਼ਰਧਾ, ਸਤਿਕਾਰ ਅਤੇ ਭਗਤੀ ਭਾਵ ਨਾਲ ਮਿਤੀ 01 ਫਰਵਰੀ (ਐਤਵਾਰ) ਨੂੰ ਪੁੰਨਿਆ ਵਾਲੇ ਦਿਨ ਮਨਾਇਆ ਜਾਵੇਗਾ।
ਸਮੂਹ ਸੰਗਤ ਨੂੰ ਪ੍ਰਕਾਸ਼ ਦਿਵਸ ਵਿੱਚ ਪਹੁੰਚਣ ਲਈ ਬੇਨਤੀ ਕੀਤੀ ਜਾਂਦੀ ਹੈ🙏

— ਵਲੋਂ —
ਸ੍ਰੀ ਗੁਰੂ ਰਵਿਦਾਸ ਜੀ ਵੈਲਫ਼ੇਅਰ ਸੁਸਾਇਟੀ, ਪਿੰਡ ਰਾਮੇਆਣਾ, ਤਹਿਸੀਲ ਜੈਤੋ (ਫਰੀਦਕੋਟ)

27/01/2026

🇮🇳 77ਵੇਂ ਗਣਤੰਤਰ ਦਿਵਸ ਦੀਆਂ ਸਾਰਿਆਂ ਦੇਸ਼ ਵਾਸੀਆਂ ਨੂੰ ਦਿਲੋਂ ਵਧਾਈਆਂ 🇮🇳

ਭਾਰਤੀ ਸੰਵਿਧਾਨ ਹਰ ਨਾਗਰਿਕ ਨੂੰ ਬਰਾਬਰੀ, ਮਾਣ-ਸਨਮਾਨ ਅਤੇ ਸੁਤੰਤਰ ਅਧਿਕਾਰ ਦਿੰਦਾ ਹੈ। ਇਹ ਸਿਰਫ ਕਾਨੂੰਨ ਨਹੀਂ, ਸਗੋਂ ਸਮਾਨਤਾ, ਇਨਸਾਫ ਅਤੇ ਸਰਬੱਤ ਦੇ ਭਲੇ ਦੀ ਰਾਹਦਾਰੀ ਹੈ।
ਆਓ, ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਜੀ ਦੇ ਸੁਪਨਿਆਂ ਨੂੰ ਸਾਕਾਰ ਕਰਦਿਆਂ ਸੰਵਿਧਾਨ ਨੂੰ ਪੜ੍ਹੀਏ, ਸਮਝੀਏ ਅਤੇ ਪੂਰੀ ਤਰ੍ਹਾਂ ਲਾਗੂ ਕਰਨ ਲਈ ਯਤਨ ਕਰੀਏ 🙏

ਯਾਦ ਕਰੋ ਅੱਜ ਦੇ ਦਿਨ, 27 ਜਨਵਰੀ 1950 ਦੀ ਉਹ ਸੋਹਣੀ ਸਵੇਰ, ਜਦੋਂ ਚਾਰੇ ਪਾਸੇ ਸਮਾਨਤਾ ਅਤੇ ਬਰਾਬਰੀ ਦੀ ਖੁਸ਼ਬੂ ਮਹਿਕੀ...🌹🌹

ਸਦੀਆਂ ਤੋਂ ਦਬੇ-ਕੁਚਲੇ ਅਤੇ ਗਰੀਬ ਪੱਛੜੇ ਸਮਾਜ ਨੂੰ ਸਵੈ-ਮਾਣ ਨਾਲ ਜਿਉਣ ਅਤੇ ਸਮਾਨਤਾ ਦਾ ਹੱਕ ਮਿਲਿਆ..!!!

12 ਵੀਂ ਸਦੀ ਤੋਂ ਲੈ ਕੇ 18 ਵੀਂ ਸਦੀ ਤੱਕ ਭਾਰਤ ਦੇਸ਼ ਵਿੱਚ ਹੋਏ ਸੰਤ ਮਹਾਤਮਾਵਾਂ ਅਤੇ ਗੁਰੂਆਂ ਦੇ ਸੁਪਨਿਆਂ ਨੂੰ ਅਮਲੀ ਜਾਮਾ ਪਹਿਨਾਉਣ ਵਾਲੇ ਮਹਾਨ ਇਨਸਾਨ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਜੀ ਨੂੰ ਕੋਟਿ-ਕੋਟਿ ਪ੍ਰਣਾਮ 🙏🙏

23/01/2026

🌺 ਜਗਤ ਗੁਰੂ ਸ੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ 🌺

ਜਨਮ: ਸੰਨ 1433 ਈ., ਸੀਰ ਗੋਵਰਧਨਪੁਰ, ਬਨਾਰਸ (ਉੱਤਰ ਪ੍ਰਦੇਸ਼)
ਪਿਤਾ ਜੀ: ਸ੍ਰੀ ਮਾਨ ਸੰਤੋਖ ਦਾਸ ਜੀ
ਮਾਤਾ ਜੀ: ਸ੍ਰੀ ਮਤੀ ਕਲਸੀ ਦੇਵੀ ਜੀ
ਪਤਨੀ: ਸ੍ਰੀ ਮਤੀ ਲੋਨਾ ਜੀ
ਪੁੱਤਰ: ਸ੍ਰੀ ਵਿਜੈ ਦਾਸ ਜੀ

ਜੋਤੀ ਜੋਤ ਸਮਾਉਣਾ:
ਹਾੜ ਦੀ ਸੰਗਰਾਂਦ, 1528 ਈ., ਬਨਾਰਸ

📖 ਸ੍ਰੀ ਗੁਰੂ ਰਵਿਦਾਸ ਜੀ ਦੇ ਜੀਵਨ ਨਾਲ ਸਬੰਧਿਤ ਮਹੱਤਵਪੂਰਨ ਤੱਥ
ਦਾਦਾ ਜੀ: ਕਾਲੂ ਜੀ
ਦਾਦੀ ਜੀ: ਲਖਪਤੀ ਜੀ
ਜਾਤੀ: ਚਮਾਰ
ਗੋਤ: ਜੱਸਲ
ਪਿਤਾ ਪੁਰਖੀ ਕਿੱਤਾ: ਚੰਮ ਦਾ ਕੰਮ

📜 ਬਾਣੀ ਸੰਬੰਧੀ
ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਵਿੱਚ ਬਾਣੀ: 40 ਸ਼ਬਦ ਅਤੇ 1 ਸ਼ਲੋਕ
ਬਾਣੀ ਦੇ ਰਾਗ: 16
ਇਕ ਸ਼ਬਦ ਦੋ ਵਾਰ ਦਰਜ

🤝 ਸਮਕਾਲੀ ਸੰਤ ਮਹਾਪੁਰਸ਼
ਗੁਰੂ ਕਬੀਰ ਜੀ, ਗੁਰੂ ਨਾਨਕ ਦੇਵ ਜੀ, ਰਾਮਾਨੰਦ ਜੀ, ਰਾਜਾ ਪੀਪਾ, ਭਗਤ ਸੈਣ ਜੀ, ਧੰਨਾ ਜੀ, ਭਗਤ ਭੀਖਨ ਜੀ, ਭਗਤ ਬੇਨੀ ਜੀ ਆਦਿ

🌍 ਪ੍ਰਮੁੱਖ ਅਸਥਾਨ
ਖੁਰਾਲਗੜ੍ਹ (ਜ਼ਿਲ੍ਹਾ ਹੁਸ਼ਿਆਰਪੁਰ) – ਪੰਜਾਬ ਦਾ ਮੁੱਖ ਅਸਥਾਨ
ਨੇੜਲਾ ਸ਼ਹਿਰ: ਗੜਸ਼ੰਕਰ
ਕਾਂਸ਼ੀ: ਇਮਲੀ ਦੇ ਦਰੱਖਤ ਹੇਠ ਬੰਦਗੀ

⚖️ ਸਮਾਜਿਕ ਕ੍ਰਾਂਤੀ
ਗੁਰੂ ਜੀ ਨੇ ਜਾਤ-ਪਾਤ, ਊਚ-ਨੀਚ ਦੇ ਭੇਦਾਂ ਨੂੰ ਤੋੜ ਕੇ
ਬਰਾਬਰੀ, ਸਿੱਖਿਆ, ਭਗਤੀ ਅਤੇ ਸਮਾਜਿਕ ਅਧਿਕਾਰਾਂ ਲਈ ਜਾਗਰੂਕਤਾ ਫੈਲਾਈ।

🏙️ ਆਦਰਸ਼ ਸਮਾਜ ਦੀ ਕਲਪਨਾ
ਬੇਗ਼ਮੁਪੁਰਾ ਸ਼ਹਿਰ —
ਜਿੱਥੇ ਜਾਤ-ਪਾਤ, ਗਰੀਬੀ, ਦੁੱਖ, ਟੈਕਸ ਅਤੇ ਭੇਦਭਾਵ ਨਾ ਹੋਵੇ।

✨ ਪ੍ਰਮੁੱਖ ਸ਼ਲੋਕ (ਭਾਵ ਅਰਥ ਸਹਿਤ)

ਹਰਿ ਸੋ ਹੀਰਾ ਛਾਡਿ ਕੈ, ਕਰਹਿ ਆਨ ਕੀ ਆਸ ॥
ਤੇ ਨਰ ਦੋਜਕ ਜਾਹਿਗੇ, ਸਤਿ ਭਾਖੈ ਰਵਿਦਾਸ ॥

ਭਾਵ ਅਰਥ:
ਜੋ ਮਨੁੱਖ ਪਰਮਾਤਮਾ ਦੇ ਨਾਮ-ਰੂਪੀ ਹੀਰੇ ਨੂੰ ਛੱਡ ਕੇ ਹੋਰ ਆਸਾਂ ਵਿੱਚ ਫਸਦਾ ਹੈ,
ਉਹ ਆਤਮਕ ਪਤਨ ਵੱਲ ਜਾਂਦਾ ਹੈ — ਇਹ ਸੱਚ ਗੁਰੂ ਰਵਿਦਾਸ ਜੀ ਉਚਾਰਨ ਕਰਦੇ ਹਨ।

🌺🌺 ਧੰਨ ਧੰਨ ਸ੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ 🌺🌺